- Detalhes
- Escrito por Mateus Goncalves
- Visualizações: 183
Universidade Nacional Timor lorosa’e (UNTL) nia Faculdade de Educação Artes e Humanidades (FEAH) realiza Judisium ba dala XXXI hodi atribui títulu akadémiku ba finalista hamutuk atus haat sianulu resin hitu (497), iha Salaun Oka, Hudi Laran, Díli (6/12).
Magnífiku Reitór Interinu no atuál Visereitór ba Asuntu Pós-Graduasaun no Peskiza (VRAPGP) Profesór Afonso de Almeida hatete, Judisium nu’udar momentu reponsabilidade ba finalista sira, liuliu ba finalista sira ne’ebé konsege finaliza ona estudu iha universidade.
“Serimónia Judisium nu’udar momentu responsabilidade ida ba finalista sira, tanba dezafiu ezije korajem atu bele atinji objetivu liuhusi votande joven sira-nian, tanba mundu presiza lider no edukadór sira hanesan imi, tanba ne’e bainhira ita iha mehi as mak vizaun sei luan liután hodi bele haree mundu ho asaun, tanba desizaun hotu iha finalista sira-nia liman”, dehan Profesór Afonso.
Dekanu FEAH nian, Profesór Teodoro Soares agradese ba parte hotu nia apoiu ba finalista sira-nia prosesu to’o ikus remata ona estudu.
“Ha’u hakarak hato’o parabéns ba finalista sira no agradese ba parte hotu nia apoiu ba ita-nia oan sira ohin remata ona, maibé husu ba imi hotu atu kontinua iha vontade hodi bele aumenta tan estudu ba mestradu no doutramentu, tanba edukasaun ne’e importante tebes ba Timoroan sira”, dehan Profesór Teodoro.
Tuir reprezentante finalista Putri Valentina Marques Maia, agradese ba parte hotu nia apoiu hodi forma finalista sira sai koñesidu, kompetitivu no exelente, tanba ne’e dezafiu mak bele lori ema hodi hasoru futuru.
“Ami agradese ba parte hotu nia apoiu, tanba forma ona ami sai koñesidu, kompetitivu no exelente, tanba ne’e dezafiu mak bele lori ita ba hasoru futuru ne’ebé sei mai, wainhira hakat sai husi portaun UNTL, ita lori grau, mehi, aspirasaun no enerjia ne’ebé laiha limitasaun atu halo mudansa iha ita nia nasaun ida ne’e”, dehan Putri nu’udar mellor klasifikasaun husi Departamento do Ensino de Biologia.
Partisipa iha serimónia solene refere, Diretór Ezekutivu Fundu Dezenvolvimentu Kapitál Umanu nian, Profesór Julio Aparicio, Estrutura FEAH, Diretór Departamentu, Dosente, Inan Aman, estudante no konvidadu sira.
- Detalhes
- Escrito por Mateus Goncalves
- Visualizações: 183
Universidade Nacional Timor Lorosa’e (UNTL) liuhusi Faculdade Turismo Artes Industrias Creativas e Culturais (FTAICC) realiza Judisium ho tema ‘’Promover e Valorizar a Nossa Cultura Para Contribuir ao Turismo de Paz’’ hodi distribui titulu akadémiku ba finalista na’in-haatnulu resin tolu (43), iha Salaun São José Catedral Vila Verde, Díli (6/12).
Reprezsentante Magnífiku Reitór no atuál Diretor Centro de Formação Avançada (CFA) Profesór Apolinario Magno hato’o parabéns ba finalista sira ne’ebé finaliza ona perkursu iha área Turismu.
“Ohin ita selebra momentu alegria ba susesu determinasaun estudu no agradese ba estrutura FTAICC, amigu sira, no inan-aman sira-nia apoiu ho esforsu imi bele hetan koñesimentu atu desenvolve nasaun ida-ne’e, tanba povu Timor-Leste hein hela imi”, Dehan Sr. Apolinario.
Iha fatin hanesan Dekanu FTAICC nian Profesór Feliciano Quintas do Céu hatete, Timor-Leste iha nia identidade kulturál oin-oin, refleta ba tema hodi promove no valoriza kultura hodi kontribui ba paz iha Timor Leste.
“Imi-nia koñesimentu no matenek ne’ebé iha atu bele dezenvolve Timor-Leste di’ak liu. Tanba ne’e ohin selebra konkista ida-ne’e ba finalista sira ne’ebé sei gradua iha área turismu atu bele kontribui ba hadia ekonomia iha nasaun nian nomós husi total finalista sira-ne’e la’ós de’it atu aumenta númeru, maibé atu aumenta rekursu ba nasaun ho kualifikadu’’, Dehan Dekanu FTAICC.
Finalista Angela Adelaide da Silva rekoñese, UNTL liuhusi FTAICC produz rekursu umanu ne’ebé kualidade no iha kompeténsia hodi tane valór umanidade nu’udar sientista no lider foun iha futuru ne’ebé bele kompete iha merkadu traballu.
‘’Ohin ita termina ona perkursu ho títulu akadémiku, ita labele hein ba opurtunidade, maibé ita rasik kria opurtunidade hodi loke kampu-traballu ba ita-nia aan rasik atu nune’e ita bele serbí ba nasaun no serbí ita-nia inan-aman no família sira’’, dehan Silva.
Média UNTL 
: Laurindo da Cruz Gomes
: Laurindo da Cruz GomesFoto
: Eugenia de Jesus Guterres
: Eugenia de Jesus Guterres- Detalhes
- Escrito por Mateus Goncalves
- Visualizações: 158
Universidade Nacional Timor Lorosa’e (UNTL) nia Diresaun Nasional Atendementu Estudante (DNAE) informa ba Graduadu/a sira atu mai foti atributu graduasaun nian iha DNAE tuir orariu ne’ebé prepara ona.
Informasaun kompletu haree iha aneksu .
- Detalhes
- Escrito por Mateus Goncalves
- Visualizações: 162
Universidade Nacional Timor Lorosa'e (UNTL) nia Vice-Reitora para os Assuntos Estudantís Dr. Ligia Tomás Correia halo abertura ba atividade diskusaun Kafé Jéneru ho tema "Komemorasaun Loron Independénsia 28 Novembru Konseitu no Teoria", iha Auditóriu FCS, Caicoli, Díli (6/11).
Objetivu husi diskusaun refere atu partilla esperiénsia kona-ba istória ukun aan no komemorasaun loron 28 Novembru nian ba estudante sira, hodi bele komprende kona-ba Konseitu Triangular ba prosesu ukun rasik aan, nune'e bele hametin sentidu nasionalismu no patriotismu iha rai doben Timor-Leste.
Oradór ba diskusaun maka Sr. Barnabe Barreto Soares. Enkuantu atividade kafé jéneru ne'e organiza husi Gabinete Vice-Reitoria para os Assuntos Estudantís no Gabinete pelos Assuntos Relacionados às Questões e Poltíticas de Género iha UNTL (GARQPG). Partisipa husi Dosente no Estudante sira.
Média UNTL : Mario Jonio Mendonça
: Mario Jonio MendonçaFoto: Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 163
Universidade Nacional Timor Lorosa’e (UNTL) nia Reitór Interinu atuál Vise-Reitór ba Asuntu pos-Graduasaun no Peskiza Profesór Dr. Afonso de Almeida ho Diretór Ezekutivu Coral Triangle Initiative-Coral Reefs, Fishereries and Food Security (CTI-CFF) Dr. Frank Keith Griffin, asina Memorandu-Entendimentu (MoU) , iha Timor Plaza, Díli (04/11).
Profesór Afonso hatete, UNTL ho CTI-CFF asina memorandu ne’e hanesan oportunidade ida ba kooperasaun iha área Peska no Mariña nian hodi tulun liuhusi peskiza no formasaun oinsá atu próteje rekursu sira iha tasi-laran.
“Ohin ne’e kooperasaun entre UNTL ho CTI-CFF hodi koalia kona-ba oinsá mak ita konserva ho rekursu naturais tasi nian iha Timor-Leste, nune’e ba UNTL nu’udar oportunidade ida hodi dezenvolve sentru investigasaun sira hodi kontribui ba peskiza sira ligadu ho Ambiente iha Kosta Mariña nian”, hatete Prof. Afonso.
CTI-CFF ne’e harii husi nasaun sira hanesan Indonesia, Filipina, Malaysia, Timor-Leste, Papua Nugini no Illa Salomão ho objetivu atu tau matan no proteje ahu-ruin sira iha tasi-laran, tanba ahu-ruin sira ne’e hanesan uma no fatin ba espésie sira iha tasi atu hela ba.
Iha serimónia ne’e akompaña husi Dekanu Fakuldade Agrikultura Profesor Vicente Paulo Correia ho nia estrutura, reprezentante husi nasaun neen ne’ebé mensiona iha leten, Minisitériu Agrikultura Pekuária, Peska no Floresta (MAPPF) nia Diretór Jerál Peskás, Akikultura, no Jestaun Rekursu Akuátiku Sr. Celestino Cunha Barreto, ekipa tékniku no konvidadu sira.
Média UNTL : Agostinho da Cruz
: Agostinho da CruzFoto: Dominggos Amaral
: Dominggos Amaral