- Detalhes
- Visualizações: 379
#TimorLeste #UNTL #FCS #COVID19 #COVID19TL 06 April 2022
Universidade Nacional Timor Lorosa’e (UNTL), nia Magnífiku Reitór, Profesór dr. João Soares Martins, MPH, Ph.D, ho estrutura hala’o vizita ba Faculdade de Ciências Sociais (FCS) hodi haree diretamente infraestrutura nian no fasilidade sira, inklui diskusaun ho estrutura Fakuldade, iha Kampus Kaikoli UNTL nian, Díli (05-04).
“FCS ne’e importante tebes atu prepara futuru líder nasaun nian, tanba ne’e ita sei haree hotu oinsa melloria kondisaun iha Fakuldade, nune’e ita bele fó atendimentu ne’ebé di’ak ba estudante sira, promove UNTL nia existensia i visibilidade iha sosiedade importante tebes", tenik Magnífiku Reitór.
Iha sorin seluk, Dekanu FCS, Profesór Camilio Ximenes Almeida, hato’o ba Magnífiku Reitór ho estrutura atu tau atensaun ba Fakuldade, liuliu iha infraestrura liga ba edifísiu, no fasilidade sira ba aprendizajen nian. 
“Infraesturtura sira ne’ebé FCS utiliza mak ohin ita haree hotu ona kondisaun real, kursu hitu mak eziste iha ne’e, neen avalia ona husi ANAAA (Ajénsia Nasionál ba Avaliasaun no Akreditasaun Akadémika) maioria ho rezultadu hetan valór C no ida mak hetan B, enkuantu kursu Inkluzaun Komunitaria Sosiál mak seidauk avalia, maibé ami esforsu atu mellora iha futuru”, hatutan.
Profesór Camilo mós hatutan tan katak, bazeia ba kondisaun real no rezultadu avaliasaun nian, indika katak presiza mellora kondisaun infraestrutura, fasilidade sira, hasae kualifikasaun dosente, no promove peskiza iha área Siénsia Sosiál nian.
Vizita ne’e, partisipa husi Visereitór, Proreitór, Diretór-Jerál, Diretór Nasionál, Visedekanu, Diretór Departamentu sira, dosente no estudante sira.
Média UNTL 📝 : Altur Ramos
Foto 📷 : Avelino da C. Bobo
- Detalhes
- Visualizações: 478
#TimorLeste #UNTL #PRAK #COVID19 #COVID19TL 5 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH Ph.D, akompaña husi estrutura, funsionáriu no dosente Universidade nian partisipa iha serimónia fúnebre matebian Ana Paula dos Santos Soares, iha Semitériu Manleuana Díli, (03/04).
Liuhusi misa corpo prezente iha kapela Lesibutak Manleuana, Díli, Magnífiku Reitór agradese ba matebian nia dedikasaun ba Universi
dade, no família boot UNTL sente triste, tanba lakon ema di’ak ida ne’ebé durante dedika-an ba Universidade to’o hakotu nia jornada moris.
“Ba família no Universidade, ohin ita asiste ba dala ikus nian ita nia bin, alin no oan Ana Paula ne’ebé mak hakotu ona nia viajen iha mundu ne’e, UNTL triste no laran susar tanba ho nia dedikasaun no kontribuisaun barak tebes, ami laiha buat ida atu hato’o maibé ita hotu hasa’e nafatin orasaun atu bele hetan fatin di’ak iha mundu seluk”, tenik Reitór.
Antes ne’e, Universidade mós presta ona omenajen iha matebian nia rezidénsia ne’ebé partisipa husi Visereitora ba Asuntu Estudantís, Profesora Eng.ª Lígia Tomás Correia, M.Sc, Próreitora ba Asuntu Kooperasaun, Profesora Doutora Lídia Gomes, Diretór-Jeral Servisu Apoiu Reitoria, Sr. Jacinto H. S. Belo, Eis-Reitór Próreitor na Asuntu Kooperasaun, Profesór Doutór Eduardo Aniceto Serrão, funsionáriu no dosente sira UNTL nian.
Matebian hakotu iis iha Hospital Nacional Guido Valadares, iha 1 Abril 2022. Antes ne’e, hala’o knar hanesan funsionária iha Gabinete Proreitoria ba Asuntu Kooperasaun- UNTL, durante tinan sia (2013-2022) hodi dedika-an ba Universidade Nasionál to'o remata nia jornada moris iha mundu.
Ana Paula dos Santos Soares, moris iha Suku Asumanu, Postu-Administrativu Liquiçá, Munisípiu Liquiçá iha loron 25 Novembru 1989. Matebian nu’udar oan husi José Soares no Rosa dos Santos Lobo, oan dane’en husi maun alin nain sia.
Sra. Ana Paula dos Santos Soares hahú tama eskola Primaria Nú. 3 Fatumeta, Díli (1995-2001),depois kontinua ba ensinu Pre-Sekundária iha Ensinu Sekundáriu Nú. 4 Fatumeta, Dili, 2001 to’o 2004, Ensinu Sekundáriu Externato São José, Comoro, Dili (2004-2007), hafoin kontinua ba Ensinu Superiór iha Universidade Nacional Timor Lorosa’e (2008 –2013), Fakuldade Enjeñaria, Siénsia no Teknolojia hodi hetan títulu Licenciada em Engenharia Informática.
Matebian durante sei moris dedika nia-an hodi servi instituisaun UNTL iha Gabineti Próreitoria ba Asuntu Kooperasaun, komesa iha tinan 2013 to’o nia jornada moris iha mundu remata iha loron 01 Abril 2022.
Tempu pasa ho lalais, tristeza boot ba família, matebian husik hela nia kaben Leonardo Fernandes no oan, iha idade 32.
Tristeza ida ne’e mós hafalun estrutura universidade, funsionáriu no liuliu hirak ne’ebé mak koñese no servisu hamutuk ho nia, sente lakon ema di’ak ida ne’ebé dedika nia-an hodi kontribui nia esperiensia ba Dezenvolvimentu Universidade nian, maibé Maromak planu buat seluk ida. Adeus Ana Paula 💙.
Média UNTL 📝 : Agostinho da Cruz e Silva
Foto 📷 : Denilson Amandio Barros
- Detalhes
- Visualizações: 349
#TimorLeste #UNTL #SEPCTL #FEAH #COVID19#COVID19TL 5 Abril 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins, MPH, Ph.D, partisipa iha abertura Semináriu Internasionál ho tema "Reforço do Mecanismo de Coordenação de Gestão de Riscos de Desastres em Timor-Leste" hodi halo resflesaun ba dezastre naturál ne’ebé akontese iha 04 abril 2021 liubá.
Eventu ne’ebé selebra iha Hotel Timor (05/04), ho objetivu atu haforsa liña koodenasaun no komunikasaun nian ba responde jestaun risku dezastre entre Governu Timor-Leste ho Ajénsia Internasionál sira.
Semináriu ne'e organiza husi Sekretáriu Estadu Protesaun Sivíl (SEPS), apoiu husi Embaixada Austrália iha Timor-Leste nomós NGO Internasionál no Nasionál sira, durante loron ha'at (4) husi 05 to'o 08 Abril 2022.
Partisipa husi Primeira-Ministra Interina, S.E. Armanda Berta dos Santos, Sekretáriu Estadu Protesaun Sivíl, Sr. Joaquin Gusmão, Ajénsia Internasionál no Ajénsia Nasionál sira, estudante no konvidadu sira.
Média UNTL 📝 : Denilson Amandio Barros
Foto 📷 : Laurindo da C. Gomes
- Detalhes
- Visualizações: 470
#TimorLeste #UNTL #EmbaixadadePortugal #COVID19 #COVID19TL 5 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D simu vizita dahuluk husi Embaixadora Portugál 🇵🇹 iha Timor-Leste, Señora Manuela Bairos, hodi kumprimenta no introduz ba Reitór.
Iha Kampus Sentrál UNTL nian, Díli (04/04), Magnífku Reitór agradese ba Embaixadora nia vizita no atu diskute mós lasu kooperasaun universidade nian ho Portugál ba futuru nian, liuhusi nia Embaixada iha Díli.
Partisipa iha sorumutu ne’e Adida Kooperasaun Embaixada Portugál, Dra. Cristina Faustino, Visereitór ba Asuntu Pós-Graduasaun no Peskiza Profesór Doutór Afonso de Almeida, Visereitora ba Asuntu Estudantís, Profesora Eng.ª Lígia Tomás Correia, M.Sc, Proreitora ba Asuntu Kooperasaun, Profesora Doutora Lídia Gomes, Diretór Institutu Nasionál Linguístika, Profesór Benjamin de Araújo Corte-Real, Ph.D.
Média UNTL 📝 : Agostinho da Cruz e Silva
Foto 📷 : Julito Afonso
- Detalhes
- Visualizações: 354
#TimorLeste #UNTL #FEAH #EmbaixadaPortugalTL #EuropeanUnionTL 05 Abril 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, partisipa iha abertura Formasaun ne'ebé oferese husi Programa PROCULTURA PALOP-TL, hodi fo kursu pedagojia no didátika ba dosente no alunu sira Fakuldade Edukasaun, Arte no Umanidade (FEAH) nian, iha Sentru Kulturál Embaixada Portugal, Díli (04/04). 
Projetu ne’e ho apoiu husi Uniaun Europeia 🇪🇺 no implementa husi Cooperação Portuguesa 🇵🇹 iha Timor-Leste hodi organiza kursu pedagojia no didátika husi literatura infanto-juvenil ba korpu dosente no ba alunu sira FEAH nian.
Sesaun abertura ne’e prezensa husi Proreitora ba Asuntu Kooperasaun, Profesora Doutora Lídia Gomes, S.E Embaixadora Portugál nian, Señora Manuela Bairos, Konselleira ba Asuntu Polítiku sira husi Delegasaun Uniaun Europeia iha Timor-Leste, Dörthe Wacker, Vise-Dekanu, Diretor no Vise-Diretor husi FEAH, dosente no estudante sira.
Média UNTL 📝 : Agostinho da Cruz e Silva
Foto 📷 : Julito Afonso