- Detalhes
- Escrito por Adelaide da Cunha
- Visualizações: 1650
#TimorLeste #UNTL #FCS #DIKS #COVID19 #COVID19TL 22 Jullu 2021
Universidade Nacional Timor Lorosa’e (UNTL) nia Dekanu Fakuldade Siénsia Sosiál (FCS), Profesór Camilo Ximenes Almeida, iha Kampus Kaikoli UNTL nian Díli (13/07) hateten, Departamentu Inkluzaun Komunitária Sosiál (DIKS) sei fó edukasaun espesiál ba sidadaun dizabilidade sira iha nível superiór.
“Iha DIKS ida ne’e, primeiru misaun atu fó oportunidade ba ema sira ho kondisaun dizabilidade, nune’e mós ba família dizabilidade, maibé iha tinan oin (2022) sei loke espasu ba ema hotu atu bele mai rejista iha departamentu ne’e” dehan dekanu FCS.
Iha fatin hanesan, Diretór DIKS, Profesór Januario Correia hateten katak, hahú iha 2018 departamentu ne’e sai hanesan área espesializasaun ida iha Departamentu Dezenvolvimentu Komunitária (DC), no bazeia ba despaxu Magnífiku Reitór, formalmente iha 1 Abril 2021, DIKS hanesan departamentu ida iha FCS.
“Bainhira iha 9 marsu 2021 ne’e, ita abertura aula ba tinan ida ne’e, entaun ami orienta estudante foun sira oinsa prienxe Fixa Planifikasaun Estudante (KRS) liuhusi online de’it, aleinde ne’e ami mós hahú aula online ba estudante sira iha ámbitu serka-sanitária”, dehan Diretór DIKS.
Profesór Correia salienta liután katak, durante serka-sanitária atividade aula online la’o hela, estudante sira partisipa hotu ho di’ak, no ba sira ne'ebé la partisipa sei buka meiu hodi rekupera.
DIKS ne’ebé antes ne’e integra iha DC, gradua ona graduadu hamutuk 81 ho nível baxarelatu (Diploma I) no ba Diploma III nia sei iha fase hakerek monografia, totál estudante 150.
Média UNTL : Altur Ramos (estajiáriu)
Foto : Altur Ramos(estajiáriu), Arquivu DIKS
- Detalhes
- Escrito por Adelaide da Cunha
- Visualizações: 1656
#TimorLeste #UNTL #FEAH # CDT-TL #COVID19 #COVID19TL 16 Jullu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, sorumutu ho Diretór Ezekutivu Nasionál Compact Development Team -Timor-Leste (CDT-TL), Sr. Constâncio da Conceição Pinto, hodi ko’alia kona-ba Programa Millennium Challenge Corporation (MCC), liga ho formasaun ba Profesór sira iha Futuru.
“Enkontru ne’e hahú ona ho Reitór Sesante, Profesór Doutór Francisco Miguel Martins, M.Hum, no ohin ne’e hodi ko’alia kona-ba kooperasaun UNTL ho MCC-TL tanba sira foku ba iha formasaun ne’ebé ligadu ho Fakuldade, Edukasaun Arte no Umanidade (FEAH), diskute mós planu atu estebese Sentru Formasaun ba Profesór iha futuru”, tenik Reitór.
Iha fatin hanesan, Diretór CDT-TL, Sr. Constâncio da Conceição Pinto, hateten liuhusi eventu ne’e faze introdusaun ba Programa MCC nian no Compact Development Team -Timor-Leste ba Magnífiku Reitór.
“Ohin ami mai halo introdusaun ba programa sira no Projetu husi MCC, diskute mós koopersaun entre instituisaun sira ne’e iha futuru, liliu iha área edukasaun liga ba formasaun profesór ensinu sekundáriu nian”, tenik Sr. Constansio.
Compact Development Team -Timor-Leste (CDT-TL) hanesan reprezentante Governu nian ba Koordenasaun ho MCC husi Estadu Unidu Amerika (EUA) kona-ba utilizasaun fundu konsesaun atu fó ba Timor-Leste liuhusi programa Millennium Challenge Corporation MCC nian.
Partisipa husi Dekanu Fakuldade Edukasaun, Arte no Umanidade, Profesora Doutora Ana Cristina de J. Silveira Martins, ho nia Visedekanu sira, Diretór Ezekutivu CDT-TL nian, Sr. Constâncio da Conceição Pinto, ho nia ekipa.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 868
#TimorLeste #UNTL #MESSK #ANAAA COVID-19 COVID-19TL 15 JULLU 2021
Universidade Nacional Timor Lorosa’e（UNTL) nia Magnífiku Reitór, Profesór dr. João Soares Martins MPH, Ph.D, partisipa iha Semináriu ne’ebé atu disemina Kadernu Padraun Lisensiamentu ba Instituisaun Ensinu Superiór, organiza husi Ministériu Ensinu Superiór Siénsia no Kultura (MESSK), iha Salaun Ian Martin (INFORDEPE）Balide, Dili (15/07).
Diseminasaun Kadernu Padraun Lisensiamentu Ensinu Superiór ne’e aprovadu liuhusi despaxu ministeriál númeru 90/GM-MESSK/II/2020, hatuur regra sira atu halo avaliasaun ba proposta lisensiamentu nian.
Objetivu prinsipál husi kadernu padraun lisensiamentu ne’e atu bele garante kualidade Ensinu Superiór nian, inklui ho no rekizitu ho nia prosedimentu sira.
Partisipa iha semináriu ne’e, Ministru Ensinu Superiór, Siénsia no Kultura (MESSK) S.E. Longuinhos dos Santos ho nia ekipa, Major Jenerál F-FDTL nian Falur Rate Laek, Diretór-Jerál Arte Kultura Sr. Manuel Smith, Diretór Ezekutivu Ajénsia Nasional ba Avaliasaun no Akreditasaun Akadémika (ANAAA), Profesór Edmundo Viegas, Ph.D, no konvidadu sira.
Média UNTL : Leonia Araújo (estajiária)
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 5761
#TimorLeste #UNTL #EEPE #COVID19 #COVID19TL 16 Jullu 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins MPH, Ph.D, ho nia estrutura rona rezultadu konsultasaun husi Ekipa Elaborasaun Planu Estratéjiku (EEPE 2021–2030), lidera husi Proreitór ba Asuntu Planeamentu, Monitorizasaun no Avaliasaun (PR-PMA), Profesór Dr. Nelson Salsinha, iha sala Video Konferénsia UNTL nian, Díli (16/07).
“Ohin ne’e Ekipa Elaborasaun Planu Estratejiku 2021-2030 konsulta Ekipa Reitoral nian hanesan Reitór, Visereitór no Proreitór sira, kona-ba planu Estratejiku 2021-2030 nian ne’ebé dadaun iha hela diskusaun interna UNTL nian”, tenik Reitór.
Profesór Nelson Salsinha hateten, iha oportunidade ne’e aprezenta rezultadu servisu nune’e mós aprezenta planu estratéjiku ba estrutura Reitorál nian.
“Iha oportunidade ne’e atu informa servisu durante loron hirak nia laran, ami hahú servisu iha loron (05/07) liuba, ne’ebé konsulta ona ho estrutura Fakuldade no sentru sira, iha UNTL kona-ba Planu ne’e, no sei falta diresaun ne’ebé sei kontinua iha faze tuir mai”, tenik Profesór Nelson.
Sorumutu ne’e partisipa husi estrutura Reitoria nian hanesan Reitór, Visereitor, Visereitora no Proreitora Proreitór sira, Diretór-Jerál Servisu Apoiu Reitoria, Mestre Jacinto H. S. Belo.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Escrito por Adelaide da Cunha
- Visualizações: 734
#TimorLeste #UNTL #VRAE #COVID-19 #COVID-19TL 15 Jullu 2021
Universidade Naciopnal Timor Lorosa’e (UNTL) nia Visereitora ba Asuntu Estudantís (VRAE), Profesora Eng. Lígia Tómas Correia, M.Sc, ho nia ekipa, sorumutu ho Asosiasaun Estudante Fakuldade sira, iha Sala Videokonferénsia UNTL nian, Díli (14/07), hodi akumula opiniaun sira hodi kontribui ba elaborasaun ba Planu Estratéjiku 2021-2030.
“Objetivu enkontru ne'e hanesan aproximasaun hodi akumula idea prinsipál sira ba Planu Estratégiku Tinan 2021 – 2030, nune’e bele hato’o hikas ba Ekipa Elaborasaun ba Planu Estratéiku (EEPE)-UNTL ba Tinan 2021-2030”, tenik Visereitora.
Profesora Lígia mós sita kona-ba preparasaun atu realiza atividades estrakurikulár iha fulan agostu hanesan Kompetisaun Traballu Sientífiku, Diskursu Públiku, Trio-Vokál, Pintura, inklui Atividade Desportiva sira.
Iha fatin hanesan, Reprezentante Asosiasaun Estudante ba Konsellu Jerál UNTL, Moises Soares Magno, hateten, apresia ho inisiativa VRAE nian tan hakarak rona ideia husi senadu sira hodi akumula ba planu estratéjiku universidade nian (2021 to’o 2030).
“Akumula ideia konstrutivu, analítiku no krítiku husi senadu sira hato’o ba VRAE hodi aprezenta iha revizaun ba planu estratéjiku 2021 too 2030 nian, tanba konsidera planu prioridadde hodi implementa iha futuru”, tenik atuál Prezidente Asosiasaun Estudante Fakuldade Filozofia.
Partisipa iha enkontru ne’e ekipa husi Gabinete VRAE nian hanesan Xefe Departamentu ba Alumni no Empregabilidade, Sr. Andre da Costa Oliveira, funsionáriu, Asosiasaun Senadu sira husi Fakuldade iha Universidade Nacional Timor Lorosa’e.
Média UNTL : Leonia Araújo (estajiária)
Foto : Pio Belo Ximenes (voluntáriu)