- Detalhes
- Escrito por Mateus Goncalves
- Visualizações: 171
Universidade Nacional Timor Lorosa'e (UNTL) nia Faculdade de Ciências Sociais (FCS) liu husi Visedekanu ba Asuntu Peskiza no Kooperasaun Profesór Francisco Soares hatete, semináriu kona-ba siénsia sosial no polítika, oradór sira husi Universitas Pattimura Ambon (UPA), fahe esperiénsia kona-ba implementasaun ensinu sira área Siénsia Sosiál no Polítika nian.
"Ohin ita realiza semináriu kona-ba siensia sosial, komunikasaun, nune'e sira bele fahe esperiensia hamutuk ho ita, tanba ita foin asina akordu ho Fcs-UPA, objetivu husi semináriu ne'e mak atu hametin kooperasaun entre parte rua no ita mós bele halo estudu komparativu iha UPA
no sira nia estudante mós bele mai iha ita nian", dehan Visedekanu Profesór Fransisco, iha Auditóriu FCS nian, Caicoli, Díli (24/10).
Profesór Dr. Josep Antonius Ufi, SS, MA. Wakil Dekan Bidang Akademik Fakultas Ilmu Sosial dan Ilmu Politik Universitas Pattimura Ambon nu'udar oradór hatete, semináriu ne'e ho objetivu atu hasa'e koñesimentu estudante sira nian, no bele mós hametin kooperasaun entre parte rua, nune'e futuru bele troka esperiénsia entre estudante husi FCS-UPA no FCS-UNTL.
"Ohin ami mai atu partilla koñesimentu ba estudante iha área siénsia sosial no komunikasaun nian, no mós semináriu ne'e hanesan maneira ida atu hametin kooperasaun, nune'e ba futuru bele fó oportunidade ba estudante husi parte rua bele estájiu ka prátika", dehan Dr. Josep.
Estudante Departamento de Desenvolvimento Comunitário nian, Jacarias da Costa Grasa agradese ba oradór sira, tanba rona direta siénsia sira inklui komunikasaun nian no liuliu istória ne'ebé laiha diferensia entre Malaka ho Lospalos nian.
"Ha'u agradese ba esperiénsia sira ne'ebé ha’u hetan husi oradór sira, tanba sira partilla kona-ba área siénsia sosial nian, oinsa moris iha sosiedade nomós oinsa asesu informasaun sira ho didiak iha social media", dehan Jacarias.
Média UNTL 
: Leonia de Araújo da Costa
: Leonia de Araújo da CostaFoto 
: Mario Jonio Mendonça & Domingos Amaral
: Mario Jonio Mendonça & Domingos Amaral- Detalhes
- Escrito por Mateus Goncalves
- Visualizações: 140
Universidade Nacional Timor Lorosa’e (UNTL) nia estudante Domingos O. S. Anuno sai vensedór iha kompetisaun dezeñu Maskote, kompetisaun ne’e organiza husi Gabinete Visereitora ba Asuntu Estudantís (GVRAE) nia Departamentu Atividade Estrakurikulár.
Visereitora ba Asuntu Estudantís Profesora Lígia Tomás Coreia agradese ba ekipa juri sira-nia disponibilidade, kompetitór (partisipante) no komisaun sira-nia.
“Atividade kompetisaun ne’e realiza atu fó biban ba estudante sira hodi espresa kreatividade liuhusi dezeñu maskote, ha’u mós husu ba manan na’in sira atu bele kolabora hamutuk hodi halo dezeñu maskote ida ba selebrasaun Dies Natalis UNTL nian ba-dala 24 nian. Nune’e hanesan parte ida estudante promove sira-nia obra kreatividade no ideia ne’e mak bele esplora hodi representa UNTL’’, dehan Visereitora iha Gabinete Pós-Graduação FEG nian, Díli (25/10).
Vensedór Domingos O. S. Anuno nu’udar estudante Departamento de Medicina Geral-FMCS nian hatete, la espera bele sai hanesan manan-na’in, tanba kompetisaun ne’e ba nia atu bele espresa talentu hodi kontribui ba universidade liuhusi dezeñu no hanoin ne’ebé nia iha.
“Ha’u mós hasoru dezafiu barak, tanba laiha esperiénsia di’ak iha parte dezeñu maskote ne’e, maibé liuhusi kompetisaun ida ne’e fó opurtunidade ba ha’u atu halo dezeñu no aprende hodi mellora tan ha’u-nia kapasidade iha dezeñu ne’e.
Ha’u husu ba estudante sira hotu ne’ebé iha UNTL atu labele subar ita-nia talentu no kreatividade sira ne’ebé mak bele fó benefísiu ba ita no bele kontribui ba UNTL’’, dehan Domingos.
Vensedór ba iha kompetisaun ne’e mak I lugar Domingos O. S. Anuno husi FMCS ho valór 262, II lugar Francelino Soares Babo husi FTAICC ho valór 235, III lugar Carolin de Angel B. Abilio husi FAGRI ho valór 229.
Partisipa iha atividade ne’e Visereitór ba Asuntu Pós-Graduasaun no Peskiza Profesór Afonso de Almeida, Prezidente Komisaun Organizadora ho ekipa, ekipa Juri no estudante sira.Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus Guterres
: Eugenia de Jesus Guterres- Detalhes
- Escrito por Mateus Goncalves
- Visualizações: 210
Universidade Nacional Timor Lorosa’e (UNTL) liuhusi Faculdade de Agricultura nia Departamento de Pescas e Ciências Mariña (DPCM) servisu hamutuk ho World Fish Timor-Leste realiza konferénsia Internasionál ho tema “Haklean Peskiza no Estudu oioin iha área Peska no Siénsia Mariña ba Jerasaun Timor-Leste iha Futuru” iha Auditóriu FECT-Hera, Díli (23/10).
Iha abertura Reitór Interinu Profesór Dr. Samuel Venânçio de Sousa Freitas hatete, estudante presiza hatene no aprende kona-ba lala’ok parte mariña nian, tanba ne’e semináriu hanesan oportunidade atu aprende di’ak liután.
“Estudante hotu normalmente presiza aprende kona-ba parte peskiza nian, tanba bainhira sei estuda ne’e dezafiu atu komprende lala’ok peskiza nian, maibé aprende ho ema ne’ebé hatene liuhusi semináriu sira bele aumenta liután ita bo’ot sira-nia esperiénisa, tanba ne’e oportunidade tenki aproveita, ikus liu agradese ba parte hotu nia apoiu hodi realiza konferénsia ida-ne’e”, hatete Prof. Samuel.
Iha fatin hanesan Diretór World Fish Timor-Leste Dr. David Mills hatete nia parte kontenti tebes ho entusiasmu husi estudante ne’ebé marka prezensa no inisiativa atu hatene kona-ba peskiza nian hodi mellora liután koñesimentu hanesan akadémika ida.
“Kontenti tebes ohin ho ita bo’ot sira iha ne’e nomós haree ita bo’ot sira-nia entusiamu atu aprende siénsia kona-ba tasi nian nune’e eleva no exelente ita-nia akadémika, ida kapaas tebes ita bo’ot sira fó tempu duni hakarak atu hatene kona-ba peskiza iha tasi nian”, hatete Diretór World Fish .
Diretór Interinu DPCM nia Profesór Walter Oliveria Soares hatete, iha semináriu ne’e hakarak partilla esperiénsia liga ba peskiza iha tasi laran no tasi ninin sira ba estudante no dosente sira iha Faculdade de Agricultura liuliu Departamento de Pescas e Ciências Mariña nian.
“Objetivu husi semináriu ida ne’e atu aumenta koñesimentu ba dosente no estudante sira iha FAGRI no DPCM nian liga peskiza ne’ebé foka liubá mariña hanesan halo peskiza iha ‘area tasi laran, tasi ninin no seluk tan”, hatete.
Konferénsia international ne’e realiza, tanba servisu hamutuk entre UNTL liuhusi FAGRI nia DPCM ho World Fish Timor-Leste.
Partisipa husi Dekanu FAGRI Prof. Dr. Vicente de Paulo Coreia, Dekanu Faculdade de Engenharia Ciências e Tecnologia Profesór Adalfredo Xiemenes, dosente no estudante.Média UNTL : Agostinho da Cruz e Silva
: Agostinho da Cruz e SilvaFoto : Denilson Barros, Jaimito Caldas
: Denilson Barros, Jaimito Caldas- Detalhes
- Escrito por Mateus Goncalves
- Visualizações: 122
Universidade Nacional Timor Lorosa’e (UNTL) Faculdade de CIências Sociais nia Vise-Dekanu Asuntu Akadémiku Profesór José da Costa Magno, iha Kampus Caicoli, Díli (25/10) hatete, FCS nia estudante hamutuk atus tolu sanulu resin lima (315) mak ba hala’o Estájiu Servisu Sosiál (ESS) iha Munisípiu Covalima hahú husi 25 Outobru to’o 16 Dezembru 2024.
“Estudante husi departamentu haat Departamento de Políticas Públicas, Ciência Política, Comunicação Social no Relações Internacionais hamutuk hamutuk atus tolu sanulu resin lima (315) mak sei hala’o sira nia Estájiu Servisu Sosiál ho nia objetivu atu prátika dedikasaun ba komunidade, ne’e hafoin aprende iha aula no lori sira-nia koñesimentu ba aprezenta ba komunidade no aprende mós husi komunidade”, dehan Visedekanu.
Profesór ne’e mós salienta ESS ne’e hala’o bazeia ba kurríkulu, tanba pilar ensinu, peskiza no dedikasaun komunitária.
Livania Freitas Fernandes husi Departamento de Politícas Públicas (PP) dehan, hanesan estudante estajiária sei implenta planu no programa iha komunidade nia leet bazeia ba problema komunidade nian.
“Hanesan estudante estajiáriu ida programa ida ne’ebé atu dezena iha servisu social, bazea ba problema ne’ebé suku sira enfrenta, nune’e ami sei kolabora hamutuk ho autoridade lokál no komunidade hodi rezolve problema hirak ne’e, maibé bazeia ba ami-nia forsa no tempu durasaun estájiu nian”, dehan Livania.
Estudante ne’e hatutan, prezensa estudante nian mak atu hasa’e koñesimentu ho teoria sira ne’ebé durante ne’e aprende, tanba ne’e teoria de’it la sufisienta se la iha prátika.
Média UNTL : Domingos Amaral
: Domingos AmaralFoto : Domingos Amaral & Jaimito Caldas (Estajiáriu)
: Domingos Amaral & Jaimito Caldas (Estajiáriu)- Detalhes
- Escrito por Mateus Goncalves
- Visualizações: 150
Universidade Nacional Timor Lorosa'e (UNTL) reprezenta husi Visereitór ba Asuntu Pós-Graduasaun no Peskiza (VRAPGP) Profesór Afonso de Almeida asina akordu ho Visereitora ba Asuntu Estudantis no Alumni nian, Universitas Patimura-Indonézia Dr. Nur Aida Kubangun hodi koopera iha área tolu (3) hanesan Agrikultura (Peskas), Siénsia Sosiál no Edukasaun.
Eventu ne’e realiza iha Sala-Videokonferénsia UNTL nian, Díli (24/10), ho objetivu atu deskuti oinsá bele fó oportunidade ba estudante sira ba estájiu no halo estudu komparativu, inklui bele realiza semináriu iha área Agrikultura, Sosiolojia no Edukasaun.
Akordu ne'e asina simbolikamente husi reprezentante Reitór Interinu, no asina mós akordu entre UNTL nia Decano Faculdade de Ciências Sociais, Faculdade Educação Artes e Umanidades no Faculdade de Agricultura ho Faculdade ho Faculdade tolu husi Universidade Patimura nian.
Partisipa iha serimonia ne'e, Proreitór ba Asuntu Kooperasaun nian, Profesór Tomé Xavier Jerónimo, Visedekanu sira husi FEAH, FCS no FAGRI nian, asistente tékniku no ekipa husi Universidade Patimura.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Domingos Amaral
: Leonia de Araújo da Costa & Domingos Amaral