- Detalhes
- Escrito por Mateus Goncalves
- Visualizações: 140
Universidade Nacional Timor Lorosa'e (UNTL) nia Diresaun Nacional Rekursu Umanu (DNRH), konvida Dr. Afonso Soares nu’udar Asesór Jurídiku husi Comissão da Função Pública (CFP), hodi partilla informasaun kona-ba "Direitu no Dever sira Funsionáriu nian iha Enkuadramentu Legál Administrasaun Públika", ba funsionáriu no kargu xefia sira.
Formasaun ne'e hala'o ba loron tolu iha Auditóriu FCS Kaikoli, Díli (10/10), ho objetivu atu fó koñesimentu kona-ba direitu no dever funsionáriu no kargu xefia sira oinsá atu hala'o knaar tuir lei funsaun públika nian ne'ebé iha nune'e bele servisu ho imparsialidade.
Formadór ba formasaun jurídiku ne'e mai husi Asesór Jurídiku Comissão da Função Pública Dr. Afonso Soares no modera husi Diretór Nacional Rekursu Humanu UNTL , Dr. Câncio Monteiro.
Média UNTL 
: Domingos Amaral
: Domingos AmaralFoto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 147
Universidade Nacional Timor Lorosa'e (UNTL) nia estudante sira husi Faculdade Turismo Artes, Indústrias Criativas e Culturais (FTAICC) partisipa iha diseminasaun informasaun kona-ba istória Timor-Leste no haree Filme Dokumentáriu luta ba libertasaun nian ne'ebé partilla husi Centro Nacional Chega (CNC), iha Kampus FEG, Díli (9/10).
Objetivu husi atividade refere maka partilla istória Timor nian liuhusi imajen no filme dokumentáriu pasadu Setembru Nakukun nian, hahú husi tinan 1974-1999 ba estudante sira atu bele hatene no komprende kona-ba prosesu luta ba libertasaun nian.
Atividade ne'e servisu hamutuk entre FTAICC no CNC no hetan partisipa husi Estudante FTAICC, dosente no konvidadu sira.
Média UNTL : Mario J. Mendonça
: Mario J. MendonçaFoto : Jaimito Caldas (estajiáriu)
: Jaimito Caldas (estajiáriu)- Detalhes
- Escrito por Mateus Goncalves
- Visualizações: 163
Universidade Nacional Timor-Lorosa’e (UNTL) nia Diresaun Nacional Rekursu Umanu (DNRH), fasilita formasaun jurídika ba funsionariu ho kargu xefia sira ho tema “Hasa’e Koñesimentu Legal no Abilidade Prosedurál ba Funsionáriu UNTL nian” durante loron haat iha Auditóriu FCS Kaikoli, Díli (08/10).
Iha diskursu Diretór Nacional Rekursu Umanu Dr. Câncio Monteiro hateten, formasaun refere importante ba funsionáriu hotu, liu-liu kargu diresaun no xefia sira atu iha koñesimentu iha área jurídika.
“Durante ne’e parte rekursu umanu observa katak, liu-liu kargu xefia sira sempre simu orientasaun husi superiór atu ezekuta no halo pareser tékniku balu, tanba ne’e asuntu ida-ne’e atu foka liuba parte jurídika nian, atu fó hanoin no gia ita hodi hala’o ita-nia dezempeñu servisu hodi atinji mehi sira sai hanesan Sentru Exelénsia Ensinu Superior Iha Timor-Leste”, dehan Diretór Monteiro.
Diretór ne’e dehan, lori Universidade liu-liu Visereitór ba Asuntu Finansa no Administradór Jeral UNTL nia naran hakarak enkoraja ita hotu atu partisipa másimu iha formasaun nune’e bele gaña esperiénsia foun.
Iha fatin hanesan partisipante no atual Diretora Nasional Lojístika no Manutensaun sra. Fátima Odete da Cruz Monteiro agradese ba asesór prinsipal husi Komisaun Funsaun Públika (CFP) ne’ebé bele fahe ona nia esperiénsia iha universidade ba kargu xefia sira.
“Formasaun ida-ne’e di’ak tebes, tanba iha buat balu ne’ebé presiza partilla informasaun iha área jurídiku nian mai iha diresaun xefia sira hotu, nune’e iha lakunas balu karik bele aplika tuir buat ne’ebé ohin hetan iha formasaun ne’e bazeia ba lei”, dehan Diretora.
Diretora ne’e mós husu ba xefia sira bainhira halo desizaun ruma la bele sees husi koridor ne’ebé iha, halo jestaun no kontrolu nune’e bele lidera diresaun no deprtamentu sira ho di’ak hodi asegura Universidade di’ak liu iha futuru. Husu mós ba rekursu umanu atu kontinua formasaun sira hanesan ne’e hodi konvida formador sira seluk.
Formasaun jurídiku ne’e organiza husi Diresaun Nacional Rekursu Umanu no Formadór mai husi Funsaun Publika hanesan Asesor Jurídiku Prinsipál.
Média UNTL : Domingos Amaral
: Domingos AmaralFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 157
Universidade Nacional Timor Lorosa'e (UNTL), nia Diresaun Nasional Rekursu Humanu (DNRH), kovida Mestre Tomás Cabral Anunciação husi Faculdade de Direito, hodi partilla kona-ba "Poder Hieráquico e Sanções Administrativas em Geral e na UNTL” ba funsionáriu no kargu xefia sira.
Formasaun ne'e hala'o iha Auditóriu FCE nian, Díli (09/10), ho objetivu atu fasilita kargu xefia sira uza kompeténsia hodi foti desizaun hanesan ierarkia tuir estatutu ne'ebé iha.
Formadór ba Formasaun Jurídiku ne'e mai husi dosente Faculdade de Direito Mestre Tomás Cabral, Dekanu Faculdade de Direito, Mestre José Tomas Alves no modera husi Diretór Nasional Rekursu Humanu, Dr. Câncio Monteiro.
Média UNTL : Denilson Amandio Barros
: Denilson Amandio BarrosFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 152
Universidade Nacional Timor Lorosa'e (UNTL) nia konstrusaun Institutu Nacional Linguístiku (INL) foin atinji 25% tanba prosesu transferénsia ekipamentu husi Indonesia mai Timor-Leste tarde, tuir loloos to'o fulan setembru ne'e atinji 82% maibé la konsege.
Proreitoria ba Asuntu Dezenvolvimentu Institusional (PRADI) nia Jestór Projetu, Sr. Fernão Soares Reis, M.Eng iha Kampus Sentral UNTL nian, Díli (6/10) hatete, konstrusaun Edifísiu INL nian tuir loloos atinji ona 82%, maibé foin atinji 25%.
"Konstrusaun INL ne'e bazeia ba asina akordu katak, to'o fulan setembru ne'e tenke atinji ona 82% maibé realidade iha terenu foin atinji 25%, tanba ne'e sira mós mai halo ona enkontru ho ami hodi esplika razaun sira progresu konstrusaun tarde, tanba material sira transfere husi Indonesia mak mai tarde, maibé kompañia sei finaliza konstrusaun ne'e iha fulan Marsu tinan 2025”, dehan Jestór Projetu.
"Konstrusaun ne'e loloos bele atinji ona 82% maibé material sira husi Indonesia mai tarde entaun progresu foin 25%, agora ba oin ami esforsu no tarjetu sei finaliza iha fulan Marsu tinan 2025", dehan Jestór Aje Ageng.
Média UNTL : Leonia de A. da Costa
: Leonia de A. da CostaFoto : Roberta Perreira (estajiária)
: Roberta Perreira (estajiária)