- Detalhes
- Escrito por Mateus Goncalves
- Visualizações: 167
Universidade Nacional Timor Lorosa’e (UNTL), liuhusi Diresaun Nasionál Aprovizionamentu (DNA), loke konkursu ba kompaña sira ne’ebé iha interese no elijibel bele kompete konkursu públiku ba prestasaun servisu seguransa no limpeza. Nune’e bele mai foti dokumentu refere iha DNA.
Informasaun kompletu bele asesu iha Aneksu tuir mai.
- Detalhes
- Escrito por Mateus Goncalves
- Visualizações: 170
Universidade Nacional Timor Lorosa’e (UNTL) nia Proreitór para os Assuntos de Cooperaҫão (PRAC) Profesór Tomé Xavier Jerónimo, reprezenta Magnífiku Reitór hodi partisipa iha lansamentu livru ho tema “Feto Sira-Nia Asesu ba Justisa Tranzitóriu iha Timor-Leste” organiza husi Sentru Direitus Umanus UNTL servisu hamutuk ho Global Campus of Human Right, iha salaun Centro Nacional Chega (CNC) Balide, Díli (5/04).
Objetivu husi lansamentu livru ne’e atu enkoraza feto sira atu brani koalia sai ba públiku violasaun ba feto maluk sira ne’ebé sai vítima iha situsaun funu no liuhusi livru ne’e sai mós matadalan ba akadémika sira bele uza hanesan referénsia.
Iha okaziaun ne’e, Sentru Direitus Umanus UNTL distribui mós sertifikádu ba formandu Direitu Umanus nain hitu (7) ne’ebé partisipa ona kursu kona-ba Children Right Trainning durante tinan tolu 2021-2023.
Partisipa husi Diretór Interinu CNC Sr. Metodio Caetano Moniz, Diretor Sentru Direitus Umanus Profesór Armindo Maia, Dekanu Faculdade de Economia e Gestão (FEG) Profesór Filipi Mendes Pereira, Head of Capacity Development-Global Campus of Human Rights Sr. Adriano Remiddi, General Development Officer Director-USAID TimorLeste Sra. Rebecca Robinson, Diretora Asosiasaun Chega ba Ita (Acbit) Sra. Maria Manuela Leong Pereira no konvidadu sira.
Média UNTL 
: Eugenia de Jesus
: Eugenia de JesusFoto 
: Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 159
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D partisipa iha selebrasaun Brigada Medika Cubana sira-nia misaun iha Timor Leste ba dala ruanulu (20), iha Salão Ministério dos Negócios Estrangeiro e Cooperação (MNEC) nian, Díli (03/04).
Objetivu husi serimónia ne'e hodi selebra 20 anos ezisténsia Brigada Médika Cubano sira nian misaun iha Timor Leste (2004 to'o 2024) ho kooperasaun entre Timo Leste ho Cuba, iha setór saúde.
Partisipa husi Prezidente Repúblika Timor Leste, Dr. José Ramos Horta, Xefe Estado Maior Forsa Armada FFDTL, Tenente Jeneral Falur Rate Laek, Eis Ministru Saúde, Dr. Rui Maria de Araujo, Dosente Kubanu sira iha UNTL, estudante no konvidadu sira.
Média UNTL : Leonia de A. da Costa
: Leonia de A. da CostaFoto : Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 199
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D hamutuk ho Proreitór ba Asuntu Kooperasaun (PRAK), Profesór Tomé Xavier Jerónimo, hasoru malu ho Diretór Fondazione EMGdotART Victor Lei, iha Sala-Videokonferensia, UNTL nian, Díli (04/04), hodi diskute kooperasaun iha área Turizmu no Eransa.
Iha entrevista Proreitór ba Asuntu Kooperasaun nian, Profesór Tomé Xavier Jerónimo hatete, enkontru ne'e ho objetivu atu koopera iha área sira hanesan, turizmu no liuliu promove eransa antigu Timor-Leste nian.
"Ohin ita hasoru malu ho Fondazione EMGdotART husi Macau, no ita ko'alia kona-ba kooperasaun ne'ebé ita sei halo iha área sira ne'ebé liga ho Faculdade de Turismo Arte, Industria Criativas e Culturais hodi promove eransa antiga sira Timor-Leste nian iknlui promove área Turismu iha Timor-Leste", dehan Proretiór.
Iha sorin seluk, Diretór Fondazione EMGdotART nian, Victor Lei, sente kontente ho enkontru ne'e no konsege dekuti kona-ba kooperasaun iha área edukasaun, artkitektura, promove eransa antiga Timor-Leste nian.
"Ha'u kontente hasoru malu ho Reitór UNTL ho estrutura sira, no iha diskusaun ne'e ami ko'alia kona-ba kooperasaun iha área sira hanesan, turismu, arkitektura, promove eransa Timor nian inklui área edukasaun liuliu iha UNTL, no ha'u iha konfiansa katak ba futuru kooperasaun ne'e sei lao di'ak liután", tenik Diretor Victor.
Iha enkontru ne'e, ekipa husi Fondazione EMGdotART nian halo aprezentasaun ba sira-nia programa iha loron 5 fulan Abril tinan ne'e, nune'e haree didiak sira-nia planu no programa atu koopera ho UNTL.
Partisipa husi Visereitór ba Asuntu Estudantís, Eng. Lígia Tomás Correia, Dekanu Faculdade de Turismo Arte Indústria, Criativas e Culturais, Profesór Feliciano Quintas do Céu ho estrutura no ekipa husi Fondazione EMGdotART.
Média UNTL : Leonia de A. da Costa
: Leonia de A. da CostaFoto : Leonia de A. da Costa & Domingos Amaral
: Leonia de A. da Costa & Domingos Amaral- Detalhes
- Escrito por Mateus Goncalves
- Visualizações: 180
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D enkontru ho nia estrutura, iha Sala-Videokonferénsia UNTL nian, Díli (03/04), hodi deskuti kona-ba desizaun atu estende preskrisaun ba estudante UNTL inativu ba fulan neen tan.
Objetivu husi enkontru ne'e, estrutura deskuti ona katak, Sistema Preskrisaun ne'ebé sei estende to'o fulan neen, hahú husi fulan Abril to'o fulan setembru tinan 2024, hodi fó tan oportunidade ba estudante sira ne'ebé seidauk halo readmisaun, bele hakbesik ba universidade.
Partisipa iha enkontru ne'e Visereitór, Proreitór, Diretór Jerãl, Diretór Nacional no Dekanu husi Fakuldade sia (9).