- Detalhes
- Escrito por Adelaide da Cunha
- Visualizações: 3530
#TimorLeste #UNTL #VRPGP #COVID19 #COVID19TL 16 Agustu 2021
Universidade Nacional Timor Lorosa’e (UNTL), nia Visereitór ba Asuntu Pós-Graduasaun no Peskiza (VRPGP), Profesór Doutór Afonso de Almeida, iha Kampus FECT-UNTL nian, Hera (6/8) hateten katak Planu Prioridade dahuluk mak atu reativa kursu sira ne’ebé suspende ona atu halo fali rejistu foun.
“Pasu dahuluk Programa Pós-graduasaun nian maka atu reativa fali kursu hirak ne’ebé suspende ona iha tinan hirak liubá, liuhusi hato’o pedidu ba Ministériu Ensinu Superiór, Siénsia, no Kultura, atu nune’e, ita bele loke fali rejistu ba estudante foun sira”, hatutan Visereitór.
Profesór Afonso hato’o tan katak aleinde reativasaun, parte daruak mak estudante Mestradu sira ne’ebé iha hela faze elaborasaun teze, sei adianta tan tempu atu sira bele finaliza sira-nia estudu.
“Estudante sira ne’ebé hotu ona teoria sira hakarak hetan diploma pós-graduasaun, ita fasilita, nune’e mós sira ne’ebé atu kontinua ba elabora teze mestradu nian, gabinete VRPGP nafatin kontinua asegura, alenide ne’e, ita mós iha posibilidade atu loke tan kursu mestradu foun tuir nesesidade”, dehan.
Visereitór mós dezeja katak aleinde reativa kursu sira mak suspende hela, planu atu hasa’e tan língua ne’ebé uza ba elabora teze ho portugés no inglés atu hasa’e tan sira-nia koñesimentu no publikasaun bele iha asesu barak liután.
Espesializasaun Pós-graduasaun área Klínka-Médiku; hanesan Pediatria, Medisina Interna, Sirurjia, Anestezia, Obstetrísia, Oftalmolojia, Medisina Familiár,
Aleinde ne’e, Mestradu UNTL nia Oferta Formativa hanesan, Administrasaun Edukasionál, Kontabilidade, Direitu, Enfermajen i Parteira, Língua i Linguístika Portugeza, Jestaun Sustentável Rekursu Naturais i Ambiente, Medisina Tropikál i Saúde Komunitária, Ekonomia i Jestaun Aplikada, Polítika, Jestaun I Avaliasaun Edukasionál, Servisu Sosiál, Pediatria, Ensinu Portugés Kontekstu Timor-Leste, Matemátika ba Profesór, no Estudu ba Pás i Konflitu.
Média UNTL : Miguel Gonçalves
Foto : Pio Belo Ximenes, Agostinho da Cruz e Silva
- Detalhes
- Escrito por Adelaide da Cunha
- Visualizações: 862
#TimorLeste #UNTL #UNESCOTimorLeste #COVID19 #COVID19TL 16 Agostu 2021
Universidade Nacional Timor Lorosa’e (UNTL) liuhusi Fakuldade Siénsia Sosiál (FCS) nia Departamentu Komunikasaun Sosiál (DCS) hetan tan apoiu ekipamentu (kamera, mic, tripod, komputadór, projetór), husi United Nations Scientific and Cultural Organization (UNESCO) iha Timor Leste.
Hafoin simu ekipamentu sira, iha edifísiu UNESCO nian, Díli, (13/08), Diretór DCS nian, Profesór Marcelino Ximenes Magno, MA, agradese ba apoiu ne’ebé UNESCO ne’ebé oferese importante hodi fasilita prátika ba estudante sira.
“Agradese tebes ba Asesór UNESCO ba Komunikasaun no Informasaun Jakarta, Lim Ming Kuo, Kordenadora UNESCO nian Sra. Adelina Tilman no Sr. Elizabeth Soares ne’ebé ho esforsu apoiu ona ekipamentu sira, no antes ne’e UNESCO mós reabilita Klínika Jornalizmu ba DCS, fasilita formasaun ba estudante sira no formasaun sira seluk”, hatutan Diretór.
Profesór Magno mós hatutan katak ho apoiu sira ne’ebé parte UNESCO fó apoiu tebes DCS liuliu iha preparasaun ba akredisaun nian, no formasaun kualidade ba estudante sira-nian, no departamentu dezeja atu kontinua kooperasaun.
Iha fatin hanesan, Koordenadora UNESCO, Sra. Adelina Tilman, hatete, ho apoiu ne’ebé oferese bele ajuda universidade nia DCS nomós sei kontinua apoiu formasaun no sei apoiu mós ekipamentu sira seluk iha futuru.
“Ami la’ós foin apoiu UNTL nia DCS maibé ami apoiu ona formasaun no ekipamentu sira hodi ajuda hasa’e estudante sira-nia koñesimentu iha área jornalismu nian no ba futuru ami kontinua apoiu formasaun sira no ekipamentu”, dehan Cordenadora UNESCO.
Ekipamentu sira mak kamera ida, dekstop rua, projetór ida, micro, tripod, no ekipamentu sira seluk inklui sertifikadu ba estudante sira ne’ebé remata ona formasaun jornalizmu báziku. No faze tuir mai DCS sei halo pedidu ba Universidade hodi rejista nu’udar patrimóniu universidade nian.
Eventu entrega ekipamentu sira ne’e, Vise Diretór DCS Profesór Roberto da Costa Pacheco SH.MDH, Profesór Miguel Gonçalves no husi UNESCO nian Project Assitent Media Project Sra. Elizabeth Soares.
Média UNTL : Leonia de A. da Costa (Estajiária)
Foto : Laurindo da Cruz (Estajiáriu)
- Detalhes
- Escrito por Adelaide da Cunha
- Visualizações: 1051
#TimorLeste #UNTL #VRAE #FDCH #COVID19 #COVID19TL 15 Agostu 2021
Liuhusi oportunidade ida ne’e hakarak informa ba estudante UNTL tomak katak Gabinete Visereitora ba Asuntu Estudantís (VRAE), servisu hamutuk ho Fundu Dezenvolvimentu Kapital Umanu (FDCH), sei realiza serimónia asina kontratu ba Bolsu Estudu Hakbi’it nian. Tanba ne’e husu ba estudante hirak ne’ebé naran mensiona iha aneksu, atu bele marka prezensa iha serimónia asinatura ne’ebé sei realiza iha:
Data : Loron-Tersa, 17 -08-2021
Fatin : Auditóriu-Liceu, UNTL
Oras : 09:00 dadeer to’o remata.
Ba informasaun klaru, bele hare iha avizu aneksu.
Média UNTL
- Detalhes
- Escrito por Adelaide da Cunha
- Visualizações: 818
#TimorLeste #UNTL #VRAE #PNTL #COVID19 #COVID19TL 15 Agostu 2021
Liuhusi oportunidade ida ne’e, hakarak informa ba estudante UNTL tomak katak, Gabinete Visereitora ba Asuntu Estudantís (VRAE) servisu hamutuk ho Polísia Nasionál Timor-Leste (PNTL), liuhusi nia Departamentu Polisiamentu Komunitáriu Nasionál no Departamentu Tránzitu Rodoviáriu Nasional, sei realiza Formasaun Edukasaun Sívika kona-ba Tránzitu Rodoviariu ba Sívitas Akadémika UNTL nian.
Eventu ne’e ho nia finalidade atu fasilita estudante sira ne’ebé utiliza transporte hanesan motor no kareta atu bele hetan karta kondusaun (Sim).
Tanba ne’e ba estudante UNTL ne’ebé hira interese atu partisipa bele rejista-an hahú iha loron publikasaun informasaun 12 to’o 16 Agostu 2021.
Mekanizmu rejistu nian sei aplika liuhusi WhatsApp (+670 77860319) ka liuhusi Email (Este endereço de email está protegido contra piratas. Necessita ativar o JavaScript para o visualizar.).
Ba Informasaun klaru liu bele haree iha aneksu tuir mai.
Média UNTL
- Detalhes
- Escrito por Adelaide da Cunha
- Visualizações: 2558
#TimorLeste #UNTL #CNE #COVID19 #COVID19TL 12 Agostu 2021
REITÓR UNTL PARTISIPA IHA WORKSHOP "EVOLUÇÃO DA DEMOCRACIA EM TIMOR-LESTE"
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins MPH, Ph.D, partisipa iha Workshop Nasionál kona-ba "Evolução da Democracia em Timor-Leste", iha ámbitu lansamentu ba rezultadu peskiza eleitorál nian, iha Salaun Lalini Larigutu, Comissão Nacional das Eleição (CNE), iha Díli (12/07).
Workshop Nasionál ne'e ho objetivu atu divulga rezultadu peskiza eleitorál iha nível nasionál, no husi rezultadu peskiza ne'e hanesan forsa fundamentu ida hodi fó rekomendasaun sira relasiona ho alterasaun lei eleitorál nian.
Partisipa iha workshop ne'e, S.E. Prezidente Repúblika, Francisco Guterres Lu’olo, S.E. Primeiru-Ministru, Taur Matan Ruak, ho membru Governu sira, Prezidente Parlamentu Nasionál, Dr. Aniceto L. dos Santos, Korpu-Diplomátiku, Amu Bispo Dioseze Baucau, Dom Basílo do Nascimento, reprezentante partidu polítiku, Reitór sira, inklui konvidadu seluk.
Média UNTL : Agostinho da Cruz e Silva
Foto : Pio Belo Ximenes