- Detalhes
- Escrito por Mateus Goncalves
- Visualizações: 466
Universidade Nacional Timor Lorosa'e (UNTL) nia Vice-Reitora para os Assuntos Estudantís Dr. Ligia Tomás Correia halo abertura ba atividade diskusaun Kafé Jéneru ho tema "Komemorasaun Loron Independénsia 28 Novembru Konseitu no Teoria", iha Auditóriu FCS, Caicoli, Díli (6/11).
Objetivu husi diskusaun refere atu partilla esperiénsia kona-ba istória ukun aan no komemorasaun loron 28 Novembru nian ba estudante sira, hodi bele komprende kona-ba Konseitu Triangular ba prosesu ukun rasik aan, nune'e bele hametin sentidu nasionalismu no patriotismu iha rai doben Timor-Leste.
Oradór ba diskusaun maka Sr. Barnabe Barreto Soares. Enkuantu atividade kafé jéneru ne'e organiza husi Gabinete Vice-Reitoria para os Assuntos Estudantís no Gabinete pelos Assuntos Relacionados às Questões e Poltíticas de Género iha UNTL (GARQPG). Partisipa husi Dosente no Estudante sira.
Média UNTL 
: Mario Jonio Mendonça
: Mario Jonio MendonçaFoto
: Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 402
Universidade Nacional Timor Lorosa’e (UNTL) nia Diresaun Nasional Atendementu Estudante (DNAE) informa ba Graduadu/a sira atu mai foti atributu graduasaun nian iha DNAE tuir orariu ne’ebé prepara ona.
Informasaun kompletu haree iha aneksu .
- Detalhes
- Escrito por Mateus Goncalves
- Visualizações: 376
Universidade Nacional Timor Lorosa’e (UNTL) liuhusi Proreitoria ba Asuntu Dezenvolvimentu Instituisional (PRADI) nia Jestór Projetu Enjeñeru Fernão Reis, M.Eng, iha Kampus Sentral, Díli (27/11) informa, konstrusaun edifísiu foun Instituto Nacional de Linguística (INL) to’o Novembru atinji ona 31%.
“ Progresu edifísiu INL to’o ona pursentu (31%) ne’e tarde tebes tuir planu ne’ebé iha ona no dadaun ne’e sira nafatin hala'o servisu iha semana kotuk kompañia chor no instala ai-rin ba sinta leten ground floor hodi nune’e sira bele chor hotu estrutura ai-rin sira”, Dehan Fernão.
Jestór Projetu Enjeñeru Fernão Reis hatutan, kompañia servisu tarde konserteza sei halo estensaun kontratu ho aprovizionamentu no espera katak iha tinan oin kompañia bele finaliza konstrusaun ne’e.
“Husi problema ne’ebé kompañia hasoru ami nafatin fó xamada ba sira atu aselera lalais servisu ne’e no ita husu ba kompaña atu aumenta tan traballadór no servisu over time no kompañia informa katak iha fulan maiu 2025 sei entrega xavi”, Dehan Fernão.
Média UNTL : Eugenia de Jesus
: Eugenia de JesusFoto: Domingos Amaral & Laurindo da Cruz
: Domingos Amaral & Laurindo da Cruz- Detalhes
- Escrito por Mateus Goncalves
- Visualizações: 404
Universidade Nacional Timor Lorosa’e (UNTL) nia Reitór Interinu atuál Vise-Reitór ba Asuntu pos-Graduasaun no Peskiza Profesór Dr. Afonso de Almeida ho Diretór Ezekutivu Coral Triangle Initiative-Coral Reefs, Fishereries and Food Security (CTI-CFF) Dr. Frank Keith Griffin, asina Memorandu-Entendimentu (MoU) , iha Timor Plaza, Díli (04/11).
Profesór Afonso hatete, UNTL ho CTI-CFF asina memorandu ne’e hanesan oportunidade ida ba kooperasaun iha área Peska no Mariña nian hodi tulun liuhusi peskiza no formasaun oinsá atu próteje rekursu sira iha tasi-laran.
“Ohin ne’e kooperasaun entre UNTL ho CTI-CFF hodi koalia kona-ba oinsá mak ita konserva ho rekursu naturais tasi nian iha Timor-Leste, nune’e ba UNTL nu’udar oportunidade ida hodi dezenvolve sentru investigasaun sira hodi kontribui ba peskiza sira ligadu ho Ambiente iha Kosta Mariña nian”, hatete Prof. Afonso.
CTI-CFF ne’e harii husi nasaun sira hanesan Indonesia, Filipina, Malaysia, Timor-Leste, Papua Nugini no Illa Salomão ho objetivu atu tau matan no proteje ahu-ruin sira iha tasi-laran, tanba ahu-ruin sira ne’e hanesan uma no fatin ba espésie sira iha tasi atu hela ba.
Iha serimónia ne’e akompaña husi Dekanu Fakuldade Agrikultura Profesor Vicente Paulo Correia ho nia estrutura, reprezentante husi nasaun neen ne’ebé mensiona iha leten, Minisitériu Agrikultura Pekuária, Peska no Floresta (MAPPF) nia Diretór Jerál Peskás, Akikultura, no Jestaun Rekursu Akuátiku Sr. Celestino Cunha Barreto, ekipa tékniku no konvidadu sira.
Média UNTL : Agostinho da Cruz
: Agostinho da CruzFoto: Dominggos Amaral
: Dominggos Amaral- Detalhes
- Escrito por Mateus Goncalves
- Visualizações: 388
Universidade Nacional Timor Lorosa’e (UNTL) nia Magnífiku Reitór Interinu no atual Visereitór ba Asuntu Pós-Graduasaun no Peskiza (VRAPGP) Profesór Dr. Afonso de Almeida, partisipa iha Diskusaun Grupu ne’ebé foku liuba Prosesu Elaborasaun Nacional ba “Science, Technology and Innovation (STI) Timor-Leste” iha Hotel Novo Turismo, Díli (4/12).
Objetivu husi diskusaun ne’e Instituisaun Akadémika, Setór Privadu no Públiku sira no Defensor sira atu bele hato’o ideia polítika, nune’e STI bele kontinua prosesu elaborasaun tuir nesesidade.
Diskusaun ne’e organiza husi Instituto Nacional de Ciência e Tecnologia (INCT) no partisipa husi, reprezentante instituisaun akadémiku, setór privadu no públiku, no konvidadu balu.
Média UNTL : Leonia de A. da Costa
: Leonia de A. da CostaFoto: Leonia de A. da Costa
: Leonia de A. da Costa