Comment

Detalhes
Visualizações: 260
461789478 122125964660385439 6656741619181628684 n
 
Universidade Nacional Timor-Lorosa’e (UNTL) nia Faculdade Turismo Arte Industria Criativas e Culturais ensera atividade Estajiu Servisu Sosial (ESS) ne’ebé estudante na’in 105 hala’o durante fulan rua (2) iha Atauro, (01/10).
 
Iha entrevista Decano FTAICC Profesór Feliciano Quintas do Céu hateten, sente haksolok tanba estudante sira bele aplika sira-nia koñesimentu ne’ebé sira hetan durante iha sira-nia estudu ho programa fíziku ho non-fíziku.
 
“Hanesan Dekanu sente haksolok, tanba estudante sira mai aplika koñesimentu ne’ebé durante ne’e ita hanorin iha universidade no fakuldade realidade duni sira aplika liuhusi programa fíziku mak halo fatin lixeira nomós fatin fotospot no non-fíziku sira fó formasaun ba estudante sira iha Língua Inglés.
 
Iha fatin hanesan, Prezidente Autoridade Administrativa Atauro Sr. Mateus Belo hateten, hanesan autoridade sente kontenti ho estudante estajiáriu sira-nia prezensa lori mudansa ba iha suku tolu (3).
 
“Hanesan Prezidente Autoridade sente kontente ho prezensa estudante nian ne’ebé lori mudansa mai iha ami-nia fatin ida-ne’e liuhusi programa fíziku no non-fíziku.
Ami agradese ba universidade no fakuldade bele hili Atauro sai alvu ba atividade estudante sira-nia estájiu durante fulan rua”, dehan Autoridade.
 
Prezidente ne’e mós salienta, Atauro nia potensia boot tebes, nune’e ho estudante sira-nia prezensa ho atividade ne’ebé sira hala’o bele motiva komunidade Atauro sira halo promosaun di’ak liutan poténsia turístiku iha Atauro.
 
Prezidente Autoridade, autoridade lokal no komunidade sira ho matan-been entrega hikas estudante sira ba iha universidade liu-liu FTAICC, atividade Estájiu Servisu Sosial ne’e estudante hamutuk atus ida lima (105) ne’ebé halo ona sira nia estajiu durante fulan rua iha suku Maumeta, Beloi ho Bikeli.
 
Média UNTL 📝: Domingos Amaral
Foto 📷: Mario Jonio Mendonça & Leonia de Araújo

Comment

Detalhes
Visualizações: 249

img20241001 08341166 1

Universidade Nacional Timor Lorosa'e (UNTL), nia Diresaun Nacional Aprovisionamentu (DNA), hakarak fó sai ba públiku konabá rezultadu konkursu ho númeru 003A/UNTL/VIII/2024.

Informasaun kompletu bele haree iha anexu.

Média UNTL/DNA

Comment

Detalhes
Visualizações: 542

untitled 0131

Universidade Nasional Timor Lorosa'e (UNTL) nia Magnífiku Reitór Profesór dr. João Soares Martins,MPH.PhD iha nian kna'ar fatin Kampuz Sentral Dili (30-09) hatete, UNTL servisu hamutuk ho Universitas Nusa Cendana Kupang (UNDANA) sei realiza Konferénsia Internasional iha 20-21 fulan Novembru iha RAEOA ho tema "Timor, Science Without Borders 1st International Transborder Conference of the Timor Island".

"Ita sei realiza Konferénsia Internasionál hodi koalia kona-ba Timor-Leste, Science Without Borders 1st International Transborder Conference of the Timor Island no iha konferénsia ne'e peskizadór no estudante sira sei partilla koñesimentu no diskusaun entre peskizadór husi UNTL ho UNDANA", dehan Reitór.

Magnifiku Reitór hatutan, Semináriu refere programadu hodi partilla koñesimentu sira hanesan: 1. Science 2. Engenering 3. Agrosciences 4. Environmental Sciences, 5. Health, Medicine and Life Sciences 6. Humanities, Art & Culture 7. Economics 8. Education 9. Political Sciences 10. Low 11. Risk & Safety.

 #TimorLeste #UNTL #UNDANA 30 Setembru 2024

Média UNTL 📝: Mario J. Mendonça
Foto 📷: Leonia de Araujo

Comment

Detalhes
Visualizações: 238

WhatsApp Image 2024 10 01 at 10.41.27

Universidade Nacional Timor Lorosa’e (UNTL) liuhusi Gabinete Visereitora ba Asuntu Estudantís (GVRAE) nia Unidade Asunto Relasionado Questão Política de Género realiza Atividade Diskusaun Kafe Jéneru ho tema ‘’Conhecimento Com Abordagem de Forma Ético Sobre Questão Género’’ iha Salaun Ministériu Transporte no Komunikasaun nian, Kaikoli, Díli (27/09).

Visereitora ba Asuntu Estudantís (VRAE) Profesora Lígia Tomás Coreia hatete, atividade ne’e realiza ba edisaun dala-3 ona atu fó hanoin ba estudante sira hodi hatene oinsá luta ba libertasaun Timor-Leste nian no partisipasaun feto sira-nian iha vida polítika.

‘’Atividade ne’e realiza hodi konvida orador sira mai atu bele fahe sira nia esperiénsia ba estudante sira kona-ba oinsá esperiénsia luta nian ba libertasaun Timor hodi motiva estudante sira atu bele buka hatene kona-ba istória abordajen Timor-Leste nian’’, dehan VRAE.

Profesora Ligia hatutan, atividade ida-ne’e realiza ba dala-3 ona no iha ámbitu komemorasaun loron Konsulta Populár ne’e ho tema ne’ebé iha leten atu bele koalia mós kona-ba asuntu jéneru nian, no liuliu atu fó hanoin nafatin ba estudante sira oinsa Timor-Leste nia Forma Ético ba Questão Género iha tempu pasadu.

Iha fatin hanesan, Profesór Eurico Celestino dos Reis Araujo nu’udar oradór hatete, fahe esperiénsia ba estudante sira kona-ba oinsa esperiénsia luta iha tinan hirak liubá no oinsa partisipasaun feto nian iha luta libertasaun nasional Timor-Leste.

‘’Ohin ha’u mai atu fahe ha’u-nia esperiénsia ba estudante sira kona-ba prosesu luta ba libertasaun nasional no oinsa haree ba feto sira-nia partisipasaun iha polítika hodi luta ba ukun rasik aan no ha’u hakarak dezafia estudante sira ohin loron atu bele esforsu makaas hodi bele estuda atu hadia rai ida ne’e di’ak ba oin’’, dehan Profesór Eurico.

#TimorLeste #UNTL #VRAE #GARPQG 30 Setembru 2024

Média UNTL 📝: Laurindo da Cruz Gomes
Foto 📷: Roberta da Cruz (estajiária)

Comment

Detalhes
Visualizações: 281
WhatsApp Image 2024 10 01 at 08.07.56
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D asina memorandu ho Magnífiku Reitór Universidade Baoshan (UB) China nian, Sr. Chu Yanhuai hodi koopera iha área Agrikultura liuliu produsaun Kafé iha Timor-Leste no China nian, iha Sala-Videokonferénsia UNTL, Díli (26/09).
 
Iha serimónia ne'e, Reitór hatete, asina ona memorandu ho Universidade Baoshan China no sei foku ba área agrikultura nian, liuliu produsaun Kafé no sira mós fó oportunidade ba estudante Faculdade de Agrikultura nian bele ba halo estudu komparativu iha UB China.
 
"Ohin ita asina ona akordu ho Universidade Baoshan China, no ami halo diskusaun kona-ba kooperasaun nian, maibé sira hakarak ita koopera iha Agrikultura liuliu produsaun kafe, no sira mós hakarak fó oportunidade ba ita-nia estudante Faculdade de Agrikultura sira atu bele ba halo estudu komparativu iha sira-nia universidade", dehan Reitór.
 
Reitór Universidade Baoshan nian, Sr. Chu Yanhuai orgullu tanba bele mai iha Timor-Leste, hodi vizita UNTL no konsege asina akordu, no iha kooperasaun ne'e UB hakarak haree liuba Fakuldade de Agricultura liuliu produsaun kafé, tanba Timor-Leste mos iha poténsia ba kafé nian, no iha mós oportunidade ba estudante sira bele ba halo estudu komparativu iha UB.
 
"Ha'u sente ondradu tebes mai iha Timor no vizita mós UNTL ba dahuluk hodi konsege asina ona akordu, ami mai iha ne'e ami hatene katak UNTL mak universidade públiku iha Timor-Leste no ha'u rona katak UNTL prodús ona rekursu kualifikadu barak no balu sai Prezidente Repúblika.
 
Ami hakarak koopera no ami sei foka liuba produsaun kafé, tanba Timor-Leste mós iha potensia ba kafé, maibé ami sei fó oportunidade ba estudante sira bele halo estudu komparativu iha ami-nia Universidade", tenik Reitór Chu.
 
Hafoin serimónia asina akordu, ekipa husi UB nian akompaña husi estrutura UNTL halo vizita mós ba Biblioteka Sentral hodi haree direta kondisaun no livru sira iha biblioteka laran.
WhatsApp Image 2024 10 01 at 08.11.21
Partisipa iha Asina Memorandu nee, Visereitór ba Asuntu Akadémiku no Garantia Kualidade Profesór Samuel Venâncio de Sousa Freitas, Proreitór ba Asuntu Kooperasaun nian, Profesór Tomé Xavier Jerónimo, Dekanu FEAH nian, Profesór Teodoro Soares, Diretór Baoshan University nian, Sr. Yang Chunhua ho ekipa.
 
 
Média UNTL 📝: Leonia de Araújo da Costa
Foto 📷: Leonia de Araújo da Costa, Agostinho da Cruz e Silva & Roberta Pereira

Comment

  1. 𝐅𝐓𝐀𝐈𝐂𝐂 𝐑𝐄𝐀𝐋𝐈𝐙𝐀 𝐒𝐄𝐌𝐈𝐍Á𝐑𝐈𝐔 “𝐏𝐑𝐎𝐌𝐎𝐕𝐄𝐑 𝐄 𝐕𝐀𝐋𝐎𝐑𝐈𝐙𝐀𝐑 𝐀 𝐍𝐎𝐒𝐒𝐀 𝐈𝐃𝐄𝐍𝐓𝐈𝐃𝐀𝐃𝐄 𝐂𝐔𝐋𝐓𝐔𝐑𝐀𝐋 𝐂𝐎𝐌𝐎 𝐂𝐑𝐈𝐀𝐓𝐈𝐕𝐈𝐃𝐀𝐃𝐄”
  2. 𝐔𝐍𝐓𝐋- 𝐋𝐄𝐈𝐓𝐎𝐑𝐀𝐃𝐎 𝐆𝐔𝐈𝐌𝐀𝐑Ã𝐄𝐒 𝐑𝐎𝐒𝐀 𝐃𝐈𝐒𝐓𝐑𝐈𝐁𝐔𝐈 𝐒𝐄𝐑𝐓𝐈𝐅𝐈𝐊𝐀𝐃𝐔 𝐁𝐀 𝐅𝐎𝐑𝐌𝐀𝐃𝐔 𝟏𝟐𝟖
  3. 𝐀𝐯𝐢𝐳𝐮
  4. 𝐔𝐍𝐓𝐋 𝐒𝐄𝐈 𝐑𝐄𝐀𝐋𝐈𝐙𝐀 𝐆𝐑𝐀𝐃𝐔𝐒𝐀𝐔𝐍 𝐁𝐀 𝐅𝐈𝐍𝐀𝐋𝐈𝐒𝐓𝐀 𝟐𝟏𝟕𝟑 𝐈𝐇𝐀 𝐃𝐄𝐙𝐄𝐌𝐁𝐑𝐔