- Detalhes
- Escrito por Mateus Goncalves
- Visualizações: 238
Universidade Nacional Timor Lorosa’e (UNTL) nia Xefe Departamentu Jestaun Rekursu Humanu Sr. Mateus da Silva, iha Kampus Sentral UNTL nian, Díli (22/11) hatete, funsionáriu UNTL hamutuk na’in atus rua haatnulu resin rua (242) partisipa iha teste eskrita promosaun grau durante Novembru 2024 ne’e.
‘’Programa promosaun grau ne’e estabelese husi Comisão Função Pública (CFP) ho nia kritériu ba funsionáriu sira ne’ebé hakarak partisipa iha teste ba promosaun grau ne’e mak funsionáriu tenki iha avaliasaun dezempeñu mínimu Bom no tenki ativu servisu tinan 4, la hetan pena ruma iha prosesu disiplinar no ba funsionáriu sira ne’ebé lisensa sem vensimentu tenki liu tinan 4 foin bele tuir’’, Dehan Sr. Mateus.
Sr. Mateus hatutan, promosaun ne’e lao tuir lei no funsionáriu ne'ebé la pasa iha promosaun grau bele kompete fali iha tinan oin mai no karik CFP bele estabelese promosaun grau tuir antiguidade DNRH sei halo verifikasaun dadus tuir antiguidade sei enkamina ba CFP atu tetu tuir vaga no orsamentu ba promosaun grau nian tuir antiguidade.
Totál funsionáriu 242 ne’e kompostu husi funsionáriu grau G-F (17), funsionáriu grau F-E (33), no funsionáriu grau E-D (55) funsionáriu grau D-C (79) Funsionáriu C-B (44) no funsionáriu grau B-A (14).
Média UNTL 
: Laurindo da Cruz Gomes
: Laurindo da Cruz GomesFoto
: Domingos dos Amaral
: Domingos dos Amaral- Detalhes
- Escrito por Mateus Goncalves
- Visualizações: 159
Universidade Nacional Timor Lorosa’e (UNTL), nia Magnífiku Reitor Profesór dr. João Soares Martins MPH, Ph.D ho Ministru Ensinu Superior Siénsia no Kultura (MESSC) S.E. José Honório da Costa Pereira Jerónimo partisipa iha serimónia enseramentu resultadu Projeto Formar Orientar Certificar e Otimizar (FOCO) UNTL, iha Auditóriu FCS Caicoli, Díli (21/14).
Magnífiku Reitór hatete, projetu FOCO ho nia misaun mak habelar Lian Portugués, husu mós responsabilidade no dever hotu-hotu nian hodi kontribui, tanba língua portugués la’os língua estranjeiru, maibé lingua Timor-Leste nian mós.
“UNTL sai mós hanesan nain ba projetu ne'e, tempu hirak liu ba ita akompaña no testemuña ba apresentasaun rezultadu husi projetu FOCO ne'ebé susesu no atinje ho 95%, kontinua esforsu no servisu hodi bele hetan baze legal.
Espera estatutu UNTL nian hetan aprovasaun, nune’e luta atu iha dekretu lei ruma ne’ebé ekivalente ba sentru Lingua Portugés UNTL nian hodi bele iha kompeténsia ba sertifikasaun no kapasitasaun linguístika”, dehan Reitór.
Iha fatin hanesan MESSC, S.E. José Honório da Costa Pereira Jerónimo agradese ba parseria husi Portugal, nomós UNTL ba prosesu hotu, hatoo mós obrigadu ba dirijente, dosente funsionáriu sira ba servsiu ne’ebé fundamental hodi atinje susesu projetu FOCO nian ne’ebé fó formasaun kualifikasaun iha Lian Portugues ba estudante no dosente sira.
“Projeto FOCO hanesan sentru Lian Portugués iha UNTL ho objetivu atu promove formasaun no kualifikasaun iha Lian Portugués, projetu ne’e la’os funsiona de’it iha UNTL maibé mós ba públiku enjeral, husu atu kontinua luta no habelar nafatin lian portugués ba territoriu Timor laran”, dehan MESSC.
Koordenadór FOCO UNTL nian Profesór Samuel Venâncio de Sousa Freitas no atual Vise-Reitor para os Asuntos Académico e Garantia Qualidade agradese ba hotu hotu nia servisu hahú husi tinan 2019 too ohin loron bele finaliza projetu ne’e ho susesu.
“Espera Sentru Lian Portugués bele sai sentru sertifikasaun kompeténsia profesionalismu no exelente iha Timor-Leste nomós ba mundu, aliende Países Comunidade dos Países De Lingua Portuguesa (CPLP)”, hatete nia.
Partisipa husi Embaxadora Portugal iha Timor-Leste Sra. Manuela Freitas Bairos, Embaxador Angola iha Timor-Leste Sr. José Andrade de Lemos, Visereitór, Proreitór, Dosente no konvidadu sira.
Média UNTL : Altur Ramos
: Altur RamosFoto: Altur Ramos no Denilson A. Barros
: Altur Ramos no Denilson A. Barros- Detalhes
- Escrito por Mateus Goncalves
- Visualizações: 244
Universidade Nacional Timor Lorosa’e (UNTL) liuhusi Faculdade de Medicina e Ciência da Saúde (FMCS) realiza Judisium hodi atribui títulu akadémiku ba finalista na’in atus neen tolunulu resin tolu (633), ho tema “Produzir Profisionais da Saúde Competentes, Adaptáveis, Creativos e Cívicos para Garantir o Direito a Qualidade de Serviços de Saúde” iha Salaun Oka nian, Díli (21/11).
Reprezentante Magnífiku Reitor no atuál Visereitór ba Asuntu Pós-Graduasaun no Peskiza, Profesór Afonso de Almeida hatete, Judisium marka pasu importante ba graduadu sira tanba ne’e selebra susesu ba sira-nia esforsu, dedikasaun no dezafiu sira ne’ebé enfrenta iha tempu naruk durante perkursu. Ida ne’e hanesan tempu orgullu ba UNTL forma Medisina no Siensia Saúde atu assume responsabilidade hodi kuida ema nia vida.
“UNTL fó felisitasaun makaas ba graduadu ne’ebé ohin konklui ona estudu no ha’u hakarak espresa mós sentimentu gratidaun ba Profesór no Funsionáriu FMCS nian ne’ebé ho dedikasaun nomós agradese ba família nia konfiansa ba oan sira mai estuda iha UNTL nomeadamente FMCS”, Dehan VRAPGP.
Iha fatin hanesan, Ministro Ensino Superior, Ciência e Cultura (MESCC) S.E. José Honório da Costa Perreira Jerónimo kongratula ba finalista sira, tanba hakotu ona estudu iha universidade hodi tama ona ba vida sosiedade.
“Imi-nia kursu sira-ne’e halo remata atu bele serbí komunidade, imi tenki kaer metin imi-nia juramentu ne’ebé ohin imi halo atu serbí ita-nia komunidade ho di’ak, tanba Timor-Leste presiza ida-ne’e. Hanesan Ministru nafatin fó apoiu atu ita bele melhora di’ak aprendizajen iha UNTL no husu ba imi hotu atu respeita malu, respeita feto sira no profesór sira mós haree estudante sira nu’udar oan rasik’’, Dehan MESCC José Honório.
Dekana FMCS Profesora Lidia Gomes hatete, Judisium nu’udar progresu importante iha perkursu akadémiku no juramentu profisional husi finalista sira, maibé mós hanesan komprimísiu instituisaun nian hodi forma profisional saúde ne’ebé kompetente, integridade no kompetetivu.
“Tema ba Judisium ohin nian maka atu refleta ita-nia vizaun iha komitmentu no responsabilidade iha preparasaun ba jerasaun profisional saúde ne’ebé forte no integridade iha dedikasaun, prontu atu serbí komunidade ho profesionalizmu ho empatia ne’ebé di’ak’’, Dehan Dekana Gomes.
Judisium ne'e ba finalista 633 kompostu husi, Departamento de Farmacia (130), Departamento Ciências Biomedicas Laboratoriais (138), Departamento de Nutrição Dietetica (86), Departamento de Parteira (134) no Departamento Enfermajen (145).
Média UNTL : Laurindo da Cruz Gomes
: Laurindo da Cruz GomesFoto: Mario Jonio Mendonça Martins
: Mario Jonio Mendonça Martins- Detalhes
- Escrito por Mateus Goncalves
- Visualizações: 209
Universidade Nacional Timor Lorosa’e (UNTL) nia Koordenadór ba Komisaun ba Elaborasaun Livru Komemorativu DIES NATALIS UNTL nian ba dala XXV, Profesór Apolinário Magno hamutuk ho ekipa editór sira hala’o enkontru dahuluk, iha Sala-Videokonferénsia, UNTL nian, Díli (22/11).
Objetivu husi enkontru ne’e, ekipa editoriál deskuti atividade elaborasaun livru, konfirmasaun no orientasaun elaborasaun, kronograma ba atividade elaborasaun, tipu, layout, konteúdu ba livru nian.
Enkontru ne'e partisipa husi Magnífiku Reitór Profesór dr. João Soares Martins, MPH.Ph.D, Proreitór ba Asuntu Dezenvolvimentu Instituisional nian, Profesór Dr. Lelis Gonzaga Fraga, Diretór Jerál Gabineti Certificação dos Docente Universitário (GabCEDU), Profesór Rui da Cruz, Dekanu Faculdade de Ciênçias Exatas Profesór Romualdo Lopes da Cruz, no Editór Asosiadu sira mak hanesan, Profesór Dr. Samuel Venâncio de Sousa Freitas, Profesora Dra. Karin Indart no Profesora Dra. Maria do Céu Batista.
#TimorLeste #UNTL 22 Novembru 2024
Média UNTL : Leonia de Araújo da Costa
: Leonia de Araújo da CostaFoto: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 190
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH,Ph.D asina akordu ho Prezidente Comite Orientadór 25 Sr. Constâncio da Conceição Pinto “Terus” iha Sala-Videokonferénsia UNTL nian, Díli (21/11) hodi koopera iha área peskiza ba istória no publikasaun.
Reitór agradese, tanba husi kooperasaun atu bele dokumenta istória Timor-Leste nian nune’e jerasaun tuir mai bele hatene no komprende prosesu ukun rasik aan.
“Agradese tebes ba kooperasaun ne’e hodi habelar ita-nia istória luta nian, tanba ne’e husi kooperasaun ida-ne’e bele dokumenta ita-nia istória ne’ebé iha relasaun ho luta ba Timor-Leste ninia di’ak, maske UNTL ho Comite foin asina akordu, maibé ami-nia dosente sira apoiu dezde inísiu mai to’o ohin loron, maibé ba oin ita bele haree hamutuk peskiza nian no dezelvolve livru sira ne’ebé nesesáriu”, dehan Reitór.
Prezidente Comite Orientadór 25 nian, Sr. Constâncio da Conceição Pinto “Terus” hatete, kooperasaun informalmente lao kleur ona, tanba dosente barak mak apoiu ona Comite, maibé asina akordu atu bele apoiu iha área peskiza no publikasaun.
“Ami agradese ba kooperasaun ne’e, no atu dehan de’it katak UNTL nia kooperasaun informal lao kleur ona, tanba Dosente UNTL sira sempre apoiu iha peskiza no hakerek ona livru ida no sei lansa iha tinan oin, maibé rekomenda hela katak se bele loke mós kursu Istória iha UNTL nune’e bele haforsa no habelar istória ba mundu”, dehan Prezidente Comite.
Asinatura MoU ne'e, akompaña husi Proreitór ba Asuntu Kooperasaun nian, Profesór Tomé Xavier Jerónimo, asistente tékniku no ekipa husi Comite Orientadór 25 nian.
Média UNTL : Leonia de Araújo da Costa
: Leonia de Araújo da CostaFoto: Leonia de Araújo da Costa
: Leonia de Araújo da Costa