- Detalhes
- Escrito por Mateus Goncalves
- Visualizações: 18
Universidade Nacional Timor Lorosa’e (UNTL), nia Faculdade de Turismo Artes Indústrias Criativas e Culturais (FTAICC), konvida Inspetór Polísia, Departamentu Tránzitu nian, Sr. Arnaldo da Costa da Conçeição, hodi sosializa informasaun relasiona ho kódigu estrada rodaviáriu ba estudante sira, iha resintu Kampus FTAICC nian, Díli (08/03).
Iha intervensaun inspetór ne’e esplika ba estudante sira kona-ba Lei Kódigu estrada rodaviáriu tuir dekretu lei nú 6/2003 3 de Abril, lei ida ne’ebé hatur kona-ba ema nia vida, bainhira utiliza transporte públiku.
“Ami mai atu partila informasaun ba ita boot sira kona-ba seguransa iha públiku, bainhira ita boot sira uza karreta ho motorizada sirkula iha via-públiku atu kumpri no respeita sinais tránzitu. Nomós tenke iha karta kondusaun inklui asesores kompletu bainhira uza transporte, nune’e labele selu koima ba kofre estadu.
Ba ita hotu, liuliu alin estudante sira bainhira uza transporte públiku karik tenke kumpri no la bele viola kódigu estrada no tenke uza kapasete, tanba ema nia ulun la faan iha loja”, hateten Sr. Arnaldo.
Sosializasaun realiza iha orientasaun akadémika ba daruak nian hetan akompañamentu másimu husi dekanu fakuldade ho nia estrutura, komisaun organizadora, nomós estudante sira.
Média UNTL:
Domingos Amaral
Domingos AmaralFoto:
Domingos Amaral
Domingos Amaral- Detalhes
- Escrito por Mateus Goncalves
- Visualizações: 18
Universidade Nacional Timor Lorosa’e (UNTL), nia Dekanu Faculdade de Ciências Sociais (FCS) Profesór Alarico da Coata Ximenes, halo abertura orientasaun akadémika tinan letivu 2024 ho tema “Efetividade Prosesu Aprendizajen iha FCS-UNTL’’. Abertura ba orientasaun ne'e realiza iha Kampus Kaikoli, Dili (7/03).
Iha okaziaun ne’e Professor Alarico da Costa Ximenes hatete, orientasaun ne’e atu forma estudante sira-nia an hodi koñese ambiente universidade, liuliu fakuldade nian, hodi prepara-an ba futuru nasaun ni'an liuhusi hakas-an no estuda didi'ak.
"Imi mak futuru Timor-Leste nian, tanba ne'e alin estudante sira utiliza tempu ne’e ho di'ak hodi aprende, estuda atu bele dezenvolve rai ne’e, ha'u hein katak 2028 mandatu remata espera imi mós bele finaliza imi-nia estudu iha Lisensiatura iha fatin ida-ne'e", dehan Profesór Alarico.
Iha fatin hanesan, Prezidente Asosiasaun Estudante (AAF-FCS) Arâo Vital hateten, iha nia mandatu ba tinan 2 nia laran realiza atividade barak tebes hodi promove no fó biban ba estudante sira hodi eleva sira-nia kapasidade no matenek nune’e bele sai ema di’ak.
"Iha ha'u-nia mandatu ho ha'u nia estrutura AAE-FCS halo atividade barak tebes, hodi promove maluk estudante sira, tanba ami-nia servisu mak oinsá atu haree ba probléma ne'ebé estudante sira hasoru. Fasilita mós maluk estudante sira hodi aplika sira-nia talentu atu bele kompete iha fakuldade no universidade’’, dehan Senadu.
Total estudante foun 2024 FCS nian ne’ebé partisipa iha orientasaun akadémika ne’e hamutuk na’in atus neen sanulu resin neen (616).
Média UNTL : Aniceto A. dos Santos/ Nazaria de Jesus da Conceição/Auxilia Fátima da Costa
: Aniceto A. dos Santos/ Nazaria de Jesus da Conceição/Auxilia Fátima da CostaFoto : Aniceto A. dos Santos /Nazaria de Jesus da Conceição/Auxilia Fátima da Costa
: Aniceto A. dos Santos /Nazaria de Jesus da Conceição/Auxilia Fátima da Costa- Detalhes
- Escrito por Mateus Goncalves
- Visualizações: 19
Universidade Nacional Timor Lorosa’e (UNTL) liuhusi Faculdade de Ciências Exatas (FCE) nia estudante hamutuk haatnulu resin rua (42) partisipa orientasaun akadémika tinan letivu 2024 ne’ebé ho tema “Formar Universitários Responsáveis, Produtivos, Inovativos, Conscientes e de Bom Caráter na Era de Digitalização’’ iha Auditóriu FCE nian, Balide-Díli (7/03).
Reprezentante Dekanu FCE nian no atuál Visedekanu ba Asuntu Administrasaun no Finansa Profesór Rosito Quintão, hato’o bemvindu ba estudante sira, tanba bele eskolla FCE hanesan fatin estudu hodi atinje mehi no hetan koñesimentu ba siénsia atu bele kontribui ba dezenvolvimentu nasionál.
“Ohin imi tur iha ne’e atu bele hatene, katak molok atu tama iha fakuldade ne’e difísil tebes, maibé agora imi sai hanesan estudante FCE nian. Imi hakarak atu bele hetan benefísiu tenki aproveita oportunidade ne’e hodi estuda makas nune’e termina husi ne’e imi bele valoriza siénsia ne’ebé imi hetan hodi implementa no kontribui ba dezenvolvimentu nasionál”, dehan Profesór Rosito.
Iha fatin hanesan, Proreitór ba Asuntu Dezenvolvimentu Institusional Profesór Lelis Gonzaga Fraga hato’o parabéns ba estudante sira, tanba bele konsegue tama iha UNTL no husu atu bele estuda makas hetan susesu.
‘’Parabéns ba imi, tanba bele tama ona iha UNTL no ba oin imi sei hasoru dezafius barak ho nune’e hau husu ba imi atu bele estuda makas hodi bele atinje ba imi nia objetivu iha fakuldade ida-ne’e”, dehan.
Atividade orientasaun akadémika ne’e organiza husi Senadu Estudantíl servisu hamutuk ho Komisaun Organizadora no partisipa husi dosente funsionáriu inklui estudante sira.
Média UNTL : Laurindo da Cruz Gomes
: Laurindo da Cruz GomesFoto : Teofilho Soares Tomas
: Teofilho Soares Tomas- Detalhes
- Escrito por Mateus Goncalves
- Visualizações: 17
Universidade Nacional Timor Lrosa’e (UNTL) nia Magnífiku Reitór Prof. dr. João Soares Martins MPH, Ph.D partisipa aniversáriu Universidade da Paz (UNPAZ) nian ba dala ruanulu (20) ho tema "Hametin Konfiansa Sosiedade hodi Kontribui ba Dezenvolvimentu Nasionál liuhusi Dezenvolve Siénsia no Prodús Prestasaun”, iha resintu Kampus UNPAZ, Díli (10/03).
Atividade hirak ne’ebé hala’o iha serimónia aniversáriu UNPAZ ba dala 20 ne’e, mak fahe sertifikadu no Prémiu ba manan na’in iha kompetisaun sira, entrega livru sira ne’ebé dosente sira prodús, konsertu no seluk tan.
Partisipa iha sorumutu ne’e, Reitór UNPAZ, Dr. Adolmando Soares Amaral ho nia estrutura, Membru Governu, Sosiedade Sivíl, Parseiru UNPAZ nian no konvidadu sira.
Média UNTL: Agostinho da Cruz e Silva
Agostinho da Cruz e SilvaFoto: Agostinho da Cruz e Silva
Agostinho da Cruz e Silva- Detalhes
- Escrito por Mateus Goncalves
- Visualizações: 20
Universidade Nacional Timor Lorosa’e (UNTL) nia reprezentante Magnífiku Reitór, atual Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas hatete, estudante sira tama ona iha universidade tenke iha responsabilidade, produtivu, inovativu, krítiku, iha era dijitál nian, nune'e hatudu kualidade nu'udar Timoroan.
"Parabéns ba imi, ha'u hakarak husu imi hotu mai husi uma, tama iha UNTL ho kontente no iha universidade tenke iha responsabilidade, nune'e iha vontade di'ak no komitmentu tomak hodi estuda didiak, liuliu tenke kriativu, produtivu no inovativu hodi hatudu ita nia kualidade nu'udar Timoroan iha mundu", dehan Profesór Samuel iha abertura ba orientasaun akadémika iha Faculdade de Educação Artes e Humanidades (FEAH), iha Kampus Liceu, Díli (07/03).
Iha fatin hanesan, Prezidente Senadu Estudante FEAH nian, Nuno Grigorio Viana hateten, iha orientasaun ne’e partisipa husi estudante foun hamutuk atus ualu limanulu (850), husi Departamentu Sanulu (10), bazeia ba númeru ne’ebé mai husi Universidade.
“Estudante ne’ebé ohin partisipa iha orientasaun ida ne’e 850, preparasaun ba atividade orientasaun kuaze semana rua, ha'u espera katak ho númeru estudante ne'e bele aprende buat ruma durante orientasaun iha Palestra husi oradór sira”, tenik Senadu.
Eufrasia Romoada Soares Viegas nu’udar estudante foun iha Departamento de Ensino Matemática, sente orgullu bainhira tama iha UNTL no iha orientasaun ne'e aprende kona-ba oinsá sai nu'udar ema akadémiku ida ne'ebé produtivu liután.
“Ha’u sente kontenti tebes, tanba bele tama iha UNTL, ohin ha'u aprende mak, ami tenke produtivu liuliu fahe ami-nia tempu atu aprende tuir atividade estrakurikular sira iha universidade hodi aumenta ami-nia abilidade”, dehan Romoada.
Oradór ba semináriu iha orientasaun ne'e, Superentindente Prezidente Autoriedade Protesaun Sivil, Sr. Ismael da Costa Babo ho tema (Lei da Proteção Civil e Assuntos Dezastres), Komandante Polisia Trânsitu, Luis da Costa partilla (Codigo de Conduta das Estradas Publicas) no Profesora Ana Maria dos Santos ko’alia kona-ba (Esperiencia Académica na Gestão para Partisipação nas Atividades Curiculares e Estracuriculares no Campus).
Orientasaun ne’e realiza ho tema "Formar Universitários Responsáveis, Produtivos, Inovativos, Concientes e de Bom Caractér na Área de Digitalização, Construir Sinergias Para Alcançar Boas Prestações Académicos Rumo a um Campos de Exelência".
Partisipa iha atividade ne'e, Dekanu ho estrutura, Diretór Departamentu, Dosente, Funsionáriu, Diretór Nacional no estudante sira.
Média UNTL: Venanciana da Costa
Venanciana da CostaFoto: Livia M.A Castro, Leonia de Araújo
Livia M.A Castro, Leonia de Araújo