- Detalhes
- Escrito por Adelaide da Cunha
- Visualizações: 4366
#TimorLeste #UNTL #KIPKI #MS 13 Maiu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, ho reprezentante Ministériu Saúde (MS) nian, Dr. Victor Soares Martins, hala'o abertura ba vasinasaun ne'ebé halo ba Sívitas Akadémika, liuliu dosente no funsionáriu sira, iha Kampus Sentral UNTL nian, Díli (13/05)
"Vasinasaun ne'e importante atu asegura ita-nia an hodi luta kombate COVID-19, tamba ne'e lori naran universidade nian agradese ba Ministériu Saúde ne'ebé hatan ona ba pedidu ne'ebé Universidade hato'o iha fulan ida liubá", tenik Reitór.
Profesór ne'e mós agradese ba médiku sira ne'ebé fasilita ona vasinasaun AstraZeneca ne'e, no kontinua husu ba Sívitas Akadémika tomak atu vasina.
Iha fatin hanesan, reprezentante Ministériu Saúde nian mós hateten katak ho vasinasaun ne'e bele ajuda benefisiáriu sira (dosente, funsionáriu no estudante sira) bele iha sistema imunizisaun forte kontra surtu COVID-19.
"Ita-nia vasinasaun iha ne'e ohin ekipa prontu no bele vasina ema na'in rihun ida atus lima (1500), maibé dalaruma la hotu ami prontu kuaker tempu se universidade presiza fali, ho hanoin ida katak UNTL mak forte no seguru hodi forma timoroan sira ba futuru", dehan representante MS ne'e.
Dr. Victor mós agradese ba estrutura universidade nian ne'ebé fasilita ona prosesu ne'e tanba ho vasina mak dalan ida hodi proteje an husi COVID-19.
Eventu ne'e realiza tanba organiza husi Komisaun Implementasaun Planu Kontijénsia Interna (KIPKI-UNTL) ne'ebé lidera husi Dr. Teresa Madeira Soares, no fasilita husi médiku sira.
Partisipa husi Magnífiku Reitór, ho nia estrutura, Dekanu, Diretór-Jerál no Diretór Nacional sira, Amu Kapelaun Pe. Nivio Lebre Correia, Fdcc, dosente, funsionáriu no estudante balun inklui familia husi Sívitas Akademika sira.
Média UNTL : Miguel Gonçalves
Foto : Agustinho da C. e Silva
- Detalhes
- Escrito por Adelaide da Cunha
- Visualizações: 555
#TimorLeste #UNTL #VRAAGK #DNAE 13 Maiu 2021
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VRAAGK), Profesór Doutór Samuel Venâncio de Sousa Freitas, iha Kampus Sentrál UNTL nian, Díli (10/05) hateten nia Gabinete prepara hela dadus atu hetan subsídiu ba propinas semestre impár 2021 nian no pulsa.
“Governu, liuhusi Ministériu Ensinu Superiór, Siénsia no Kultura (MESSK), atu apoiu subsídiu ba estudante sira liuhusi selu propinas no pulsa ba estudante hotu ne’ebé ativu hela iha UNTL durante implementa Serka-Sanitária (SS), no dadaun ne’e parte Servisu Akadémiku servisu hamutuk ho Fakuldade sira, ita rekolla hamutuk ona dadus estudante sira-nian”, tenik Profesór Samuel.
Profesór Samuel mós hatutan subsídiu propinas ba estudante tuir kustu ne’ebé sira selu ba universidade livre teoria selu de’it U$ 5.00 no sira ne’ebé sei ativu mak selu U$ 30.00, inklui pulsa ba estudante idaidak.
“Subsídiu sei fó mak tuir estudante ida-idak nia kustu pagamentu nian, hanesan sira ne’ebé ativu hela aula, U$ 30.00 no sira ne’ebé livre teoria sei fó U$ 15.00 ne’e ba propinas nian, no pulsa ba telefone hodi uza ba internet kada estudante idaidak”, tenik Visereitór.
Iha parte seluk, Diretór Nasionál Atendimentu Estudante (DNAE), Sr. Rui Pires, hateten dadus ne’ebé sira entrega ona ba Gabinete VRAAGK kompleta ho númeru telefone hamutuk na’in 19.425.
“Sira ne’ebé dadus kompletu ona ho númeru telefone hamutuk na’in 19.425, husi total ne’ebé ativu hamutuk 27.563, sei falta estudante na’in 8.138 mak presiza ita kompleta no atualiza númeru kontatu ativu hodi entrega MESSK. Enkuantu ba sira ne’ebé seidauk iha kompleta ami sei esforsu atu hetan husi estudante sira” tenik Loco.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 3283
#TimorLeste #UNTL #COVID19 #COVID19TL #EUinTimorLeste #GCHumanRights #GCAsiaPacific #HumanRightsCentreUNTL 11 Maiu 2021
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, reuniaun liuhusi via-Zoom, ho Secretário-Geral Global Campus of Human Rights (GCHR), Professor Dr. Manfred Nowak, ho Embaixadór Uniaun Europeia iha Timor-Leste (UE-TL), Sr. Andrew Jacobs.
Enkontru trilaterál (UNTL, GCHR, no UE-TL) ne’ebé hala’o via-Zoom (10-5), ho objetivu hodi diskute kona-ba dezenvolvimentu Sentru Direitu-Umanu (CDH), Universidade Nasionál nian.
Relasiona ho dezenvolvimentu SDU nian, lider instituisaun tolu ne’e, foku diskusaun kona-ba dezenvolvimentu iha parte akadémiku, administrativu no finansa. Progresu ne’ebé atinje ona, atividade sira iha situasaun atuál ligadu ho pandemia COVID-19, no pasu importante sira ne’ebé sei hala’o inklui tarjetu sira.
Projetu ne’e implementa husi Jestór Projetu nian, Adriano Remiddi ho nia ekipa foun husi Sentru Direitus Umanus UNTL: Celso da Fonseca, Joanico Gusmão Alves, Juvita Pereira Faria, Senhorina dos Santos no Francelino dos Santos Serra. UNTL sei kontinua hetan apoiu husi Uniaun Europeia no Global Campus of Human Rights to’o Juñu 2022.
Média UNTL : Miguel Gonçalves
Foto : Agostinho da Cruz e Silva, Arkivu UNTL Human Rights Centre Project
- Detalhes
- Escrito por Adelaide da Cunha
- Visualizações: 1451
#TimorLeste #UNTL #INCT 12 Maiu 2021
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, partisipa diskusaun Meza-Redonda ba faze daruak nian ne’ebé orgnaniza husi Institutu Nasionál Siénsia no Teknolojia (INCT) liuhusi Zoom, iha Sala Videokonferensia UNTL nian, Díli (12/05).
Atividade ne’e realiza iha ámbitu Komemorasaun Restaurasaun Independénsia Timor-Leste nian, ba tinan 19 (20 maiu 2002-2021). Iha diskusaun ne’ebé hala’o foka ho nia tema jerál: "Avanços, Retrocessos e Desafios da Educação em Timor-Leste, uma Reflexão 19 anos Pós-Independência".
Iha diskusaun ne’e Magnífiku Reitór aprezenta tópiku ho nia títulu "Dezenvolvimentu Siénsia, Peskiza no Internasionalizasaun ba Instituisaun Superior sira", (ho dalen portugés “O Desenvolvimento da Ciência, Pesquisa e Internacionalização das Instituições de Ensino Superior").
Oradór iha diskusaun ne’e mak Madre Guilhermina Marçal, Fdcc ho topiku "A Qualidade da Educação do Ensino Básico e Secundário Timorense – Avanços e Desafios 20 anos depois", Dr. António Guterres, BA; S.Pd, Vise-Ministru Edukasaun, Juventude no Desportu: "Políticas Educacionais em Timor-Leste e os Impactos da Pandemia de Covid-19".
Aleinde ne’e, João M. de Sousa Saldanha, Ph.D: "O Desenvolvimento do Ensino Superior Timorense -Avanços e Desafios 20 anos depois", Magnifiku Reitór UNTL, Profesór dr. João Soares Martins, MPH, Ph.D: "O Desenvolvimento da Ciência, Pesquisa e Internacionalização das Instituições de Ensino Superior", Dr. João Boavida: "O Desenvolvimento da Educação em Timor-Leste: Progresso ou Retrocesso – uma reflexão Científica e Crítica".
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 641
#TimorLeste #UNTL #COVID19 #COVID19TL 11 Maiu 2021
Dosente no Funsionáriu Administrativu UNTL, ne’ebé hakarak simu vasina COVID-19, bele ba direita iha Kampus Sentrál UNTL, iha loron 13-05-2021.
Imunizasaun COVID-19 sei hala’o iha Korredór Kampus Sentrál nian, hahú husi tuku 10:00 dadeer to’o remata, loron 13-05-2021.
Informasaun ofisiál Reitoria UNTL, kona-ba pandemia COVID-19 sei kontinua fo-sai de’it iha:
website www.untl.edu.tl , no
pájina Facebook UNTL nian Universidade Nacional Timor Lorosa'e .
Halo favór fahe no kumpre.
Mai Ita Hamutuk Luta Kontra COVID-19!
Ita-nia Saúde Iha Ita-nia Liman Rasik!
Reitoria UNTL