- Detalhes
- Escrito por Mateus Goncalves
- Visualizações: 24
Universidade Nacional Timor Lorosa’e (UNTL) liuhusi Human Rights Center (HRC) realiza konferénsia ho tema "Reflection on the 25th Aniversary of the Referendum, Former Head of the United Nations Mission in East Timor (UNAMET)" konferénsia reflesaun no partilla istória Timor-Leste nian hodi komemora tinan 25, 30 Agustu (1999-2024) Referendun Timor-Leste nian, iha Auditóriu FCS Kaikoli, Díli (27/08).
Iha diskursu Reitór Interinu Profesór Dr. Afonso de Almeida, agradese ba HRC bele realiza ona konferénsia hodi komemora loron konsulta popular, hodi halo reflesaun ba pasadu no partilla ba joven sira hodi komprende istória Timor-Leste nian.
"Agradese ba HRC bele realiza eventu ida ne'e hodi komemora loron konsulta popular, husi konferensia ida ne'e laos deit atu halo reflesaun ba pasadu maibé bele kapasita mós koñesimentu joven sira iha nível ensinu supeior nian hodi bele entende kona-ba prosesu luta ba libertasaun, nune’e mós bele konvida Eis-Xefe UNAMET nian Sr. Ian Martin hodi partilla kona-ba prosesu organiza referendum iha 30 Agustu 1999 liubá", dehan Reitór Interinu.
Oradór ba konferénsia Sr. Ian Martin nu’udar Eis-Xefe UNAMET nian hatete, husi konferensia ida ne'e nu’udar oportunidade di’ak hodi partilla hamutuk esperiénsia ba dosente no joven sira kona-ba prosesu naruk lider timoroan sira esforsu ho polítika oioin ikus mai konsege manan independénsia liuhusi votu povu nian.
"Ha'u orgullu bele mai partilla esperiénsia kona-ba loron konsulta popular nian ba dosente no estudante sira, tanba iha pasadu lider timoroan barak ho esforsu makaas luta ho polítika oioin, no ikus mai Timor-Leste hetan determinasaun liuhusi votu povu nian. Ha’u espera husi istória naruk ne'ebé ita boot sira rona bele sai nu’udar referénsia di’ak iha futuru", dehan Ian Martin.
Konferensia ne'e modera husi Diretór Sentru Direitus Umanus Profesór Dr. Armindo Maia no partisipa husi Dekanu FCS Profesór Dr. Alarico da Costa Ximenes, Pró-Reitor para os Assuntos de Desenvolvimento Instituicional Profesór Dr. Lelis Gonsaga Fraga, Dosente, Estrutura FCS , estudante no konvidadu sira.
Média UNTL 
: Mario J. Mendonça
: Mario J. MendonçaFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 24
Universidade Nacional Timor Lorosa'e (UNTL) nia Proreitór ba Asuntu Kooperasaun (PRAK) nian Profesór Tomé Xavier Jerónimo hasoru malu ho Dekanu Fakuldade Psikologia no Edukasaun husi Universidade Malasia Sabah (UMS) nian, Profesór Soon Singh, iha Sala-Videokonferénsia UNTL nian, Díli (27/08), hodi deskuti kooperasaun iha área Medisina no Enjeñaria.
Objetivu husi sorumutu ne'e, parte rua deskuti oinsá koopera iha futuru liuliu UMS apoiu UNTL nia Faculdade de Medicina e Ciência da Saúde (FMCS) no Faculdade de Engenharia Ciência no Tecnologia (FECT).
Akompaña iha eventu ne'e, Diretór Jerál Servisu Apoiu Reitoria nian, Sr. Jacinto H. S. Belo, Dekanu Fakuldade Enjeñaria UMS nian, Profesór Ismail Saad ho ekipa.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 21
Universidade Nacional Timor Lorosa’e (UNTL) nia Proreitór ba Asuntu Informatizasaun, Transformasaun Dijital no Inovasaun (PRAITDI) Profesór Frederico Soares Cabral S. Kom, M.Eng, ko'alia iha programa Governu Rona iha estudiu GMNTV Bebora, Díli (23/08).
Sesaun entrevista ne'e modera husi Andre Paulo no entrevistadu mak Profesór Frederico koalia kona-ba Dezenvolvimentu ICT iha Kontestu Edukasaun Timor-Leste, reprezentante Ministério Transporte e Tele Comunicação, Diretór Nacional Direção de Infraestrutura e Comunicação (DNIC) Sr. Ambrosio M. B. Amaral koalia kona-ba Infraestrutura ICT no Diretór Ezekutivu Fundasaun Hadomi Timor (FHT) Sr. Abrão M. Nicho Linux ko’alia kona-ba Dezenvolvimentu ICT.
Média UNTL : Domingos Amaral
: Domingos AmaralFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 22
Universidade Nacional Timor Lorosa'e (UNTL) nia Reitór Interinu no atual Visereitór ba Asuntu Pós-Graduasaun no Peskiza Profesór Afonso de Almeida hasoru malu ho Reitora Universidade Católica Portuguese (UCP) Profesora Isabel Capeloa Gil, iha Gabineti Reitór nian, Díli (26/08).
Objetivu husi sorumutuk ne'e, parte rua deskuti kona-ba kooperasaun iha futuru no UCP sei apoiu ho prioridade ba kursu Pós Graduasaun iha área Jestaun no Sustentabilidade Rekursu Naturais nian ne'ebé tuir planu sei hahú loke kursu foun ne'e iha UNTL.
Akompaña iha sorumutuk ne'e, Proreitór ba Asuntu Kooperasaun nian, Profesór Tomé Xavier Jerónimo, Visereitora UCP nian, Profesora Isabel Vasconcelos ho ekipa.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 28
Universidade Nacional Timor Lorosa’e (UNTL) nia Magnífiku Reitór Interinu no atuál Visereitór ba Asuntu Pós-Gaduasaun no Peskiza Profesór Afonso de Almeida ho Embaxadór Japaun iha Timor Leste, Tetsuya Kimura, atribui bolsu-estudu ba estudante na’in-ruanulu (20), iha Auditóriu FCS, Kaikoli, Díli (22/08).
“Ami hato'o agradese ba Embaxada Japaun no Ofisial JICA nian ba parseria ne'ebé apoiu kontinua hodi promove oportunidade edukasaun ba ami-nia estudante sira. UNTL apresia apoiu ho kolaborasaun husi Japaun hodi ajuda TL atinje objetivu dezenvolvimentu iha nasaun”, dehan Profesór Afonso.
Embaxadór Japaun iha Timor-Leste Tetsuya Kimura hatete, Astomos Energy oferese ona bolsu estudu ba estudante na’in 20 kada tinan komesa husi 2015 ate agora kobre ona totál 200.
“Ha’u espera katak estudante UNTL bele aproveita ho di’ak apoiu hirak ne’e hodi dezenvolve sira-nia kapasidade ne’ebé sei lidera ba opurtunidade barak liutan. Ha’u mós deseju di’ak ba sira nia estudu no espera katak sira sei kontribui ba harii futuru ida ne’ebé diak liu ba Timor Leste”, dehan Embaxadór Tetsuya.
Presidente Astomos Energy Corporation Sr. Mitsuru Yamanaka hato'o agradese ba nasaun Timor-Leste, tanba bele kontinua nafatin relasaun ne’e.
“Ami espera katak liuhusi bolsu-estudu ne'e sei hala'o papél signifikativu la'ós de'it iha dezenvolvimentu rekursu umanu, maibé mós iha relasaun amizade entre Timor-Leste no Japaun. Parabéns ba imi hotu ne'ebé simu bolsu estudu, espera susesu iha vida akadémika no iha futuru ne'ebé prosperu”, dehan Yamanaka.
Bolseiru na’in 20 ne’e kompostu husi Faculdadede Agricultura (3), Faculdade de Ekonomia e Gestão (2), Faculdade de Educação Artes no Humanidades (5), Faculdade de Ciências Exatas (2), Faculdade de Direito (1), Faculdade de Medicina no Ciência da Saúde (3), Faculdade de Filosofia Ciência Humana (1), Faculdade de Ciências Sociais (2), Faculdade de Turismo Artes Indústria Creativas Culturais (1).
Partisipa husi Proreitór Asuntu Kooperasaun Profesór Tome Jerónimo Xavier, Proreitora ba Asuntu Provedoria e Akonsellamentu Profesora Tereza de Jesus Vaz Cabral Diretor Jeral Servisu Apoiu Reitoria Sr. Jacinto H. S. Belo, Diretora Jeral Ensino Superior Siensia Kultura Sra. Maria Filomena Lay Guterres, dekanu sira, funsionáriu, estudante no reprezentante família sira.
Média UNTL : Laurindo da Cruz Gomes
: Laurindo da Cruz GomesFoto : Domingos Amaral /Laurindo da Cruz
: Domingos Amaral /Laurindo da Cruz