- Detalhes
- Escrito por Mateus Goncalves
- Visualizações: 112
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH.Ph.D ho Prezidente Repúblika Dr. José Ramos Horta lansa Utilizasaun Sistema Dijital ne’ebé prepara husi Proreitór ba Asuntu Informatizasaun no Transfromasaun Dijital no Inovasaun (PRAITDI) ba Fakuldade sanulu (10) no servisu administrasaun sira iha UNTL.
Magnífiku Reitór hatete, UNTL hakat tan pasu ida hodi dijitaliza administrasaun akadémika, administrasaun finanseira, projetu, lojístika, patrimóniu, nune’e ema hotu bele asesu ho fasil no lais liu.
“Ohin UNTL hakat tan pasu ida ba dijitaliza administrasaun akadémika, administrasaun finanseira, projetu, lojístika, patrimóniu, nune’e ema hotu bele asesu ho fasil no lais, tanba ne’e ohin ita lansa ona iha aniversáriu ida-ne’e, maské dezafiu barak mak ita hasoru, maibé espiritu mak forte hodi kontinua misaun ho di’ak, tanba ne'e hodi sivitas tomak UNTL nian hakarak hato’o parabéns ba ezisténsia ida-ne’e”, dehan Reitór.
Prezidente Repúblika, Dr. Ramos Horta hatete, ohin lansamentu Sistema Dijitalizasaun iha UNTL ne’e hanesan fó inspirasaun ba joven sira atu estuda didi’ak siénsia teknolojia, hodi dezenvolve konesaun teknolojia iha Timor-Leste.
“Ohin ha’u mai iha ne’e hakarak felisita aniversáriu UNTL nian ba dala 24, no ohin ita mós halo lansamentu ba Sistema Dijital iha UNTL, governu rasik aprezenta dijitalizasaun, sistema informátika, hein katak dezenvolvimentu teknolojia ida ne’ebé di’ak. Maibé lansamentu ohin sai nu’udar inspirasaun ba joven sira atu estuda siénsia teknolojia nune’e bele dezenvolve konesaun teknolojia iha Timor Leste”, dehan PR Horta.
Iha lansamentu ne'e, UNTL mós realiza semináriu ho tema " O Papel do Ensino Superior no Desenvolvimento dos Países " ne'ebé hato'o husi Reitor Universidade do Minho Portugal, Profesór Doutor Rui Vieira de Castro, no tema seluk " O Papel Universitário no Desenvolvimento Nacional de Timor Leste " ne'ebé hato'o husi Prezidente da Repúblika rasik.
Alende semináriu, UNTL mos distribui sertifikadu no premiu ba manan nain husi kompetisaun Video Kreativu, Hakerek Sientífika, Typing, Diskursu Públiku, Deseñu Maskote no Debate Sientífiku.
Tinan ida ne'e UNTL hili tema “UNTL Mais Digital” hodi komemora Dies Natalis UNTL nian ba dala 24 (17 Novembru 2000- 17 Novembru 2024).
Partisipa husi Magnífiku Reitór husi Universidade do Minho Portugal Profesór Rui Viera de Castro, Komandante Polisia Munisipiu Dili Sr. Orlando Gomes, Visereitór Proreitór, Diretór Jerál, Diretór Nacional, Xefe Departamentu, Dekanu, Dosente, Funsionáriu no estudante no konvidadu sira.
Média UNTL 
: Leonia de Araújo da Costa
: Leonia de Araújo da CostaFoto
: Eugenia de Jesus & Altur Ramos
: Eugenia de Jesus & Altur Ramos- Detalhes
- Escrito por Mateus Goncalves
- Visualizações: 100
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D halo abertura Sosializasaun Mapeamentu ba área espesializasaun dosente ba doutoradu sira, iha Auditóriu FCS nian Kaikoli, Díli (14/11).
Iha diskursu Magnífiku Reitór hato'o agradese ba GabCEDU ne'ebé iha inisiativa hodi realiza enkontru ne'e hodi apresenta no sosializa mapamentu kareira dosente.
"Ita agradese tebes ba inisiativa hodi realiza enkontru ne'e, sosializa informasaun kona-ba mapeamentu dosente no UNTL tenke orgullu, tanba iha dotoradu barak liu iha universidade Timor-Leste, nune'e husu mós ba dotoradu sira atu tur hamutuk hodi diskute kona-ba planu atu estabelese kursu dotoramentu iha UNTL ne'e rasik", Dehan Reitór.
Iha fatin hanesan Prezidente ba ekipa GabCEDU no atual Proreitór ba Asuntu Planeamentu Monitorizasaun no Avaliasaun José Nelson Salsinha hatete, objetivu prinsipal husi atividade ne'e atu sosializa informasaun nune'e limita deit profesór dotoradu sira ligasaun ho promosaun.
"Objetivu prinsipal mak ami limita deit profesór dotoradu sira hotu ligasaun ho protesaun iha futuru, tanba ne'e ami haree katak presiza duni sosializa informasaun balu ne'ebé ligasaun ho promosaun carreira", Dehan Profesór Nelson.
Atividade ne'e organiza husi GabCEDU no partisipa masimu husi Profesór dotoradu husi UNTL hamutuk na'in ualunolu resin haat (84).
Média UNTL : Domingos Amaral
: Domingos AmaralFoto: Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 92
Universidade Nacional Timor Lorosa’e (UNTL) liuhusi Proreitora ba Asuntu Provedoria no Akonsellamentu (PRAPA) realiza misa agradesimentu ba aniversáriu UNTL nian ba da-24 (17 Novembru 2000- 17 Novembru 2024), iha Kampus Sentrál UNTL nian, Díli (14/11) diriji husi Sua Eminensia Cardeal Dom Virgilio do Carmo da Silva, SDB.
Magnífiku Reitór Profesór dr. João Soares Martins, MPH,Ph.D agradese ba Sua Eminensia, tanba disponivel tempu hodi selebra misa agradesimentu iha loron importante UNTL nian, tanba husi prezensa Dom Virgilio nian, UNTL bele hetan bensaun no lori matenek ne’ebé iha hodi serbí nasaun no igreja.
“Hodi sivitas akadémika tomak nia naran hakarak agradese ba Sua Eminensia, tanba bele disponivel tempu mai selebra misa agradesimentu ba loron espesial universidade nian, no husi prezensa Dom Virgilio nian nu’udar momentu di’ak atu ema hotu iha UNTL bele hetan bensaun barak no haburas fiar iha Maromak no lori matenek ne’ebé iha hodi servi nasaun no igreja”, dehan dr. João.
Iha fatin hanesan, Sua Eminensia Cardeal Dom Virgilio do Carmo da Silva SDB, agradese ba familia boot UNTL nian, ne’ebé konvida hodi selebra Eukaristia hamutuk ho sivitas tomak, atu hato’o agradese ba Maromak liuhusi Eukaristia Santa, no dezeju katak servisu makas husi estudante, dosente, funsionariu, estrutura no parte hotu nian, bele hadi’ak liután kualidade UNTL, tanba ne’e husu atu ema hotu bele halo reflesaun ba momentu istóriku ida ne’e.
“Agradese ba konvida ha’u mai iha ne’e hodi selebra Eukaristia hamutuk ho família boot UNTL, ohin ita hamutuk atu agradese ba Maromak liuhusi Eukaristia Santa, ha’u dezeju katak ema hotu iha UNTL no parseiru sira bele servisu makaas hodi hadi’ak liutan kualidade universidade nian. Tanba ne’e presiza halo reflesaun didi’ak iha momentu istóriku ida-ne’e”, dehan Lider Másimu Igreja Katólika nian Dom Virgilio.
Selebrasaun Eukaristia Santa ne’e, akompaña husi Amu Ko-Selebrante Padre Kapelaun UNTL nian, Pe. Nivio Correia Lebre Fdcc no Pe. Acácio Domingos nu’udar mós prezidente Konsellu Jerál UNTL nian.
Selebrasaun Eukarista ne'e partisipa husi Eis Reitór, Visereitór, Proreitór, Diretór Jerál, Diretór Nacional, Xefe Departamentu, Dekanu, Dosente, Funsionáriu no estudante sira.
Média UNTL : Leonia de Araújo da Costa
: Leonia de Araújo da CostaFoto: Leonia de Araújo da Costa & Denilson A. Barros
: Leonia de Araújo da Costa & Denilson A. Barros- Detalhes
- Escrito por Mateus Goncalves
- Visualizações: 97
Universidade Nacional Timor Lorosa’e (UNTL) Liuhusi Gabinete Vise Reitora ba Asuntu Estudantis nia Departamentu Atividade Extrakurrikular fó sai akta Rezultadu Finál manan na’in ba kompetisaun eskrita sientifika tinan 2024.
Informasaun kompletu haree iha Akta aneksu.
- Detalhes
- Escrito por Mateus Goncalves
- Visualizações: 103
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPh.Ph.D, asina akordu kooperasaun ho Diretora Ezekutiva Fokupers Sra. Domingas Afonso Amaral aliende ne’e asina mós deklarasaun entrega ekipamentu husi UN Women Sra. Nuntana Tanhwinit, iha Sala-VideoKonferénsia, Díli (11/11).
"Espera liuhusi kooperasaun ne'e bele servisu hamutuk hodi kria ambiente ne’ebé di’ak, nune'e estudante, profesór no funsionáriu sira bele hala'o estudu no servisu ho saudável no seguru iha Kampus", Dehan Reitór.
Iha fatin hanesan Diretora Ezekutiva Fokupers Domingas Afonso Amaral, senti previlejiu tebes, tanba bele asina akordu ho UNTL, liuhusi esforsu no servisu hamutuk ho UN Women hodi lori Fokupers to'o halo parseria ho UNTL.
"Ha’u espera kooperasaun ida-ne'e la’ós hanesan projetu de’it, maibé nafatin iha kontinuidade hodi kria ambiente ida ne’ebé saudável no seguru ba estudante, profesór no funsionáriu sira hotu", Tenik Diretora Domingas.
Partisipa husi Visereitór ba Asuntu Akadémiku no Garantia Kualidade Profesór Dr. Samuel Venâncio de Souza Freitas, Visereitora ba Asuntu Estudantís Dra. Lígia Tomás Correia, Amu Kapelaun Pe Nívio Correia Lebre, Pro-reitora ba Asuntu Provedoria no Akonsellamentu Dra. Teresa de Jesus Vaz Cabral, Visereitór ba Asuntu Pós Graduasaun no Peskiza, Profesór Afonso de Almeida, Diretora ba Disiplina Transversais nian, Profesora Zelina Roteiro, representante husi UN Women Sra. Nuntana Tangwinit no konvidadu sira.
Média UNTL : Mario Jonio Mendonça
: Mario Jonio MendonçaFoto: Leonia da Costa Araújo
: Leonia da Costa Araújo