- Detalhes
- Escrito por Mateus Goncalves
- Visualizações: 148
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph.D halo abertura ba Semináriu "Dijitalizasaun ba Dezenvolvimentu Nasionál no Estratejia ba Futuru Timor-Leste" organiza husi Departamento de Engenharia Informática (DEI) Faculdade Engenharia Ciências e Tecnologia (FECT), servisu hamutuk ho Proreitoria ba Asuntu Informatizasaun Transformasaun Dijitál no Inovasaun (PRAITDI).
Iha abertura Reitór hatete, semináriu ne'e importante tebes, tanba Timor-Leste presiza dezenvolvimentu ba dijitalizasaun no dadaun ne'e FECT apoiu hela Ministeriu Ensinu Superior Siénsia no Kultura (MESSK) hodi rekolla dadus husi eskola sira.
"Primeira-Ves FECT hamutuk ho PRAITDI realiza semináriu ne'e, maské Timor-Leste uza teknolojia kleur ona, maibé seidauk realiza semináriu ida hanesan ne'e, tanba ne'e importante tebes hodi bele dezenvolve teknolojia dijital, maibé keta haluha katak, ita-nia FECT dadaun ne'e apoiu ona MESSK hodi rekolla dadus husi eskola sira iha Timor-Leste", dehan Reitór iha Kampus FECT-Hera, Díli (11/10).
Proreitór PRAITDI nian, Prof. Frederico Soares Cabral hatete, teknolojia hahú muda ema nia moris ho nesesidade oinoin, espera liuhusi semináriu ida ne'e bele fó vantajen ba ema hotu hodi hadia di’ak liutan servisu dijitál iha Timor-Leste.
"Ha'u agradese ba parte hotu nia apoiu, semináriu ne'e ba dahuluk ita realiza iha Timor-Leste, maibé teknolojia ema barak mak uza no muda ema nia moris liuhusi atividade oioin, tanba ne'e espera katak husi semináriu ne'e bele fó vantajem ba ita hotu hodi hadia diak liutan servisu dijital iha ita-nia nasaun", dehan Prof. Frederico.
Dekanu FECT nian, Profesór Adalfredo da Silva Ximenes hatete, dezenvolvimentu sistema dijitalizasaun importante tebes iha Timor, presiza implementa koñesimentu ne'ebé hetan iha DEI, tanba FECT mós buka koopera ho institusaun hotu hodi integra rekursu kualifikadu sira ba kampu servisu nian.
"Ita haree katak dezenvolvimentu dijitál iha Timor-Leste importante tebes, ita presiza implemeta koñesimentu sira iha aula-laran, tanba FECT mós iha polítika ida, buka koopera ho instituisaun sira hotu iha rai-laran no rai-liur hodi integra finalista kualifikadu sira iha kampu de servisu", dehan Dekanu FECT.
Partisipa husi estrutura FECT nian, ekipa husi TIC Timor, reprezentante husi IPB, estudante sira husi Unital, dosente, estudante no konvidadu sira.Média UNTL 
: Leonia de Araújo da Costa
: Leonia de Araújo da CostaFoto 
: Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 151
Universidade Nacional Timor Lorosa’e (UNTL) nia estudante Pio Jackelly de Jesus sai vensedór ba kompetisaun diskursu públiku ho tema ‘’Papél Média iha Luta Libertasaun Patria no Libertasaun Povu” organiza husi Gabinete Visereitoria ba Assuntu Estudantís (GVRAE) nia Departamentu Atividade Estrakurikulár, iha Auditóriu FCS, Kaikoli, Díli (10-10).
Reprezentante Visereitora ba Asuntu Estudantis no atuál Visedekanu Asuntu Estudantís Faculdade de Educacão Artes e Humanidades Profesór David Aleixo Guterres hatete, aprezentasaun ne’e kona-ba temátiku diskursu nian no idaidak nia maneira atu apresenta no atu sira bele aumenta tan sira-nia kapasidade.
“Iha kompetisaun ita sempre iha manan no lakon ne’e duni sira ne’ebé sai manan na’in, parabéns ba imi no sira ne’ebé seidauk manan, tanba seidauk to’o imi-nia sorti, maibé hakaas aan nafatin hodi bele atinje imi-nia mehi sira no kontinua nafatin promove imi-nia talentu sira ba oin”, dehan Profesór David.
Pio Jackelly de Jesus nu’udar estudante Departamento Engenharia Informática, FECT nian dehan, liuhusi kompetisaun ne’e bele promove estudante sira iha Diskursu Públiku, no aprende nafatin hodi melhora tan iha futuru.
“Ha’u sente kontente tebes, tanba bele sai hanesan manan na’in ba iha kompetisaun ida-ne’e, tanba ne’e foin dahuluk ha’u partisipa no bele sai manan na’in hodi reprezenta Fakuldade FECT nian”, dehan Pio.
Kompetisaun ne’e organiza husi Gabinete Visereitoria ba Asuntu estudantís nia Departamentu atividade Estrakurikulár, partisipa husi estudante husi fakuldade sira iha UNTL.
Manan na’in ba iha kompetisaun ne’e mak I lugar Pio Jackelly de Jesus husi FECT ho valór 262 no II Lugar Anita C. Gama husi Faculdade de Agricultura (FAGRI) ho valór 255, III Lugar Yuliana B. Lalek husi Faculdade de Ciências Sociais (FCS) ho valór 247.
Média UNTL : Roberta da Cruz (estajiária)
: Roberta da Cruz (estajiária)Foto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 144
Universidade Nacional Timor Lorosa'e (UNTL) liuhusi Faculdade de Turismo Arte, Indústrias Criativas e Culturais (FTAICC) nia dekanu Feliciano Quintas do Ceu ho embaixador Japaun iha Timor-Leste Sr. Kimura abertura Semináriu kona-ba “Koor Tais”, iha salaun FTAICC UNTL nian (11/10).
Dekanu FTAICC nian Feliciano Quintas do Ceu hatete, semináriu ne’e parte ida para atu fahe informasaun no sosializasaun kona-ba kor natural husi NGO RELOKA promove hela nune’e futuru bele kontribui ba orijinalidade tais nian.
“Ohin NGO RELOKA no Embaxadór Japaun konvida peritu ne’ebé atu promove kona-ba kor tais ne’e mai iha fakuldade hodi partilla koñesimentu, nune’e ita bele kontinua promove no konserva, tanba fakuldade ida-ne’e nia natureza kona-ba turismu entaun tais ita-nia eransa kulturais faz parte ida ba turismu nomós oinsa aumenta estudante sira -nia konesimentu”, dehan dekanu.
Iha fatin hanesan Embaixador Japaun nian iha Timor-Leste Sr. Kimura hatete, sente ksolok tebes hodi marka presensa iha semináriu ida ne’e.
“Ha’u senti kontenti tebes tanba RELOKA apoiu dadaun inan feton sira iha Timor-Leste hodi halo kor ba tais indigo nian, agradese tebes ba RELOKA tanba lori oradór sira husi Japaun mai fahe tékniku kona-ba kor indigo nian.
Espera katak ho koperasaun ba produsaun tais sei klean liutan entre pais rua-ne’e, tanba estudante sira nu’udar futuru lideransa Timor-Leste nian no sira sei diskuti klean kona-ba turismu, kultura no agrikultura ho troka hanoin ne’ebé espesifika ba tékniku kresimentu ekonómiku liuhusi semináriu ida-ne’e,” dehan Embaixador.
Estudante Teresa Guterres hatete, liuhusi semináriu ne’e sira hetan koñesimentu oinsa uza kor husi natureza sira ba iha tais no roupa sira.
“Semináriu ne’e importante tebes, nune’e ita bele implementa fali hodi halo tais no roupa sira, liuhusi transforma kor natureza nian hodi hetan kor indigo ka kor azul.
Husu ba universidade atu bele mellora kooperasaun liuliu fundasaun Japaun nian iha Timor-Leste RELOKA, nune’e ami bele aprende no aplika kor indigo ba ita-nia sosiedade oinsa aproveita natureza hodi halo produsaun ba kor nian,”dehan estudante.
Semináriu ne’e realiza tanba servisu hamutuk entre FTAIC ho RELOKA hodi konvida orador husi Japaun nian Chitose Yamaguchi partilla kona-ba kultura Indigo iha Japaun no fundadora RELOKA Hilly Bouwman ho nia ekipa partilla kona-ba papel indigo iha kultura atual Timor-Leste nian no oinsa atu aplika iha Timor-Leste.
Média UNTL : Altur Ramos
: Altur RamosFoto : Altur Ramos no Roberta Perreira (estajiára)
: Altur Ramos no Roberta Perreira (estajiára)- Detalhes
- Escrito por Mateus Goncalves
- Visualizações: 150
Universidade Nacional Timor Lorosa’e (UNTL) nia Diresaun Nacional Rekursu Umanu (DNRH) ensera formasaun jurídika ba Funsionáriu ho Kargu Xefia sira, iha Auditóriu FCS nian, Kaikoli, Díli (11/10).
Iha Formasaun ba dala ikus nian ne’e Dekanu Faculdade de Direito nian Mestre José Tomás Alves , fahe koñesimentu kona ba “Medida Anti-Korrupsaun” ba kargu xefia sira, no modera husi Diretor Nacional Recurso Humano (DNRH) Sr. Cancio Monteiro.
Formasaun ne’e halo durante loron haat hahú husi 08 to’o 11 Outubru 2024. Partisipa husi funsionáriu no kargu xefia sira.
Média UNTL : Roberta da Cruz Pereira (estajiára)
: Roberta da Cruz Pereira (estajiára)Foto : Altur Ramos
: Altur Ramos- Detalhes
- Escrito por Mateus Goncalves
- Visualizações: 177
Universidade Nacional Timor Larosa'e (UNTL) nia Centro de Língua Portuguesa liuhusi Projetu Formar, Orientar, Certificar e Otimizar (Foco) realiza IX Jornadas Pedagógicas e programa literacia transversais em Timor Leste : Repensar o ensino em Protuguês, iha Auditoriu Arkivu Museu Resisténsia Timorense (AMRT), Díli (10/10).
Magnífiku Reitór Profesór dr. João Soares Martins MPH,Ph.D hatete, UNTL iha Sentru Lian Portugueza, no Leitorado Guimarães Rosa, Departamento Lingua Portugueza, ne'ebé nu’udar forsa ida hodi bele dezenvolve no haforsa ensinu língua Portugueza iha sosiedade.
"Ita iha Sentru Língua Portugueza, Leitorado Guimarães Rosa, Departamento Língua Portugueza, Programa Pós Graduasaun no Peskiza, ne'e nu'udar forsa ida atu bele haforsa no dezenvolve lian Portugueza iha ita nia sosiedade, tanba ne'e hau espera kata, ita hotu ne'ebé partisipa bele kontribui ativamente ba diskusaun jornada durante loron rua nian", dehan Reitór.
Koordenadór Jerál Projetu Foco nian, atual Visereitór ba Asuntu Akadémika no Garantia Kualidade (VRAAGK) Profesór Samuel Venâncio de Sousa Freitas hatete, buat rua mak sai dezafiu, 1) aranzamentu mekanizadu nu'udar fenomena demokratizasaun ba razaun, iha ensinu superior no ensinu báziku no 2) tenke iha regra ba instituisaun atu komunika ho Língua Portgueza, no presiza dezenvole mentalidade siéntifika.
"Iha Jornada ida-ne'e, pontu rua mak sai dezafiu ba ita atu halo reflesaun, hanesan aranzamentu mekanizadu nu'udar fenomena demokratizasaun ba razaun atu utiliza iha ensinu superior no ensinu báziku, no presiza dezenvolve komunikasaun lian portugueza iha Instituisaun sira sai nudar regra obrigatóriu, nune'e fasil atu bele komunika", dehan Profesór Samuel.
IX jornada pedagogica ne'e hala'o durante loron rua hahú husi loron 10-11 no partisipa husi Visereitór, Diretór Ezekutivu AMRT IP. S. Jorge Alves "We Moris", Embaxadora Portugal iha Timor-Leste, Sra. Manuela Freitas Bairos, dekanu, dosente, estudante no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Eguenia de Jesus Guterres
: Eguenia de Jesus Guterres