- Detalhes
- Escrito por Mateus Goncalves
- Visualizações: 232
Universidade Nacional Timor Lorosa’e (UNTL) nia Vise-Dekanu ba Asuntu Kooperasaun no Peskiza Profesór Domingos de Sousa Freitas iha Kampus FECT Hera, Díli (24/09) informa, Faculdade de Engenharia Ciência e Tecnologia (FECT) iha tinan 2024 hala’o hela projetu peskiza hamutuk haat (4).
“Dadaun ne’e FECT hala’o hela projetu peskiza haat mak hanesan (1) halo fatin negosiu (kioske) móvel ba negosiante sira iha Munisípiu Dili, (2) halo uma resilente iha Munisípiu Ainaro, (3) treinamentu kona-ba fundu klimátiku no (4) dezenvolve kapasidade ba kursu mestradu nian iha FECT”, dehan Vise-Dekanu.
Projetu peskiza hirak ne’e envolve husi dosente no estudante sira iha FECT nian no orsamentu ne’ebé finansia husi parseiru sira hanesan, JICA, Mercy Corps, UE no UNEP.
Média UNTL 
: Domingos Amaral
: Domingos AmaralFoto 
: Agustinho da Cruz & Jaimito Caldas (estajiáriu)
: Agustinho da Cruz & Jaimito Caldas (estajiáriu)- Detalhes
- Escrito por Mateus Goncalves
- Visualizações: 232
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D partisipa iha selebrasaun aniversáriu Instituto Nacional Ciências e Tecnologia (INCT), ba dalasanulu (2014-2024), iha Salaun INCT nian, Díli (24/09).
Iha selebrasaun ne'e, abertura husi Vice-Primeiro Ministro, Ministro Coordenador dos Assuntos Sociais e Ministro do Desenvolvimento Rural e Habitação Comunitária, S.E. Mariano Assanami Sabino, iha okaziaun ne'e mós halo inaugurasaun ba edifísiu repozitóriu Dijitál INCT nian.
Partisipa husi, Ministru Ensinu Superior Siénsia no Kultur, S.E. José Honório da Costa Pereira Jerónimo, Presidenti Konsellu Ezekutivu (INCT), José Cornélio Guterres, Dosente UNTL, Peskizadór sira, Instituisaun Ensinu Superior Privadu no Kovidadu sira.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 227
Universidade Nacional Timor Lorosa'e (UNTL), nia Faculdade Turismo, Arte Indústrias Criativas e Culturais (FTAICC), realiza misa agradesimentu hodi selebra Eventu Turizmu nian, iha Igreja Imaculada Conceição, Balide, Díli (23/09).
Iha omília Pe. António Quenser hatete, Maromak kria ema atu sai naroman ba ema seluk, nune'e matenek ne'ebé ema idaidak iha tenki fahe no habelar ba sosiedade.
"Maromak kria ita atu sai naroman ba ema hotu, nune'e husu ba joven sira tenki kriativu ba iha atividade sira, ne'e sai hanesan roman ba sosiedade nomós joven sira ne'ebé hamahan aan iha siénsia atu deskobre fatin turizmu sira iha Timor-Leste", dehan Pe. Quenser.
Iha fatin hanesan, Dekanu FTAICC, Profesór Dr. Feliciano Quintas do Ceu, agrdesede ba amu selebrante, liuhusi omilia ne'ebé furak hodi motiva no fanun estudante sira bele haburas liután fé iha idaidak nia fiar.
"Agradese ba amu selebrante liuhusi omília ne'ebé furak tebes no espera liuhusi eventu turizmu ne'e bele aumenta tan kapasidade estudante sira-nian ba iha atividade ne'ebé ami sei realiza, durante loron hirak nia laran", tenik Dekanu.
Partisipa iha misa ne'e, Dekanu ho nia Visedekanu sira, Dosente, Funsionáriu, estudante, no konvidadu sira.
Média UNTL : Denilson Amandio Barros
: Denilson Amandio BarrosFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 235
Universidade Nacional Timor Lorosa'e (UNTL) nia Magnífiku Reitór Profesór dr. João Soares, MPH,Ph.D enkontru ho Sekretário Estado Terras e Propriedade (SETP) S.E. Jaime Xavier Lopes, iha Sala-enkontru SETP nian Colmera, Díli (23/09), hodi prosesu rejistu rai Sidade Universitária ne'ebé sei harii iha Suku Hera, Postu Administrativu Cristo Rei, Munisípiu Díli.
Objetivu husi enkontru ne'e, estrutura deskuti kona-ba oinsa bele rejistu rai sidade Universitária ne'e, tanba tuir planu sei implementa atividade sira iha tinan 2025.
Iha enkontru refere, akompaña husi Eis Reitór Profesór Dr. Aurelio Guterres, Diretora Direção Nacional Logística e Manutenção Sra. Odete Fatima da Cruz Monteiro ho ekipa, Proreitoria ba Asuntu Dezenvolvimentu Instituisional nia Jestór Projetu, Eng. Fernão Soares Reis, no ekipa husi SETP.
Média UNTL : Leonia de Araújo da Costa
: Leonia de Araújo da CostaFoto : Leonia de Araújo da Costa & Roberta da Crus Pereira
: Leonia de Araújo da Costa & Roberta da Crus Pereira- Detalhes
- Escrito por Mateus Goncalves
- Visualizações: 269
Universidade Nacional Timor Lorosa’e (UNTL) nia Magnífiku Reitór Profesór dr. Joao Soares Martins, MPH, Ph.D hasoru malu ho Embaxadór Japaun iha Timor-Leste Sr. Tetsuya Kimura, iha Sala-Videokonferénsia, Kampus Sentral UNTL, Díli (23/09).
Objetivu husi sorumutu ne’e parte rua diskuti kona-ba planu UNTL nian ho Embaxada Japaun iha Timor-Leste atu loke kursu lian Japaun iha UNTL, hodi kapasita estudante sira liuhusi aprende lian Japaun.
Diskusaun ne’e, partisipa husi Dekanu Faculdade de Ciências Sociais Professor Dr. Alarico da Costa Ximenes, Mestre Janio Tilman no Embaxadór Japaun iha Timor-Leste Sr. Tetsuya Kimura ho nia ekipa.
Média UNTL : Roberta da Cruz Pereira (estajiáriu)
: Roberta da Cruz Pereira (estajiáriu)Foto : Agostinho da Cruz
: Agostinho da Cruz