Comment

Detalhes
Visualizações: 158
462530062 122126781038385439 4948863962709377808 n
Universidade Nacional Timor Lorosa'e (UNTL) liuhusi Faculdade de Ciências Sociais nia Departamento de Comunicação Social (DCS) enserra atividade espozisaun ho tema "Papel Media Liuhusi Aprezentasaun Espozisaun Obra Estudante" iha Kampus FCS Kaikoli, Díli (05/10).
 
Diretór DCS Mestre Roberto da Costa Pacheco, agradese ba parte hotu nia apoiu ba iha atividade espozisaun ne’ebé konsege promove estudante sira-nia obra prátika.
"Lori Departamento de Comunicação Social nia naran hakarak hato'o agradese wa'in ba oradór sira ne'ebé fó ona tempu hodi partilla informasaun ba estudante sira, espera ita boot sira ne’ebé partisipa iha atividade ne'e bele hetan buat balu mesmu la barak, maibé bele nakait netik buat balu iha imi-nia kakutak", dehan Diretór.
 
Diretór mos agradese ba partisipante sira nomós ba kompañia Silvia no Spirits of Timor ne’ebé fo ona apoiu ba iha atividade ida ne'e durante loron tolu nia laran.
462322679 122126780990385439 1541142087829291388 n462450794 122126780954385439 3552325359401001258 n
 
Iha fatin hanesan Prezidente Komisaun Organizadora Agostinha Jose Gomes hateten, realiza atividade espozisaun ida ne'e atu kaderniza estudante sira-nia kapasidade nomós promove nafatin buat ne’ebé sira aprende.
 
"Espozisaun ida ne'e atu kaderniza ami nia kapasidade promove nafatin ami nia obra hirak ne’ebé aprende iha aula laran nomos iha terenu hodi partilla fila fali ba iha publiku hodi kontribui ba dezenvolvimentu, nune'e bele garante rekursu kualidade iha futuru mai iha area jornalizmu nain." Dehan prezidente Komisaun Organizadora.
 
Prezidente mos reforsa tan, agradese ba oradór sira ne’ebé fó ona sira-nia tempu hodi partilla esperiénsia liga ba iha área jornalizmu nian durante loron tolu.
 
Atividade espozisaun ne'e halao durante loron tolu hahú husi 3-5 Outubru, hetan apoiu husi Silvia Dili nomós Spirits of Timor, fó sai mós rezultadu ba manan-na'in sira iha kompetisaun Foto Jornalizmu, Jornal Parede nomós video.
 
Média UNTL 📝: Domingos Amaral
Foto 📷: Angelino Soares (estudante DCS)

Comment

Detalhes
Visualizações: 145
462287499 122126752658385439 1143314229735044417 n
Universidade Nacional Timor Lorosa'e (UNTL), Faculdade de Direito (FADIR) nia Profesór Paulino do Carmo partilla koñesimentu kona-ba Poder Polítiku no Obrigasaun Konstitusionál ba estudante sira liuhusi semináriu ho tema “O direito é a Força que Harmoniza à Sociedade”, iha Kampus Sentrál UNTL, Díli 04/10.
 
Dekanu FADIR Profesór José Tomas Alves hatete, semináriu refere atividade estrakurikulár ne’ebé Asosiasaun Estudantíl mak realiza tuir tinan akademika atu eleva di’ak liu tan estudante sira-nia koñesimentu aleinde teoria nomós prátika.
 
“Ohin ne’e atividade nível asosiasun mak realiza, ita konvida orador sira bele husi parte Akadémika, Polítika no Sosiedade Sivíl sira ne’ebé iha koñesimentu hodi mai fahe sira-nia esperiénsia ba estudante sira.
 
Liuhusi seminariu ida-ne’e aliende matéria ne’ebé estudante sira hetan ona iha aula, maibé liuhusi atividade estrakurrikulár ne’e sira bele hetan tan matéria ida komplementar husi ema espesialista sira área konstitusionál nian”, dehan dekanu.
 
Iha fatin hanesan Profesór Paulino do Carmo nu’udar oradór hateten, Poder Polítiku no Diretu Konstitusional signifika ema ida asume kargu polítiku iha ninia ezersisu no lala’ok servisu ne’e nia tenki respeita ba obrigasaun ne’ebé hatur ona iha konstituisaun.
 
“Ohin ha’u dehan, poder polítiku nia ezersisiu ne’e ita tenki koloka povu ne’e nu’udar sentru. Maibé kuandu ita-nia vontade no interese aas liu entaun ita uza kualker meiu para alkansa ita-nia interese, ida-ne’e mak kria desviu, deskualidade, korrupsaun, koluzaun, neopotismu, buat sira-ne’e akontese, tanba ita ignora tiha obrigasaun ne’ebé hatur iha konstituisaun”, hateten Paulino.
462416248 122126751710385439 7278764626132366034 n
Estudante Flaviana Mato de Araújo hatete, atividade refere importante tebes, tanba tópiku mak poder polítiku no obrigasaun kontituisional interesante tebes.
 
“Ami prezisa aprende barak liutan kona-ba materia ida-ne’e husi oradór sira hodi esplika klean liu tan mai ami, katak poder sidadaun nian bo’ot liu no povu nu’udar sentru atu dezenvolve nasaun ida ne’e, nune’e ami senti aumenta ami-nia koñesimentu ho atividade sira hanesan ne’e”, dehan Flaviana.
 
Média UNTL 📝: Altur Ramos
Foto 📷: Altur Ramos

Comment

Detalhes
Visualizações: 142
462267373 122126614268385439 4932385316981098676 n
Universidade Nasional Timor Lorosa’e (UNTL), nia Estudante Dircia Arlinda da Silva, husi Faculdade de Ciências Sociais (FCS) Departamento de Comunicação Social, senti kontenti, tanba liuhusi semináriu bele aprende hodi haklean liután koñesimentu iha área media nian.
 
Iha entrevista estudante Dircia senti orgullu tebes tamba bele partisipa iha semináriu ho tema: "Papél média iha tempu agora" no husi semináriu ne’e bele aprende liutan materia kona-ba papél média nian nomós bele haklean liutan kõnesimentu iha área média nian.
 
“Ha’u senti kontenti, tanba husi semináriu ne’e bele hetan beneísiu barak no haklean liutan koñesimentu iha área média nian oinsá maka bele fó-sai informasaun ne’ebé loos ba públika nomós sai jornalista ne’ebé inovativu, kriatividade no responsabilidade”, tenik Dircia iha Kampus FCS Kaikoli, Díli (3/10).
 
Oradór ba semináriu ne'e husi Sekretáriu Estadu Komunikasaun Sosial (SEKOMS) S.E Expedito Dias Ximenes hateten, senti onradu tebes hodi fahe koñesimentu ba estudante sira ligadu ho papél média iha mundu ohin loron ne’ebé interligadu ho informasaun sira ne’ebé sirkula ho velosidade ne’ebé mak lais.
 
“Atu komprende papél média liuhusi meiu komunikasaun sosial sira maka presisa komprende uluk evolusaun média husi tempu ba tempu liuliu hanoin inovativu kriatividade diversidade no responsabilidade.
 
Husu estudante sira atu aprende nafatin wainhira sei tur iha banku universitariu atu iha futuru sai jornalista bele fó-sai informasaun ne’ebé pozitivu ba públiku, tan ne’e manifesta hanoin inovativu, kreatividade, etika, diversidade no responsabilidade nune’e bele eleva nivel koñesimentu” dehan SECOMS.
 
Partisipa iha semináriu ne’e Vise-dekanu Asuntu Akadémiku Mestre José da Costa Magno, Diretór Departamento de Comunicação Social Mestre Roberto da Costa Pacheco, Dosente, Funsionáriu, Estudante sira husi DCS rasik no UNITAL.
 
Média UNTL 📝: Mario J. Mendonça
Foto 📷: Domingos Amaral

Comment

Detalhes
Visualizações: 127
462279169 122126746646385439 3867985292711036118 n
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH,Ph.D, iha isár Bandeira inísiu fulan Outubru nian, iha Resintu Faculdade Engeñaria Ciências e Tecnologia (FECT), husu ba sívitas akadémika atu respeita malu hanesan valór ida ne’ebé kuda kedas husi família mai to'o universidade.
 
"Desde ita moris mai, avo sira hanorin ona ita, oinsa atu respeita inan-aman, respeita profesór no lider sira, tanba sira mak fahe no transmite koñesimentu hodi kompleta mehi ne’ebé idaidak iha to’o atinje. Tan ne'e husu ba sivítas akadémika sira atu mantein moralidade kuda iha idaidak nia an, família no instituisaun, nune'e hodi kontribui ba sosiedade ida tranquilu no paz ba desenvolvimentu nasional", dehan Reitór iha FECT Kampus Hera, Díli (7/10).
 
Reitór hatutan, servisu makaas ho fuan no laran hodi hala'o tripla misaun universidade nian ho diak iha área peskiza, ensinu, estensaun no servisu komunitáriu.
 
“Ha’u hakarak hato'o parabéns no agradese ba parte hotu nia kolaborasaun no servisu liliu ba Faculdade de Engenharia Ciência e Tecnologia (FECT) ne’ebé mak responsável ba korpu Isár Bandeira no korru”, agradese Reitór.
462479515 122126747702385439 3916721139559980281 n
462361886 122126747948385439 6964087516793027628 nPartisipa husi Visereitór ba Asuntu Akadémiku no Garantia Kualidade Profesór Dr. Samuel Venâncio de Sousa Freitas, Dekanu, Visedekanu, Proreitór Diretór Nasional, Diretór Jeral, Diretór Departamentu, Dosente no Estudante sira.
 
Média UNTL 📝: Mario J. Mendonça
Foto 📷: Agostinho da Cruz e Silva & Domingos Amaral da Cruz

Comment

Detalhes
Visualizações: 138
462244650 122126606552385439 5790456075003952387 n
Universidade Nacional Timor Lorosa’e (UNTL) liuhusi Faculdade de Ciências Sociais nia Departamento de Comunicação Social konvida Sr. José Belo hodi partilla nia esperiénsia liuhusi semináriu ho tema “Kontribuisaun Media Iha Tempu Rezisténsia”, iha ámbitu atividade espozisaun ne’ebé hala’o hodi promove estudante sira-nia obra husi foto no filme dokumentáriu, iha Kampus Kaikoli FCS, Díli (04/10).
 
Iha diskursu atual Prezidente Radio Televisão de Timor-Leste Sr. Jose Belo hateten, jornalizmu ne’e ema ne’ebé opta hanoin hakarak sai jornalista iha faze rua mak prinsípiu ho valór sira.
“Prinsípiu ho valór sira mak gia ita hodi deside ita-nia an atu hola profisaun ida-ne’e (Jornalista), profisaun ne’e ba ita hanesan vokasaun ida, kuandu ita iha vokasaun ida-ne’e entre osan no prinsípiu buat rua-ne’e mak sai tentasaun ba ita-nia desizaun”, dehan José Belo.
 
Presidente Rttl,ep ne’e akresenta, espozisaun no semináriu ne’e bele fó hanoin kona-ba kriatividade jornalista ida nian liuhusi notísia no imajen bele provoka ema nia hanoin hodi foti desizaun, ne’e mak jornalista nia papél.
 
Iha fatin hanesan estudante Belina Martins agradese ba oradór sira tanba partilla ona esperiénsia kona-ba papél jornalista nian ne’ebé kontribui iha tempu rezisténsia.
 
“Hanesan estudante Komunikasaun Sosial agradese tebes ba oradór sira ne’ebé fó ona sira-nia tempu hodi mai fahe esperiénsia kona-ba papél jornalista nian ne’ebé fó ona kontribuisaun iha tempu rezisténsia”, dehan Estudante Martins.
462191226 122126606756385439 7735174412652993333 n
Oradór ba semináriu ne’e Diretór ezekutivu CAMSTL Sr. Eudicitio Pinto, Prezidente Rttl,ep Sr. José Belo no partisipa husi Dosente, estudante no konvidadu sira.
 
Média UNTL 📝: Domingos Amaral
Foto 📷: Laurindo da Cruz

Comment

  1. 𝐊𝐎𝐌𝐔𝐍𝐈𝐃𝐀𝐃𝐄 𝐀𝐓𝐀Ú𝐑𝐎 𝐀𝐆𝐑𝐀𝐃𝐄𝐒𝐄 𝐄𝐒𝐓𝐀𝐉Á𝐑𝐈𝐔 𝐔𝐍𝐓𝐋 𝐓𝐀𝐍𝐁𝐀 𝐇𝐀𝐋𝐀’𝐎 𝐀𝐓𝐈𝐕𝐈𝐃𝐀𝐃𝐄 𝐎𝐈𝐎𝐈𝐍
  2. 𝐃𝐂𝐒 𝐑𝐄𝐀𝐋𝐈𝐙𝐀 𝐄𝐗𝐏𝐎𝐙𝐈𝐒𝐀𝐔𝐍 “𝐏𝐀𝐏É𝐋 𝐌É𝐃𝐈𝐀 𝐋𝐈𝐔𝐇𝐔𝐒𝐈 𝐄𝐒𝐏𝐎𝐙𝐈𝐒𝐀𝐔𝐍 𝐎𝐁𝐑𝐀 𝐄𝐒𝐓𝐔𝐃𝐀𝐍𝐓𝐄”
  3. 𝐔𝐍𝐓𝐋 𝐋𝐀𝐍𝐒𝐀 𝐑𝐄𝐕𝐈𝐒𝐓𝐀 𝐀𝐊𝐀𝐃É𝐌𝐈𝐊𝐀 𝐎𝐍𝐋𝐈𝐍𝐄 𝐃𝐋𝐏 𝐍𝐎 𝐃𝐋𝐏
  4. 𝐔𝐍𝐓𝐋 𝐇𝐎 𝐏𝐀𝐑𝐒𝐄𝐈𝐑𝐔 𝐒𝐈𝐑𝐀 𝐀𝐏𝐑𝐄𝐙𝐄𝐍𝐓𝐀 𝐑𝐄𝐋𝐀𝐓Ó𝐑𝐈𝐔 “𝐊𝐀𝐌𝐏𝐔𝐒 𝐒𝐄𝐆𝐔𝐑𝐔”