- Detalhes
- Escrito por Mateus Goncalves
- Visualizações: 157
Universidade Nacional Timor Lorosa'e (UNTL), nia Faculdade de Engenharia Ciência e Tecnologia (FECT), liuhusi Departamento de Engenharia Mecánica (DEM), hetan re-avaliasaun husi Agência Nacional Para Avaliação e Acreditação Académica, I.P, iha Sala-enkontru FECT Hera, Díli (17/10).
Visereitór ba Asuntu Akadémika no Garantia Kualidade, Profesór Dr. Samuel Venâncio de Sousa Freitas, hateten iha tinan 2018 kursu Enjeñaria Mekánika halo avaliasaun dahuluk hetan valór B, nune'e ho mudansa no progresu ne'ebé iha área oin-oin ba dosente, kurríkulu, infraestrutura no fasilidade bele hetan progresu di'ak.
"Iha tinan 2018 departamentu ne’e hetan avaliasaun dahuluk ho valór B, no ita hein katak liuhusi re-avaliasaun ne'ebé halo husi ANAAA bele hetan progresu ne'ebé di'ak hodi kontribui ba hadia kualidade iha universidade liuliu departamentu", dehan Visereitór.
Iha sorin seluk, Diretór DEM, Profesór Mario M. Cabral, hatete preparasaun re-avaliasaun ba DEM ne'e kuaze tinan ida hodi priense dokumentu hodi submete ba DNAA no ANAAA, tuir evidénsia ne'ebé iha.
"Tinan lima liubá ami halo avaliasaun hetan valor B, maibé iha tempu ne'ebá fasilidade mínimu tebes, maibé ami koko no halo esforsu no espera katak ami bele hetan valór exelente", dehan Diretór.
Avaliadór sira-ne'e, mai husi nasionál no internasionál mak hanesan, Prof. Ahmad Yasir husi Malásia, Mr. Andre Nono no Mr. José Ferreira no avaliasaun ne'e hala'o durante loron rua hahú husi 17 to'o 18 Outubru.
Partisipa husi Dekanu FECT, Profesór Adalfredo Ximenes, Diretór Ezekutivu ANAAA, I.P. Dr. Nilton D. Paiva Mau, Dosente no Funsionáriu husi DNAA nian.
Média UNTL 
: Denilson Amandio Barros
: Denilson Amandio BarrosFoto 
: Agostinho da Cruz e Silva
: Agostinho da Cruz e Silva- Detalhes
- Escrito por Mateus Goncalves
- Visualizações: 133
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D hamutuk ho reprezentante Ministériu Ensinu Superior Siénsia no Kultura (MESSK) Sr. Higino Alves, lansa filme dokumentáriu ho títulu "The Art of Teaching" iha Auditóriu Faculdade de Ciências Sociais (FCS) UNTL nian, Caicoli, Díli (17/10).
Reitór orgullu ho lansamentu ba filme dokumentáriu ho tema "The Art off Teaching" hanesan motivasaun ba públiku katak, kreativu no inovativu iha hanorin. Arte hanorin ne’e importante tebes ba profesór sira, nune'e hamoris aula, no prezisa talentu no presiza mós siensia oinsa atu partilla mensajen ba estudante sira, tanba ne'e parabéns ba produtór sira, tanba prodús filme furak tebes.
"Ha'u orgullu ho lansamentu filme dokumentáriu ne'e, tanba filme ho tema arte ba hanorin, signifika profesór sira tenke kriativu no inovativu hodi transmiti siénsia, no parabéns ba produtór sira (Sr. Hermenegildo Maia no apoiu husi José Fonseca), ho nia ideia ne’ebé nakonu ho kreativu no inovativu tebes no atu bele kontinua halo filme badak sira-nee, tanba informativu tebes atu hafanu ita hotu nia koñesimentu oioin liuhusi filme ne’e", dehan Reitór.
Reprezentante MESSK nia no atuál Diretór Diresaun Nacional Ensinu Superior hateten, lansamentu filme ne’e sai hanesan ezemplu ida ba dosente sira hotu no oinsa marka diferensia hodi motiva estudante sira, tanba públiku sempre kestiona eskola iha UNTL kleur maibé loloos ne’e depende ba ema idaidak.
"Filme ne'e nu'udar kriatividade ida husi produtór sira, ohin ita lansa ona video ne'e, iha video ne'e nia laran esplika klean ba ita kona-ba oinsá termina estudu iha UNTL tuir tempu, públiku kestiona katak UNTL ne'e eskola kleur, maibé realidade depende ba pesoal sira, maibé dosente sira mós sai orientadór motiva hodi enkoraja estudante sira hodi nafatin mai eskola nune'e sira bele finaliza, tanba UNTL iha moto katak sai sentru exelénsia, tenke hatudu duni ida-ne'e ba publiku", dehan Sr. Higino.
Produtór Filme, Sr. Hermenegildo Maia hatete, filme ida-ne'e atu inspira ema hotu oinsá bele finaliza estudu iha UNTL tuir tempu, tanba mosu aspirasaun iha públiku katak UNTL fó graduasaun kleur ba estudante sira, maibé iha Departamento de Comunicação Social la eziste, tanba dosente sira sempre buka nia estudante sira-ne'ebé laiha ona vontade, okupadu ho servisu ikus mai gradua tiha.
"Ha'u hakarak dehan katak, muda nasaun la'os hakilar tun sae uza toa, maibé liuhusi filme mós bele muda nasaun, ohin ita lansa filme kona-ba The Art of Teaching, husi filme ne'e atu inspira ba inan-aman, estudante no dosente sira atu hanoin katak UNTL la fó graduasaun kleur ba estudante sira maibé depende ba pesoal sira no dosente sira-nia maneira atu enkoraja no ezije estudante ninia vontade", dehan Produtór Maia.
Filme refere produz husi Sr. Hermenegildo Maia (Alumni DCS) no apoiu husi José Fonseca (Departamento de Desenvolvimento Comunitário-FCS), no pensonajen prinsipál mak Mestre Marcelino Ximenes Magno, nu’udar Diretór sesante DCS nian.
Partisipa iha lansamentu ne'e, Estrutura FCS, Diretór de Departamento de Comunicação Social, Mestre Roberto da Costa Pacheco, Diretora Ezekutivu Interina FDCH nian, Sra. Anastacia do Espirito Santo, Asesór Prinsipal ba Prezidente Repúblika nian, Sr. Alexandrino Xavier de Araújo, dosente, estudante no konvidadu sira.
Média UNTL : Leonia de Araújo da Costa & Jaimito Caldas (Estajiáriu)
: Leonia de Araújo da Costa & Jaimito Caldas (Estajiáriu)Foto : Leonia de Araújo, Domingos Amaral & Eugenia de Jesus
: Leonia de Araújo, Domingos Amaral & Eugenia de Jesus- Detalhes
- Escrito por Mateus Goncalves
- Visualizações: 161
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH, Ph.D, hamutuk ho estrutura no Sívitas Akadémika presta omenajen ikus ba maktoban Profesór Mateus Ximenes M.Si, iha Kampus Faculdade de Economia e Gestão (FEG), Díli (16/10).
Reitór UNTL hateten lori sívitas akadémika universidade nia naran, hato’o sentidu kondolénsia ba familia enlutada liuliu ba maktoban Profesór Mateus ne’ebé durante ne’e dedika nia an ba universidade liuliu FEG.
“UNTL sente triste, tanba lakon mestre ida ne’ebé dedika nia an ba universidade, assumi kargu nu’udar Diretór Departamento de Gestão, nune’e mós sai hanesan Fundadór ba Departamentu Kontabilidade no sai mós Diretór Departamento de Contabilidade.
Profesór Mateus asumi knaar ida ne’ebé naruk tebes hatudu katak nia dedikasaun ba UNTL ne’e boot tebes, hahú estabelese sistema kursu Jestaun no kursu Kontabilidade no husi nia rezultadu produz graduadu barak ne’ebé oras ne’e balun servi ona nasaun Timor-Leste”, dehan Reitór.
Reitór konvida sívitas akadémika UNTL nian atu halo orasaun ba Profesór Mateus, liuliu ba matebian nia kaben no oan sira atu forsa nafatin, nune’e Maromak bele haraik perdaun no fó fatin di’ak ba matebian nia klamar iha reinu Lalehan.
Maktoban Profesór Mateus Ximenes moris iha loron 2 Jullu 1971, kursu lisensiatura iha Universitas STIE Kertanegara Malang- Indonesia iha tinan 2001, Kontabilidade area Finansas, kursu masteradu iha Universitas Sebelas Maret iha Surakarta-Indonesia iha tinan 2013 iha kontabilidade finanseira.
Assumi kna’ar nu’udar profesór permanente iha FEG UNTL iha tinan 2005. Assumi kargu nu’udar Diretór Departamento de Gestão iha tinan 2007-2010 durante tinan 3. Assumi mós kargu nu’udar Diretór Departamento de Contabilidade iha tinan 2015-2023 durante tinan 8. Matebian hakotu nia peregrinasaun iha Hospital Nacional Guido Valdares iha loron 15 Outobru 2024 ho idade 53.
Média UNTL : Roberta da Cruz (estajiária)
: Roberta da Cruz (estajiária)Foto : Mario J. Mendonça
: Mario J. Mendonça- Detalhes
- Escrito por Mateus Goncalves
- Visualizações: 149
Universidade Nacional Timor Lorosa'e (UNTL) nia Faculdade de Engenharia Ciência e Tecnologia hamutuk ho Japan Construction Cooperative Combination (JCCC) halo sosilizasaun ba esudante Departamento de Engenhria Civil kona-ba papél Indústria konstrusaun no servisu iha Japaun.
"Kompaña internacional ualu husi Japaun ohin mai halo sosializasaun ba ita-nia estudante Departamento Engenharia Civil sira kona-ba konstrusaun indústria iha Japaun nune'e sira bele integra iha laran, tanba iha futuru kompaña sira ne'e sei halo rekrutamentu hodi ba servisu iha Japaun", dehan Dekanu Ximenes iha Auditóriu FECT-UNTL, Hera, Díli (16/10).
Dekanu mós husu ba estudante sira atu prepara aan di'ak nune'e iha futuru bele integra iha kompaña ualu ne'ebé sei halo rekrutamentu.
Iha fatin hanesan estudante Juliana da Silva Ximenes husi DEC kontente ho kompaña nia prezensa tanba bele fahe ona informasaun kona-ba oinsá atu aplika hodi ba servisu iha Japaun kona-ba konstrusaun Indústria nian.
"Hau sente orgullu tebes ho aprezentasaun sira ohin ne'e, tanba ha’u mós hakarak ba servisu iha ne'ebá, bainhira tempu besik kompaña ualu ne'e halo rekrutamentu mak ha’u sei aplika", dehan Estudante.
Kompaña ualu ne'ebé halo sosializaun mak, Nikagumi Co, Ltd, Kinoshita Sustainbility Co, Ltd, Nakanodeken Construction Co, Ltd, Kinoshitagumi Co, Ltd, Fujimaki Contruction Co, Ltd, Takehanagumi Co, Ltd no Murakami Construction Co, Ltd. Enkuantu kritéria atu ba servisu iha kompaña mak tenke hatene lian Japaun nomós iha koñesimentu ba konstrusaun Civil.
Partisipa iha sosializasaun ne'e dekanu fakuldade Profesor Adalfredo Guterres da Silva Ximenes, dosente, funsionáriu, estudante nomós ekipa husi Japan Construction Cooperative Combination.
Média UNTL : Domingos Amaral
: Domingos AmaralFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 154
Universidade Nacional Timor Lorosa'e (UNTL), nia Dekanu Faculdade de Agricultura (FAGRI), Dr. Vicente de Paulo Correia, hamutuk ho Diretór Kochi Perfectural Goverment husi Japaun (KPGJ), Mr. Hamada Kenji diskuti kona-ba kapasitasaun rekursu umanu no apoiu laboratóriu ba fakuldade.
Diskusaun ne'e, hala'o iha Sala-Enkontru FAGRI Kampus Sentral, Díli (15/10) ho objetivu atu kapasita rekursu umanu, liuliu ba dosente no graduadu sira bele ba halo estudu iha Japaun, ho espesialidade iha Agrikultura nian, aleinde ne'e mós parte rua diskuti atu halo kooperasaun iha futuru.
Partisipa iha enkontru ne'e, estrutura FAGRI nian no ekipa husi delegasaun Kochi nian.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros