- Detalhes
- Escrito por Mateus Goncalves
- Visualizações: 260
Universidade Nacional Timor lorosa’e (UNTL) nia Magnífiku Reitor Prof. dr. João Soares Martins,MPH, Ph.D simu vizita Ministro de Estado e dos Negócios Estrangeiros (MENE) Paulo Rangel husi Portugal iha sala-enkontru Centro Língua Portuguesa (CLP), Díli (12/09), hodi haree progresu servisu projetu FOCO no CLP iha UNTL.
Iha entrevista Reitór UNTL hatete, agradese ba visita husi Ministro de Estado e dos Negócios Estrangeiros husi Portugal ne’ebé bele mai haree besik servisu husi Projetu FOCO iha UNTL.
“Ami agradese tebes ba Ministro de Estado e dos Negócios Estrangeiros husi Portugal nia visita, iha oportunidade ami aprezenta mós progresu servisu Centro de Língua Portuguesa no Projeto FOCO-UNTL”, hatete Reitór.
Iha fatin hanesan MENE-Portugal Paulo Rangel agradese ba projetu FOCO iha UNTL, tanba fasilita Língua Portuguesa ba Nível Universitáriu no komunidade sira iha Timor-Leste.
“Hakarak agradese ba Projeto FOCO iha UNTL nia servisu ho vontade no dedikasaun ne’ebé estraordináriu iha projetu ne’e, tanba kria espasu ne’ebé di’ak hodi fasilita Língua Portuguesa ba nível universitáriu ho komunidade sira no hanesan mós fatór importante ida iha identidade povu portugés no Timoroan nian”, dehan nia.
Iha visita ne’e partisipa husi Koordenadór FOCO Prof. Paulo Faria, Embaxadora Portugal iha Timor-Leste Manuela Bairros, Ekipa husi Ministro de Estado e dos Negócios Estrangeiros nian, Dosente husi Departamento de Língua Portuguesa no funsionáriu sira husi FOCO nian.
Média UNTL 
: Agostinho da Cruz
: Agostinho da CruzFoto 
: Mario Mendonça
: Mario Mendonça- Detalhes
- Escrito por Mateus Goncalves
- Visualizações: 246
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D akompaña husi Visereitór ba Asuntu Pós Graduasaun no Peskiza (VRPGP) nian, Profesór Afonso de Almeida partisipa iha semináriu ho tema "The Dynamics of the May 5TH Agreement in 1999" ne'ebé organiza husi Universidade João Saldanha ho G7+, iha Kampus Usuleu, Hera-Díli (12/09).
Objetivu husi semináriu ne'e, oradór fahe esperiénsia sira relasiona ho prosesu luta ba ukun rasik aan liuliu istória sira ne'ebé defísil iha tempu funu liuliu 1999 nian no ikus Timor-Leste konsege manan liberdade husi Indonesia.
Oradór ba semináriu ne'e, Mr. Tamrat Samuel husi New York University (NYK), Profesór Armindo Maia husi UNTL, modera husi Profesór João Saldanha, Prezidente ba Universidade João Saldanha. Alende semináriu, asina mós Plaka Universidade João Saldanha nian husi Sr. Tamrat Samuel.
Partisipa husi sekretariu Jerál G7+ nian, Sr. Helder da Costa, Diretór Ezekutivu Dr. Nilton Diamantino Paiva Mau, ekipa husi G7+, estudante Universidade João Saldanha nian no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 239
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins ho estrutura halo vizita ba edifísiu Faculdade de Agricultura (FAGRI) nian iha Hera, Díli (3/09).
Objetivu husi vizita atu haree kondisaun no fasilidade fakuldade nian hanesan, saladeaula, liña eletrisidade, kasadebañu, Kadeira no meza, ne'ebé maka preparadu ona ba prosesu aprendizajen nian.
Vizita ne'e akompaña husi Dekanu FAGRI Profesór Dr. Vicenti de Paulo Coreira, Visereitór ba Asuntu Administrasaun Finansas no Administradór Jeral Dr. Hélio A.X. Mauquei, Diretora Diresaun Nasional Lojístika no Manutensaun Sra. Fátima Odete da Cruz Monteiro, Proreitór, no estrutura fakuldade nian.
Média UNTL : Mario J. Mendonça
: Mario J. MendonçaFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 242
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH,Ph.D, partisipa iha semináriu ho tema "Hatene Istória Tempu Pasadu nian Liuhusi Livru Istória" no lansamentu livru ho tema "Ili Matar" ne'ebé hakerek husi Sra. Kirsty Sword Gusmão no atual Primeiru-Ministru Kayrala Xanana Gusmão, iha sala Leitura Xanana Gusmão, Lecidere, DÍli (4/09).
Objetivu husi livru refere atu enkoraja joven timoroan sira hodi hatene kona-ba biografia Nino Konis Santana nomós livru ne'e sei tau iha Sala Leitura Xanana Gusmão Reading Room no sei distribui mós livru Ili Matar ne'e ba eskola ensinu báziku sira.
Livru ne'e lansa husi Primeiru-Ministru Xanana Gusmão no Ministra Edukasaun nian, Sra. Dulce Martins akompaña husi Oradór Naldo Reis no Sra. Kirsty Sword Gusmão.
Partisipa husi estudante IOB, DIT, Ensino Secundário 5 de Maio, Ensino Secundário Nobel da Paz no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa
: Leonia de Araújo da Costa- Detalhes
- Escrito por Mateus Goncalves
- Visualizações: 230
Universidade Nacional Timor Lorosa’e (UNTL) nia Diretór Sentru Estudu ba Paz (SEP) Profesór Antero Benedito da Silva hatete, dezde inísiu 2024 ne’e, SEP implementa ona atividade peskiza nian kona-ba “Seguransa Humana Iha Fronteira” ho objetivu atu mellora kapasidade estudante sira-nian iha atividade peskiza.
“Durante ne’e ami halo ona peskiza kona-ba “Seguransa Humana Iha Fronteira” no agora hein de’it atu lansa no haree mós programa Mestradu ba estudante sira liuhusi programa Pós-Graduasaun UNTL nian.
Objetivu peskiza ida-ne’e atu bele buka hatene oinsa komunidade sira ne’ebé hela besik iha fronteira nia asesu ba Edukasaun no Saúde liuliu ba labarik sira”, Dehan Profesór Antero iha Kampus Sentral UNTL nian, Díli (28/08).
Profesór Antero hatutan, aliende peskiza SEP mós oferese espasu ba estudante sira hodi voluntáriu no oferese mós biblioteka ba estudante sira hodi estuda, halo peskiza, diskusaun no komunika ho liña ministeriál sira atu bele treina estudante sira sai lider ne’ebé di’ak iha futuru.
“Benefísiu husi atividade sira-ne’e mak bele tulun estudante sira gradua ho kualidade di’ak iha sira ida-idak nia departamentu, tanba iha ne’e hanorin sira peskiza, hakerek sientífiku hodi aumenta sira nia koñesimentu iha área sira no fatin ne’e mós la’ós ba de’it estudante UNTL, maibé loke mós ba estudante sira hotu husi Universidade Públiku no privadu sira bele mai asesu”, hatutan Diretór Benedito.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes