- Detalhes
- Escrito por Mateus Goncalves
- Visualizações: 190
Universidade Nacional Timor Lorosa’e (UNTL) nia Dekanu Faculdade de Educação Artes e Humanidades (FEAH) Profesór Teodoro Soares iha kampus FEAH, Díli (27/08) hateten, FEAH desloka ona estudante husi departamentu sanulu hamutuk nain atus neen, neennulu resin neen (666) ba hala’o Estájiu Pedagójika iha munisípiu sanulu resin rua inklui Ataúro no RAEOA durante fulan neen hahú husi 10 Jullu to’o Novembru 2024.
“Uluk liu ita iha estajiu rua ne’ebé hanaran estajiu pedagójika no estájiu sosial, maibé ita haree ba estájiu servisu sosial ne’e ba fakuldade ladun efetivu ho nune’e ami kobre hamutuk estájiu ne’e sai ida de’it ne’e mak hanaran estájiu pedagójika no estájiu ne’e hala’o durante fulan neen”, dehan Dekanu.
Dekanu ne’e mós hatutan katak estudante sira sei hala’o sira-nia estájiu pedagójika durante fulan ne’en hodi apoiu ba ensinu aprendizajen iha eskola sira hamutuk 230 iha territóriu Timor-Leste nian.
“Estájiu ida-ne’e sira nia servisu prinsipal mak ba halo komunikasaun direita ho estudante sira hodi apoiu iha ensinu aprendizajen iha kada eskola no apoiu mós iha servisu adminstrasaun nian no mós sei halao servisu sosial sira ne’ebé ligadu ba manutensaun ba eskola nian”, dehan Profesór Teodoro.
Média UNTL 
: Eugenia de Jesus
: Eugenia de JesusFoto 
: Agostinho da Cruz
: Agostinho da Cruz- Detalhes
- Escrito por Mateus Goncalves
- Visualizações: 172
Universidade Nacional Timor Lorosa’e (UNTL) nia Vise Reitór ba Asuntu Pos-Graduasaun no Peskiza Profesór Afonso de Almeida, liuhusi entrevista iha kampus Ekonomi informa, programa kursu mestradu dadaun ne’e hamutuk sanulu resin ida (11) ho totál estudante ativu hamutuk atus haat tolunulu resin neen (436), (02/9).
“Agora Dadaun ne’e ita iha kursu mestradu hamutuk sanulu resin ida (11), ho total estudante hamutuk atus haat tolunolu resin neen (436). Kursu mestradu hirak ne’e hetan apoiu profesór sira mai hanorin husi ita-nia parseiru universidade sira hanesan Universidade Porto, Universidade de Coimbra, Airlans, Udayana Indonesia, universidade husi Australia no Brazil inklui ita rasik”, dehan Visereitór Almeida.
Visereitór salienta, kursu mestradu hirak ne’e mak hanesan, Kursu Mestradu iha área Medisina Tropikal no Saúde Komunitaria, Mestradu iha Ensinu Portugues no Kontextu iha Timor-Leste, Mestradu iha Matemátika ba Profesór, Mestradu iha Estudu ba Paz no Konflitu, Mestradu iha Ekonomia no Jestaun Aplikada, Mestradu iha Direitu, Mestradu iha Siénsia Agraria, Mestradu iha Politikas Públika, Mestradu iha Edukasaun, Mestradu iha área Enjeñaria no Mestradu iha Dezenvolvimentu Komunitária.
Aleinde ne’e universidade mós sei servisu hamutuk ho Universidade Santa Catarina husi Brazil hodi loke tan kursu doutoramentu iha área Edukasaun.
Média UNTL : Domingos Amaral
: Domingos AmaralFoto : Laurindo da Cruz
: Laurindo da Cruz- Detalhes
- Escrito por Mateus Goncalves
- Visualizações: 175
Sivitas Akadémika Universidade Nacional Timor Lorosa'e (UNTL), hato'o Parabéns ba Komemorasaun Loron konsulta Populár ba tinan 25 ( 30 Agostu 1999-30 Agostu 2024)
- Detalhes
- Escrito por Mateus Goncalves
- Visualizações: 207
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D, hato'o parabéns ba povu Timor-Leste ba selebrasaun loron 30 de Agostu 1999-2024 referendum ba dala-25.
“Loron referendum ne'e importante tebes iha vida nasaun Timor-Leste nian, nune'e konvida ita hotu atu hato'o respeitu no omenajen ba ita-nia eroi sira liuhusi sakrifísiu ohin ita bele hamriik iha fatin ida-ne'e”, Reitór dehan liuhusi diskursu iha serimónia Isár Bandeira fulan Setembru nian ne’ebé lokaliza iha Kampus Faculdade de Economia e Gestão (FEG), Díli (02/09).
Profesór João mós husu ba joven sira atu kontinua valór husi sakrifísiu ne'ebé eroi no inan-aman sira halo ona, atu kuda iha fuan.
“Apela mós ba funsionáriu, profesór sira, atu kontribui makas no kontinua hala'o knaar tantu fornese servisu administrativu ne'ebé di'ak ba estudante sira. Hakarak agradese mós ba korpu-isar bandeira no korru responsabiliza husi Faculdade de Economia e Gestão”, dehan Reitór.
Partisipa husi estrutura UNTL, Dekanu Fakuldade ho nia Estrutura, Diretór Jerál, Diretór Nasionál, Dosente, Funsionáriu no estudante sira.
Média UNTL : Denilson Amandio Barros
: Denilson Amandio BarrosFoto : Agostinho da Cruz
: Agostinho da Cruz- Detalhes
- Escrito por Mateus Goncalves
- Visualizações: 159
Universidade Nacional Timor Lorosa’e (UNTL) liuhusi Human Rights Center (HRC) realiza konferénsia ho tema "Reflection on the 25th Aniversary of the Referendum, Former Head of the United Nations Mission in East Timor (UNAMET)" konferénsia reflesaun no partilla istória Timor-Leste nian hodi komemora tinan 25, 30 Agustu (1999-2024) Referendun Timor-Leste nian, iha Auditóriu FCS Kaikoli, Díli (27/08).
Iha diskursu Reitór Interinu Profesór Dr. Afonso de Almeida, agradese ba HRC bele realiza ona konferénsia hodi komemora loron konsulta popular, hodi halo reflesaun ba pasadu no partilla ba joven sira hodi komprende istória Timor-Leste nian.
"Agradese ba HRC bele realiza eventu ida ne'e hodi komemora loron konsulta popular, husi konferensia ida ne'e laos deit atu halo reflesaun ba pasadu maibé bele kapasita mós koñesimentu joven sira iha nível ensinu supeior nian hodi bele entende kona-ba prosesu luta ba libertasaun, nune’e mós bele konvida Eis-Xefe UNAMET nian Sr. Ian Martin hodi partilla kona-ba prosesu organiza referendum iha 30 Agustu 1999 liubá", dehan Reitór Interinu.
Oradór ba konferénsia Sr. Ian Martin nu’udar Eis-Xefe UNAMET nian hatete, husi konferensia ida ne'e nu’udar oportunidade di’ak hodi partilla hamutuk esperiénsia ba dosente no joven sira kona-ba prosesu naruk lider timoroan sira esforsu ho polítika oioin ikus mai konsege manan independénsia liuhusi votu povu nian.
"Ha'u orgullu bele mai partilla esperiénsia kona-ba loron konsulta popular nian ba dosente no estudante sira, tanba iha pasadu lider timoroan barak ho esforsu makaas luta ho polítika oioin, no ikus mai Timor-Leste hetan determinasaun liuhusi votu povu nian. Ha’u espera husi istória naruk ne'ebé ita boot sira rona bele sai nu’udar referénsia di’ak iha futuru", dehan Ian Martin.
Konferensia ne'e modera husi Diretór Sentru Direitus Umanus Profesór Dr. Armindo Maia no partisipa husi Dekanu FCS Profesór Dr. Alarico da Costa Ximenes, Pró-Reitor para os Assuntos de Desenvolvimento Instituicional Profesór Dr. Lelis Gonsaga Fraga, Dosente, Estrutura FCS , estudante no konvidadu sira.
Média UNTL : Mario J. Mendonça
: Mario J. MendonçaFoto : Domingos Amaral
: Domingos Amaral