- Detalhes
- Escrito por Mateus Goncalves
- Visualizações: 139
Universidade Nacional Timor Lorosa'e (UNTL) nia estudante na’in atus ida ualu (108) husi Faculdade de Turismo Arte, Indústrias Criativas e Culturais (FTAICC) konsege hala’o atividade oioin tantu fíziku no non-fíziku durante Estájiu Servisu Sosiál (ESS) iha Munisípiu Ataúro.
Relasiona ho atividade sira reprezentante Komunidade Sra. Marta Joaquim Pessoa agradese ba estudante sira, tanba sira bele prodús lixu-fatin nomós fó formasaun ba komunidade no estudante sira kona-ba oinsá kuidadu fatin turismu sira iha área Atauro nian.
"Ha'u agradese ba oan estudante sira mai estájiu iha ne'e, tanba sira mai halo ona Lixu fatin no fahe formasaun. Sira mós halo turismu komunitáriu iha tasi ibun, besik kedas baibain pasajeiru sira ba mai nian", agradese Marta.
Estajiáriu Nicodemos Santa da Costa hatete, atividade ne'ebé sai prioridade ba sira, durante Estájiu Servisu Sosial mak hanesan, atividade Fiziku (Halo Lisu fatin, Photo Rood, Halo Kuadru Avizu) no Non-Fiziku (Halo sosializasaun ba kada eskola no fo formasaun lian Inglés no seluk tan ba estudante).
"Atividade ne'ebé tuir prioridade mak, durante estájiu atividade fiziku mak ami halo lixu-fatin, hadia komunidade nia haris-fatin, kria mós Photo Rood. Enkuantu atividade non-fiziku mak halo sosializasaun ba kada eskola no ami mós fahe koñesimentu sira hanesan, lian Inglés no formasaun sira seluk", dehan Nicodemos.
Iha sorin seluk reprezentante, Inan-Aman Teresa Soares husi Suku Vila Maumeta, esplika atividade ne'ebé sira halo mak kria Lixu fatin rua no fo formasaun tama sai eskola, ne'ebé importante ba komunidade Ataúro.
"Ha'u kontente loos, tanba sira mai halo ona sampah fatin rua no ha’u haree sira fahe informasaun iha eskola sira. Ha’u hanoin loos sira, tanba mai ha’u haree nu'udar ha’u-nia oan rasik no ha'u hato'o hela lia menon ba sira katak, eskola halo didi’ak to remata", dehan reprezentante Inan-Aman Teresa.
Média UNTL 
: Leonia de Araújo da Costa
: Leonia de Araújo da CostaFoto 
: Mario Jonio Mendonça & Domingos Amaral
: Mario Jonio Mendonça & Domingos Amaral- Detalhes
- Escrito por Mateus Goncalves
- Visualizações: 130
Universidade Nacional Timor-Lorosa’e (UNTL) nia Faculdade de Ciências Sociais liuhusi Departamento de Comunicação Social (DCS) realiza atividade espozisaun ho tema “Papél Média Liuhusi Aprezentasaun Espozisaun Obra Estudante” durante loron tolu, iha Kampus Kaikoli FCS, Díli (03/10).
Iha diskursu Diretór DCS Profesór Roberto da Costa Pacheco hateten, atividade ne’e importante tebes ba estudante sira atu partilla sira-nia koñesimentu ho espozisaun foto, filme dokumentáriu no semanáriu, tanba atividade sira hanesan ne’e sei la hetan iha aula laran.
“Atividade ne’e estrakurrikulár ne’ebé estudante sira sei la hetan iha aula-laran, tanba ne’e aproveita didi’ak atu sai naroman no ibun ba sosiedade, presiza kadi bebeik ita nia kakutak, tanba iha ita-nia slogan katak bainhira ha’u la lee oinsá atu hakerek, nune’e ita boot sira mós atu haklean koñesimentu liuhusi prátika foti foto jornalizmu no filme dokumentáriu balu ida ne’ebé di’ak liu”, dehan Diretór.
Iha fatin hanesan, Sekretáriu Estadu Komunikasaun Sosial ( SEKOMS), S.E Espedito Dias Ximenes hateten, papél média importante iha dezenvolvimentu nasaun nian, liuhusi media konvensionál hanesan televizaun, radiu, jornal nomós plata forma dijitál sira.
“Ha’u hein katak estudante komunikasaun sosial sira iha futuru bele sai jornalista iha Timor-Leste, tanba teoria ne’ebé durante ne’e imi hetan iha departamentu konserteza presiza mós esperiénsia iha terenu hodi halo prátika bazeia ba teoria ne’ebé imi hetan”, dehan SEKOMS.
Atividade expozisaun ne’e abertura husi Sekretáriu Estadu Komunikasaun Sosial, S.E. Espedito Dias Ximenes no partisipa husi Vise-Dekanu Asuntu Akadémiku Profesór José da Magno ho estrutura Faculdade Ciências Sociais nian, dosente, konvidadu no estudante Komunikasaun Social UNTL no UNITAL.
Média UNTL : Domingos Amaral
: Domingos AmaralFoto : Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 130
Universidade Nacional Timor Lorosa’e (UNTL) nia Visereitora ba Asuntu Estudantís (GVRAE) Profesora Lígia Tomás Correia servisu hamutuk ho UN Women, FOKUPERS no membru Grupu Traballu Tékniku (GTT) enkontru hodi aprezentasaun rezultadu relatóriu finál ba programa Inisiativa Kampus Seguru nian.
Iha salaun Auditóriu Ministério da Justica, Díli (3/10), ho objetivu hodi haree progresu sira husi parte UN Women, FOKUPERS no PRAPA ba programa Inisiativa Kampus Seguru ba parte hotu nia kontribuisaun no kompromisiu durante ne’e. Aleinde ne’e mós aprezenta preparasaun planu ba programa inisiativa kampus seguru ba tinan 2025.
Partisipa husi Xefe Departamentu Planu no Finasas Sr. Januario Exposto, Dosente, representante UNWOMEN nian iha Timor Leste Sra. Nuntana Tangwinit ho ekipa, FOKUPERS no Grupu Traballu Tékniku Inisiativa Kampus Seguru.
Média UNTL : Eugenia de Jesus
: Eugenia de JesusFoto : Laurindo da Cruz
: Laurindo da Cruz- Detalhes
- Escrito por Mateus Goncalves
- Visualizações: 132
Universidade Nacional Timor Lorosa’e (UNTL) Faculdade Educação Artes e Humanidade (FEAH), liuhusi Departmento de Língua Tetum (DLP) no Departamento de Língua Portuguesa (DLP) lansa Revista Akadémiku Online “Dadolin: Linguas e Literaturas”, iha Resintu Kampus Liceu, Díli (01/10).
Iha Diskursu Visereitór ba Asuntu Akadémika no Garantia Kualidade hatete, lori UNTL nia naran agradese ba parte hotu nia esforsu hodi lansa Jornál Akadémiku ne’ebé sai Produtu Sientífiku ba departamentu rua nian.
“Ha’u hakarak kongratula no agradese ba esforsu ne’e ho inisiativa ne’ebé halo hodi kria revista sientífika ho naran Dadolin ne’ebé foka liuba língua no literatura.
Ida-ne’e la’ós buat ida ne’ebé fasil maibé serbisu ho kuidadu tebes, ohin ita sente prezensa revista Dadolin ne’ebé sai hanesan produtu Sientífiku husi Departamentu rua ne’e nian”, hateten Visereitór Sousa.
Ministra Conselheira da Embaxada do Brasil, Sra. Rita Marques hatete, ho Revista Akadémika ne’e UNTL bele avansa liutan no sai hanesan ai-riin koñesementu nian iha área Lian no Literatura.
“Avansa liutan dalan maturidade akadémika hosi UNTL, ita laiha dúvida kona-ba importánsia hosi revista ba Faculdade Educação Artes e Humanidades, aliende ne’e nia mós sai hanesan ai-riin koñesimentu nian ba lian no literatura portugés no tetun. Revista ne’e sei sai hanesan kanál importante ida ba matenek-na'in sira atu fahe entre sira ho sira no ba públiku ne'ebé iha interese ba sira nia investigasaun atu asesu” hatete, Ministra Conselleiro Embaixada Brazil iha Timor-Leste.
Diretór DLT Prof. Duarte Leite Billy hateten, prezensa revista hanesan parte pozitivu ida atu responde ba ezijénsia husi ANAAA (Agência Nacional para Avaliaçãoe Acreditação Adamémica) nomós baze ba produtu sientífiku sira.
“Prezensa revista Dadolin iha departamentu rua hanesan parte ida hodi responde ba ezijénsia, ANAAA, nune’e mós baze ba konsolidasaun peskiza no produtu sientífiku husi profesór sira. Tanba ne’e ami agradese ba Profesora Erica no Profesór Vicente Paulino ne’ebé inisia ideia kriasaun revista Dadolin ida-ne’e no ba serbisu makaas ne’ebé profisionál sira halo ba edisaun dahuluk ne’ebé susesu”, tenik Profesór.
Revista Akadémika Online ne’e hanesan baze ida ba produtu sientífiku husi DEL no DEP atu bele públika artigu sientífiku sira. Enkuantu atividade refere hetan apoiu husi Embaxada Brazil iha Timor-Leste no Leitorado Guimarães Rosa UNTL, Fakuldade Educação Arte e Humanidades, Profesór Vicente Paulino no parte relevante sira.
Média UNTL : Jaimito Caldas (estajiáriu)
: Jaimito Caldas (estajiáriu)Foto : Agostinho da Cruz
: Agostinho da Cruz- Detalhes
- Escrito por Mateus Goncalves
- Visualizações: 266
Universidade Nacional Timor Lorosa’e (UNTL) nia Faculdade de Agricultura (FAGRI) desloka tan estudante hamutuk atus rua ruanulu resin ualu (228) ba iha Munisípiu Aileu, hala’o Estájiu Servisu Sosial (ESS) durante fulan rua iha Munisípiu Aileu hahú 02 Outubru to’o 02 Dezembru 2024.
Dekanu Faculdade de Agricultura Prof. Dr. Vicente de Paulo Correia hatete, tinan ne’e FAGRI desloka estudante hamutuk 228 husi departamentu 5 hanesan Departamentu Agro-Pecuaria, Agronomia, Pescas no Siénsias Mariña no Saúde Animal mak hala’o ESS iha Munisípiu Aileu.
“Tinan ida-ne’e ita foti Aileu hanesan fatin estájiu no eskolla suku hamutuk sanulu husi Postu Administrativu Aileu-Vila no Postu Administrativu Remixiu, mak hanesan fatin estájiu ba FAGRI ho total estudante hamutuk 228”, dehan Dekanu FAGRI iha Kampus Sentrál UNTL nian, Díli (2/10).
Dekanu mos enkoraja estajiariu sira, atu hatudu komportamentu diak hanesan estudante UNTL, liuliu Faculdade de Agricultura nune’e mos koopera di’ak ho Autoridade Lokal no Komunidade sira iha fatin estájiu nian.
Estajiáriu 228 koloka ba iha Postu Administrativu Aileu iha Suku Liurai (24), Lahae (24), Seloi Malere (23), Fahi-Soi A (23), Baududato (24). Enkuantu Postu Administrativu Remixio iha Suku Fahi-Soi B (21), Fadalogo (20), Hautaho (25), Maumeta (22), Tulataqeu (22).
Média UNTL : Agostinho da Cruz
: Agostinho da CruzFoto : Jaimito Caldas (estajiáriu)
: Jaimito Caldas (estajiáriu)