- Detalhes
- Escrito por Adelaide da Cunha
- Visualizações: 476
#TimorLeste #UNTL #DNRH 3 Maiu 2021
Universidade Nacional Timor Lorosa’e (UNTL), liuhusi Diresaun Nasionál Rekursu Umanu (DNRH), loke vaga ba públiku ba pozisaun Tékniku Eletrisidade, Tékniku Manutensaun ba AC no Motorista.
Ba informasaun kompletu bele hare iha dokumentu aneksu.
Media UNTL
- Detalhes
- Escrito por Adelaide da Cunha
- Visualizações: 529
#TimorLeste #UNTL #CUFCUA #COVID19 #COVID19TL 3 Maiu 2021
Universidade Nacional Timor Lorosa’e (UNTL), nia parseria ho Sentru Universitáriu Fé no Kultura Aveiro (CUFC), Dioseze Aveiro-Portugal (CUFC - Centro Universitário Fé e Cultura - Aveiro), lansa kampaña solidaridade hodi rekolla fundu atu tulun Sívitas Akadémika UNTL.
Kampaña solidaridade ida ne’e halo, ho objetivu atu oferese ajuda emerjénsia ba UNTL nia Sívitas Akadémika sira ne’ebé sai vítima ba idundasaun ne’ebé akontese iha loron 4 fulan Abríl liubá.
Fundus ne’ebé CUFC rekolla, sei transfere ba UNTL hodi bele kontinua distribui ho modelu fos saku ba komunidade akadémika ne’ebé sai vítima iha inundasaun ne’ebé akontese, Ba sira ne’ebé iha Portugál no hakarak partisipa no kontribui, bele liu husi meius ida ne’e:
Naran – Centro Académico de Fé e Cultura
Entidade Bankária – Caixa Geral de Depósitos
IBAN – Fundo Solidário /CUFC: PT50 0035 0836 00002199930 92
Ba informasaun kompletu, bele kontaktu : Este endereço de email está protegido contra piratas. Necessita ativar o JavaScript para o visualizar.; Este endereço de email está protegido contra piratas. Necessita ativar o JavaScript para o visualizar., Este endereço de email está protegido contra piratas. Necessita ativar o JavaScript para o visualizar.; Este endereço de email está protegido contra piratas. Necessita ativar o JavaScript para o visualizar.
Hakarak hatene liu tan:
http://www.diocese-aveiro.pt/cufc/?p=2058
Ba sira ne’ebé iha Timor-Leste laran no hakarak partisipa iha inisiativa ida ne’e, bele kontaktu direitamente ba Gabinete Reitoria-UNTL, liuhusi enderesu e-mail : Este endereço de email está protegido contra piratas. Necessita ativar o JavaScript para o visualizar.
Média UNTL
Foto : CUFC-UA
- Detalhes
- Escrito por Adelaide da Cunha
- Visualizações: 3051
#TimorLeste #UNTL #FAGRI #COVID19 #COVID19TL 3 Maiu 2021
Universidade Nacional Timor Lorosa’e (UNTL), nia Dekanu Fakuldade Agrikultura (FAGRI), Profesór Doutór Carlito de Araújo Mali Code, iha Kampus Sentrál UNTL nian, Díli (29/4), hateten katak, Fakuldade nia estudante sira kontinua peskiza ba monografia iha kampu, tanba realiza tiha ona antes aplika Serka-Sanitáriu.
“Atividade peskiza la’o hela, estudante sira husi Departamentu rua mak halo hela peskiza ba monografia iha Maliana, grupu ida husi Departamentu Agronomia, no Saúde Amimal, sira dezloka ona iha terrenu antes ita implementa Serka-Sanitária liuliu iha Díli”, dehan Dekanu.
Profesór ne’e mós hatutan tan katak loloos ne’e, estudante sira-nia tempu peskiza iha terrenu termina ona iha Abril ne’e, tanba situasaun atuál la permite sira atu fila mai Díli, maibé sira iha hela lokál no laiha problema.
“Estudante sira lokaliza iha fatin rua, Departamentu Agronomia na’in (7) iha Suku Ritabou, Grupu ida Saúde nian, sira na’in (15) no konsentra iha Suku Raifun, foin dadauk iha difikuldade balun, maibé liuhusi apoiu MSSI Munisípiu nian fó ona apoiu umanitáriu ruma ba sira”, tenik Profesór Carlito.
Dekanu hatutan tan katak, estudante sira iha lokál laiha problema relasiona ho implaktu COVID-19, tanba sira sempre hala’o atividade iha toos, maibé kontatu ho orientadór no estrutura Fakuldade no Departamentu nian la’o efetivu hela liuhusi Zoom, WattsApp, fasilita komunika ho efetivu nafatin.
“Ami laiha problema no organizadu, mezmu orientadór idaidak loloos tenke ba vizita sira, maibé meiu ne’ebé uza fasilita hela, no ami hein katak, Serka-Sanitária ne’e bele hotu ho sedu di’ak tan atu sira bele finaliza projetu finál”, hatuir Dekanu.
Aleinde estudante sira-nia peskiza ba monografia iha Maliana, Dekanu informa mós katak estudante sira husi departamentu Agro-Pekuária mós halo hela peskiza iha FAGRI nia Laboratóriu-Hera, no orientasaun husi orientadór sira la’o hela tuir protokolu serka-sanitária nian.
Média UNTL : Miguel Gonçalves
Foto : Miguel Gonçalves, Arkivu FAGRI 2021
- Detalhes
- Escrito por Adelaide da Cunha
- Visualizações: 585
#TimorLeste #UNTL #MESSK #IPB 3 Maiu 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, asina akordu ho Ministru Ensinu Superior, Siénsia no Kultura (MESSK) S.E. Longuinhos dos Santos, ho Prezidente Institutu Politékniku Betano (IPB), Profesór Doutór Acacio Cardozo Amaral, iha Salaun MESSK nian, Díli (03/05)
Reitór UNTL nian, iha nia entrevista hateten, asinatura akordu ne’e liga ba prosesu asesu estudante foun anu letivu 2022 nia ba ensinu superiór iha Timor-Leste.
“Asina Akordu entre UNTL-IPB no MESSK kona-ba, estudante anu letivu 2022 nian iha universidade nasionál no IPB nia prosesu nafatin hanesan tinan kotuk, sei iha ekipa ida hodi fasilita no hodi responsabiliza ba prosesu hotu”, tenik Reitór.
Iha fatin hanesan, Ministru Ensinu Superior, Siénsia no Kultura hateten, asinatura Memorandu entre institituisaun tolu ne’e, atu hametin liután koordenasaun no kooperasaun hodi hafasil rekrutamentu iha tinan 2022 nian.
“Atividade ida ne’e ita asina MoU ida ba prosesu asesu ingresu ensinu superiór públiku ba tinan akadémiku 2022, atu hametin di’ak liután koordensaun no kooperasaun ne’ebé di’ak entre MESSK-UNTL no IPB ho hafasil prosesu rekrutamentu ba estudante sira iha anu letivu 2022”, tenik Dr. Longuinhos.
Partisipa iha eventu ne’e, Visereitór sira, Diretór-Jerál ba Asuntu Akadémika Sr. Armindo Leto Fátima, Prezidenti IPB, Profesór Doutór Acacio Cardozo Amaral ho nia estrutura, Diretóra-Jerál ba Ensinu Superiór no Siénsia, Maria Filomena Lay Guterres, ho nia estrutura inklui konvidadu sira.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 747
#TimorLeste #UNTL #FAGRI #CITL 30 Abril 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, asina kontratu ho Diretór Jestaun Transfronteira Basia-idrográfika (Watershed Management), entre Indonézia no Timor-Leste/Conservation International Timor-Leste (CI-TL), Sr. Manuel Mendes, ho nia ekipa, iha UNTL Sentrál, Díli (30/04).
Iha asinatura kontratu ne’e, Reitór hateten UNTL aseita atu envolve iha peskiza sira, liuliu iha Basia-idrografika Talau-Loes no Basia-idrografika Mota Masin no involve peskizadór nain 14, husi Fakuldade Agrikultura maka sei partisipa iha estudu ne’ebé sei hala’o.
“Universidade agradese, tanba Conservation International (CI-TL) bele foti inisiativa hakarak envolve UNTL no instituisaun akadémiku sira, atu konserva ita-nia ambiente no apoia reabilita fila fali degradasaun floresta sira, no redús ameasa ba biodiversidade sira”, hateten Reitór. 
Entretantu, Diretór CI-TL nian hateten katak, projetu ne’ebé propoin kona-ba, Jestaun Transfronteira Basis-idrográfika entre Indonézia no Timor-Leste/Conservation International Timor-Leste (CI-TL), Indonézia-Talau no Timor-Leste (Loes) no mota masin.
“Projetu ne’e kobre komponente haat, (1) Transboundary Diagnostic Analysis no Joint Florestry Working Group, (2) Defini Strategic Action Plan (SAP) ba projetu nian, (3) Implementasaun SAP hodi hadiak (rekursu bee, seguransa alimentar, boas pratikas agrikultural), no (4) monitorizasaun no avaliasaun”, hateten Mendes.
Baseline-Study ba Watershed Talau-Loes no Mota masin ne’e hetan finansiamentu husi Conservation International no servisu hamutuk ho Ministériu Agrikultura no Peskas (MAP).
Enkuantu iha Konsórsiu Dry Land Agriculture, kompostu husi UNTL, UNDANA Kupang, Charles Darwin University (CDU-Australia), Universitas Mataram (UNRAM), Universitas Halu Oleo, Sulawesi.
Objetivu kolaborativu ne’e, atu fornese konsultasaun no dadus empiriku ba hadia ekosistema bee moos iha Talau Loes no Mota Masin, protesaun ba área Watershed, no hadi’ak produsaun ai-han, seguransa alimentar ba populasaun.
Objetivu seluk atu sai Sentru baze dadus nian, iha Basis-idrográfika (BH) Transfronteira. Susesu husi projetu, bele sai ezemplu ba nasaun seluk ne’ebé iha problema agrikola rai maran, no menus bee.
Partisipa iha asina Kooperasaun ne’e, Proreitora Asuntu Kooperasaun, Profesora Doutora Lídia Gomes, SKM, M.Kes, Proreitór Asuntu Planeamentu, Monitorizasaun no Avaliasaun, Profesór José Nelson Salsinha, Ph.D, Dekanu Fakuldade Agrikultura, Profesór Carlito de Araújo M. Code ho nia estrutura, Profesór Senior FAGRI no ex-Proreitór Asuntu Kooperasaun, Profesór Eduardo Aniceto Serrão, Ph.D, inklui konvidadu sira.
Média UNTL : Mateus Gonçalves
Foto : Mateus Gonçalves