- Detalhes
- Escrito por Mateus Goncalves
- Visualizações: 338
Universidade Nacional Timor Lorosa’e (UNTL) nia Dekanu Faculdade de Direito (FADIR) Profesór José Tomás Alves hamutuk ho Diretór Faculdade Direito Universidade Porto Profesór Catedrático Paulo de Tarso Domingues halo lansamentu ba Obra Akadémika Faculdade de Direito nian, iha Fundasaun Eng. António de Almeida, Porto Portugal (26/11).
Obra Akadémika ne’e ho títulu “Estudos Comemorativos dos 20 Anos da Restauração da Independência de Timor-Leste’’ atu komemora no festeza 20º aniversáriu Timor-Leste nian, no atu bele sai mós referénsia ba estudante sira.
Partisipa husi Prezidente Fundasaun Eng. António de Almeida, Doutor Augusto Aguiar Branco, Eis-dekanu Fakuldade Direitu UNTL, Mestre Isidoro Viana, Konstitusionalista no eis-Koordenadór-Jerál Kursu Lisensiatura Direitu UNTL, Prof. Pedro Carlos Bacelar de Vasconcelos, Konsultoriu Onoráriu RDTL nian iha Porto, António Simões Marques Couto, responsável universitáriu, polítiku no judisiáriu, profesór no estudante sira.
Média UNTL 
: Laurindo da Cruz Gomes
: Laurindo da Cruz GomesFoto
: Arkivu FADIR
: Arkivu FADIR- Detalhes
- Escrito por Mateus Goncalves
- Visualizações: 325
Universidade Nacional Timor Lorosa’e (UNTL) nia Magnífiku Reitór Interinu no atuál Visereitór ba Asuntu Pós-Graduasaun no Peskiza, Profesór Afonso de Almeida prezide serimónia Isár-Bandeira inísiu fulan Dezembru nian, iha Resintu Faculdade Economia e Gestão (FEG), Díli (2/12).
‘’Data rua importante iha ita-nia isár-bandeira ohin loron nian mak atu hanoin hikas kona-ba selebrasaun loron 28 Novembru ne’ebé foin mak liu dadaun no ita sei selebra loron 7 Dezembru iha semana mai, loron rua ne’e istóriku, tanba isár-bandeira ne’ebé ita halo ne’e nia istoria mai husi loron importante ne’e’’, Dehan Profesór Afonso.
Reitór Interinu hatutan, pontu tolu importante atu valoriza iha independensia mak sakrifísiu, determisaun no dezenvolvimentu.
“Pontu tolu importante mak valoriza sakrifisiu ne’ebé luta na’in sira halo durante tinan 24 no independensia ne’e hetan, tanba Resiliensia no determinasaun luta durante tinan 24 no ikus liu papél husi ukun ne’e mak ita tenki prense ho desenvolvimentu no presiza kontribuisaun, servisu hamutuk, matenek atu bele kontribui ba nasaun.
Ita UNTL instituisaun superior nia papél mak prepara joven sira atu bele sai futuru lideransa nasaun ne’e nian, importante tebes independensia ne’e, tanba lider nasaun ne’e tenki prepara husi Universidade sira atu prepara ema matenek hodi priense konkista ne’ebé eroi sira halo’’, nia dehan.
Serimónia Isár-Bandeira ne’e responsabiliza husi Faculdade de Turismo Artes Indústrias Creativas Culturais (FTAICC).
Partisipa husi Visereitór, Proreitór, Dekanu, Vise-Dekanu, Diretór Jerál, Diretór Nacionais, funcionáriu no estudante sira.
Média UNTL : Laurindo da Cruz Gomes
: Laurindo da Cruz GomesFoto: Laurindo da Cruz Gomes no Domingos Amaral
: Laurindo da Cruz Gomes no Domingos Amaral- Detalhes
- Escrito por Mateus Goncalves
- Visualizações: 188
#TimorLeste #UNTL 27 Novembru 2024
Media UNTL
- Detalhes
- Escrito por Mateus Goncalves
- Visualizações: 240
Universidade Nacional Timor Lorosa'e (UNTL) nia Faculdade de Economia e Gestão (FEG) atribui títulu akadémiku ba finalista hamutuk atus rua ruanulu resin tolu (223) liuhusi Judisium ne’ebé realiza iha Salaun Oka Hudi Laran, Díli (27-11).
Iha diskursu Dekanu FEG, Profesór Filipe Mendes Perreira, agradese ba Maromak ba grasa sabedoria nian no agradese mós ba profesór sira-nia servisu no dedikasaun hodi guia estudante sira durante prosesu estudu nian.
"Parabéns ba finalista sira ba susesu ne’ebé konkista husu atu kontinua nafatin estudu ba nivel mestradu nian no aproveita esplora koñesimentu iha mundu dizitalizasaun, nune'e hodi bele hariku liutan koñesimentu", Dehan Dekanu.
Iha sorin seluk reprezentante Magnífiku Reitór no atual Vise-Reitor para os Assuntos da Administração, Finanças e Administrador Geral Profesór Dr. Hélio A.X. Mauquei, agradese ba fakuldade liuliu ba korpu dosente sira.
“Agradese ba korpu-dosente ne’ebé mak eduka no forma estudante sira durante prosesu estudu nian, no agradese mós ba inan-aman sira-nia konfiansa ba UNTL hodi eduka no forma oan sira iha área Siánsia Ekonomia, Jestaun no Kontabilidade.
Husu ba finalista sira buka atu aprende nafatin no kontribui matenek ne’ebé iha ba nasaun nia dezenvolvimentu liuhusi koñesimentu kriativu, kooperativu no kolabarativu", Dehan Profesór Hélio.
Iha fatin hanesan, Ministro Ensino Superior Ciência e Cultura (MESCC) S.E José Honório da Costa Pereira Jerónimo hato'o parabéns ba finalista sira nomós ba Inan-Aman sira ne’ebé oferese sira-nia oan hodi hala'o prosesu estudu iha FEG.
"Imi finaliza ona estudu, maibé buka atu kursu nafatin hodi haklean koñesimentu, tanba evolusaun mundu no siénsia lao ba oin la’ós ba fali kotuk", Dehan Ministru.
Total finalista husi Faculdadede de Economia e Gestão hamutuk (223) Husi Departamentu tolu: Deparatamento de Ciência Economia (78) Departamento de Gestão (63) no Contabilidade (82).
Judisium FEG 2024 ne’e hala’o ho tema "Inovasaun iha Sosiedade 5.0 liuhusi 4c, Critical Ideal, Creative, Cooperative no Colaborative ba Economia Sustentável".
Judisium ne'e partisipa husi Dekanu, Visedekanu, Diretor Jeral, Diretor Nacional, reprezentante Banco Central Timor- Leste (BCTL) Dra. Sara Lobo Brites, Inan-Aman, Estudante no Konvidadu sira.
Média UNTL : Mario Jonio Mendonça
: Mario Jonio MendonçaFoto: Altur Ramos
: Altur Ramos- Detalhes
- Escrito por Mateus Goncalves
- Visualizações: 174
Universidade Nacional Timor Lorosa’e (UNTL) nia Fakuldade Ciencias Sociais (FCS) realiza Judisium ba dala-XXXI hodi atribui títulu akadémiku ba finalista sira hamutuk atus rua neennulu resin ualu (268), iha Salaun OKA, Díli (25/11).
Iha diskursu dekanu Faculdade de Ciências Sociais Profesór Alarico da Costa Ximenes, hato’o parabéns ba finalista sira ne’ebé simu ona titúlu akadémiku no agradese mós ba dosente sira ne’ebé guia ona estudante finalista hodi partilla koñesimentu no esperiénsia hodi prepara sai lideransa iha futuru.
“Ami hato’o susesu ba finalista sira hotu Fakuldade de Ciências Sosiais nian, ne’ebé ohin simu títulu akadémiku no espresa mós profundu gratidaun ba korpu dosente ne’ebé orienta no guia finalista sira hodi partilla koñesimentu, esperensia, valór sientífiku no prepara finalista sira atu sai lideres investigador no ajente transformador ba soseidade ida mais justa inklusiva no sustentável”, Dehan Dekanu.
Dekanu salienta, lori FCS nia naran hato'o deskulpa ba finalista sira ba eru hotu ne’ebé dosente sira halo durante prosesu aprendizajen, husu ba finalista sira kontinua aprende no estuda nafatin iha kualker fatin, tanba aprende la sai sasukat ba moris.
Iha fatin hanesan, Ministru Ensino Superior Ciência e Cultura (MESCC), S.E .José Honório da Costa Perreira Jerónimo hato’o parabéns ba inan-aman sira, tanba bele tau konfiansa ba UNTL liu-liu Faculdade de Ciências Sociais.
“Ha’u mós hakarak hato’o parabéns ba inan-aman sira, tanba ita boot sira bele tau konfiansa ba UNTL liu-liu Faculdade de Ciências Sociais hodi eduka ita boot sira-nia oan, ohin bele tama ona iha faze judisium nomós ha’u hakarak felisita finalista sira hotu ne’ebé iha tinan hirak nia laran hetan ona kursu iha universidade hodi halo sira-nia estudu”, Dehan Ministru.
Reprezentante estudante finalista Juvenciano Seixas S. dos Santos, agradese ba estrutura FCS no sivítas akadémika tomak ne’ebé ho esforsu tomak forma ona sira sai estudante krítiku no analítiku.
“Ami hakarak hato’o sentidu gratidaun ba sivitas akadémika tomak ne’ebé forma ami sai estudante krítiku, analitiku no inovativu, atende ami ho domin fasilta mós iha prosesu aprendizajen ho neon no laran tomak”, dehan nia.
Distribuisaun husi totál 268 ne’e husi Departamenu Administrasaun Públika (30), Siênsia Polítika (28), Dezenvolvimentu Komunitária (32), Polítika Públika (66), Komunikasaun Sosial (67), Relasaun Internasional (35) no Departamentu Inkluzaun Komunitária Sosial (10).
Média UNTL : Domingos Amaral
: Domingos AmaralFoto: Agostinho da Cruz
: Agostinho da Cruz