- Detalhes
- Escrito por Adelaide da Cunha
- Visualizações: 1387
#TimorLeste #UNTL 24 Maiu 2021
Serimónia Graduasaun Online Dahuluk iha Universidade Nacional Timor Lorosa’e (UNTL) sei realiza aban, loron-Tersa, 25-05-2021, hahú husi tuku 09:55 dadeer to’o remata.
Membru Sívitas Akadémika, família no kolega sira bele akompaña Serimónia Graduasaun Online ne’e liuhosi televizaun, kanál RTTL, no mós liuhosi live stream iha pájina Facebook UNTL (Universidade Nacional Timor Lorosa'e) no RTTL nian (https://web.facebook.com/RTTL-LIVE-370048750482193/?_rdc=1&_rdr).
Reitoria UNTL
- Detalhes
- Escrito por Adelaide da Cunha
- Visualizações: 1180
#TimorLeste #UNTL #KIPKI #SIJK 22 Maiu 2021
Universidade Nacional Timor Lorosa’e (UNTL) liuhusi Komisaun Implementasaun Planu Kontijénsia Interna (KIPKI)-UNTL, ne’ebé lidera husi dra. Teresa A. Madeira Soares, BDS, MPH, servisu hamutuk ho Sentru Integradu Jestaun Krize (SIJK), realiza tan vasinasaun AstraZeneca ba grupu daruak nian, ba Sívitas Akadémika UNTL nian na’in 272, iha Kampus Sentrál UNTL nian, Díli (22/05).
Koordenadora KIPKI-UNTL, dra. Teresa A. Madeira Soares, BDS, MPH, hateten, loke tan vasina ba grupu segundu, ba Sívitas Akadémika tomak ne’ebé hamahan an iha universidade nasionál.
“Ohin ita hala’o tan vasina ba ita-nia Sívitas Akadémika ba grupu segundu nian, no faze primeiru nian ita hetan 196 no ohin ita hetan tan 272 mai husi estudante, dosente no funsionáriu tomak”, tenik atuál Diretora Poliklínika Universitáriu ne'e.
Diretora ne’e mós hatutan, loloos ne’e estudante sira mai barak maibé tanba transporte laiha ba sira atu bele mai tuir vasina nomós barak fila ona ba ida-idak nia munisípiu.
Vasina ba grupu segundu nian ne’e hetan partisipasaun husi estrutura universidade, dosente , funsionáriu no estudante sira.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 747
#TimorLeste #UNTL #COVID19 #COVID19TL 22 Maiu 2021
Informa ba graduandu sira katak Serimónia Graduasaun Online Dahuluk iha Universidade Nacional Timor Lorosa’e (UNTL) sei realiza iha loron-Tersa, 25-05-2021, hahú husi tuku 09:55 dadeer to’o remata. Família no kolega sira bele akompaña Serimónia Graduasaun Online ne’e liuhosi televizaun, kanál RTTL, no mós pájina Facebook UNTL no RTTL nian (live stream).
Ba graduandu sira, Serimónia Graduasaun Online sei realiza uza aplikativu ZOOM, tan ne’e graduandu sira presiza uza telefone android ka smartphone (enxe pulsa no aktiva pakote internet ne’ebé garante velocidade liña internet) ka uza Komputador/Laptop ne’ebé iha asesu ba internet. Bele download plataforma refere iha link tuir mai https://zoom.com.
Graduandu sira presiza lee Giaun Graduasaun Online, no mós Programa Graduasaun Online, ne’ebé aneksa atu bele akompaña Serimónia Graduasaun Online ne’e ho orden (bele mos download liuhosi link tuir mai ne’e Giaun Graduasaun Online: https://drive.google.com/.../1UznCL.../view... Programa Graduasaun Online: https://drive.google.com/.../1M0WuVmSDggnn.../view...).
Atu fasilita graduando sira iha Serimónia Graduasaun Online ne’e, husu ba graduandu sira atu tuir Gladi Online, iha loron-Domingo, 23-05-2021, hahú husi tuku 15:00 lokraik to’o remata.
Gladi daruak hamutuk ho estrutura Universidade sira sei realiza iha loron-Segunda, 24-05-2021, hahú husi tuku 10:00 dadeer to’o remata.
Husu ba graduandu sira atu ativa ita boot sira nia númeru telemóvel ne’ebé maka rejista ona iha Komisaun Organizadora, atu nune’e ekipa tékniku bele envia link join meeting Zoom nian ba ita boot sira.
Ami apela ba membru hotu husi Sívitas Akadémika UNTL atu kontinua tuir ho rigór medida ne’ebé fó sai husi autoridade kompetente ba luta kontra pandemia COVID-19, liuliu distansiamentu fíziku no kuidadu espesiál ijiene no saúde.
Informasaun ofisiál Reitoria UNTL durante tempu pandemia COVID-19 sei kontinua fó sai de’it iha website www.untl.edu.tl no pájina Facebook UNTL nian Universidade Nacional Timor Lorosa'e.
Halo favór fahe no kumpre.
Mai Ita Hamutuk Luta Kontra COVID-19!
Ita-nia Saúde Iha Ita-nia Liman Rasik!
Reitoria UNTL
- Detalhes
- Escrito por Adelaide da Cunha
- Visualizações: 708
#TimorLeste #UNTL #VRAAGK #DNIT 22 Maiu 2021
Universidade Nacional Timor Lorosa’e (UNTL) nia Visereitór ba Asuntu Akadémiku no Garantia Kualidade (VRAAGK) Profesór Doutór Samuel Venâncio de Sousa Freitas, iha Kampus Sentrál UNTL nian, Díli (21/05) hateten graduandu hamutuk 251 prontu ona atu partisipa iha graduasaun online, iha loron 25 fulan Maiu 2021.
“Ita desidi graduasaun online ba iha 25 Maiu 2021 komesa tuku 9:55 dadeer to’o remata, ita sei halo ensaiu kona-ba distansiamentu ba estrutura sira ne’ebé sei partisipa direta, no graduandu sira liuhusi aplikasaun ne’ebé uza ba serimónia solene ne’e”, tenik Profesór Samuel.
Profesór Samuel mós husu ba graduandu sira atu hatais toga kompletu ne’ebé sira foti ona iha parte Diresaun Nasional Atendementu Estudante (DNAE) hamutuk ho família partisipa liuhusi via Zoom.
Iha fatin hanesan, Diretór-Jerál ba Servisu Administrasaun Akadémika, Sr. Armindo Leto Fátima, hateten, ekipa tékniku nia preparasaun halo ona rejista ba graduandu hamutuk na’in 251 mak prontu atu partisipa graduasaun online.
“Durante pedidu ne’e tama atu halo graduasaun online to’o husi parte akadémika rejista ona graduandu hamutuk na’in 251 na’in 241 mak mai foti ona toga ba graduasaun nian” tenik DJ Akadémika.
Sr. Leto mós hatutan, husi sira ne’ebé iha ona lista maibé lakonsege foti toga ba graduasaun nian maibé sira-nia diploma nafatin prodús husi universidade.
Iha sorin seluk, Diretór Diresaun Nasionál ba Informátika no Teknolojia (DNIT-UNTL), Sr Joanico Mendonça, hateten, ba graduandu sira atu prepara mak aparellu sira ne’ebé presiza durante serimónia graduasaun online mak hanesan telemovel ka laptop, no aplikasaun Zoom no seluk tan.
“Graduasaun Online importante ba graduandu sira atu prepara mak telemovel ka Laptop, pakote ba internet, instalasaun aplikasaun Zoom, no idaidak sei hetan link husi univesidade parte IT nian, ba kada graduandu liuhusi númeru telefone, WhatsApp, no Email ne’ebé rejista ona”, tenik Sr. Joanico.
Eventu ne’e sei transmite husi salaun Ian Martin INFORDEPE Balide, Díli, liuhusi servisu hamutuk entre UNTL-RTTL.E.P no Telkomcel hodi transmite graduasaun ba públiku, iha loron 25 Maiu 2021.
Graduandu na’in 251 ne’e kompostu husi fakuldade 5, Fakuldade Enjeñaria, Siénsia no Teknolojia (34), Fakuldade Edukasaun, Arte no Umanidade (71), Fakuldade Medisina no Siénsia Saúde (94), Fakuldade Ekonomia no Jestaun (17) no Fakuldade Siénsia Sosiál (35), entretantu graduandu husi Fakuldade Agrikultura ho Fakuldade Filozofia no Siénsia Umana sei partisipa iha graduasaun prezensiál sei wainhira Serka Sanitária remata.
Média UNTL : Agostinho da Cruz e Silva
Foto : Agostinho da Cruz e Silva
- Detalhes
- Escrito por Adelaide da Cunha
- Visualizações: 3908
#TimorLeste #UNTL #CFA 21 Maiu 2021
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph.D, halo abertura ba formasaun aula online utilizasaun ferramenta online nian, faze dahuluk nian ba dosente sira, ne’ebé organiza husi Sentru Formasaun Avansada, iha sala Vídeo Konferénsia UNTL nian, Díli (21/04).
“Agradese tebes, ita bele halo abertura ba formasaun online, rapidamente ba profesór sira, inisiativa furak ita haree ba implementasaun serka-sanitária no Estadu Emerjénsia iha Timor-Leste, liuliu profesór relasiona ho aula online nian, mak liuhusi formasaun ne’e bele ajuda ona sira prosesu aula distánsia”, tenik Reitór.
Reitór mós hatutan, liuhusi atividade hirak ne’e bele moderniza prosesu aprendizajen iha momentu ne’e presiza no koñese mós ferramentu foun teknolojia nian iha tempu atuál.
Iha fatin hanesan, Diretór Sentru Formasaun Avansada
(CFA), Profesór Apolinário Magno, hateten, formasaun refere inisiativa no instrusaun husi Reitór rasik, atu ajuda manorin na’in sira iha situasaun serka-sanitaria nian laran.
“Formasaun ne’e, hanesan parte modernizasaun ensinu distánsia, liuhusi instrusaun Reitór nian, ami realiza ferramente ensinu liuliu ensinu distansia ne’ebé utiliza Google Meeting ho Zoom no seluk tan hodi hakbi’it profesór sira iha ámbitu ida hanesan ne’e sira bele kontinua hanorin”, tenik Diretór CFA.
Diretór mós hatutan, atividade ne’e realiza kolabora mós entre CFA servisu hamutuk ho Diresaun Nasionál Teknolójia no Informasaun (DNIT) UNTL nian no sei kontinua faze tuir mai bainhira faze dahuluk nia remata.
Ba faze dahuluk nia partisipante hamutuk na’in ha’at nulu resin inklui Reitór rasik no nia Formadór iha formasaun ne’e fasilita husi Sr. Gede Jhony.
Média UNTL : Agostinho da Cruz e Silva
Foto : Agostinho da Cruz e Silva