- Detalhes
- Escrito por Adelaide da Cunha
- Visualizações: 5876
#TimorLeste #UNTL #EEPADE-UNTL #COVID19 #COVID19TL 14 Jullu 2021
Universidade Nacional Timor Lorosa’e (UNTL) nia Ekipa Elaborasaun Proposta Alterasaun Dahuluk ba Estatutu (EEPADE), lider husi Profesór Tomé Xavier Jerónimo hateten katak dadaun ne’e ekipa diskute ona preámbulu no artigu balun ne’ebé hatuur kona-ba vizaun no misaun universidade
“Molok atu hala’o servisu ida ne’e iha despaixu ida husi Magnífiku Reitór fó mai ha’u nu’udar prezidente inklui naran sira ne’ebé reprezenta fakuldade nune’e sira sai mós membru iha ekipa revisaun estatutu ne’e”, tenik Profesór Tome iha Kampus Sentrál UNTL nian Díli (14/07).
Atuál Proreitór ba Asuntu Provedoria no Akonsellamentu mós hatutan diskusaun ne’e hahu iha semana kotuk ekipa ko’alia kona-ba preambulu estatutu nia ho nia visaun no misaun sira.
“Ami diskusaun hahu iha semana kotuk, koalia kona-ba preambulu estatuto nian, foin diskuti artigu I to’o atrtigu 4 hare ba nia visaun no misaun sira, tuir kalendáriu inisia husi fulan Jullu to’o Setembru tinan ida ne’e (2021)”, hatutan Profesór Tome.
Ekipa ne’e envolve direita husi reprezentante sira mai husi Visereitór, Proreitór, reprezentatante fakuldade sia (9) inklui funsionáriu balun.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Escrito por Adelaide da Cunha
- Visualizações: 872
#TimorLeste #UNTL #DNLM #DNRU #COVID19 #COVID19TL 15 Jullu 2021
Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins, MPH, Ph.D, hala’o vizita ba Kampus Kaikoli (13/07) hodi observa progresu servisu Diresaun Nasionál Lojístika no Manutensaun (DNLM) ho Diresaun Nasionál Rekursu Umanu (DNRH) nian.
Liuhusi visita ne’e, Reitór halo diskusaun direta ho Diretora Nasionál Lojistika no Manutensaun (DNLM), Sra. Fátima Odete Monteiro, no nia ekipa atu hatene atividade diresaun nian ligadu ho progresu no dezafiu sira.
Aleinde ne’e, Reitór ho ekipa mós halo diskusaun ho Diretór Diresaun Nasionál Rekursu Umanu (DNRU), Sr. Agustinho Quelo, L.DC ho ekipa atu koñese lala’ok atividade sira durante ne’e sira hala’o, inklui difikuldade sira ligadu ho servisu atu apoiu di’ak liutan universidade iha futuru.
Iha vizita ne’e, akompaña hosi Visereitór ba Asuntu Administrasaun Finansa no Administradór-Jerál, Profesór Profesór Helio A. da Costa Mauquei, Ph.D, ho nia ekipa.
Média UNTL : Altur Ramos (estajiáriu)
Foto : Pio Belo Ximenes (voluntáriu)
- Detalhes
- Escrito por Adelaide da Cunha
- Visualizações: 4346
Universidade Nacional Timor Lorosa’e (UNTL) liuhusi Visereitór ba Asuntu Akadémiku no Garantia Kualidade (VRAAGK), nia Diretór Diresaun Nasionál Atendimentu Estudante (DNAE) hateten, dadaun ne’e prepara hela ba graduasaun períodu tuir mai ho finalista na’in 382, sira ne’ebé la konsege partisipa iha graduasaun online iha loron 25 fulan Maiu liubá.
“Preparasaun ba graduasaun ne’e fahe ba rua, (1) graduasaun online bazeia ba situsaun COVID-19, ne’ebé realiza ona iha 25 fulan Maiu ne’e, ho totál estudante atus rua limanulu resin ida (251), no (2) prezensiál tuir data tentativa iha fulan Agostu 2021 ho estudante na’in 382”, hateten Diretór DNAE, Sr. Rui Loco Pires, iha Kampus Sentrál UNTL nian, Díli ((12/07).
Sr. Rui mós hateten, finalista ne’ebé rejistadu iha 2020 nian hamutuk 633, maibé liuhusi graduasaun online partisipa de’it graduadu hamutuk 251, tanba ne’e mak ba sira ne’ebé seiduak gradua sei partisipa iha graduasaun períodu tuir mai.
“Tuir orientasaun husi Visereitór ho Diretór-Jerál Akadémika, DNAE hahú fahe ona atributu graduasaun nian ba estudante atus tolu ualunulu resin rua ne’e hodi tuir graduasaun ba etapa daruak nian”, tenik Diretór DNAE.
Bazeia ba oráriu atendimentu, DNAE sei fó atendimentu no distribui atributu graduasaun nian hahú segudan-feira (12-07) ne’e, to’o hotu, informasaun seluk bele hakbesik ba universidade.
Informasaun ofisiál Reitoria UNTL durante pandemia COVID-19 sei kontinua fo-sai de’it iha:
website www.untl.edu.tl ,
pájina Facebook UNTL nian www.facebook.com/untl.edu.tl .
Média UNTL : Leonia Araújo (estajiária)
Foto : Altur Ramos (estajiáriu)
- Detalhes
- Escrito por Adelaide da Cunha
- Visualizações: 4118
#TimorLeste #UNTL #VRAAGK #MESSK #COVID19 #COVID19TL 14 Jullu 2021
Universidade Nacional Timor Lorosa’e (UNTL), nia Visereitór ba Asuntu Akadémiku no Garantia Kualidade (VRAAGK), Profesór Doutór Samuel Venâncio de Sousa Freitas, iha Kampus Sentrál UNTL nian, Díli (13/07), hateten, universidade submete ona lista estudante nian, rihun ruanulu resin tolu atus lima (23.500), ba Ministériu Ensinu Superiór, Siénsia no Kultura (MESSK) hodi asesu subsídiu.
“Dadus hirak ne’e ita rekolla diretamente husi administrasaun universidade nian, bazeia ba estudante ativu ne’ebé naran tama iha sistema ho totál 23.500, Reitór asina no submete ona ba Ministériu Ensinu Superiór, Siénsia no Kultura (MESSK), hodi prosesa subsídiu propinas no pulsa ba universitáriu sira durante implementasaun Serka-Sanitária (SS)”, tenik Visereitór.
Profesór Samuel mós hateten, subsídiu propinas ne’e selu tuir kustu ba estudante nian ne’ebé selu ba universidade, no ba universitáriu ativu sira iha UNTL U$ 30.00, no livre teoria U$5.00.
“Subsídiu sei fó tuir estudante ida-idak nia kustu pagamentu, sira ne’ebé ativu U$ 30.00 no livre teoria selu de’it ho U$5.00 maibé nia prosesu kleur oituan tanba atu selu pulsa ba estudante sira presiza hatene númeru telefone maibé solusaun ne’e oinsá, ita hein desizaun MESSK”, hateten Profesór Samuel.
Média UNTL : Leonia Araújo (Estajiária)
Foto : Altur Ramos ( Estajiáriu)
- Detalhes
- Escrito por Adelaide da Cunha
- Visualizações: 737
#TimorLeste #UNTL #MESSK #MS 13 Jullu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, partisipa lansamentu Vasina Sinovac ba dose daruak nian, iha salaun Chinese Merchant Association-Timor-Leste, Hudi-Laran (12/07).
Vasinasaun Sinovac lansa ba dahuluk nian iha Kampus Sentrál UNTL iha loron 14 fulan juñu liuba, no partisipa husi Sívitas Akadémika no populasaun sira iha Díli no ohin (12-07) lansa ba dose daruak ho kompleta.
Partisipa iha abertura ne’e Ministru Ensinu Superiór Siénsia no Kultura (MESSK), S.E. Dr. Longuinho Dos Santos, Vise-Ministru Saúde S.E. Bonifacio Maucoli, Ministru Defesa, S.E. Filomeno Paixão de Jesus, Embaixadór Xina ba Timor-Leste, S.E. Xiao Jiangu, Komunidade Xineza iha Timor-Leste no seluk tan.
Média UNTL : Agostinho da Cruz e Silva
Foto : Agostinho da Cruz e Silva