- Detalhes
- Escrito por Mateus Goncalves
- Visualizações: 945
#TimorLeste #UNTL #VRAAGK #FCS #DCS #COVID19 #COVID19TL 28 Setembru 2021 - Universidade Nacional Timor Lorosa’e (UNTL) liuhusi Fakuldade Siénsia Sosiál (FCS), nia Departamentu Komunikasaun Sosiál (DCS), hetan Avaliasaun husi Ajénsia Nasionál ba Avaliasaun no Akreditasaun Akadémika (ANAAA), hahú husi 27-28 Setembru 2021.
Sesaun ba avaliasaun nian, abertura no sesaun jerál nian, iha sala Vídeo Konferénsia UNTL nian, Díli (27-28), no tuir hala’o vizita lokál hodi haree Laboratóriu Multimedia, Klínika Jornalizmu, no Rádiu Akadémika FM 90.00 Mhz, fasilidade infraestrutura, saladeaula, eskritóriu no verifikasaun ba dokumentu sira.
Ekipa Jurí ba avaliasaun ne’e Profesór Hazman Shah Abdulah (Internasionál) no avaliadór nasionál sira maka Sr. Zidho Correia no Dr. Francedes Suni, akompaña husi ekipa ANAAA nian ne’ebé lidera husi Sr. Hipolito da Cruz.
Alende halo avaliasaun ba DCS, antes ne’e ANAAA hala’o ona iha Fakuldade sira seluk no iha FCS mak Departamentu Relasaun Internasionál, Fakuldade Edukasaun Arte no Umanidade (FEAH) nia Departamentu Ensinu Dalen Tetun, no Departamentu Ensinu Edukasaun Fízika I Desportu.
Partisipa iha Avaliasaun ne’e, Visereitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Dekanu Fakuldade Siénsia Sosiál, Profesór Camilo Almeida, Diretór DCS Profesór Marcelino Ximenes Magno, Vise-Diretór, Profesór Roberto Pacheco, Pesoál Adminitrasaun Sra. Candida Ramos, Dosente DCS nian, Stakeholders, Alumni, no estudante sira.
Média UNTL 📝: Leonia de A. da Costa (estajiária)
Foto 📷: Leonia de A. da Costa, Francisco Colo (estajiáriu)
- Detalhes
- Escrito por Mateus Goncalves
- Visualizações: 543
#TimorLeste #UNTL #Covid19 #Covid19TL 27 Setembru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins MPH, Ph.D, partisipa iha Abertura Série Webináriu "Higher Education Adapting to the COVID Era", iha nia Gabinete Reitoria UNTL nian, Díli liuhusi Zoom (27/09).
Magnífiku Reitór iha nia entrevista hateten, abertura ba konferénsia liuhusi Webinariu entre UNTL ho Victoria University (Austrália) durante semana ida nia laran hodi fahe esperiénsia ensinu.
“Ohin ne’e ita halo abertura konferénsia webináriu entre UNTL ho Victoria University, hahú ohin (27-09) to’o dia 1 Outubru, normalmente tinan-tinan sira kotuk sira mai halo konferensia tinan rua dala ida, tinan ida ne’e labele halo konferensia hanesan baibain tanba pandemia, tenik Reitór.
Magnífiku Reitór hatutan, asuntu sira ne’ebé koalia durante konferensia mak atu adapta prosesu ensinu iha situasaun pandemia nia laran, fahe esperiensia kona-ba utilizasaun via online hanesan Google Meeting, via Zoom, hodi halo diskusaun ba Dezenvolvimentu Komunitáriu, Jéneru, Edukasaun, Saúde, no seluk tan.
Partisipante sira partisipa iha Auditóriu Fundasaun Oriente, seluk iha ida-ida nia fatin liuhusi Zoom ho partisipante sira iha Victoria University husi Australia.
Média UNTL 📝: Agostinho da Cruz e Silva
Foto 📷: Agostinho da Cruz e Silva
- Detalhes
- Escrito por Mateus Goncalves
- Visualizações: 726
Magnífiku Reitór, Profesór dr. João Soares Martins, MPH, Ph. fó pose ba Dekanu foun husi Fakuldade, Enjeñaria, Siénsia no Teknolojia (FEST), Profesór Adalfredo G. da Silva Ximenes, no fó pose mós ba Dekanu Fakuldade Filozofia no Siénsia Umana (FFSH), Profesór Martinho Borromeu
TimorLeste #UNTL #FEST #FFSH #Covid19 #Covid19TL 24 Setembru 2021 - Universidade Nacional Timor-Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, fó pose ba Dekanu foun husi Fakuldade, Enjeñaria, Siénsia no Teknolojia (FEST), Profesór Adalfredo G. da Silva Ximenes, no fó pose mós ba Dekanu Fakuldade Filozofia no Siénsia Umana (FFSH), Profesór Martinho Borromeu, ba mandatu tuir mai, iha Auditóriu FEST-Díli, (24/09).
Magnífiku Reitór, Profesór dr. João Soares Martins, MPH, Ph.D, dezeja katak ho knaar ne’ebé Dekanu iha bele fó importánsia ba funsionamentu Fakuldade nian.
Magnífiku Reitór, Profesór dr. João Soares Martins, MPH
“Knaar Dekanu nian mak fó importánsia maka’as ba Fakuldade nia funsionamentu atu lori Universidade nia naran, hanesan servisu ba siénsia no teknolojia ne’e Fakuldade Enjeñaria mak bele halo, tanba ne’e, mak ita ne’e uniku tebes iha sosiedade nia leet”, hateten Reitór.
Iha fatin hanesan, Dekanu sesante FEST nian, Profesór Dr. Junior Raimundo da Cruz, agradese ba Magnífiku Reitór, nomós eis Dekanu FEST nian ne’ebé fó konfiansa hodi asumi knar durante fulan 6 ne’e.
Dekanu foun husi Fakuldade, Enjeñaria, Siénsia no Teknolojia (FEST), Profesór Adalfredo G. da Silva Ximenes, no fó pose mós ba Dekanu Fakuldade Filozofia no Siénsia Umana (FFSH), Profesór Martinho Borromeu
“Lahaluhan agradese ba Magnífiku Reitór, nomós eis Dekanu Profesór Ruben ba konfiansa tomak fó mai ha’u hodi asumi responsável hanesan Dekanu, Interinamente durante fulan 6 nia laran”, tenik Profesór Junior.
Iha sorin seluk, Dekanu eleitu Profesór Adalfredo G. da Silva Ximenes, agradese ba dosente sira tanba fó ona konfiansa hodi lidera FEST ba períodu tuir mai.
“Atu lidera Fakuldade ida ne’e atu sai sentru Exelénsia, Kualidade no Profesionál, tuir nesesidade UNTL nune’e sei hametin liután kooperasaun ho JICA nu’udar parseiru ba Fakuldade nian” tenik Dekanu.
Iha sorin seluk, Profesór Martinho Boromeu, ne’ebé simu pose hanesan kontinua dekanu iha FFSH, hateten, durante mandatu sei garante no asegura prosesu Ensinu, Peskiza, Prestasaun Sosial no Seluk tan.
“Juramentu ne’ebé ohin Padre Kapelaun sai sasin ba ami hanesan Dekanu, husi hau mak hanesan atu asegura Ensinu, Peskiza, Prestasaun Sosiál inklui estrakurikulár, kooperasaun no seluk tan”, tenik Profesór Borromeu.
Serimónia ne’e partisipa husi Visereitór, Proreitór, Diretór, Dekanu, Eis Dekanu FEST sira, Padre Kapelaun UNTL Pe. Nívio Lebre Correia, Fdcc, Diretora-Jerál Ensinu Superiór nian, Dra. Maria Filomena Lay Guterres, no konvidadu sira.
Média UNTL 📝: Agostinho da Cruz e Silva
Foto 📷: Denilson A. Barros.
- Detalhes
- Escrito por Mateus Goncalves
- Visualizações: 1086
#TimorLeste #UNTL #Covid19 #Covid19TL 27 Setembru 2021 - Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, hamutuk ho Sívitas Akadémika UNTL nian presta omenajem ba Saudozu José António Gomes da Costa MA'HUNU BULEREK KARATHAYANO (BUKAR) iha Arquivo e Museu da Resistência Timorense, Díli (27/09).
Iha okaziaun ne'e, UNTL hamutuk ho instuisaun hirak ne’ebé tutela ba Ministeriu Ensinu Superior, Siénsia no Kultura (MESSK) hodi fó omenajen ikus ba Saudosu Mahunu nia isin mate.
Tuir ajenda serimónia funebre sei realiza iha loron 28/09 iha Semitériu Martires da Patria Metinaro, antes ba hala’o misa ba matebian iha Igreja Katedral oras 08:30, depois misa ba liu vizita nia rai moris fatin Postu Administrativu Laleia Munisipiu Manatuto, durante oras rua hafoin lori hikas mai Semitériu Metinaro.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva
- Detalhes
- Escrito por Mateus Goncalves
- Visualizações: 578
#TimorLeste #UNTL #MESSK #COVID19 #COVID19TL 22 Setembru 2021 - Universidade Nacional Timor Lorosa’e (UNTL), nia Magnífiku Reitór Profesór dr. João Soares Martins MPH, Ph.D, partisipa enkontru jerál dahuluk ho ekipa tékniku ba revizaun no definisaun kurríkulu padraun nasionál ba ensinu superiór nian, iha Auditóriu Arquivo e Museu da Resistênsia Timorense, Dili (22/09).
Objetivu husi sorumutu ne’e, halibur péritu nasional sira hodi diskute no fó hanoin kona-ba padraun kurríkulu nasionál nian, hodi sai hanesan giaun ida ba ensinu superiór sira iha Timor-Leste.
Eventu ne’e organiza husi Diresaun-Jerál Ensinu Superiór no Siénsia, partisipa husi Koordenadór péritu ba Siénsia Sosiál, Prof. Dr. José Cornelio Guterres, Koordenadór péritu ba Formasaun Profesores, Prof. Dr. Benjamim de Araújo e Corte-Real, Koordenadór péritu iha área Siénsia Ekonomia, Prof. dr. Augusto da Conceição Soares, Koordenadór péritu Siénsia Agrarias, Prof. Dr. Edmundo Viegas.
Aleinde ne’e, partisipa mós husi Koordenadór ba grupu Siénsia Enjeñaria, Prof. Dr. Estanislau Saldanha, Koordenadór ba Grupu Siénsia Saúde, Prof. dr. João Soares Martins, Koordenadór ba Grupu Siénsia Ezata, Prof. Dr. Afonso de Almeida.
Partisipa iha sorumutu ne’e, Kooredenadór-Jerál ba Kurríkulu Padraun Nasionál ba Ensinu Superiór nian, no Vise-Reitór ba Asuntu Akadémiku no Garantia Kualidade, Profesór Doutór Samuel Venâncio de Sousa Freitas, Diretora Poliklinika Universitáriu Doutora Teresa António Madeira Soares no Dosente sira, Diretora-Jerál Ensinu Superiór no Siénsia, Dra. Maria Filomena Lay Guterres, Diretór Nasionál Kurríkulu MESSK, Sr. Luis Aparicio, no konvidadu sira.
Média UNTL 📝: Denilson A. Barros
Foto 📷: Agustinho da Cruz e Silva