- Detalhes
- Escrito por Adelaide da Cunha
- Visualizações: 2210
#TimorLeste #UNTL #VRAAGK #DNAE #DNAAGKI #COVID19 #COVID19TL 29 Juñu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, akompaña husi Visereitór sira hala’o observasaun ba servisu Diresaun Nasionál Atendimentu Estudante (DNAE), no Diresaun Nasionál Avaliasaun Akadémika no Garantia Kualidade Interna (DNAAGKI) nian, iha Kampus Sentrál UNTL nian, Díli (29-06).
Objetivu husi vizita refere atu hatene besik liutan kona-ba servisu ne’ebé durante ne’e DNAE no DNAAGKI halo, no diskusaun ho pesoál tékniku sira idaidak kona-ba prosesu entre-data no sistema baze-dadus estudante nian, inklui asuntu importante sira seluk.
Vizita internál ne’e, akompaña husi Visereitór Asuntu Akadémika no Garantia Kualidade, Profesór Dr. Samuel Venâncio de Sousa Freitas, no Visereitór ba Asuntu Administrasaun no Finansa no Administradór-Jerál, Profesór Helio A. da Costa Mauquei, Ph.D, no Diretór-Jerál ba Servisu Administrasaun Akadémika, Sr. Armindo Leto Fátima.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 4689
#TimorLeste #UNTL #MESSK #COVID19 #COVID19TL 28 Juñu 2021
Universidade Nasional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, akompaña husi Visereitór, Proreitór, Dekanu no Vise-Dekanu sira partisipa semináriu ho tema "O Currículo no Ensino Superior em Timor-Leste: Contributos e Desafios para uma Formação de Qualidade", ne’ebé organiza husi Diresaun Nasionál Kuríkulu Ensinu Superiór (DNKES), Ministériu Ensinu Superiór Siénsia no Kultura (MESSK), iha Salaun Ian Martin, Infordepe, Díli (28/06).
Semináriu ne'e, ho objetivu atu aprezenta rezultadu levantamentu dadus kona-ba implementasaun kuríkulu Ensinu Superiór nian iha Timor-Leste ne’ebé komesa iha tinan 2020 liubá, aprezenta rezultadu ba entidadade relevante sira liuliu Universidade Públiku no Privadu sira.
Hafoin aprezenta tiha dadus, instituisaun relevante sira hanesan UNTL no sira seluk sei buka solusaun hamutuk ba futuru bele iha kuríkulu ida ne’ebé ho uniforme ba Ensinu Superiór iha Timor-Leste.
Partisipa husi Visereitór ba Asuntu Akadémiku no Garantia Kualidade, Profesór Doutor Samuel V. de Sousa Freitas (sai Oradór iha Seminariu ne’e), Proreitora ba Asuntu Kooperasaun, Profesora Doutora Lídia Gomes, Dekanu no Vise-dekanu sira, Diretór Departamentu no Dosente sira, Ministru Ensinu Superior, Siénsia no Kultura, SE Dr. Longuinhos dos Santos, ho nia Diretór sira, Magnífiku Reitór husi Universidade Públiku no Privadu sira, inklui konvidadu sira seluk.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 939
#TimorLeste #UNTL #GabCEDU #FCS #COVID19 #COVID19TL 22 Juñu 2021
Universidade Nacional Timor Lorosa’e (UNTL) nia Diretór-Jerál ba Gabinete Sertifikasaun no Avaliasaun ba Dosente Universitáriu (GabCEDU), Profesór Doutór Rui da Cruz, ho estrutura halo sosializasaun ba prosesu avaliasaun no progresaun dosente nian iha Fakuldade Siénsia Sosiál (FCS).
“Sosializasaun ne’e GabCEDU halo ona iha fakuldade seluk, ohin mai iha FCS ne’e, atu hato’o kona-ba prosesu no rekizitu sira ba avaliasaun no progresaun dosente nian, bazeia ba objetivu gabinete nian”, hateten Profesór Rui, iha Kampus Kaikoli, UNTL nian, Díli (22-6).
Diretór-Jerál ne’e fundamenta katak avaliasaun refere ho objetivu (1) dignifika servisu dosente nian iha ensinu superiór; (2) avaliasaun ba profisionalizmu dosente nian; (3) atu hasa’e kualidade iha prosesu ensinu superiór; (4) konkretiza objetivu jerál edukasaun nasionál nian; (5) konsensializa dosente sira ezerse funsaun tuir étika akadémika nian.
“Ami Gabinete fasilita nia prosesu, no atu define avaliasaun no progresaun dosente nian, hahú husi dosente idaidak, tanba ne’e, aproveita atu enkoraja profesór sira atu atualiza dadus sira bazeia ba rekizitu sira hodi submete tuir kalendáriu submisaun fakuldade nian”, hatutan Diretór-Jerál.
Relasiona ho sosializasaun refere, Dekanu FCS nian, Profesór Camilo Ximenes Almeida, apresia ho esforsu ekipa GabCEDU nian, hodi valoriza ho dignifika dedikasaun dosente sira-nian.
“Lori Fakuldade nia naran apresia ho esforsu tomak, no husu atu kontinua ho independente, ami fakuldade prontu koopera ho ekipa liuliu iha prosesu ba dadus sira, tanba ne’e dosente idaidak iha direitu atu partisipa iha prosesu ne’e”, dehan Dekanu.
Iha atividade ne’e, halo mós aprezentasaun ba kritériu sira husi Diretora Nasionál ba Dadus, Prosesu, Atribuisaun no Alokasaun Dosente, Profesora Zulmira Ximenes, M.Sc, no Diretór Nasionál ba Avaliasaun no Sertifikasaun ba Servisu Dosente, Profesór Matias Tavares, PhD.
Partisipa husi Dekanu FCS, Visedekanu sira, Konsellu-Doutór, dosente, no funsionáriu sira fakuldade nian.
Média UNTL : Miguel Gonçalves
Foto : Miguel Gonçalves
- Detalhes
- Escrito por Adelaide da Cunha
- Visualizações: 703
#TimorLeste #UNTL #FAGRI #DPSM #UNDPTIMORLESTE #MAP #COVID19 #COVID19TL 24 Juñu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, halo abertura ba Workshop Nasionál ho tema “Survey on mangrove zonation, macrozoobenthos biodiversity and community perception of ecosystem based livelihoods and cultural for mangroves conservation Municipality”, organiza husi Departamentu Peskas no Siénsia Mariña (DPSM-FAGRI).
Eventu ne’ebé hala’o iha Auditóriu FECT-Hera, (24/06), ho objetivu atu aprezenta rezultadu survey ne’ebé mak estudante ho profesór sira halo iha fulan hirak liubá kona ba Zona Ai-parapa nian, klasifikasaun biodiversidade, no buka hatene kona-ba komunidade nia persepsaun no benefísiu ba ekosistema Timor-Leste nian liga ba moris kuotidianu nian.
Iha abertura Reitór agradese ba Ministériu Agrikultura no Peskas (MAP) no Programa Nasoens Unidas ba Dezenvolvimentu (UNDP) iha Timor-Leste ba kooperasaun hodi halo atividade importante ida ne’e.
“Agradese ba Ministériu Agrikultura ho UNDP ne’ebé ho laran luak bele koopera ho universidade nasionál ba servisu importante ida ne’e, ita hatene katak biodiversidade importante no mangroves ne’e parte ida importante tebes atu konserva no proteje”, tenik Reitór.
Iha fatin hanesan, Diretór DPSM nian, Profesór Mario Viegas Tilman, orgullu ba partisipante sira-nia prezensa tanba bele rona rezultadu survei ne’ebé antes DPSM halo ona iha munisípiu rua.
“Ohin DPSM senti orgullu ho ita bo’ot sira nia prezensa hodi rona rezultadu survei ne’ebé Departamentu halo ona iha munisípiu rua (Likisa no Dili), no survei ne’e rasik envolve direta husi estudante na’in 113 no akompaña husi profesór sira”, tenik Profesór Mario.
Koordenadór estudante ba iha survey ne’e, Junior Gama Pinto, hateten lisaun ne’ebé sira aprende bele hatene espesie sira ne’ebé moris iha area kosteira nian.
“Lisaun ne’ebé ami aparende iha survey ne’e mak bele hatene espésie hira mak moris iha área krosteira nomós komunidade nia dependénsia ba iha tasi ne’e oinsa, no seluk tan”, tenik Junior.
Estudu ne’e, implementa tanba kooperasaun di’ak entre UNTL, UNDP no MAP, no implementa husi DPSM-FAGRI, lokaliza iha Munisípiu Likisa (suku Batubou, no Ulmera) no Munisípiu Díli iha Suku (Sabuli Postu-Administrativu Metinaru nian, no suku Hera).
Partisipa iha Workshop ne’e Proreitora ba Asuntu Kooperasaun nian, Profesora Doutora Lídia Gomes, Dekanu Fakuldade Agrikultura, Profesór Carlito de Araújo,PhD, Dekanu Fakuldade Enjeñaria, Siénsia no Teknolojia (FECT) , Profesór Junior Raimundo da Costa, PhD, reprezentate UNDP nian, reprezentante Ministériu Agrikultura no Peskas, inklui mós Profesór no estudante husi DPSM.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 648
#TimorLeste #UNTL #VRAAGK #DNAE #COVID19 #COVID19TL 22 Juñu 2021
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VRAAGK), Profesór Doutór Samuel Venâncio de Sousa Freitas, reuniaun ho Diretór-Jerál, Diretór Nasionál, no Xefe Departamentu sira, hodi diskute programa no planu VRAAGK nian, iha Sala Vídeo Konferénsia UNTL nian, Díli (22/06).
Objetivu enkontru ne’e, hodi diskute Programa no Planu Atividade Asuntu Akadémiku no Garantia Kualidade nian ba tinan lima nian, no avalia progresu servisu ba loron 100 husi VRAAGK, relasiona ho mudansa iha ritmu servisu liuhusi kolaborasaun lideransa nian ne’ebé efisiénsia no efikasia.
Partisipa iha Reuniaun refere, Diretór-Jerál ba Servisu Administrasaun Akadémika (DJSAA), Sr. Armindo Leto Fátima, L.DC, Diretór Nasionál ba Atendimentu Estudante (DNAE), Sr. Rui Loco Pires,L.Ap, Diretór Nasionál ba Avaliasaun Akadémiku (DNAA), Sr. Eurico Celestino dos Reis Araujo,M.Sc, Xefe Departamentu Rejistu Alunu no Sistema Akadémiku, Xefe Departamentu Graduasaun i Diploma, Xefe Departamentu Promosaun UNTL Nível Munisipal, no funsionáriu sira.
Média UNTL : Mateus Gonçalves
Foto : Moises do Rego