- Detalhes
- Escrito por Mateus Goncalves
- Visualizações: 249
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D hamutuk ho estrutura, públika ona lista estudante la ativu ne’ebé tama iha lista Drop Out (DO), konta husi tinan 2000 to’o 2012 ho total rihun sia atus rua limanulu resin tolu (9253), no sira ne’ebé halo ona readmisaun hamutuk 238.
Visereitór ba Asuntu Akadémiku no Garantia Kualidade (VRAAGQ) Prof. Dr. Samuel Venáncio de Sousa Freitas iha nia knár fatin (19/24) hatete, readmisaun ba estudante la ativu husi tinan 2000-2012 nian sei termina iha fim de outubru tinan ne’e.
“Readmisaun ba estudante la ativu husi tinan 2000-2012 sei remata iha 31 fulan Outubru tinan ne’e, no desizaun antes ne’e parte universidade foti mantein hodi implementa DO, karik liu ona data ne’ebé termina ba readmisaun nian, parte Universidade sei hasai naran husi sistema estudante UNTL nian, depois sei kontinua publika faze daruak nian ne’ebé sei desidi liuhusi reuniaun ho parte kompetente universidade nian”, tenik Visereitór.
Diretór Nasionál Atendimentu Estudante (DNAE) Rui Loco Pires hatete, parte DNAE durante ne'e halo ona readmisaun ba estudante la ativu hamutuk 238 bazeia ba despaxu husi VRAAGQ nian.
“Bazeia ba despaxu husi Visereitór ba asuntu Akadémika no garantia Kualidade nian mai iha DNAE rejista hikas estudante la ativu husi tinan 2000-2012 hamutuk 238, siginfika sei iha estudante la ativu hamutuk 9.015 mak seidauk mai halo readmisaun hodi ativa hikas hanesan estudante”, tenik Diretór DNAE.
Total estudante ne’ebé mak mai halo rejistrasaun mak hanesan Faculdade de Agricultura hamutuk (39), Faculdade de Engenharia Ciências e Tecnologia (7), Faculdade de Educação, Artes e Humanidades (71), Faculdade de Economia e Gestão (31), Faculdade de Direito (5), Faculdade de Ciências Sociais (76), Faculdade Turismo Arte e Indústria, Creativa e Culturais (9).
Média UNTL 
: Agostinho da Cruz e Silva
: Agostinho da Cruz e SilvaFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 204
Universidade Nasional Timor Lorosa'e (UNTL) nia Dekanu Faculdade de Agricultura (FAGRI) Dr. Vicente Paulo de Correia iha nia knaar fatin Kampus Sentral, Díli (17/09) hatete, fakuldade daudaun ne'e hala'o hela atividade peskiza iha área Agrikultura ho foku ba Agronomia, Ai Kulat, Emprendedorismu no Peska.
"Durante ne'e ami halo ona projetu peskiza iha área barak mak hanesan Agronomia, Ai Kulat, Enprendedorizmu no peskas, ami mos diskute hela kona-ba atu halo estudu peskiza kona-ba rai atu kuda modo, produtividade rai ba kafé nomós biodiversidade", dehan Profesór Vicente.
Profesór Vicente akresenta, peskiza hirak ne'e balun, benefisia mos estudante sira ne'ebe durante ne'e halo peskiza iha área enprendedorizmu, hakiak animal hanesan fahi no manu, nunee sira bele hetan finanseiru husi produtu hirak ne'e no sira rasik mak halo jestaun.
Atividade peskiza ne'e hetan apoiu husi UNTL rasik, Charles Darwin University (CDU), ACIAR (Australian Centre for International Agrucultural Research), United States Agency Internacional Development (USAID) no Governu Xina.
Média UNTL : Mario J. Mendonça
: Mario J. MendonçaFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 209
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D partisipa iha tomada -pose ba Reitora foun Instituto Proficional de Canossa (IPDC) Me. Terezinha do Menino Jesus Guterres, FdCC ba períodu 2024-2027, iha Salaun IPDC Has Laran, Manleuana, Díli (13/09).
Liuhusi tomada-pose ba Reitora foun hodi troka Reitora sesante Me. Ervinia Martins Brito, FDCC, aleinde ne’e, IPDC mós selebra ezisténsia ba dala XXI hahú husi 2003-2024.
Partisipa husi Diretora Jerál Ministeriu Ensinu Superior e Siénsia nian, Sra. Maria Filomena Lay Guterres, Diretór Ezekutivu Fundu Dezenvolvimentu Kapitál Humano (FDCH) Sr. Julio Aparicio, Estrutura IPDC, dosente, estudante no konvidadu sira.
Média UNTL : Leonia de Araújo da Costa
: Leonia de Araújo da CostaFoto : Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 230
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, asina memorandu ho Chief of Party United States Agency International Development (USAID), Sra. Bagie Sherchand, iha Sala enkontru USAID, City8 Manleuana Díli (17/09), hodi koopera iha área Agrikultura.
Eventu ne’e parte rua atu servisu hamutuk iha área Agrikultura nian kona-ba projetu avansa sistema aihan no nutrisaun. Aleinde ne’e parte USAID nian entrega mós ekipamentu ba Faculdade de Agricultura (FAGRI), hanesan Clinometer, Oven, Upland Soil Test Kit, Lap balance no matéria sira seluk tan.
Partisipa husi, Dekanu Faculdade de Agricultura, Profesór Dr. Vicente de Paulo Correia, Deputy Chief of Party, Sr. Ozorio Correia do Rego, Dosente FAGRI no ekipa husi USAID nian.
Média UNTL : Denilson Amandio Barros
: Denilson Amandio BarrosFoto : Domingos Amaral, Jaimito Caldas (Estajiáriu)
: Domingos Amaral, Jaimito Caldas (Estajiáriu)- Detalhes
- Escrito por Mateus Goncalves
- Visualizações: 206
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins hetan vizita husi Dr. Rob Condon, konsultan husi Embaxada Australia nian, iha Sala Video Konferénsia UNTL nian, Díli (16/09), diskuti kona-ba apoiu ba UNTL hodi halo Analiza ba Tranzisaun Dosente Kubanu ba Dosente Timoroan sira.
Objetivu husi enkontru ne'e atu deskuti no análiza kona-ba tranzisaun Dosente Kubanu ba Timoroan nomós atu haree fasilidade laboratóriu iha Faculdade de Medicina e Ciência da Saúde nian.
Iha vizita ne’e akompaña husi Dekana FMCS Dra. Lidia Gomes, Dosente no Ekipa husi Embaxada Australia nian.
Média UNTL : Mario J. Mendonça
: Mario J. MendonçaFoto : Denilson A. Barros
: Denilson A. Barros