- Detalhes
- Escrito por Mateus Goncalves
- Visualizações: 175
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph.D asina MoU ho Dekana Faculdade de Direito (FADIR) husi Universitas Gadjah Mada, iha Sala-Videokonferénsia UNTL nian, Díli, (7/11) hodi koopera iha área Direitu nian.
Relasiona ho MoU refere, Dekanu FADIR UNTL nian, Profesór José Tomás Alves hatete, asina memorandu ne'e oportunidade di'ak, tanba parte rua bele halo estudu komparativu ba mai, no fó mós bolsa ba estudante.
"Agradese ba UGM nia FADIR, tanba mai ona iha UNTL no asina akordu ho ita, no kooperasaun ida-ne'e sei haree liuba Faculdade de Direito iha UNTL, no FADIR-UGM mós hakarak fó oportunidade ba estudante sira bele halo estudu komparativu no fó bolsa ba timoroan sira bele estuda diferensia juridiku iha Indonesia ho Timor-Leste", dehan Dekanu.
Entretantu Dekana FADIR-UGM nian, Profesora Dahliana Hasan hatete, objetivu husi memorandu ne'e atu koopera iha área direitu UNTL, no iha programa hanesan, Edukasional, Peskiza no Kultura nian.
"Objetivu husi asina akordu ne'e, ami hakarak mai koopera ho UNTL nia FADIR, tanba ami hakarak estudante sira iha UNTL bele koñese FADIR UGM no ami mós sei fó bolsa ba sira bele ba kontinua mestradu hodi estuda diferensia juridika iha Timor-Leste no Indonesia, espera estudante sira bele iha vontade atu ba estuda iha FADIR-UGM", dehan Dekana Dahliana.
Akompaña iha asina akordu ne'e Visedekana ba Asuntu Estudantil FADIR nian, Profesora Prycilia Antónia D. Ximenes, asistente tékniku no ekipa husi FADIR-IGM nian.
Media
: Leonia de Araújo da Costa
: Leonia de Araújo da CostaFoto
: Mario Jonio Mendonça & Denilson A. Barros
: Mario Jonio Mendonça & Denilson A. Barros- Detalhes
- Escrito por Mateus Goncalves
- Visualizações: 164
Universidade Nacional Timor Lorosa’e (UNTL) nia Faculdade de Agricultura ho Ministériu Agricultura, Pecuaria, Pesca no Floresta (MAPF) no Australian Centre for International Agricultural Research (ACIAR) lansa Projetu To’os Servisu Kma’an (TOSKA) iha Salaun Enkontru City 8, Manleuana, Díli (07/11).
Dekanu FAGRI-UNTL Prof. Dr. Vicente de Paulo Correia hatete, UNTL servisu hamutuk ho Charles Darwin University husi Australia, projetu ne’e atu kapasita agrikultór sira kona-ba produsaun.
“Projetu TOSKA ne’e servisu hamutuk ho Charles Darwin University (CDU), maibé implementa liuhusi programa ACIAR, ne’ebé sei foka liuba kapasitasaun, formasaun ba agrikultór sira no seluk tan. Iha projetu ne’e sei inklui dosente na’in tolu husi Faculdade de Agricultura husi Departamento de Ciência de Solo, Agronomía no Agro-Socio Economia no kada tinan finalista na’in 14 husi FAGRI nian sei hakerek teze liga ba projetu ne’ebé mensiona durante projetu ne’e hala’o”, hatete Dekanu.
Iha fatin hanesan Lideransa Projetu ACIAR nian Dr. Leigh hatete, projetu refere sei implementa husi UNTL, Don Bosco, TOSKA, no MAPPF atu kapasita agrikultór sira liga ba ai han ho nutrisaun barak liután.
“Ohin loron ami halo lansamentu projetu ne’ebé sei implementa husi UNTL liuhusi Faculdade de Agricultura, TOSKA, Don Bosco no Ministériu Agrikultura. Fundus mai husi ACIAR liuhusi Governu Australia ho komisaun husi CDU.
Projetu ida-ne’e produtividade servisu, tanba forsa traballu servisu agrikultór menus nune’e projetu ida-ne’e bele apoiu agrikultór sira atu produs barak liután ho hahan ne’ebé nutrisaun nakonu”, hatete Dr. Leigh.
Fatin ne’ebé sei implementa projetu ne’e mak iha koloka ba iha Aldeia ne’en husi munisípiu tolu hanesan, Ainaro, Manufahi, Baucau.
Partisipa iha lansamentu ne’e Representante MAPPF Sr. Luis de Almeida ho nia funsionáriu sira, Dosente husi Faculdade de Agricultura UNTL, delegasaun husi Charles Darwin Australia.
Media UNTL : Agostinho da Cruz
: Agostinho da CruzFoto: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 150
Universidade Nacional Timor Lororsa’e (UNTL) nia Magnífiku Reitór Profesór dr. João Soares Martins, MPH, Ph.D husu ba sivitas akadémika atu halo reflesaun iha fulan Novembru hodi banati tuir valór luta eroi sira-nian, tanba sakrifika an ba independénsia, nune’e idaidak halo knaar ba dezenvolvimentu nasionál.
“Novembru mak fulan markante tebes iha ita-nia istória, semana tolu mai tan ita sei selebra aniversáriu ba dala 48 Proklamasaun Independénsia, nune’e mós sei selebra 12 novembru ita-nia joven sira brani tebes, maske kilat laiha liman, maibé sé sira-nia hirus matan hodi hasoru ita-nia inimigu sira iha altura ne’ebá.
Ita mós louva ita-nia maun bo’ot sira ne’ebé mak harii no kontinua funu ne’e to’o hetan independénsia, tanba ne’e ita presiza banati tuir”, hatete Reitór iha Kampus Sentral UNTL nian, Díli (04/11).
Prof. João mos husu ba sívitas Akadémika (estudante, dosente no funsionáriu) UNTL nian atu banati eroi sira ne’ebé luta ba libertasaun , liuhusi sivitas tomak iha dever hodi kumpri responsabilidade hanesan ba dezenvolvimentu UNTL no nasaun nian.
Iha serimónia isár bandeira fulan Novembru 2024 nian ne’e Korpu-Isar-Bandeira no Korru responsabíliza husi Faculdade de Ciências Exatas.
Partisipa husi estrutura Reitoria, Diretór Jeral, Diretor Nasionál, Xefe Departamentu, dosente, funsionáriu no estudante sira.
- Detalhes
- Escrito por Mateus Goncalves
- Visualizações: 187
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D partisipa iha serimónia tomada-pose ba Magnífiku Reitór Universidade da Paz (UNPAZ) nian, Dr. Adolmando Soares Amaral ba períodu 2024-2029 ne’ebé lokaliza iha Salaun Casmiro, Manleuana, Díli (5/11).
Serimónia tomada-pose ba Reitór foun UNPAZ nian ba períodu 2024-2029 ne'e, Dr. Adolmando Soares Amaral ne'ebé hetan konfiansa ba dala rua husi Prezidente Konsellu UNPAZ nian ho nia membru sira.
Partisipa husi Ministru Ensinu Superior Siénsia no Kultura (MESSK) nian, S.E.José Honorio da Costa Pereira Jerónimo, Diretór Ezekutivu Fundo do Dezenvolvimento Capital Humano (FDCH) Profesór Julio Aparício, Diretór Ezekutivu Agência Nacional para Avaliação e Acreditação Académica (ANAAA) nian, Dr. Nilton Diamantino Paiva Mau, Reitór sira husi Universidade Privadu, estrutura UNPAZ nian no konvidadu sira.
Media: Leonia de Araújo da Costa
: Leonia de Araújo da CostaFoto: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 159
Universidade Nacional Timor Lorosa’e (UNTL) nia Diretór Direção Geral dos Serviços de Apoio à Reitoria (DGSAR) Sr. Jacinto Belo hamutuk ho reprezentante Kordenador husi Organizasaun Não Govermental The Promise iha Timor-Leste Sr. Horácio Mendes ensera formasaun produsaun video uza smartphone, iha Sala-Videoconferência UNTL nian, Díli (30/10).
Formasaun ne’e apoiu husi The Promise ba DEMCOM ho durasaun Fulan tolu Agustu – Outubru. Formadu hamutuk nain sanulu resin tolu (13) husi Departamento de Media e Comunicação (DEMCOM) na’in-sia no estudante Departamento de Comunicação Social na’in-haat.
Formador ba formasaun ne'e ekipa The Promise husi Korea-Sul Sr. Kim Geunhyoung.
Partisipa husi ekipa téknika Proreitoria ba Asuntu Kooperasaun no DGSR.
Media: Altur Ramos
: Altur RamosFoto: Agustino da C. Silva
: Agustino da C. Silva