- Detalhes
- Escrito por Mateus Goncalves
- Visualizações: 335
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D hamutuk ho Ministériu Ensinu Superior Siénsia no Kultura (MESSK) halo diseminasaun ba informasaun kona-ba asesu ensinu superiór públiku tinan 2025 nian, iha Salaun Munisípiu Autoriedade Ermera, Gleno (19/09).
Reitór hatete, UNTL hamutuk ho MESSK mai fahe informasaun kona-ba oinsa estudante no joven timoroan sira bele asesu ba ensinu superiór públiku hanesan UNTL no Instituto Pollitecnico Betano (IPB).
"Ohin ami mai iha ne'e ho objetivu atu halo diseminasaun informasaun kona-ba asesu ensinu superiór públiku, tanba ne'e iha Timor-Leste ita iha deit institutu públiku ida mak IPB no universidade públliku mak UNTL, selu propinas baratu, ita mós iha ensinu kualifikadu, tanba dosente sira barak mak mestradu no doutoramentu, inklui fasilidade sufisiente ba estudante sira", dehan Reitór.
Diretór Diresaun Nacional Ensinu Superiór-MESSK nian, Sr. Higino Alves, husu ba diretór no reprezentante kada eskola inklui autoriedade lokal sira iha Munisípiu Ermera to'o ba suku sira, atu hatutan informasaun ho didiak ba joven no estudante finalista sira.
"Ha'u husu ba Diretór eskola sira iha ne'e ho reprezentante sira, autoriedade lokal, xefe suku sira atu kontinua hatutan informasaun ne'e ho didiak ba joven sira no finalista sira ne'ebé mak remata eskola hakarak mai kontinu iha ensinu superiór públiku hanesan UNTL no IPB", dehan Diretór DNES.
Iha diseminasaun ne'e, aprezenta perfil UNTL no maneira asesu ensinu superiór husi Proreitór ba Asuntu Monitorizasaun no Avaliasaun Profesór José Nelson Salsinha. Enkuantu Sr. Agustinho S.G. da Costa apresenta kona-ba kritéria sira atu asesu tuir rejime jeral no rejime espesial, Koordenador IPB Sr. Jose Mendes aprezenta kona-ba oinsa asesu ba IPB no nia fasilidade sira.
Partisipa husi Diretór Diresaun Nacional Reseitas nian, Sr. Mateus Amaral , Secretaria Asunto Sosial representa Prezidente Autoriedade Munisípiu Ermera nian Sra. Paulina do Rosario Lemos, Chefe Departamento Desenvolvimnto Gestão Parque Escolar representa Diretor Educação Munisípiu Ermera nian Sr. Cosme Salsinha, Diretór eskola sira iha Munisipiu Ermera, Xefe Suku no konvidadu balu.
Média UNTL 
: Leonia de Araújo da Costa
: Leonia de Araújo da CostaFoto 
: Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 239
Universidade Nacional Timor Lorosa’e (UNTL) nia Faculdade de Engenharia Ciência e Tecnologia (FECT) sei halo mákina prodús tua sabu modernu hodi oferese ba benefisiáriu sira iha munisípiu bazeia ba rezultadu peskiza ne’ebé iha, FECT (20/09).
Vise-Dekanu ba Asuntu Kooperasaun no Peskiza Profesór Domingos de S. Freitas informa, mákina ne’ebé FECT sei prodús ne’e orsamentu finansia husi MCI bazeia ba memorandu ne’ebé asina ona.
“Kooperasaun entre Faculdade de Engenharia Ciência e Tecnologia (FECT) ho Ministério Comércio e Indústria (MCI) kona-ba prodús mákina tua sabu hodi oferese ba benefisiáriu sira bazeia ba rezultadu peskiza ne’ebé ita halo no identifika”, dehan Profesór Domingos.
Profesór ne’e salienta, mákina sira-ne’e atu ajuda komunidade sira ne’ebé uza de’it sistema manual hodi halo produsaun ba tua sabu, ne'e presiza tempu naruk no bele afeta mós ba sira-nia saúde.
“Mákina sira-ne’e nia funsaun atu ajuda komunidade sira ne’ebé ita ba identifika katak sira-nia mákina ne’ebé sira utiliza ne’e hanesan manual de’it no lakon tempu barak liu, nune’e ita hakarak modifika sira-nia mákina ho modernu nune’e bele redus tempu no hasa’e kuantidade produsaun”, dehan.
Mákina ne’ebé sei prodús hamutuk unidade sanulu (10) mak hanesan mákina produsaun tua sabu, press nuu, hamaran produtu lokal, fibra nuu kulit no mákina halo manutensaun no mákina hirak ne’e sei prodús husi dosente FECT no envolve mós estudante sira.
Média UNTL : Domingos Amaral
: Domingos AmaralFoto : Agustinho da Cruz & Jaimito Caldas
: Agustinho da Cruz & Jaimito Caldas- Detalhes
- Escrito por Mateus Goncalves
- Visualizações: 204
Universidade Nacional Timor Lorosa’e (UNTL) nia Proreitór ba Asuntu Dezenvolvimentu Instituisional Profesór Dr. Lelis Gonzaga Fraga, iha Kampus Sentrál UNTL nian, Díli (20/09) informa, kona-ba modernizasaun Auditóriu FEG no halo manutensaun ba saladeaula tolu (3).
“Kona-ba moderniza ba Auditóriu Faculdade de Economia e Gestão (FEG) no halo manutensaun ba saladeaula tolu (3) nian ne’e, kompañia Neltifer mak sai hanesan manan na’in ba renovasaun ne’e, nune’e ita fó ona servisu ba sira tanba ne’e agora dadauk sira hahú halo ona servisu tuir tempu kontratu ne’ebé iha”, Dehan Proreitór Lelis.
Iha sorin seluk Diretór Kompaña Neltifer Nelson Fatima Doutel Fereira informa, projetu refere bazeia ba kontratu husi UNTL atu halo modernizasaun ba auditóriu no halo reabilitasaun ba saladeaula tolu.
“Projetu ida-ne’e ami hetan husi UNTL hanesan na’in ba projetu atu halo modernizasaun, aleinde ne’e mós iha reabilitasaun ba saladeaula tolu tuir dezenu UNTL nian, ne’ebé nia durasaun fó mai ami ne’e fulan tolu hahú iha Setembru no sei termina iha Dezembru 2024”, dehan Diretór Kompaña.
Média UNTL : Domingos Amaral
: Domingos AmaralFoto : Agostinho da Cruz e Silva e Jaimito Caldas (Estajiáriu)
: Agostinho da Cruz e Silva e Jaimito Caldas (Estajiáriu)- Detalhes
- Escrito por Mateus Goncalves
- Visualizações: 193
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D hasoru malu ho Profesora Manuela Morais nu'udar reprezentante husi Universidade Évora Portugal nu'udar mós responsável ba mobilidade Erasmus nian, iha Sala-Videokonferénsia UNTL nian, Díli (20/09).
Objetivu husi sorumutuk ne'e, parte rua deskuti kona-ba apoiu ensinu no peskiza no oinsa bele estabelese kursu mestradu no doutoramentu iha UNTL no sei oferese mós treinamentu ba tékniku administrasaun sira.
Partisipa iha sorumutu ne'e, Visereitór ba Asuntu Akadémiku no Garantia Kualidade, Profesór Samuel Venâncio de Sousa Freitas, Visereitór ba Asuntu Pós-Graduasaun no Peskiza nian, Profesór Afonso de Almeida, Proreitór ba Asuntu Kooperasaun nian, Profesór Tomé Xavier Jerónimo, Diretór Jerál Servisu Apoiu Reitoria Sr. Jacinto Belo no asistente tékniku sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 231
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D hasoru malu ho delegasaun husi Planning Badan Riset dan Inovasi Nasional (BRIN) nia Deputi Bidang Sumber Daya Manusia Ilmu Pengetahuan dan Teknologi, Edy Giri Rachman Putra , iha Sala-Videokonferénsia UNTL nian, Díli (18/09).
Objetivu husi sorumutuk ne'e atu deskuti kooperasaun ba futuru liuliu peskiza iha área Siénsia Biolosia Muricular (Hudi) no ba futuru BRIN mos sei fó oportunidade ba timoroan sira hodi kontinua estudu ba bolsa mestradu no doutoramentu.
Akompaña iha diskusaun ne'e, Visereitóra ba Asuntu Estudantil nian, Dra. Lígia Tomás Correia, Proreitór ba Asuntu Kooperasaun (PRAK) nian, Profesór Tomé Xavier Jerónimo, Diretór ba Sentru Formasaun Avansada, Profesór Apolinário Magno, Diretór Sentru Nacional Investigasaun Sientífika, Profesór José Antonio Lourenço, Direktur Manajemen Talenta Mr. Raden Arthur Ario Lelono, Direktur Pengembangan Kompetensi, Mr. Sasa Sofyan Munawar.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa no Mario J. Mendonça
: Leonia de Araújo da Costa no Mario J. Mendonça