- Detalhes
- Escrito por Mateus Goncalves
- Visualizações: 142
Universidade Nacional Timor Lorosa’e (UNTL) nia Dekanu Faculdade de Direito (FADIR) Profesór José Tomás Alves halo abertura ba Jogu Futsal ne’ebé Organiza husi Asosiasaun Akadémika Estudantís iha Kampu Futsal Delta 3 Comoro, Díli (17/08).
Dekanu FADIR Profesór José Tomás Alves hatete, estudante hotu ne’ebé partisipa iha jogu refere hanesan pertense ba uma mahon ida, Fakuldade Direitu UNTL nian, tanba ne’e bele promove idaidak nia talentu.
“Objetivu husi jogu ida-ne’e atu dezenvolve aptidaun pesoál no sosiál jogadór sira-nian, hodi promove estudante sira-nia talentu desportiva, nune’e mós atu prepara jogadór sira hodi kompete iha nível Universidade nian”, dehan Dekanu.
Profesór José dehan, liuhusi atividade desportiva ne’e atu bele kontinua hametin lasu amizade entre estudante ativu, finalista no alumni.
Senadu Estudante FADIR nian Cesar João M. Baptista hatete, atividade ne’e planu Senadu Estudantíl fakuldade nian ho intensaun atu promove amizade estudante sira-nian nomós atu prepara estudante sira hodi kompete iha atividade estra nível universitária nian ba Dies Natalis UNTL iha 17 Novembru 2024.
“Atividade sira ne’e ami realiza atu hametin amizade estudante sira-nian no promove sira-nia talentu atu nune’e bele mós kompete iha íivel Universitaria nian , tanba ne’e aliende desportu iha mós atividade seluk hanesan Debate Sientifiku, Diskursu no Hakerek Jurídika”, dehan Senadu João.
Atividade desportiva ne’e kompostu husi Klubu 22 klubu feto 8 no klubu mane 14. Partisipante sira ne’ebé hola parte iha klube sira-ne’e maka estudante ativu, finalista nomós alumni sira.
Média UNTL 
: Laurindo da Cruz Gomes
: Laurindo da Cruz GomesFoto 
: Arkivu FADIR
: Arkivu FADIR- Detalhes
- Escrito por Mateus Goncalves
- Visualizações: 146
Universidade Nacional Timor Lorosa'e (UNTL), nia Visereitór ba Asuntu Administrasaun Finansas no Administrador Jerál, Profesór Hélio A. Xavier Mauquei, sai oradór hodi partilla kona-ba Metodolojia Peskiza Kualitativa ba partisipante sira, liuhusi formasaun ho tema "A Formação Sobre Metodologia Pesquisa Qualitativa, Quantitava e Métodos Mistos, iha Salaun INCT nian, Díli (22/08).
Oradór ne'e partilla kona-ba metodolojia peskiza kualitativa atu haree ba teoria no prátika iha peskiza kualitativa ne'ebé engloba área hotu hanesan: Setór Edukasaun, Saúde, Negósiu no Servisu Sosial.
Formasaun ne'e organiza husi Instituto Nacional de Ciências e Tecnologia (INCT), durante loron tolu hahu husi loron 21 to'o 23 agostu tinan 2024. Enkuantu iha sesaun refere modera husi I Vise-Konsellu Ezekutivu INCT, Dr. Valentim Ximenes.
Partisipa iha formasaun refere mai husi Instituisaun Públiku, Instituisaun Privadu no Funsionáriu husi Liña Ministeriál sira.
Média UNTL : Denilson Amandio Barros
: Denilson Amandio BarrosFoto : Mario Jonio Mendonsa
: Mario Jonio Mendonsa- Detalhes
- Escrito por Mateus Goncalves
- Visualizações: 155
Universidade Nacional Timor Lorosa’e (UNTL) liuhusi Faculdade de Educação Artes e Humanidades (FEAH) nia Departamento de Ensino de Fizika (DEF) realiza semináriu ho tema “Habelar Siénsia no Teknolojia Liuhusi Segredu Planetáriu no Natureza” hodi komemora ezisténsia DEF nian ba-dala 23 (2001-2024).
Iha Kampus Liceu, Díli (16/08) Dekanu FEAH Profesór Teodoro Soares hatete, atividade ne’ebé hala’o hodi komemora ezisténsia DEF nian ba-dala XIII, liuhusi Semináriu, Espozisaun, Limpeza jerál hodi hametin amizade iha departamentu.
“Objetivu prinsipál husi atividade ne’e mak, ita bele hametin amizade ba malu entre estudante ho dosente, hodi relembra fali akontesimentu sira ne’ebé akontese durante tinan 23 nia laran andamentu DEF no bele esplora planu sira ne’ebé iha hodi hadia problema sira ne’ebé estudante sira hasoru”, dehan Dekanu.
Iha fatin hanesan Diretór DEF Profesór Marianus de Fátima Ude hatete, aniversáriu DEF nian iha 15 Agostu, tanba ne’e iha atividade espozisaun, semináriu no limpeza.
“Atividade sira ne’ebé ita realiza mak hanesan Semináriu, Limpeza Jerál, Misa Agradesementu no Espozisaun atu bele mellora estudante sira-nia koñesementu liuhusi atividade sira ne’ebé realiza. Nune’e bele tulun estudante sira atu iha amizade ho dosente, alumni no estudante ativu”, dehan.
Xefe Komisaun organizadora Antonio da Costa Pinto Gomes hatete, atividade importante hodi hametin amizade no promove talentu estudante sira-nian.
“Atividade sira ne’e realiza hodi selebra aniversáriu DEF nian ba-dala XXIII no liuhusi atividade sira ne’e atu bele promove estudante sira-nia talentu no atu bele hadia mós problema sira iha departamentu nian durante tinan 23”, dehan Komisaun Organizadora.
Média UNTL : Laurindo da Cruz Gomes
: Laurindo da Cruz GomesFoto : Altur Ramos
: Altur Ramos- Detalhes
- Escrito por Mateus Goncalves
- Visualizações: 148
Universidade Nacional Timor Lorosa'e (UNTL) nia Visereitór ba Asuntu Administrasaun, Finansas no Administrador Jeral, Profesór Hélio A. X. Mauquei partisipa iha abertura formasaun ho tema “À Formação sobre Metodologia de pesquisa: Qualitativa, Quantitativa e Métodos Mistos”, iha salaun INCT, Díli (21/08).
Objetivu husi formasaun ne'e maka atu partilla koñesimentu ba partisipante sira husi liña ministeriál no ensinu superiór sira iha Timor-Leste hodi hasa'e sira-nia abilidade kona-ba área metodolojia peskiza kualitativa no kuantitativa nian ligadu ho siénsia teknolojia inovasaun nian.
Partisipa husi Presidente Instituto Nacional de Ciências e Tecnologia (INCT) Dr. José Cornélio Guterres, Reprezentante Ministerio Ensino Superior Ciência e Cultura (MESCC) Sra. Eugénia Ximenes, konvidadu sira husi Instituisaun liña Ministeriál, no Instituisaun Privadu, Públiku no NGO sira.
Média UNTL : Mario J. Mendonça
: Mario J. MendonçaFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 159
Universidade Nacional Timor Lorosa'e (UNTL) nia Reitór Interinu Profesór Dr. Afonso de Almeida, partisipa iha serimónia aniversáriu Falintil nian ba dala haatnulu resin sia (49) ho tema: "Funu Libertasaun Nasional ÚNIKU liu Funu Hotu-Hotu", iha Kuártel Jeral Fatuhada, DÍli (20/08).
Sentidu husi komemorasaun loron Falintil nian ba dala 49 ne'e, mak atu fó onra no omenajen ba eroi no eroina hotu ne'ebe fó vida hodi luta ba Libertasaun Nasional hodi konkista vitória, tanba ne'e unidu no solidáriu nafatin hodi tane aas dignidade nasaun nian.
Partisipa husi Presidente da República Dr. Jose Ramos Horta, Ministro da Defesa Dr. Donaciano R. Gomes "Pedro Klamar Fuik" Xefe Estadu Maior Jeneral F-FDTL, Domingos Raúl Falur Rate Laek, Korpu F-FDTL, konvidadu husi Liña Ministeriais, Diplomátiku, Sosiedade Sivíl, estudante no konvidadu sira.Média UNTL : Mario J. Mendonça
: Mario J. MendonçaFoto : Leonia de Araujo
: Leonia de Araujo