- Detalhes
- Escrito por Mateus Goncalves
- Visualizações: 23
Universidade Nacional Timor Lorosa’e (UNTL) liuhusi Proreitoria ba Asuntu Dezenvolvimentu Instituisional (PRADI) nia Jestór Projetu Enjeñeiru Fernão Reis, M,Eng hatete, prosesu konstrusaun ba edifísiu foun Instituto Nacional de Linguístika (INL) ne’ebé lokaliza iha Kampus Liceu atinji ona ba 41%.
“Konstrusaun INL nian, semana kotuk, Kompañia Chor ona nia sinta leten, to'o agora atinji ona 41%. Ha'u orientá ona kompañia atu sobu ona nia baquesting ninin atu nune'e sira bele tula ona plat bondex, para bele chor ona parte leten”, dehan Fernão iha Kampus Sentrál UNTL, Díli (15/03).
Fernão akresenta, kompañia agora aselera hela, fiar katak kompañia bele konklui projetu ne'e, iha Jullu 2025, bazeia ba akordu ne'ebé mak iha.
Konstrusaun refere responsabiliza husi Kompañia Dwiponggo Bee Feto Kaduak Tata JV. Inísiu konstrusaun iha Janeiru 2024, enkuantu sei finaliza iha Jullu 2025.
Média
: Altur Ramos
: Altur RamosFoto 
: Mário Jonio Mendonça
: Mário Jonio Mendonça- Detalhes
- Escrito por Mateus Goncalves
- Visualizações: 32
Universidade Nacional Timor Lorosa’e (UNTL) nia Gabinete Proreitoria ba Asuntu Provedoria no Akosellamentu (PRAPA) hala’o Via-Sakra ba sivitas akadémika tomak, iha Kampus Sentrál UNTL nian, Díli (14/03).
Atividade espiritual ne'e organiza husi PRAPA no sei hala'o kada sesta-feira ba sivitas akadémika universidade nian durante tempu kuaresma.
Via-sakra ne'e prezidi husi Padre Kapelaun UNTL nian Pe. Nívio Correia Lebre FdCC no partisipa husi Proreitora Asuntu Provedoria no Akonsellamentu (PRAPA), Profesora Teresa de Jesus Vaz Cabral, funsionáriu, dosente no estudante sira.
Media UNTL
: Altur Ramos
: Altur RamosFoto
: Altur Ramos
: Altur Ramos- Detalhes
- Escrito por Mateus Goncalves
- Visualizações: 45
Universidade Nacional Timor Lorosa'e (UNTL) ho Universidade Federal de Santa Catarina Brasil simu ekipamentu ne’ebé atu fasilita prosesu ensinu nian ba kursu Doturado em Educação Científica e Tecnológica- DINTER husi Agência Brasileira de Cooperação (ABC), iha Kampus Liceu, Díli (10/03).
Objetivu husi entrega ekipamentu ne'e hodi fasilita estudante DINTER iha prosesu aprendizajen no peskiza nian no ekipamentu mak hanesan: Kamera Konferénsia Meetup Logitech, spiker Logitech no Televisaun.
Partisipa husi Magnífiku Reitór Profesór dr. João Soares Martins, Proreitór Asuntu Kooperasaun, Dekanu, Ekipa Cooperação Brasileira no estudante doutoradu sira.
Media UNTL: Mario J. Mendonça
: Mario J. MendonçaFoto: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 51
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins, MPH,Ph.D entrega ofisialmente lista estudante inativu husi tinan 2000-2012 ne’ebé elimina ona husi Sistema Akadémiku hamutuk na’in 8.850 ba dekanu sira.
Reitór hatete, desizaun final ne’e atu elimina estudante sira ne’ebé la ativu ona iha UNTL, lista sira ne’e entrega ona ba dekanu fakuldade sira, nune’e estudante sira mai atu halo reinskrisaun bele haree fila fali iha lista ne’e, karik naran tama ona iha lista eliminasaun signifika estudante ne’e la hetan ona legalidade.
“Ohin ofisialmente ita entrega ona lista estudante sira ne’ebé ita esklui ona husi sistema akadémiku, nune’e karik estudante sira-ne’e mai fila fali ho dokumentu kompletu mos ita sei la simu ona, nune’e sira hakarak kontinua fali estudu iha UNTL tenke tuir fali prosesu normal hanesan estudante foun sira, tanba ita konsege fó tempu tinan rua hahú husi 2022 -2024”, dehan Reitór iha Gabineti DJAA, kampus Sentrál, Díli (11/03).
Iha fatin hanesan Dekanu Faculdade de Educação Artes e Humanidades (FEAH), Profesór Teodoro Soares hatete, fakuldade simu ne’ebé elimina ona lista, tanba ne’e esklui ona sira husi sistema.
“Ohin ami mai simu ona lista eliminasaun estudante. Kuandu nia hakarak mai fali eskola, tenke tuir prosesu normal hanesan estudante foun, tanba ita fó ona tempu tinan rua, balu konsege mai ona, sira seluk ne’ebé la mai tama ona iha lista eliminasaun”, dehan Dekanu FEAH.
Lista refere prepara husi Diretór Nacional Atendimentu Estudante nian, Sr. Rui Loco ho ekipa, arkiva iha sistema husi Diresaun Nacional Atendimentu Estudante.
Partisipa husi Visereitór VRAAGQ nian, Profesór Samuel Venâncio de Sousa Freitas, Diretór Jerál de Administrasaun Akadémika, Sr. Armindo Leto Fátima, Diretora DNIT nian, Sra. Emancia E. S. Magno, Diretór Nacional ba Avaliasaun Akreditasaun Sr. Agustinho Quelo ho asitente tékniku sira.
Dekanu sira ne’ebé simu lista mak Faculdade de Direito, Profesór José Tomas Alves, Decano Faculdade de Economia e Gestão nian, Profesór Filipe Mendes Pereira, Dekanu FEAH, Profesór Teodoro Soares.
Media UNTL: Leonia de Araújo da Costa
: Leonia de Araújo da CostaFoto: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 39
Universidade Nacional Timor Lorosa’e (UNTL) nia edifísiu foun laboratóriu Integradu no edifísiu ba Faculdade de Ciências Ezatas (FCE) ne’ebé lansa iha loron 10 fulan Dezembru 2024 liuba iha Hera nia progresu servisu atinji 3.5%.
Enjeñeru Fernão Reis hanesan Jestór ba Projetu iha Proreitoria ba Asuntu Dezenvolvimentu Institusional, hatete edifísiu foun ba Laboratóriu Integradu iha Hera kompañia halo ateru rai ba aliserse (fundasi) okos.
“Edifísiu foun laboratóriu integradu nian iha Hera, dadaun ne’e servisu foin atinji 3.5%, sei iha faze fundasi nian, ita hotu hatene iha agora tempu udan rai sei mamar entaun ita labele halo pemeratan, tenki hein rai maran mak makina hanehan bele metin tanba ne’e mak ha’u haruka enjeñeiru para tiha lai durante loron rua hein rai maran ituan mak halo pemeratan”, haktuir Reis iha kampus Sentral, Díli (6/03).
Iha fatin hanesan Enjeñeiru Kompanhia Kabitama, Saturnino Martins hatete, sira-nia servisu loloos la’o di’ak, maibé klima udan difikulta tebes ba sira-nia servisu iha terenu.
“Loloos ne’e ami-nia progressu la’o ho di’ak, maibé iha ne’e difikulta klima, udan mai hela de’it, nune’e fundasi ne’ebé ami ke’e ne’e atu ateru, maibé rai sei bokon entaun ami hein maran ituan mak ami bele ateru depois lori mákina sama (halo pemeratan)”, hatete.
Edifisíu foun ne’e nia luan metru 25 X 23, andar tolu, responsabiliza husi Kompaña Kabitama ho durasaun ba konstrusaun durante tinan ida.
Media UNTL: Agostinho da Cruz e Silva
: Agostinho da Cruz e SilvaFoto: Mario Mendonça
: Mario Mendonça