Universidade Nacional Timor Lorosa'e (UNTL) nia Faculdade de Economia e Gestão (FEG) realiza semináriu ho tema: "Promoção dos Direitos Humanos no campo da Economia e a Valorização da Diversidade Cultural Em Timor-Leste" hodi komemora loron direitus umanus ne’ebé monu iha 10 Dezembru ba dala 76 (1948-2024).
Magnífiku Reitór Profesór dr. João Soares Martins MPH.Ph.D hato'o parabéns ba estrutura fakuldade, liuliu ba senadu ho estrutura ne'ebé ho hanoin inovativu hodi realiza semináriu ne'e hodi komemora loron Direitus Umanus ligadu ho aspetu ekonomia sosial no kultural nian.
"Husu ba estudante sira kontinua nafatin realiza atividade akadémiku sira, nune'e hodi kria pensamentu krítiku no analítiku nune'e iha futuru bele kontribui ba dezenvolvimentu nasaun nian”, Dehan Reitór, iha Salaun FEG, Díli (8/11).
Iha fatin hanesan Vise-dekanu ba Asuntu Akadémiku Profesór Dr. Ananais Barreto hatete, eventu refere konvida oradór sira hodi partilla esperiénsia ba estudante sira.
"Fakuldade sempre realiza eventu sira hanesan ne’e hodi bele haklean liu tan estudante sira nia nível koñesimentu kona-ba promosaun Direitus Umanus.
Enkoraja estudante no asosiasaun estudantíl sira atu bele dezenvolve nafatin atividade no programa sira nune'e hodi bele hasa'e nível koñesimentu", Dehan Visedekanu.
Iha sorin seluk oradór Sr. Virgilio da Silva Guterres senti kontenti, tanba bele partilla koñesimentu ne'ebé iha ba estudante sira relasiona ho protesaun Direitus Umanu iha Timor-Leste ligadu ho situasaun direitu ekonómiku no sosial iha rai laran.
"Espera ho koñesimentu ne'ebé imi hetan sai hanesan referénsia di'ak ba imi-nia moris hodi bele komprende kona-ba protesun Direitu Umanus iha Timor-Leste, relasiona ho direitu ekonomia no sosial iha Timor", Tenik Virgilio.
Oradór ba semináriu ne'e Sr. Virgilio da Silva Guterres Provedor ba Direitus Humanus, Diretór Sentru Direitus Umanus Profesór Dr. Armindo Maia, Sr. Eugénio do C. de J. Sarmento (Cordenador Geral Lia Nain Timor-Leste).Atividade ne'e organiza entre Asosiasaun Estudantil FEG no FTAICC servisu hamutuk ho Fakuldade FEG. Partisipa husi dosente, estudante no konvidadu sira.
Média UNTL 
: Mario J. Mendonça
: Mario J. MendonçaFoto
: Leonia da Costa Araújo
: Leonia da Costa Araújo