- Detalhes
- Escrito por Mateus Goncalves
- Visualizações: 431
No seguimento do Edital aprovado pelo Conselho Geral da Universidade Nacional Timor Lorosa’e (UNTL), torna-se público que se encontra aberto o processo de apresentação de candidaturas ao cargo de Reitor da UNTL, nos termos do Regulamento de Eleição do Reitor. www.untl.edu.tl
O período para a entrega das candidaturas decorre de 10 a 21 de novembro de 2025, nos termos do calendário eleitoral aprovado.
Os interessados deverão apresentar a sua candidatura por meio de carta dirigida ao Presidente do Conselho Geral, acompanhada dos documentos exigidos no edital.
O edital completo, contendo, todas as informações sobre requisitos, prazos, documentos necessários e calendário eleitoral, encontra-se disponível para consulta no link abaixo: www.untl.edu.tl. ou
https://drive.google.com/file/d/1yCy077Z21l2knZn2PCyRTohIbM1ZOLrV/view?usp=drive_link
Díli, 10 de novembro de 2025
Conselho Geral da Universidade nacional Timor Lorosa’e (UNTL)
- Detalhes
- Escrito por Mateus Goncalves
- Visualizações: 492
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D ho Ministru Ensinu Superior Siénsia no Kultura (MESCC), S.E. José Honório da Costa Pereira Jerónimo tau fatuk dahuluk ba konstrusaun edifísiu foun laboratóriu integradu no edifísiu ba Faculdade de Ciências Exatas (FCE) nian, iha Hera, Díli (10/12).
Reitór UNTL hatete, universidade tau importánsia ba FCE, tanba importante tebes ba Dezenvolvimentu teknólojia Timor-Leste iha futuru ne’ebé kompetitivu.
“Ohin ita halo lansamentu ka tau fatuk dahuluk ba edifísiu Faculadade de Ciências Exatas no laboratóriu integradu, ha’u tau importánsia ba FCE, tanba nia ezisténsia importante tebes ba nasaun nia futuru no ita mós bele iha inovasaun ne’ebé kompetitivu, liga ho siénsia teknolojia ba área siénsia bázika, enjeñaria no seluk tan”, hatete Reitór.
Reitór mos agradese ba Governu bele aprova proposta hodi konstrui edifísiu refere no husu ba kompaña atu servisu tuir kalendáriu ne’ebé marka ona.
Iha fatin hanesan Ministru Ensinu Superior Siénsia no Kultura, S.E. José Honório hatete, projetu ne’e investimentu ida husi IX Governu Konstitusional, nune’e ba oin la’os UNTL de’it mak Utiliza maibé ba Instituisaun seluk ne’ebé bainihira iha nesesidade bele uza.
“Ha’u hanoin ida-ne’e parte ida Governu hakarak investe, nune’e ba oin la’os UNTL de’it, maibé karik ministériu balun ne’ebé bele mós asesu, ne’e kompromísiu IX Governu nian hakarak apoiu. Ha’u mós hakarak agradese ba kompañia bele disponivel hodi responsabiliza ba obra ida-ne’e, hanesan ohin reitór dehan projetu barak la’o maibé kleur tanba ne’e konstrusaun ida-ne’e tenki la’o tuir ninia tempu”, hatete Ministru.
Diretora Kompaña Cabitama Unip. Lda. Sra. Amelia de Jesus Pereira hatete, kompañia hetan ona fiar husi UNTL, tanba ne’e nia fiar katak tékniku sei servisu tuir durasaun no dezeñu ne’ebé mak iha.
“Ba kompañia nia iha responsabilidade tomak, ne’ebé hetan ona fiar husi UNTL atu responsavel ba projetu ida-ne’e, ha’u-nia tékniku servisu tuir prosesu ne’ebé UNTL fó bazeia kalendáriu no dezeñu ne’ebé iha”, hatete Diretór Kompaña Cabitama.
Edifísiu ne’e ho nia luan metru 25 X Metru 23, andar tolu no durasaun ba konstrusaun durante tinan ida.
Partisipa iha lansamentu ne’e Sekretariu Estadu Terras Propriedade S.E. Jaime Xavier, Vise-Reitór, Pro-Reitór, Dekanu, dosente no asosiasaun husi FCE no konvidadu sira.
Média UNTL 
: Agostinho da Cruz
: Agostinho da CruzFoto
: Ekipa DEMCOM
: Ekipa DEMCOM- Detalhes
- Escrito por Mateus Goncalves
- Visualizações: 491
Universidade Nacional Timor Lorosa'e (UNTL), nia Diretora Diresaun Nasional Lojístika no Manutensaun Sra. Odete Fatima da Cruz Monteiro ho Ekipa lori universidade nia naran hato’o Sentidu Kondolénsia Profunda ba Sr. Sebastião Soares, ne’ebé fila hikas ona ba Aman Maromak Nia Kadunan Santu, iha suku Cribas Postu-Administrativu Manatuto, Munisípiu Manatuto (12/12).
Matebian Sr. Sebastião Soares, nu'udar funsionáriu -UNTL iha Diresaun Nasionál Lojístika no Manutensaun desde 2002 até hakotu is.
Matebian moris iha loron 20-03-1975 iha suku Cribas Postu Administrativu Manatuto Munisípiu Manatuto. Iha loron loron 11-12 -2024 matebian Sebastião hakotu is, tanba sofre moras komplikadu no husik hela faluk ho oan hamutuk na’in-haat.
- Detalhes
- Escrito por Mateus Goncalves
- Visualizações: 493
Universidade Nacional Timor Lorosa’e (UNTL) liuhusi Faculdade Medicina e Ciencia da Saúde nia Departamento de Nutrição e Dietética Realiza treinamentu ho tema “Enhancing Research Capacity” iha Kampus Lahane, Díli (10/12), hodi koalia Kona-ba oinsa halo Peskiza.
Diretór ESTES Mestre Miguel Soares hatete, treinamentu ne’e hala’o durante semana rua no fasilita husi Profesora Stephanie ne’ebé iha esperiensia iha área Metodolojia Peskiza nian hodi hasa’e koñesimentu dosente sira-nian.
“Treinamentu ida-ne’e di’ak tebes ba ami dosente sira atu bele aumenta koñesimentu hodi halo peskiza no liuliu hodi fasilita estudante sira ne’ebé agora prepara hela atu hakerek, ne’e sira bele hatene oinsa halo peskiza no uza métodu ba foti dadus”, dehan Mestre Soares.
Iha fatin hanesan, Oradora husi Catholic Relief Services (CRS)- Farmer-to-Farmer (F2F) Profesora Stephanie Kristen Grutzmacher hatete, objetivu husi treinamentu ne’e atu partilla kona-ba oinsa halo peskiza ba área ou tópiku ruma ne’ebé antusiasmu atu hatene hodi rezolve problema ruma.
“Tópiku ne’ebé ohin ha’u lori iha ne’e tópiku sanulu resin ida (11), interesante atu fahe mak : (1. Purpose of research 2. Literature search 3. Writing research question 4. Sampling 5. Quantitative methods 6. Qualitative methods 7. Community engagement 8. Program evaluation 9. Research ethics 10. Collaboration 11. Writing and publication) nune’e atu bele kapasita estudante no dosente sira hodi halo sira-nia peskiza no hakerek di’ak liu”, Dehan Profesora Stephanie.
Atividade ne’e realiza tanba servisu hamutuk FMCS nia Departamento Nutrição e Dietética ho Catholic Relief Services (CRS)- Farmer-to-Farmer (F2F). Alinde ne’e partisipa husi dosente funsionáriu no estudante sira.
Média UNTL : Laurindo da Cruz Gomes
: Laurindo da Cruz GomesFoto: Laurindo da Cruz Gomes
: Laurindo da Cruz Gomes