- Detalhes
- Escrito por Mateus Goncalves
- Visualizações: 249
Decano da Faculdade de Turismo Arte Industrias Criativas e Culturais Profesór Dr. Feliciano Quintas do Céu hateten, turizmu atu la’o di’ak bainhira stakeholder sira iha inisiativa, prontidaun no kontribuisaun, nune’e bele alkansa objetivu liuhusi dalan turizmu iha Timor-Leste.
“Ita hotu hatene katak Timor-Leste iha diversidade kultura ida ne’ebé diferente ho nasaun seluk, ita iha dansa tradisionál, artezenatu ukir foto, estatus morten, belak, soru tais, vero no iha fatin tuizmu oioin, buat hirak ne’e hanesan rikeza ida, entaun ita bele promove no kontinua divulga sai hanesan fonte ida ba ita iha dezenvolvimentu turismu iha Timor-Leste”, dehan Profesór Quintas.
Iha fatin hanesan oradór II Vise-Prizidente Autoridade Turizmu Timor-Leste, Ildefonso de Carvalho, husu ba estudante no foin sa’e sira atu nafatin tur hamutuk halo diskusaun kona-ba setór turizmu, tanba setór turizmu ne’e importante tebes.
“Setór turizmu ne’e importante tebes, tanba setór ida ne’ebé bo’ot liu depois petroliferu, tanba ne’e ita presiza dezenvolve setór turizmu ne’e ho di’ak, no husu ba estudante sira atu kriativu hodi dezenvolve fatin turizmu sira nune’e nasaun ne’e sei sai furak liután”, tenik Ildefonso.
Oradór ba semináriu ne’e, Dekanu FTAICC Profesór Dr. Feliciano Quintas do Céu, Vise-Prezidente Autoridade Turizmu Timor-Leste, Sr. Ildefonso de Carvalho, Prezidente Komisaun Reguladór Arte Marsiais, Sr. Octavio da Conceição.
Partisipa iha semináriu ne’e, Vise-Dekana, Dosente, Konvidadu, estudante Sekundáriu husi IT no Estudante FTAICC nian.
Média UNTL 
: Domingos Amaral
: Domingos AmaralFoto 
: Denilson Amandio Barros
: Denilson Amandio Barros- Detalhes
- Escrito por Mateus Goncalves
- Visualizações: 263
Universidade Nacional Timor Lorosa'e (UNTL) Liuhusi Leitorado Guimaraes Rosa distribui sertifikadu "Curso Escrita Científica" ba formadu hamutuk atus ida ruanulu resin walu (128) iha Auditóriu Museum Resistência, Díli (26/09).
Dekanu Faculdade de Educação Artes e Humanidades (FEAH) Dr. Teodoro Soares lori universidade nian naran liuliu fakuldade agradese ba Embaxada Brasil, liuhusi Leitorado Guimarães Rosa ne’ebé durante ne'e esforsu no fasilita ona dosente no estudante barak iha kursu eskrita sientífika nian.
"Kursu eskrita sientifika ne'e importante tebes, tanba liuhusi kursu ne'e bele ajuda estudante sira nia nível koñesimentu kona-ba ba resumu, reseña no projetu peskiza", dehan Dekanu.
Iha fatin hanesan Ministra Conselheira da Embaixada do Brasil, Sra. Rita Marques, agradese no orgullu tebes, tanba formadu barak mak termina kursu.
"Liuhusi parseria ne'e bele hametin liutan koperasaun Embaxdada ho UNTL. Bele hametin liutan parte Instituisional no akadémiku nian hodi fasilita kursu ba dosente no estudante sira.
Hato'o votu susesu ba formandu sira, espera liuhusi kursu eskrita sientifika ne'e bele eleva nivel koñesimentu akadémiku iha lian portugues liuliu eskrita sientífika", dehan.
Kursu Eskrita Sientífika ne'e kompostu husi turma haat: Modulu I Resumu, II Reseña, III Prépilotu Artigu Sientífiku, IV Projetu Peskiza.
Partisipa iha atribuisaun ne’e, Profesora Erica Marciano de Oliveira, Leitorado Guimarães Rosa, Dosente, no estudante sira.Média UNTL : Mario Jonio Mendonça
: Mario Jonio MendonçaFoto : Agustinho da Cruz e Silva
: Agustinho da Cruz e Silva- Detalhes
- Escrito por Mateus Goncalves
- Visualizações: 264
Universidade Nacional Timor Lorosa'e (UNTL), nia Diretór Nasionál Atendimentu Estudante (DNAE), Sr. Rui Loco Pires, iha Kampus Sentral, Díli (25/09) hateten, universidade sei realiza tan graduasaun iha fulan dezembru ba finalista hamutuk rihun rua atus ida hitunulu resin tolu (2173).
"Ita sei halo graduasaun iha fulan dezembru ba finalista hamutuk 2173, no ami sei aprezenta ba superiór sira atu bele halo preparasaun nune'e ita bele realiza graduasaun tuir kalendáriu akadémika nian", dehan Diretór DNAE.
Totál finalista atu gradua hamutuk (2173), kompostu husi Faculdade de Agricultura (172), Faculdade de Engenharia Ciência e Tecnologia (202), Faculdade de Educação Arte e Humanidade (519), Faculdade de Medicina e Ciência da Saúde (648).
Aleinde ne’e Faculdade de Economia e Gestão (210), Faculdade de Direito (34), Faculdade de Ciências Sociais (268), Faculdade de Filosofia Ciências Humana (98) no Faculdade de Turismo Arte Industrias Criativas e Culturais (22).
Média UNTL : Denilson Amandio Barros
: Denilson Amandio BarrosFoto : Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 231
Universidade Nacional Timor Lorosa'e (UNTL), liuhusi Diresaun Jeral Administrasaun Akadémika (DJSAA) no Diresaun Nasionál Atendimentu Estudante (DNAE) informa ba kandidatu graduasaun husi fakuldade sira ba fulan dezembru nian, katak loron ikus ba submete dokumentus ba graduasaun nian iha loron 26 fulan setembru 2024, liuhusi data refere DNAE sei la tolera.
Informasaun klaru hare iha anexu.
Media/DNAE
- Detalhes
- Escrito por Mateus Goncalves
- Visualizações: 274
Universidade Nacional Timor Lorosa’e(UNTL) nia Diretór Diresaun Nasional Atendementu Estudante (DNAE) Sr. Rui Loco Pires iha Kampus Sentral, Díli (24/09), hatete UNTL servisu hamutuk ho Ministério Ensino Superior, Ciência e Cultura ((MESCC) no Instituto Politecnico Betano (IPB) liuhusi Comição Acesso Ensino Superior (CAES), disemina informasaun ba eskola ensinu sekundáriu sira iha Munisípiu inklui Atauro no RAEOA.
‘’Atividade disemina informasaun ne’e atu bele fasilita estudante sira hodi hatene oinsa kritéria atu tama ba Universidade no atu bele prienxe formuláriu ne’ebé prepara husi MESCC hodi asesu ba UNTL’’, dehan Diretór DNAE.
Diretór mós informa, atividade ne’e realiza ona iha munisípiu sira, tanba ne’e MESCC esplika kona-ba diploma ministeriál nian enkuantu UNTL partilla ba estudante sira atu hatene kona-ba programa sira UNTL nian, nune’e sira bele iha koñesementu ba kada fakuldade atu eskolla tuir sira-nia mehi.
Xefe Departamentu Promosaun UNTL iha Nivel Munisipál Sr. Andre Lote P. Costa hatete, liuhusi diseminasaun ne’e atu transmite informasaun relasiona ho asesu Ensino Superiór ba tinan akadémiku 2025 no servisu hamutuk ho CAES atu halo rekrutamentu ba estudante sira hodi asesu mai UNTL no IPB.
‘’Iha diseminasaun ne’e ekipa konjunta husi MESCC, CAES no IPB tun ba halo sosializasaun ba munisípiu sira atu oinsa estudante sira asesu UNTL no IPB bele hatene nia prosesu no rekezitu sira’’, dehan Sr. Andre.
Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus Guterres
: Eugenia de Jesus Guterres