- Detalhes
- Escrito por Adelaide da Cunha
- Visualizações: 680
#TimorLeste #UNTL #VPMMPO #COVID19 #COVID19TL 22 Juñu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, akompaña husi Proreitór sira hasoru malu ho Vise-Primeiru-Ministru no Ministru Planu no Ordenamentu (VPMMPO), S.E. José Maria dos Reis, iha Gabinete VPMMPO Fatuhada Díli, (22/06).
Objetivu husi hasoru malu ne’e ko’alia kona-ba Reajustamentu Planu Estratéjiku Dezenvolvimentu Nasionál (PEDN) no envolvimentu Universidade Nasionál ba iha Prosesu Dezenvolvimentu Nasional iha tempu oin mai.
Magnífiku Reitór apresia tebes ho planu reajustamentu PEDN nian, tanba apar ho Planu Estratéjiku UNTL nian ne’ebé dadaun ne’e, iha ekipa ida atu renova ba períodu 2021-2030 nian.
“Reajustamentu ba PEDN apar ho ami nia Planu, tanba dadaun ne’e ami mós diskuti hela Planu Estratéjiku UNTL nian, nune’e, ami aposta mós ho PEDN nian, tanba Planu Dezenvolvimentu Nasional mak sai guia ba instituisaun sira hotu” tenik Reitór.
Profesór João mós konkorda atu envolve universidade iha Prosesu Dezenvolvimentu Nasionál, atu nune’e bele ativu liután iha prosesu Dezenvolvimentu Nasionál.
Vise Primeiru-Ministru no Ministru Planu no Ordenamentu, SE José Maria dos Reis, iha introdusaun hateten, iha ona planu hakarak lori uiversidade atu envolve iha Dezenvolvimentu Nasionál iha futuru.
“Ha’u hakarak lori Universidade atu envolve iha dezenvolvimentu nasaun nian, tanba antes ne’e ita akordu no liuhusi baze ne’e bele fasilita ha’u atu bele servisu hamutuk ba planu reajustamentu PEDN nian”, tenik Vise-Primeiru-Ministru.
Partisipa iha reuniaun ne’e Proreitór ba Asuntu Planeamentu, Monitorizasuan no Avaliasaun, Profesór Nelson Salsinha, Ph.D, Proreitór ba Asuntu Kooperasaun, Profesora Doutora Lídia Gomes, Proreitór ba Asuntu Dezenvolvimentu Institusionál, Profesór Lelis Gonzaga, no tékniku Gabinete VPMMPO nian.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 807
#TimorLeste #UNTL #IPB #COVID19 #COVID19TL 21 Juñu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, akompaña husi Proreitora ba Asuntu Kooperasaun, Profesora Dra. Lídia Gomes SKM. M.D., partisipa eleisaun ba Prezidente Institutu Politékniku Betanu (IPB), iha Auditóriu Fakuldade Enjeñaria, Siénsia no Teknolojia, Hera-Díli (21/06).
Iha eleisaun ne’e Profesór na’in rua mak konkore ba prezidente IPB nian mak Profesór Acácio Cardoso Amaral, Ph.D no daruak nian Profesór Cláudio Filipe Ximenes, M.Sc.
Hafoin rezultadu votasaun husi Kompozisaun Kosellu Jeral hamutuk na’in 12 konsege hili Profesór Acácio Cardoso Amaral, Ph.D, ba Prezidente IPB ba períodu 2021 to’o 2025 ho votu 9 no Profesór Cláudio Filipe Ximenes, M.Sc. ho votu tolu (3)
Eleisaun ne’e perante husi Dekanu FEST-UNTL ho nia Estrutura, Amu kapelaun UNTL Pe. Nivio Lebre Correia Fdcc, Ministru Ensinu Superiór, Siénsia no Kultura (MESSK), SE Dr. Longuinhos dos Santos, Ministru Agrikultura no Peskas, SE Eng. Pedro Reis, Prezidente Komisaun Funsaun Públika, Profesór Doutór Faustino Cardoso Gomes, Diretór Ezekutivu ANAAA, Prof. Edmundo Viegas, Ph.D, profesór, funsionáriu no estudante IPB nian, no konvidadu sira.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 6714
#TimorLeste #UNTL #FCS #DCS #DRI #COVID19 #COVID19TL 18 Juñu 2021
Universidade Nacional Timor Lorosa’e (UNTL) nia Dekanu Fakuldade Siénsia Sosiál (FCS) ho nia Visedekanu sira reune ho Estrutura Departamentu Komunikasaun Sosiál (DCS) no Departamentu Relasaun Internasionál (DRI), hodi haree hamutuk preparasaun ba Akreditasaun Programátika ne’ebé sei hala’o iha 2021.
Dekanu FCS nian Profesór Camilo Ximenes Almeida, iha Kampus Kaikoli hateten katak, preparasaun estrutura departamentu no dosente sira liuhusi prienximentu template no dadus sira importante atu salva futuru departamentu nian.
“Prosesu ba avaliasaun husi Ajénsia Nasionál ba Avaliasaun no Akreditasaun Akadémika (ANAAA) nia ekipa prontu atu fasilita, ita iha prienximentu ba template, ha’u haree departamentu rua halo hela, no keta haluhan dadus dosente sira-nian no evidénsia ba atividade sira importante, tanba ne’e presiza servisu ekipa, ho ekipa mak bele”, hatutan Dekanu.
Profesór Camilo mós husu ba dosente sira, atu submete dadus ne’ebé departamentu presiza, atu kompleta iha parte ne’ebé presiza.
Iha fatin hanesan, Diretór DCS nian, Profesór Marcelino Ximenes Magno hateten, preparasaun departamentu nian besik termina ona prosesu prienximentu nian.
“Ami-nia preparasaun dezde 2019, enkontru ho dosente sira hodi prepara dokumentu sira, dosente nian, dadus ensinu no prátika. Aleinde ne’e, ajuda mós husi Profesór Emanuel António Braz, PhD hodi prienxe template, tanba ne’e servisu ekipa durante ne’e la’o di’ak tebes”, tenik Diretór DCS.
Entretantu Diretór DRI nian, Profesór Bernardo Idalina Leto, mós hato’o katak preparasaun la’o hela no sei finaliza template iha semana ida tuir mai.
“Prosesu ne’e la’o hela, liuliu iha prosesu prienxe template ne’e, maibé difikuldade mak iha dadus dosente nian, no dokumentu sira kona-ba prosesu estabelesimentu kursu nian, maibé ekipa esforsu hodi prienxe atu finaliza iha tempu tuir mai”, hatutan Profesór Bernardo.
Iha reuniaun ne’e partisipa husi Visediretór, Dosente no funsionáriu sira. Enkuantu iha diskusaun modera husi Visedekanu Asuntu Akadémiku nian, Profesór Ananias Soares, fahe mós esperiénsia husi eis Diretór Departamentu Dezenvolvimentu Komunitáriu no Inkluzaun Sosiál, atuál Visedekanu Asuntu Estudantil, Profesór Mateus Tilman.
Média UNTL : Miguel Gonçalves
Foto : Miguel Gonçalves, Arkivu DCS
- Detalhes
- Escrito por Adelaide da Cunha
- Visualizações: 686
#TimorLeste #UNTL #FECT #GifuUniversity #COVID19 #COVID19TL 18 Juni 2021
Universidade Nacional Timor Lorosa’e (UNTL) nia Magnifíku Reitór, Profesór dr. João Soares Martins MPH, Ph.D, asina Memorandu Entendimentu (MoU) ho Gifu University husi Japaun hodi renova kooperasaun iha dezenvolvimentu rekursu umanu Fakuldade Enjeñaria Siénsia no Teknolojia (FECT) nian.
Eventu ne’e realiza iha sala Auditóriu FECT Hera (17/06), ho objetivu kooperasaun, atu halo interkámbiu estudante, dosente no funsionáriu relasiona estudu no peskiza, konferénsia, semináriu nune'e mós treinamentu internasionál hodi fahe informasaun ba malu entre universidade rua.
Relasiona ho pandémia COVID-19 asina memorandu husi Gifu University nian la marka prezensa direta no asina de’it liuhusi meiu dijitalizasaun mak envia mai UNTL hodi hetan asinatura husi Magnífiku Reitór ho Dekanu FECT nian.
Sasin ba renovasaun kooperasaun ne’e Visereitór, Proreitór, Diretór-Jerál, Diretór Nacional, Dekanu Fakuldade, Visedekanu Kooperasaun no Peskiza FECT nian, Profesór Cancio Monteiro, Ph.D, no Diretór Departamentu sira, inklui konvidadu sira.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 1036
#TimorLeste #UNTL #FECT #COVID19 #COVID19TL 18 Juñu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, ho nia estrutura hamutuk ho Dekanu Fakuldade sira hala’o vizita ba Kampus Fakuldade Enjeñaria, Siénsia no Teknolojia (FECT), iha Hera-Díli (17-06) hodi observa fasilidade sira Fakuldade nian.
Aleinde vizita ba fatin sira iha área Kampus FEST nian, vizita mós estudante sira ne’ebé hela iha Dormitóriu Fakuldade nian hodi observa kondisaun estudante sira ne’ebé hela iha fatin refere.
Estrutura mós observa edifísiu antigu sira ne’ebé konstrui husi Governu Indonézia nian ba Politékniku Hera, durante okupasaun Indónesia iha Timor-Leste no dadaun ne’e balun FECT uza hela.
Média UNTL : Agostinho da Cruz e Silva
Foto : Mateus Gonçalves