- Detalhes
- Escrito por Mateus Goncalves
- Visualizações: 226
Universidade Nacional Timor Lorosa’e (UNTL) nia Faculdade de Ciências Sociais (FCS) realiza semináriu ho tema “Disiplina Utilizasaun Transporte no Sinais Tránzitu ba estudante foun sira iha ámbitu orientasaun akadémika 2024” iha Kampus Kaikoli, Díli (8/03).
Superentedente Asistente Polisia Komandante Sr. Luis Da Costa hatete, violasaun ne’ebé akontese kada fulan sempre husi alin estudante sira, portantu iha biban ne’e, mai fahe informasaun kona-ba oinsa utiliza di’ak estrada públiku ho sinais Tránzitu.
‘’Violasaun ne'ebé akontese kada fulan no loron sempre mai husi alin estudante sira, portantu biban ida-ne'e maka ami hakarak fahe ba imi, kona-ba oinsa imi bele utiliza di'ak estrada públiku no lei ho kódigu estrada nian”, dehan Sr. Luis.
Oradór mós konvida estudante sira atu labele kontra ka viola regra no lei kódigu estrada ne'ebé maka vigora ona. Nune’e prevene atu labele mosu asidente ne'ebé rezulta ema lakon vida, kanek todan no kanek kaman.
"Ha’u husu ba estudante sira atu bele utiliza didi’ak dalan públiku tuir regra no sinais ne’ebé iha. Husu atu bele respeita mós ema seluk ne’ebé uza estrada públiku liuliu ema sira ne’ebé lao ain’’ hatutan.
Média UNTL 
: Aniceto A. dos Santos/ Nazaria de Jesus da Conceição/Auxilia Fátima da Costa
: Aniceto A. dos Santos/ Nazaria de Jesus da Conceição/Auxilia Fátima da CostaFoto 
: Aniceto A. dos Santos /Nazaria de Jesus da Conceição/Auxilia Fátima da Costa
: Aniceto A. dos Santos /Nazaria de Jesus da Conceição/Auxilia Fátima da Costa- Detalhes
- Escrito por Mateus Goncalves
- Visualizações: 213
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, partisipa iha komemorasaun loron Internasionál Feto, ho tema" Investe na Mulher Acelera o Progresso", ne'ebé organiza husi Gabinete Visereitora ba Asuntu Estudantís, hamutuk ho UN Women no Korea International Cooperation Agency (KOICA).
"Parabéns ba feto timoroan hotu nomós iha rai laran no rai liur. Universidade agradese ba UN Women no KOICA ne'ebé servisu hamutuk ho Gabinete Visereitora Estudantís nian hodi realiza atividade kompetisaun TikTok ba estudante sira nune'e joven sira bele adapta ho progresu teknolojia média nian", Reitór dehan iha Auditóriu, Ministériu Transporte e Comunicação nian, Kaikoli Díli, (08/03).
Reitór mós hatutan kompetisaun TikTok ne'e hanesan maneira ida atu halo promosaun ba atividade sira liuliu iha ligasaun kona-ba kestaun promove kampus seguru hodi livre husi asaun violénsia sira, liuliu violénsia bazeia ba jéneru no asédiu seksuál, atu bele kombate injustisa ne'ebé mosu iha sosiedade no iha universidade.
Iha serimónia ne'e mós entrega premiu no sertifikadu ba kompetitor TikTok sira, no iha kompetisaun ne'e, Faculdade de Agricultura sai nu'udar I lugar, Faculdade de Medicina Ciência Saúde II, no Faculdade de Direito III lugar.
Partisipa husi Visereitora ba Estudantís, Profesora Lígia Tomás Correia, Programme Manager UN Women, Ms. Nuntana Tangwinit, County Director KOICA nian iha Timor-Leste, Ms. Younhwa Kang, funsionáriu, konvidadu no estudante sira.
Média UNTL: Denilson Amandio Barros
Denilson Amandio BarrosFoto: Denilson Amandio Barros
Denilson Amandio Barros
- Detalhes
- Escrito por Mateus Goncalves
- Visualizações: 302
Universidade Nacional Timor Lorosa’e (UNTL), nia Faculdade de Turismo Artes Indústrias Criativas e Culturais (FTAICC), konvida Inspetór Polísia, Departamentu Tránzitu nian, Sr. Arnaldo da Costa da Conçeição, hodi sosializa informasaun relasiona ho kódigu estrada rodaviáriu ba estudante sira, iha resintu Kampus FTAICC nian, Díli (08/03).
Iha intervensaun inspetór ne’e esplika ba estudante sira kona-ba Lei Kódigu estrada rodaviáriu tuir dekretu lei nú 6/2003 3 de Abril, lei ida ne’ebé hatur kona-ba ema nia vida, bainhira utiliza transporte públiku.
“Ami mai atu partila informasaun ba ita boot sira kona-ba seguransa iha públiku, bainhira ita boot sira uza karreta ho motorizada sirkula iha via-públiku atu kumpri no respeita sinais tránzitu. Nomós tenke iha karta kondusaun inklui asesores kompletu bainhira uza transporte, nune’e labele selu koima ba kofre estadu.
Ba ita hotu, liuliu alin estudante sira bainhira uza transporte públiku karik tenke kumpri no la bele viola kódigu estrada no tenke uza kapasete, tanba ema nia ulun la faan iha loja”, hateten Sr. Arnaldo.
Sosializasaun realiza iha orientasaun akadémika ba daruak nian hetan akompañamentu másimu husi dekanu fakuldade ho nia estrutura, komisaun organizadora, nomós estudante sira.
Média UNTL: Domingos Amaral
Domingos AmaralFoto: Domingos Amaral
Domingos Amaral- Detalhes
- Escrito por Mateus Goncalves
- Visualizações: 204
Universidade Nacional Timor Lorosa’e (UNTL) nia Proreitór ba Asuntu Planeamentu, Monitorizasaun no Avaliasaun, Profesór José Nelson Salsinha, iha resintu kampus FEG nian, Díli (07/03), hato’o bemvindu ba estudante foun na’in (267) ne’ebé konsege admitidu mai UNTL iha tinan 2024.
“Bemvindu ba estudante foun sira, tanba admitidu mai uma mahon UNTL, iha ema barak ne’ebé kompete atu tama iha universidade ne’e, infelismente la admitidu tan ne’e imi hirak ne’ebé selesionadu, tenki aproveita estudu didiak iha únika universidade públika ne’ebé kualidade no baratu iha Timor-Leste’’, dehan Profesór.
Iha fatin hanesan Vise-Dekanu Faculdade de Economia e Gestão, Profesór Ananias Barreto louva tebes ba hirak ne’ebé kompete konsege tama iha UNTL, nune’e ba oin tenki prienxe rekezitu ne’ebé mak universidade iha liuliu FEG atu bele termina estudu ho di’ak.
“Estrutura fakuldade nian louva tebes imi, tanba bele hetan opurtunidade hodi tama iha universidade atu kontinua estudu, tanba estudante seluk hakarak tama maibé laiha oportunidade ne’e duni husu ba imi atu esforsu an hodi bele termina estudu ho di’ak”, dehan Vise-
Dekanu.
Dekanu.Total estudante ne’ebé partisipa iha orientasaun Akadémika ne’e hamutuk na’in 267 kompostu husi departamentu tolu mak hanesan Departamento de Gestão, Departamento Acontabilidade, Departamento de Ciências de Economia.
Média UNTL: Dionisia Soares Martins
Dionisia Soares MartinsFoto: Natalino Gosya Soares & Komisaun ba orientasaun FEG
Natalino Gosya Soares & Komisaun ba orientasaun FEG- Detalhes
- Escrito por Mateus Goncalves
- Visualizações: 210
Universidade Nacional Timor Lorosa’e (UNTL), nia Dekanu Faculdade de Ciências Sociais (FCS) Profesór Alarico da Coata Ximenes, halo abertura orientasaun akadémika tinan letivu 2024 ho tema “Efetividade Prosesu Aprendizajen iha FCS-UNTL’’. Abertura ba orientasaun ne'e realiza iha Kampus Kaikoli, Dili (7/03).
Iha okaziaun ne’e Professor Alarico da Costa Ximenes hatete, orientasaun ne’e atu forma estudante sira-nia an hodi koñese ambiente universidade, liuliu fakuldade nian, hodi prepara-an ba futuru nasaun ni'an liuhusi hakas-an no estuda didi'ak.
"Imi mak futuru Timor-Leste nian, tanba ne'e alin estudante sira utiliza tempu ne’e ho di'ak hodi aprende, estuda atu bele dezenvolve rai ne’e, ha'u hein katak 2028 mandatu remata espera imi mós bele finaliza imi-nia estudu iha Lisensiatura iha fatin ida-ne'e", dehan Profesór Alarico.
Iha fatin hanesan, Prezidente Asosiasaun Estudante (AAF-FCS) Arâo Vital hateten, iha nia mandatu ba tinan 2 nia laran realiza atividade barak tebes hodi promove no fó biban ba estudante sira hodi eleva sira-nia kapasidade no matenek nune’e bele sai ema di’ak.
"Iha ha'u-nia mandatu ho ha'u nia estrutura AAE-FCS halo atividade barak tebes, hodi promove maluk estudante sira, tanba ami-nia servisu mak oinsá atu haree ba probléma ne'ebé estudante sira hasoru. Fasilita mós maluk estudante sira hodi aplika sira-nia talentu atu bele kompete iha fakuldade no universidade’’, dehan Senadu.
Total estudante foun 2024 FCS nian ne’ebé partisipa iha orientasaun akadémika ne’e hamutuk na’in atus neen sanulu resin neen (616).
Média UNTL : Aniceto A. dos Santos/ Nazaria de Jesus da Conceição/Auxilia Fátima da Costa
: Aniceto A. dos Santos/ Nazaria de Jesus da Conceição/Auxilia Fátima da CostaFoto : Aniceto A. dos Santos /Nazaria de Jesus da Conceição/Auxilia Fátima da Costa
: Aniceto A. dos Santos /Nazaria de Jesus da Conceição/Auxilia Fátima da Costa