- Detalhes
- Visualizações: 310
#TimorLeste #UNTL #MESSK #BNCTL 25 Janeiru 2022
Universidade Nacional Timor Lorosa'e (UNTL) nia Magnífiku Reitór, Profesór dr. João Soares Martins MPH, Ph.D, partisipa asina Memorandu Entendimentu (MoU) entre Ministériu Ensinu Superiór, Siénsia no Kultura (MESSK) no Banco Nacional do Comércio de Timor-Leste (BNCTL) kona-ba liña Kréditu "Ensinu Superiór Kualidade+", iha Salaun Novo Turizmu, Díli (25/01).
Asina nota entendimentu ne'e ho objetivu atu fasilita kréditu ba Ensinu Superiór sira iha Timor-Leste ne’ebé asesu ba BNCTL hodi kontribui ba hadia kualidade akadémiku nian iha futuru.
Partsipa iha serimónia ne'e, Ministru Koordenadór ba Asuntu Ekonómiku, S.E. Eng. Joaquim Amaral, Ministru Ensinu Superiór, Siénsia no Kultura, S.E. Longuinhos dos Santos, Magnífiku Reitór no Prezidente Institutu Públiku no Privadu sira.
Média UNTL 📝 : Agostinho da Cruz e Silva
Foto 📷 : Moises do Rego
- Detalhes
- Visualizações: 383
#TimorLeste #UNTL #GabCEDU #MESSK #COVID19 #COVID19TL 24 Janeiru 2022
Universidade Nacional Timor Lorosa’e (UNTL) nia Magnífiku Reitór, Profesór dr. João Soares Martins, MPH, Ph.D, ho ekipa Gabinete Sertifikasaun Dosente Universitáriu (GabCEDU), aprezenta progressu no planu servisu GabCEDU nian ba Ministru Ensinu Superiór, Siénsia no Kultura (MESSK), S.E. Longuinhos dos Santos, iha salaun enkontru MESSK, (24/01).
Magnífiku Reitór iha introdusaun hateten, promosaun dosente universitáriu UNTL nian, planu hamutuk entre Universidade ho Ministériu rasik atu promove grau ba dosente sira.
“Ajenda kona-ba promosaun dosente ne’e, planu hamutuk entre MESSK ho UNTL atu garante profisaun kareira dosente iha universidade sira, nune’e mós parte ida atu promove grau dosente sira-nian”, tenik Reitór.
Reitór agradese ba resposta pozitivu husi S.E. Ministru Ensinu Superiór, Siénsia no Kultura ne’ebé atu apoiu nafatin ba planu ida ne’e.
Iha fatin hanesan, Ministru Ensinu Superior, Siénsia no Kultura, S.E. Longuinhos dos Santos hato’o ba Mangífiku Reitór ho Ekipa GabCEDU nian, ne’ebé aprezenta servisu Gabinete nian durante ne’e. 
“Agradese ba GabCEDU ne’ebé ohin konsege apresenta progressu servisu Gabinete nian, depois bainhira submete ona dokumentu mai Ministériu, ha’u hatun ba asesór sira atu analiza detallamente, tuir mai mak ha’u sei enkontru ho Sr. Reitór”, tenik Ministru. 
Partisipa iha aprezentasaun ne’e, Proreitór ba Asuntu Planeamentu, Monitorizasaun no Avaliasaun, Profesór Nelson Salsinha, Ph.D, Diretór-Jerál GabCED, Profesór Doutór Rui da Cruz, ho nia membru estrutura sira, Diretora-Jerál Ensinu Superiór no Siénsia, Dra. Maria Filomena Lay Guterres, no ekipa tékniku no konvidadu sira.
Média UNTL 📝 : Agostinho da Cruz e Silva
Foto 📷 : Pio Belo Ximenes
- Detalhes
- Visualizações: 566
#TimorLeste #UNTL #COVID19 #COVID19TL 20 Janeiru 2022
Universidade Nacional Timor Lorosa’e (UNTL) nia Magnifiku Reitór, Profesór Doutór João Soares Martins MpH, PHD, halo abertura ba sorumutuk distribuisaun Orsamentu Jerál Estadu (OGE-2022) ba Fakuldade, Diresaun no Unidade sira atu ezekuta bazeia ba dekretu lei nu.1/2022 ne’ebé dekreta ona husi Prezidente Repúblika Timor-Leste, iha Auditóriu-Liceu UNTL nian, Díli (17/01).
“Agradese tebes ba Visereitór ba Asuntu Administrasaun Finansas no Administradór-Jerál nomós Proreitór ba Planeamentu Monitorizasaun no Avaliasaun nian, tanba bele prepara sesaun ida ne’e, maibé husu ita atu la haluha hatama relatóriu trimestrál nian ba Governu, agradese ba mós ba estrutura sira hotu tanba ita konsege ezekuta OGE 2021 to’o 81.39%, tanba ne’e tenke ezekuta ona planu sira liuliu atividade primeiru trimestre ba 2022” tenik Reitór.
Iha fatin hanesan, tuir Visereitór ba Asuntu Administrasaun Finansan no Administradór-Jerál, Profesór Hélio A.X Mauquei, Ph.D, hatete, distribuisaun Orsamentu Jerál Estadu 2022 nian ho total $ milaun sanulu resin neen resin ba estrutura universidade nian, inklui Fakuldade, Unidade, Diresaun sira.
“Ohin ita distribui OGE-2022 nian bazeia ba dekretu lei Nu.1/2022 ne’ebé dekreta husi Prezidente Repúblika Timor-Leste, tanba ne’e UNTL nia OGE-2022 ($ milaun sanulu resin neen resin) ne’ebé aprovasaun ikus husi Parlametu Nasional no promulgadu ona”, dehan Dr. Hélio.
Partisipa iha sorumutuk ne’e Visereitór, Proreitór, Diretór Jerál, Diretór Nasionál, Diretór Sentru sira, Dekanu, Visedekanu no Xefe Departamentu sira.
Média UNTL 📝 : Leonia de A. Da Costa
Foto 📷 : Pio Belo Ximenes
- Detalhes
- Visualizações: 361
#TimorLeste #UNTL #OsakaGas 24 Janeiru 2022
Uiversidade Nacional Timor Lorosa’e (UNTL), nia estudante na’in tolu nulu (30) ne’ebé selesionadu ho prestasaun akadémika di’ak, hetan bolsu-estudu husi Fundasaun Osaka Gas (Osaka Gas Foundation of International Cultural Exchange), Japaun 🇯🇵, liuhusi kooperasaun ho Japan International Cooperation Agency (JICA). 
Iha Auditóriu Fakuldade Enjeñaria, Siénsia no Teknolojia (FECT) UNTL nian, Díli (21/01), Magnífiku Reitór, Profesór dr. João Soares Martins, MPH, Ph.D, hateten bolsu estudu husi Osaka Gas Foundation, hala’o dezde 2013, no sei kontinua to’o 2024 no kada tinan oferese bolsu estudu ba estudante na’in 30.
“Ita entrega tan bolsu-estudu ne’e ba na’in tolu nulu ne’ebé selesionadu ho valór di’ak ho intensaun atu bele eleva sira-nia koñesimentu iha área Enjeñaria nian nune’e ba futuru bele kontribui ba dezenvolvimentu Siénsia no Teknolojia iha Timor-Leste liuhusi estudu ne’ebé Fakuldade oferta”, hatutan Reitór.
Iha fatin hanesan, reprezentante Embaixadór Japaun nian iha Timor-Leste, S.E Sra Kazumi Yamada, hato’o parabéns ba bolseiru sira no Japaun hakarak oferese oportunidade ida refere ba UNTL liuliu FECT nune’e bele aprende no hasa’e kapasidade iha área Enjeñaria nian.
“Agradese ba kooperasaun ida ne’e hodi tulun joven sira, liuliu hasa’e kapasidade umana iha area ida-idak nian no dezesu atu estudante sira bele uza oportunidade ne’e ho di’ak nune’e bele kontribui ba UNTL nomós ba Timor-Leste”, tenik reprezentante.
Proreitora ba Asuntu no Kooperasaun, Profesora Doutora Lídia Gomes, hateten bolsa interna ne’e fó husi Osaka Gas Foundation no kritéria mak sira tenki iha valór mínimu 3,0 nomós tenki domina língua inglés no portugés. 
“Estudante sira na’in 30 ne’e, feto 15 no mane na’in 15, bolsa ne’e atu enkoraza nafatin estudante sira atu estuda maka’as no mantein nafatin ho imi-nia valór ne’ebé iha nune’e bele kompete, hodi kontinua hetan iha tinan oin mai”, tenik Proreitora.
Partisipa husi Visereitora ba Asuntu Estudantís (VRAE), Profesora Eng.ª Lígia Tomás Correia, M.Sc, Dekanu Fakuldade Enjeñaria Siénsia no Teknolojia, Profesór Adalfredo G. da Silva Ximenes, M.Eng, Diretora-Jerál Ensinu Superiór no Siénsia, MESSK, Dra. Maria Filomena Lay Guterres, Reprezentante JICA iha Timor-Leste, Sr. Ko Goto P.E, Dosente, Estudante, inklui konvidadu sira.
Média UNTL 📝 : Denilson Amandio Barros
Foto 📷 : Denilson Amandio Barros
- Detalhes
- Visualizações: 293
#TimorLeste #UNTL #MinistériodasFinanças 18 Janeiru 2022
Universidade Nacional Timor Lorosa'e (UNTL) nia Magnífiku, Reitór Profesór dr. João Soares Martins MPH, Ph.D, akompaña husi Visereitór, Proreitór no Diretór Nasionál sira partisipa iha sesaun traballu ba diseminasaun regra no prosedimentu utilizasaun veíkulu Estadu nian, iha Auditóriu Kay Rala Xanana Gusmão, Ministério das Finanças, Díli (18/01).
Objetivu husi diseminasaun ne’e, relasiona ho regra foun kona-ba utilizasaun veíkulu Estadu nian ne’ebé sei bandu funsionáriu públiku sira lori fila ba uma iha oras almosu no oras sai servisu nian.
Partisipa iha diseminasaun ne'e Visereitór ba Asuntu Administrasaun Finansa no Administradór-Jeral, Profesór Helio A. da C. X. Mauquei Ph.D, Proreitór ba Asuntu Planeamentu, Monitorizasaun no Avaliasaun, Profesór Nelson Salsinha Ph.D, Diretór Nasionál Lojístika, Sra. Fátima Odete Monteiro, no responsável husi instituisaun estadu sira seluk.
Média UNTL 📝 : Agostinho da Cruz e Silva
Foto 📷 : Agostinho da Cruz e Silva