- Detalhes
- Escrito por Mateus Goncalves
- Visualizações: 152
Universidade Nacional Timor Lorosa'e (UNTL), nia Proreitór ba Asuntu Kooperasaun, Profesór Tomé Xavier Jerónimo, reprezenta Magnífiku Reitór hodi asina akordu ho reprezentante Head of International Cooperation, Anggi Rapsanjani, husi Universitas Mercu Buana (UMB) Indonésia hodi koopera iha área Komunikasaun Sosial, Ekonomia no Enjeñaria.
Eventu ne'e hala'o iha Sala-Videokonferénsia UNTL nian, Díli (24/10) ho objetivu hodi bele fó oportunidade ba estudante ne'ebé atu halo estudu kompativu, aleinde ne'e mós parte rua diskuti kona-ba studante sira ne'ebé remata ona estudu iha universidade atu bele kontinua estudu ba programa mestradu no doutoramentu iha UMB, iha aréa Komunikasaun Sosial, Ekonomia, Enjeñaria no seluk tan.
Partisipa husi Proreitór ba Asuntu Kooperasaun, Profesór Tomé Xavier Jerónimo, Dosente DCS, ekipa husi UMB no PRAC nian.
Média UNTL 
: Denilson Amandio Barros
: Denilson Amandio BarrosFoto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 132
Universidade Nacional Timor Lorosa'e (UNTL) nia Magnífiku Reitór Interinu no atuál Visereitór ba Asuntu Akadémiku no Garantia Kualidade Profesór Dr. Samuel Venâncio de Sousa Freitas simu vizita delegasaun husi Universitas Pembagunan Nacional (UPN) "Veteran" Yogyakarta nia Reitór Profesór Dr. Mohamad Irhas Effendi ho nia ekipa, iha Sala-Videokonferénsia UNTL nian, Díli (24/10).
Objetivu husi vizita ne'e atu diskuti kona-ba kooperasaun entre UNTL ho UPN iha área enjeñaria liuliu iha Oli no Gas no posibilidade bele fó mós oportunidade ba estudante sira hodi ba hala'o estudu komparativu, maibé sei haree mós situasaun antes halo esplorasaun.
Partisipa iha diskusaun ne'e Proreitór ba Asuntu Kooperasaun Profesór Tomé Xavier Jerónimo, Proreitora ba Provedoria no Akonsellamentu Profesora Teresa de Jesus Vaz Cabral, Diretór Jeral ba Servisu Apoiu Reitoria Sr. Jacinto H. S. Belo no ekipa husi UPN no asistente tékniku sira.
Média UNTL : Domingos Amaral
: Domingos AmaralFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 142
Universidade Nacional Timor Lorosa'e (UNTL), nia Faculdade de Turismo Arte Creativas é Culturais (FTAICC) sai vensedór iha kompetisaun Debate Sientífiku entre estudante sira husi kada fakuldade, iha ámbitu ba komemorasaun Dies Natalis UNTL nian, iha 17 Novembru (2000-2024), kompetisaun ne'e organiza husi Gabinete Visereitora ba Asuntu Estudantís (GVRAE), iha resintu Kampus Sentral UNTL nian, Díli (18/10).
Iha diskursu Visereitora ba Asuntu Estudantís Dra. Lígia Tomás Correia hatete, debate sientífiku ne'e ho foku ba asuntu sosiál, sientífiku, ambientál.
“Agradese ba ita hotu ne'ebé mak partisipa iha atividade ida ne'e, debate sientífiku ne’e sai kustume ida atu konkista estudante sira, katak imi-nia kompeténsia no koñesimentu ba área sientífiku, área Teknolojia, Arte no Kultura, Ambiental, imi to’o iha faze ida ne'ebé ona, nune'e hodi prepara hela fini di'ak ba instituisaun sira ne'ebé mak karik presiza imi”, dehan nia.
Prezidenti Juri Mica Barreto Soares nu’udar dosente husi Departamentu Relasaun Internasional hateten, eventu ne'e di’ak tebes, liuliu atu dezenvolve abilidade estudante sira-nian, hodi iha hanoin ne’ebé krítiku kona-ba problema sosiál, polítika, ekonomia iha rai-laran.
“Durante loron rua ne’e (17-18 Outobru) ha'u haree katak, estudante sira barak mak domina no hatene halo debate, argumentu ne'ebé sira hamosu di'ak tebes, ita bele haree katak, fini di'ak ba futuru dezenvolvimentu rai ida-ne’e nian”, dehan Prezidente Juri Barreto.
Estudante debatór Abel de Araújo husi FTAICC nian hatete, kompetisaun ne’e atu estimula estudante nia pensamentu krítiku no analítiku, bele esplora koñesimentu no mentalidade individual, ne’ebé ko’alia espertu no lójika kona-ba fenomenu atual.
“Atu garantia estudante nu'udar ajente transformadora sosiál tenke hahú liuhusi prosesu estudu nian no atividade estrakurrikular hirak ne'e hodi promove pensamentu krítiku no reforsa kultura debate akadémiku iha UNTL. Liuhusi inisiativa sira-ne'e enkoraja dezenvolvimentu inteletuál no prepara estudante atu kontribui ho ativu ba sosiedade”, dehan Abel.
Kompetisaun Debate sientífiku ne'e kompostu husi Faculdade de Agricultura (FAGRI), Faculdade Engenharia Ciência e Tecnologia (FECT), Faculdade de Educação Arte e Humanidades (FEAH), Faculdade de Economia e Gestão (FEG) Faculdade de Filosofia Ciências Humanas, Faculdade de Ciências Sociais (FCS), Faculdade de Ciências Exata (FCE).
Rezultadu indika katak, primeiru lugar okupa husi Faculdade de Turismo Arte Indústria Creativas Culturais (FTAICC), segundu lugar husi Faculdade de Direito (FADIR), terseiru luga husi Faculdade de Medicina e Ciência da Saúde (FMCS).
Média UNTL : Altur Ramos
: Altur RamosFoto : Altur Ramos
: Altur Ramos- Detalhes
- Escrito por Mateus Goncalves
- Visualizações: 184
Universidade Nacional Timor Lorosa'e (UNTL) nia Magnífiku Reitór Interinu no atuál Visereitór ba Asuntu Akadémika no Garantia Kualidade (VRAAGK) Profesór Samuel Venâncio de Sousa Freitas hamutuk ho estrutura halo aprezentasaun relatóriu universidade nian ba Komisaun G Parlamentu Nacional ne’ebé trata asuntu Edukasaun, Juventude, Kultura no Sidadania.
Objetivu husi aprezentasaun ne'ebé lokaliza iha Sala-enkontru Komisaun G nian, Díli (23/10), tanba Komisaun G husu atu UNTL ho Institutu Publiku sira aprezenta dezempeñu servisu durante tinan 2024 nian, inklui aprezenta mós ezekusaun orsamentu, tanba ne'e UNTL ezekuta ona 70% no sei termina ezekusaun iha fulan ikus 2024.
Aprezentasaun refere lidera husi Prezidente Komisaun G Parlamentu Nacional Armando dos Santos Lopes no partisipa husi membru sira husi Komisaun G nian.
Partisipa mós husi Prezidente Instituto Politécnico Betano (IPB) nian, Profesór Acacio Cardoso Amaral, Prezidente Konsellu Ezekutivu Instituto Nacional de Ciência e Tecnologia (INCT) nian, Dr. José Cornelio Guterres ho ekipa, Diretór Ezekutivu Agência Nacional de Avaliação e Acreditação Académica (ANAAA.I.P) Dr. Nilton Diamantino Paiva Mau.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 165
Universidade Nacional Timor Lorosa’e (UNTL) nia Xefe Departamentu Atividade Estrakurrikulár (DAE) Sr. Joviano Salves Reis iha Kampus Sentrál UNTL nian, Díli (22/10) hatete, atividade Joven Talentu nu’udar atividade hodi hasa’e no mellora estudante sira-nia koñesimentu no abilidade.
‘’Tinan ida-ne’e (2024) ami realiza atividade estrakurrikulár ba estudante sira iha Programa Joven Talentu kompostu husi modalidade ualu mak hanesan : Debate Sientífiku, Eskrita Sientífika, Diskursu Públiku, Video Kreativu, Dezeñu Gráfiku, Sadres, Dezeñu Maskot ba estudante sira iha fakuldade sanulu iha UNTL hodi promove sira-nia talentu’’, dehan Sr. Joviano.
Nia mós hatutan, estudante sira ne’ebé hetan klasifikasaun di’ak iha atividade sira-ne’e sei hetan prémiu iha loron Dies Natalis UNTL nian iha 17 Novembru 2024.
‘’Estudante sira ne’ebé mak hetan ona klasifikasaun di’ak iha atividade kompetisaun sira-ne’e sei simu prémiu no sertifikadu apresiasaun iha Dies Natalis UNTL nian.
Ami mós sei fó apresiasaun ba estudante sira ne’ebé hodi UNTL nia naran partisipa iha kompetisaun husi Instituisaun seluk organiza”, dehan.
Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus Guterres
: Eugenia de Jesus Guterres