- Detalhes
- Escrito por Mateus Goncalves
- Visualizações: 165
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D, simu doasaun livru ho títulu hamutuk hitunulu (70) husi Embaxadór Japaun iha Timor-Leste Mr. Tetsuya Kimura, iha sala Biblioteka Sentral UNTL, Díli (20/03).
Iha entrevista Reitór agradese ba Embaxadór Jepaun ba laran luak hodi oferese livru mai UNTL, ho doasaun livru hirak ne’e bele hariku liutan universidade nia kolesaun livru iha biblioteka nomós bele fasilita estudante no profesór sira ne’ebé iha interese atu halo leitura iha Língua Japaun.
“Doasaun livru hirak ne’e hanesan oportunidade diak ida ba estudante no ema hirak ne’ebé iha interese atu halo literatura nomós hakarak koñese kultura sosiedade Japaun nian, bele mai asesu livru hirak ne’e iha biblioteka UNTL”, dehan Reitór.
Iha diskuru Embaxadór Japaun Mr. Tetsuya Kimura senti kontente, tanba bele oferese livru hitunulu (70) husi projetu Read Japaun nian ba UNTL liuhusi livru hirak ne’e bele kontribui ba estudu Japones iha UNTL.
“Ha’u espera katak livru hirak ne’ebé oferese ko’alia kona-ba imajen Japaun nian, nune’e bele ajuda estudante, peskisadór no profesór sira hodi promove komprensaun mútua entre Timor-Leste no Japaun”, hatutan Embaxadór.
Livru livru ho títulu hamutuk hitunulu (70) ne’e kobre iha área barak inklui Polítika Japaun nian, Relasaun Internasional, Ekonomia, Jestaun, Sosiedade, Kultura no História.
Partisipa iha serimonia ne’e Visereitór, Proreitór, Dekanu, Dosente no Funsionáriu inklui estudante sira.
Média UNTL:
Mario Jonio Mendonça
Mario Jonio MendonçaFoto:
Agustinho da Cruz e Silva
Agustinho da Cruz e Silva- Detalhes
- Escrito por Mateus Goncalves
- Visualizações: 178
Universidade Nacional Timor Lorosa’e (UNTL) nia Reitór UNTL Profesór dr. João Soares Martins MPH, Ph.D ho nia ekipa aprezenta relatóriu ezekusaun Orsamentu Jeral Estadu (OJE) 2023 nian ba Komisaun G Parlamentu Nasional (PN) ne’ebé trata asuntu Edukasaun, Joventude, Kultura no Sidadania, iha Sala-reuniaun Komisaun G nian, Díli (20/03).
Iha entrevista Reitór UNTL hatete, UNTL nia prezensa atu responde ba konvite husi komisaun G PN ne’ebé mak husu aprezenta relatóriu ezekusaun OJE 2023 nian ba komisaun.
“Enkontru ne’e responde ba konvite husi Prezidente Komisaun G PN nian, ne’ebé konvida UNTL mai aprezenta ezekuzaun OJE trimestre dahaat (4) husi OJE 2023 nian, maibé ohin ami aprezenta kedas total ezekusaun OJE 2023 nian katak, ezekusaun em jerál iha tinan 2023 nian, ami atinji 93.09% husi OJE ne’ebé mak Governu aloka mai UNTL”, hateten Reitór.
Reitór hatutan OJE 2023 ne’e aloka ba programa tolu mak hanesan (1) Boa Governasaun no Jestaun Institusional, (2) Edukasaun no Formasaun, (3) Igualdade Jéneru no Inklusaun.
Enkontru ne’e akompaña husi Visereitór ba Asuntu Administrasaun, Finansas no Administradór Jeral UNTL, Prof. Dr. Helio A. da Cos Xavier Mauquei, Proreitór ba Asuntu Planemameamentu, Monitorizasaun no Avaliasaun Prof. Dr. Nelson Salsinha, Diretór Nasional Planu Finansas, Sr. Egidio do Santos Filipe no Prezidente Komisaun G PN Armando dos Santos Lopes ho nia membru sira.
Média UNTL: Agostinho da Cruz
Agostinho da CruzFoto: Domingos Amaral
Domingos Amaral- Detalhes
- Escrito por Mateus Goncalves
- Visualizações: 131
Univesidade Nacional Timor Lorosa’e (UNTL) liuhusi Gabinete Visereitoria ba Asuntu Estudantís (GVRAE) nia Xefe Departamentu Estudantís Alumni no Empregabilidade Sr. Elvino Alves Correia, prezide reuniaun ho Assosiasaun Akadémika Estudantil Fakuldade (AAEF) sira, hodi deskute eleisaun estrutura foun assosiasaun nian.
Eventu ne’e hala’o iha Gabinete Visereitoria ba Asuntu Estudantís, Kampus Sentral, Díli (19/03), ho objetivu atu deskute kona-ba preparasaun eleisaun Assosiasaun Akadémika Estudantíl Fakuldade (AAEF) ba períodu 2024-2026 nian ne’ebé sei realiza iha fulan Maiu tinan ne’e.
Eleisaun ne’e sei halo hodi hili Orgaun Reuniaun Jerál Alunu, Orgaun Diresaun Ezekutivu, Orgaun Konsellu Fiskal.
Partisipa iha reuniaun ne’e Presidente Senadu Jeral, Cristovão Mau-To no Prezidente AAEF no reprezentante husi fakuldade sira.
Média UNTL: Laurindo da Cruz Gomes
Laurindo da Cruz GomesFoto: Laurindo da Cruz Gomes
Laurindo da Cruz Gomes- Detalhes
- Escrito por Mateus Goncalves
- Visualizações: 170
Universidade Nacional Timor Lorosa’e (UNTL) liuhusi Center Korean Studies (CKS) nia Koordenadór Sr. Jose da Costa Viegas, iha nia knaar fatin Kampus Canto Resende, Díli (19/03) hatete, iha tinan 2024 ne’e sentru nia foka iha parte haat (4) ne’ebé sai prioridade hodi implementa.
‘’Iha tinan ida -ne’e ami iha planu prioridade haat (4) mak sei realiza hanesan (1) fornese kursu língua Korea ba estudante sira iha UNTL, (2) atividade Historia Moderna Korea (3.) Special Lecture (4.) kolabora ho FEAH hodi fó treinamentu língua Korea ba estudante sira’’, dehan Koordenadór.
Koordenadór ne’e mós hatutan, CKS fornese kursu língua korea ba estudante hotu iha UNTL nian atu bele kapasita estudante sira bele iha koñesementu iha língua Korea nian no aplika ba oportunidade sira.
Estudante ativu iha CKS hamutuk 50 mak dadaun ne’e partisipa ativu iha atividade CKS nian no nain 20 resin mak hetan ona oportunidade partisipa ona atividade interkámbiu iha Korea.
Média UNTL: Laurindo da Cruz Gomes
Laurindo da Cruz GomesFoto: Laurindo da Cruz Gomes
Laurindo da Cruz Gomes- Detalhes
- Escrito por Mateus Goncalves
- Visualizações: 173
Universidade Nacional Timor Lorosa’e (UNTL) konvida Sivitas Akadémika tomak UNTL nian atu mai partisipa iha Via-Sakra ne’ebé sei realiza iha Sexta-feira, 22 fulan-Marsu 2024, oras tuku 15:00 Otl, fatin Jardim 5 de Maio, Colmera-Dili.