- Detalhes
- Escrito por Mateus Goncalves
- Visualizações: 12
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D enkontru ho Diretór Ezekutivu Fundo de Dezenvolvimento Capital Humano (FDCH), Sr. Julio Aparicio ho Diretór Jerál Instituto Nacional Administação Publica (INAP) nian, Sr. Policarpo A. Boavida no Sekretária Ezekutiva Comição da Função Publica (CFP), Sra. Maria da C. Oliveira, iha Sala-Videokonferénsia UNTL nian, Díli (21/02).
Objetivu husi enkontru ne'e, Magnífiku Reitór rona ideia sira husi estrutura foun INAP, FDCH no CFP nian, relasiona ho programa bolsa estudu ba tinan 2024. Aleinde ne’e koalia mós kona-ba ezekusaun orsamentu no kritéria sira ne'ebé bolseiru sira tenke kumpri, liuliu dokumentu formal sira ne'ebé iha relasaun ho orsamentu.
Partisipa iha enkontru ne'e, ekipa husi INAP, FDCH, CFP no asisténte tékniku sira.
Média UNTL 
: Leonia de A. da Costa
: Leonia de A. da CostaFoto 
: Leonia de A. da Costa
: Leonia de A. da Costa- Detalhes
- Escrito por Mateus Goncalves
- Visualizações: 20
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D halo abertura ba semináriu daruak Internasional Linguístiku no Kulturál ho tema "Línguas, Literaturas e Culturas", ne'ebé organiza husi Centro de Estudo Cultura e Arte (CECA) ho Departamentu Ensinu Lian Tetun (DELT), iha Sentru Kultural Emabaxada Portugal nian, Díli (21/02).
Liuliu estudante sira, nune'e bele uza língua hanesan identidade ida ba ita hodi komunika ba malu, no presiza aprende língua oioin nune'e fasil komunika ho ema internasional sira hodi bele aprende esperiénsia ruma", dehan Reitór liuhusi diskursu.
Iha fatin hanesan, Diretór CECA nian, Profesór Vicente Paulino hatete, objetivu husi semináriu ne'e atu hasa'e koñesimentu estudante sira-nian hodi tau importansia ba Língua Tetun, tanba lian nu'udar kultura no identidade.
"Timor iha rasik identidade ba lingua hanesan lian Materna sira, no presiza aprende barak liu lian internasional sira, tanba ne'e semináriu ida-ne'e atu hasa'e koñesimentu estudante sira nian hodi halo diferensia entre valor lian internasional no lokal.
Tanba Timor-Leste iha munisípiu idaidak ho ninia identidade lingua rasik, maibé presiza aprende mós lian husi nasaun seluk hodi bele hetan esperiénsia di'ak ruma. Espera, sira bele aprende bukae ruma ", dehan Diretór.
Sesaun plenária nian modera husi, Profesór Vicente Paulino no oradór mak Padre Juvito Rego de Jesus Araújo ho tema "Uma Abordagem Crítica sobre o papel da Língua na Edificação da Identidade Timorense".
Partisipa husi dosente Programa Mestradu sira iha UNTL, no Diretór Departamentu Ensinu Lian Tetun, Profesór Duarte Leite Billy, Dosente no estudante sira husi DELT nian.
Média UNTL : Leonia de A. da Costa
: Leonia de A. da CostaFoto : Leonia de A. da Costa
: Leonia de A. da Costa- Detalhes
- Escrito por Mateus Goncalves
- Visualizações: 17
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, PhD, hamutuk ho Vise- Chancellor Research & Innovation, Profesór Steve Rogers, husi Charles Darwin University (CDU-Australia), diskuti kooperasaun, iha área Pós-graduasaun Mestradu no Doutoramentu.
Enkontru ne'e hala'o iha Sala-Videokonferénsia UNTL nian, Díli (20/02), ho objetivu atu servisu hamutuk iha área ne’ebé poténsia hodi estabelese Pós-graduasaun, Mestradu no Doutoramentu. Aleinde ne'e parte rua diskute mós kona-ba treinamentu ba nia profesór sira atu bele orienta estudante sira no publikasaun artigu.
Partisipa husi, Visereitór ba Asuntu Pós-graduasaun no Peskiza Profesór Afonso de Almeida no Profesór sira husi Charles Darwin University Australia.
Média UNTL : Denilson Amandio Barros
: Denilson Amandio BarrosFoto : Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 20
Universidade Nacional Timor Lorosa’e (UNTL), Faculdade de Ciências Sociais nia Diretór ba Instituto de Estudos de Paz, Conflito e Social (IEPCS), Profesór Dr. Antero Benedito da Silva hatene, Embaxadór husi Irlandia ba Indonesia, Timor-Leste no ASEAN hala’o vizita ne’e atu observa direta kondisaun no servisu sentru nian, iha Kampus Kaikoli, Díli (21/02).
“Objetivu husi vizita ne’e atu haree no observa direta kona-ba servisu ne’ebé ami halo ona durante ne’e, desde 2007 to’o agora ne’e, nomós ami aprezenta kona-ba mestradu estudante nain tolunulu iha IEPCS.
Ami hahú estabelese IEPCS/Peace Center sira fó apoiu fundu oituan liuhusi Governu, Ministériu Estranjeiru Irlandia nian, liuhusi vizita ne’e, ami mós diskuti oituan kona-ba kazu Myanmar nomós kona-ba Timor-Leste nia reprezentante ba membru ASEAN”, dehan.
Iha fatin hanesan Pádraig Francis, Embaxador husi Irlandia ne’e, hateten, nia hakarak vizita Timor-Leste tanba uluk sira sempre fó apoiu Timor-Leste nia independénsia, nune’e husi vizita ne’e mós bele haree direta servisu IEPCS nian.
“Ha’u hakarak mai vizita Timor-Leste no mai haree direta servisu iha IEPCS, tanba uluk ami sempre fó apoiu Timor-Leste liuliu independénsia, nune’e hakarak hametin liutan relasaun entre nasaun rua ne’e nian. Mós bele haree direta servisu IEPCS nian no hakarak hametin di’ak liutan relasaun Timor-Leste nian ho Irlandia”, hatutan.
Iha vizita ne’e akompaña husi reprezentante Dekanu Faculdade de Ciências Sociais nian, Profesór Ananias Soares, dosente sira no estudante voluntáriu sira IEPCS nian.
Média UNTL : Domingos Amaral
: Domingos AmaralFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 13
Universidade Nacional Timor Lorosa'e (UNTL) nia Diretór Nasional ba Atendimentu Estudante (DNAE) Sr. Rui Loco Pires, iha Kampus Sentral, Díli (19/02), hateten, estudante foun tinan akadémiku 2024 hahú husi loron 12 fevereiru ne’e rejista ona rihun ida atus ida resin-neen (1106) no sira ne'ebé seidauk rejistu hamutuk rihun tolu atus neen, neen nulu-resin hitu (3667).
"Husi totál estudante admitidu mai UNTL iha tinan 2024 hamutuk 4773, ita rejistu ona estudante hamutuk 1106 no estudante ne'ebé seidauk mai rejistu hamutuk 3667, maibé validade sei to'o loron 26 fulan fevereiru bazeia ba oráriu ne'ebé fó ona", dehan.
Estudante foun 2024 Departamentu Ensinu Biolojia, Fakuldade Educação Arte e Humaidade (FEAH), Clara Ramos da Silva sente safistas tebes ho atendimentu universidade nian, tanba fahe oráriu tuir fakuldade hodi halo sira la dudu malu hodi ba rejistu.
"Ha'u sente orgullu tebes, tanba naran sai iha UNTL, no ha'u rejistu ona, husi prosesu rejistu ne'e, ha'u satisfas tebes. Tanba ami mai la dudu malu ida, no pesoal sira halo atendimentu mós di'ak tebes no lalais" dehan Clara.
Iha sorin seluk, Meliana Ximenes Perreira nu'udar estudante foun iha Departamentu Parteira hatete, atendimentu universidade di'ak loos tanba sira sente seguru iha prosesu rejistu.
“Ha’u pesoál sente seguru durante partisipa iha prosesu rejistrasaun nian nomós sente kontente tanba naran sai duni iha Departamento de Parteira tuir ha’u-nia mehi”, dehan nia.
Dsitribuisaun estudante kada fakuldade mak, Faculdade de Agricultura hamutuk 447 no seidauk rejistu hamutuk 281, Faculdade de Ekonomia e Gestão hamutuk 99 seidauk rejistu 300, Faculdade de Direito hamutuk 117, seidauk rejistu hamutuk 30, Filosofia rejistu ona hamutuk 60 no seidauk rejistu hamutuk 44, Faculdade de Ciência Exata rejistu ona hamutuk 40 no seidauk hamutuk 21 no Faculdade de Turismo Arte Indústria Criativas no Culturais rejistu ona hamutuk 46 no seidauk rejistu hamutuk 123.
Média UNTL : Leonia de A. da Costa
: Leonia de A. da CostaFoto : Mario Jonio Mendonça & Domingos Amaral
: Mario Jonio Mendonça & Domingos Amaral