- Detalhes
- Escrito por Mateus Goncalves
- Visualizações: 64
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hasoru malu ho Embaxadór Malázia nian, Amarjit Sarjit Singh, diskuti kona-ba atu halo kooperasaun iha área medisina liuliu mal-nutrisaun, iha Sala-Videokoferénsia UNTL nian, Díli (09/08).
Objetivu husi enkontru ne'e, parte rua diskuti atu halo kolaborasaun iha área medisina liuliu Mal-Nutrisaun liuliu ho Faculdade de Medicina e Ciência da Saúde nian, aleinde ne'e mós ko’alia kona-ba atu halo investimentu ospital iha Timor-Leste.
Partisipa husi, Diretór Jeral Servisu Apoiu Reitoria, Sr. Jacinto H.S. Belo, delegasaun profesór sira husi Malázia no Dosente FMCS nian.
Média UNTL 
: Denilson Amandio Barros
: Denilson Amandio BarrosFoto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 42
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH. Ph.D, hamutuk ho estrutura partisipa iha Komité Revizaun Orsamentu (KRO) tinan 2025 nian, iha auditóriu Ministériu Finansas, Aitarak-Laran, Díli (12/08).
Iha sesaun aprezentasaun revizaun orsamentu ne'e, prezidi husi S.E. Primeiru-Ministru, Kay Rala Xanana Gusmão no revizaun orsamentu ne'e halo ba kada instituisaun estadu no Liña Ministeriál sira hotu, hahú iha loron 12 fulan Agostu to'o 27 Agostu 2024.
Partisipa husi Ministru Ensinu Superior Siénsia no Kultura, S.E. José Honorio da Costa Jerónimo, Ekipa Reitoral UNTL nian no Liña Ministeriál sira hanesan, Ministeriu Ensinu Superior Siénsia no Kultura (MESSK), Ajensia Nasional ba Avaliasaun Akreditasaun Akadémika (ANAAA), Institutu Nasional Siénsia no Teknolojia (INCT) no Institutu Politékniku Betano (IPB).
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 27
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph.D hasoru malu ho Embaxadora Australia iha Timor-Leste, Ms. Caitlin Wilson, iha Gabineti Reitór, Díli (9/8) hodi diskute apoiu UNTL iha área Medisina Familiar ho Programa Human Development (PHD).
Objetivu husi enkontru ne'e, parte rua deskuti kona-ba prosesu apoiu profesór medisina sira liuhusi treinamentu iha Hospital Nacional Guidu Valadares (HNGV) kona-ba Medisina Familiar, liuhusi Program Human Development (PHD), tanba ne'e UNTL, Institutu Nacional da Saúde Pública Timor-Leste (INSPTL) ho HNGV mak sei organiza no finansia husi Embaxada Australia.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 32
Universidade Nacional Timor Lorosa’e (UNTL) liuhusi Faculdade de Educação Artes no Humanidades (FEAH) nia Departamento de Ensino de Qumica (DEQ) realiza Espozisaun no Semináriu ho tema “Hamutuk Kria Paz no Unidade Hodi Dezenvolve Edukasaun Ne’ebé Kualidade” iha ámbitu komemorasaun aniversariu DEQ nian ba-dala XXIII.
Asistente Laboratoriu DEQ Profesór Salvador Gusmão hatete, atu komemora loron departamentu nian ba-dala XXIII liuhusi espozisaun no semináriu hodi fahe esperiénsia, relasaun ho pratika simples, aleinde ne’e fó biban ba finalista sira hodi aprezenta sira-nia peskiza.
‘’Objetivu husi atividade ne’e atu habelar nafatin siensia ba estudante sira hodi nune’e bele kontribui ba nasaun ida-ne’e, liuhusi matenek ne’ebé sira hetan. Ami mós fó biban ba ami-nia estudante finalista sira ne’ebé remata ona peskiza atu aprezenta sira-nia peskiza monografia ba estudante ativu sira liuhusi espozisaun ne’ebé hala’o’’, dehan Profesór Salvador, iha Kampus Liceu, Díli (9/08).
Iha fatin hanesan, Komisaun Organizadór Jovito Miguel Sani Colo hatete, atividade ne’ebé hala’o ne’e hanesan meiu ida atu selebra departamentu nia aniversáriu ba-dala XXIII ne’ebé monu iha 3 Agostu liuba.
“Aniversariu departamentu nian monu iha 3 Agostu, maibé kestaun tanba fatin atu realiza atividade sira mak agora ami foin realiza. Atividade ne’e ho objetivu atu dezenvolve kreatividade estudante sira-nian liuhusi espozisaun hodi hasa’e kapasidade no hametin lasu amizade entre estudante ativu, finalista, alumni no dosente”, dehan estudante Colo.
Atividade ne’e realiza servisu hamutuk entre Departamentu no Asosiasaun Akadémika Estudantíl no partisipa husi Dekanu FEAH Profesór Teodoro Soares, Dosente, Funsionáriu no Estudante sira.
Média UNTL : Laurindo da Cruz Gomes
: Laurindo da Cruz GomesFoto : Mario Jonio Mendonça/Arkivu Departamento Quimica
: Mario Jonio Mendonça/Arkivu Departamento Quimica- Detalhes
- Escrito por Mateus Goncalves
- Visualizações: 31
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D hasoru malu ho Diretór Ezekutivu Asean University Network (AUN) hodi diskute prosesu no posibilidade UNTL nian atu sai membru AUN nian, nune’e bele koopera ho universidade sira, banhira Timor-Leste sai ona membru iha ASEAN.
Reitór hatete, UNTL seidauk sai membru AUN, tanba ne’e futuru Timor-Leste sai membru ASEAN, UNTL mós hola parte nu'udar membru hodi koopera ho universidade sira ne'ebé sai ona membru ba AUN.
"Ohin ita hasoru malu ho Asean University ne'e, sira esplika kona-ba estabelesimentu AUN nian katak, lider sira iha Asean mak harii desde 1995, tanba Timor-Leste seidauk sai membru iha Asean.
Ita UNTL seidauk sai mós membru AUN hamutuk ho universidade 30, atu sai membru ne'e limitadu, entaun karik futuru mak ita sai membru ba AUN ne'e previlejiu boot", Reitór dehan iha Sala-Videokonferénsia UNTL nian, Díli (9/8).
Diretór Ezekutivu Sr. Choltis Dhirathiti hatete, hasoru malu ne'e, hodi deskuti kona-ba oinsa bele esplora kolaborasaun, relasaun ho servisu akadémiku nian, aspetu sira ne'ebé bele tulun universidade liuhusi atividade sira ne'ebé organiza husi AUN nian.
"Obrigada ba oportunidade ne'ebé fó mai ami hodi vizita UNTL, ohin ami deskuti ona oinsá UNTL bele sai membru iha AUN, bainhira Timor Leste sai ona membru iha ASEAN.
Objetivu mak ita bele esplora atividade akademiku ba malu, maibé sira UNTL bele partisipa, maibé sai ona membru mak foin bele koopera di'ak ho universidade sira iha AUN", tenik Diretór Choltis.
Partisipa husi Visereitór ba Asuntu Pós Graduasaun no Peskiza, Profesór Afonso de Almeida, Proreitór, Dekanu, Dosente, Asistente Tékniku no ekipa husi AUN nian.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Domingos Amaral
: Leonia de Araújo da Costa & Domingos Amaral