- Detalhes
- Escrito por Adelaide da Cunha
- Visualizações: 2731
#TimorLeste #UNTL #FDCH #COVID19 #COVID19TL 08 Juñu 2021
Estudante UNTL nian ne’ebé submete pedidu apoiu subsídiu individuál ka finalista ba Secretariado Técnico Fundo de Desenvolvimento do Capital Humano (ST-FDCH), via e-mail FDCH, bele download rezultadu avaliasaun dokumentus, liuhosi link 2 tuir mai ne’e:
Lista estudante sira ho DOKUMENTUS KOMPLETU https://drive.google.com/.../1OPhB_x-K12Uw1x2Wh.../view
Lista estudante sira ho DOKUMENTUS LA KOMPLETU https://drive.google.com/.../1FThia3SODCbbdhn7xm6A0K.../view
Ba estudante UNTL nian ne’ebé ma’ak ita bo’ot sira nia naran inklui iha lista “DOKUMENTUS LA KOMPLETU” bele dirije ba Edifísiu FDCH nian no lori ho ita bo’ot sira nia prova mensajen husi e-mail no proposta ho dokumentus orijinál hotu iha map kor kinur, hahú husi loron 15 Juñu (loron-Tersa) to’o loron 17 Juñu (loron-Kinta), tuku 09:00 dadeer to’o tuku 11:00 dadeer.
Ba estudante UNTL nian ne’ebé ma’ak ita bo’ot sira nia naran inklui iha lista “DOKUMENTUS KOMPLETU” bele dirije ba Korredór Kampus Sentrál UNTL nian no lori ho ita bo’ot sira nia prova mensajen husi e-mail no proposta ho dokumentus orijinál hotu iha map kor azul klaru (kor UNTL nian).
Ekipa Reitoria UNTL sei simu ita bo’ot sira nia dokumentus hanesan kalendáriu tuir mai ne’e, bazeia ba ita bo’ot sira nia númeru iha lista “DOKUMENTUS KOMPLETU”, hahú husi tuku 09:00 dadeer to’o remata:
14 Juñu 2021 (loron-Segunda): númeru 1 to’o númeru 80;
15 Juñu 2021 (loron-Tersa): númeru 81 to’o númeru 161;
16 Juñu 2021 (loron-Kuarta): númeru 162 to’o númeru 242;
17 Juñu 2021 (loron-Kinta): númeru 243 to’o númeru 323;
18 Juñu 2021 (loron-Sesta): númeru 324 to’o númeru 404;
21 Juñu 2021 (loron-Segunda): númeru 405 to’o númeru 485;
22 Juñu 2021 (loron-Tersa): númeru 486 to’o númeru 566;
23 Juñu 2021 (loron-Kuarta): númeru 567 to’o númeru 647;
24 Juñu 2021 (loron-Sesta): númeru 648 to’o númeru 698.
Labele haluha katak bainhira mai Kampus UNTL, OBRIGATÓRIU ema hotu:
SEMPRE UZA MÁSKARA taka ibun no inus nian;
HADOOK-AN HUSI EMA SELUK ho distánsia pelumenus metro ida;
FASE KA DEZINFETA LIMAN molok tama fatin.
Ami apela ba membru hotu husi Sívitas Akadémika UNTL atu kontinua tuir ho rigór medida ne’ebé fo-sai husi autoridade kompetente ba luta kontra pandemia COVID-19, liuliu distansiamentu fíziku no kuidadu espesiál ijiene no saúde.
Informasaun ofisiál Reitoria UNTL durante tempu pandemia COVID-19 sei kontinua fó sai de’it iha website www.untl.edu.tl no pájina Facebook UNTL nian Universidade Nacional Timor Lorosa'e (www.facebook.com/untl.edu.tl).
Halo favór fahe no kumpre.
Mai Ita Hamutuk Luta Kontra COVID-19!
Ita-nia Saúde Iha Ita-nia Liman Rasik!
Reitoria UNTL
- Detalhes
- Escrito por Adelaide da Cunha
- Visualizações: 635
#TimorLeste #UNTL 07 Juñu 2021
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D, akompaña husi Proreitór ba Asuntu Planeamentu, Monitorizasaun no Avaliasaun (PAPMA), Profesór José Nelson Salsinha, Ph.D, hasoru malu ho dosente reprezentante husi Fakuldade sira, iha Sala Videokonferénsia UNTL nian, Díli (07/06).
Objetivu husi sorumutuk ne’e atu rona difikuldade ne'ebé mak dosente sira enfrenta durante implementasaun Serka-Sanitária, no ba oin universidade bele buka solusaun.
Aleinde ne’e, diskute mós kona-ba subsídiu akadémiku retroativu relasiona ho rejime karreira dosente nian, nomós prosesu dosente kontratadu ne’ebé dadaun ne'e seidauk simu sira nia saláriu.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 703
#TimorLeste #UNTL #PADI 1 Juñu 2021
Universidade Nacional Timor Lorosa’e (UNTL) nia Proreitór ba Asuntu Dezenvolvimentu Institusionál (PADI), Profesór Lelis Gonzaga, iha nia knaar fatin Kampus Sentrál UNTL nian, Díli (01/06) hateten edifísiu ba Fakuldade Medisina Siénsia da Saude (FMCS), atinje ona 100% no atu entrega ona ba univesidade.
“Ita-nia edifísiu foun ba FMCS, ne’ebé konstrui husi Kompañia Linear Unip, Lda, atinji ona pursentu 100 ne’ebé iha tempu badak kompañia sei entrega ba ita no nia kontratu sei remata iha (06/06) fulan ida ne’e”, tenik Profesór Lelis.
Profesór ne’e mós hatutan, edifísiu rua seluk ne’ebé konstrui husi kompaña Aitula Unip.Lda ne’ebé lokaliza iha Kampus Sentral foin atinji 54.72%, no Edífisiu foun iha Fakuldade Ekonomia no Jestaun (FEG) 58.46%.
Iha fatin seluk, Supervisór Kompañia Linear Unip, Lda Eng. Marino José Guteres hateten, sira-nia kontratu ho universidade termina semana ida ne’e, tanba ne’e, posibilidade no data tentativa sei entrega ba UNTL iha (4/06).
“Tuir kontratu iha fulan ida ne’e termina ona, agora dadauk halo de’it finaliza servisu balun tan, atu kompleta no tuir planu sei entrega iha dia (4/04) semana ida ne’e nia laran” tenik Eng. Marino.
Alumni UNTL ne’e mós hatutan, fasilidade sira ne’ebé presiza ba edifísiu ne’e sira monta hotu ona kompleta ho kazadebañu maibé eletrisidade mak seidauk bele lakan tanba sei hein autorizasaun husi EDTL.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 3796
#TimorLeste #UNTL #MESSK #SEAK #ANAA #IPB 04 Juñu 2021
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins MPH, Ph.D, akompaña husi Proreitór ba Asuntu Planeamentu, Monitorizasaun no Avaliasaun, Profesór José Nelson Salsinha Ph.D, Diretór Nasional Planu i Finansa (DNPF), Sr. Egidio dos Santos Filipe, ho nia Xefi Departamentu halo aprezentasaun planu Orsamentu Jeral do Estadu (OGE-2022) UNTL nian, ba Ministru Ensinu Superiór Siénsia no Kultura S.E. Longuinhos dos Santos, iha salaun Hotel Novo Turizmu (04/06).
Objetivu husi eventu refere atu instituisaun sira ne’ebé administrativamente indireta tutela ba MESSK bele hato’o sira-nia planu ba 2022, nune’e bele hetan sujestaun ruma husi MESSK.
Iha sesaun aprezentasaun nian, Magnífiku Reitór ho nia estrutura aprezenta Perfíl no Planu Universidade Nasionál nian ba tinan 2022 nian.
Aleinde UNTL, instituisaun sira ne’ebé tutela ba MESSK mós hato’o sira-nia planu hanesan Ajénsia Nasionál ba Avaliasaun Akadémika (ANAAA), Institutu Politéknika Betano (IPB) no Institutu Nasionál Siénsia no Teknolojia (INCT), inklui instituisaun relevante sira.
Partisipa Iha Aprezentasaun Planu no Orsamentu Jeral Estadu 2022 nian ne’e Magnífiku Reitór Profesór dr. João Soares Martins MPH, Ph.D ho nia ekipa Ministru Ensinu Superior Siénsia no Kultura S.E. Longuinho dos Santos, Sekretáriu Estadu Arte no Kultura, S.E. Teofilo Caldas, no dirijente sira husi instituisaun ne’ebé mak tutela ba MESSK.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 1012
#TimorLeste #UNTL #VRAAGK 01 Juñu 2021
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VAAGK), Profesór Doutór Samuel Venâncio de Sousa Freitas, iha Kampus Sentrál UNTL nian, Díli (01/06) hateten, universidade kontinua estende implementasaun aula distánsia bazeia ba implementasaun Serka Sanitária (SS) no Konfinamentu Obrigatóriu (KO) iha munisípiu Díli.
“Ita hotu rona filafali ona katak SS ho KO estende tan ba loron 14 tan, ne’e signifika ita-nia atividade letiva sai nafatin ho modelu aula distánsia”, tenik Profesór Samuel.
Eis Presidente Konsellu Diretivu Ajénsia Nasionál ba Avaliasaun no Akreditasaun Akadémika (ANAAA) ne’e mós hatutan, aula prezensiál reativa bainhira iha ona instrusaun husi Ministériu Ensinu Superiór, Siénsia no Kultura (MESSK), no ba finalista sira ne’ebé atu konsulta monografia bele mai nafatin, maibé tenki kumpri nafatin protokolu prevensaun nian.
Entretantu, Serka-Sanitária no Konfinamementu Obrigatóriu iha munisípiu Díli, estentde tan komesa husi 01 Juñu 2021 to’o 14 Juñu 2021.
Bainhira mai Kampus UNTL, OBRIGATÓRIU ema hotu:
SEMPRE UZA MÁSKARA taka ibun no inus nian;
HADOOK-AN HUSI EMA SELUK ho distánsia pelumenus metro ida;
FASE KA DEZINFETA LIMAN molok tama fatin.
Ba Sívitas Akadémika tomak kontinua asesu informasaun ofisiál universidade nian, durante pandemia COVID-19 sei kontinua fo-sai de’it iha:
website www.untl.edu.tl ,
pájina Facebook UNTL nian www.facebook.com/untl.edu.tl .
Mai Ita Hamutuk Luta Kontra COVID-19!
Ita-nia Saúde Iha Ita-nia Liman Rasik!
Média UNTL : Agostinho da Cruz e Silva
Foto : Agostinho da Cruz e Silva