- Detalhes
- Escrito por Mateus Goncalves
- Visualizações: 150
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, enserra formasaun Téknika Bázika Bibliotekonomia, ne'ebé fasilita husi Agência Brasileira de Cooperação (ABC), iha Kampus Sentrál UNTL nian, Díli (07/03).
Formasaun Téknika Bázika Bibliotekonomia ne'e tarjetu ba funsionáriu sira Diresaun Nasionál Jestaun Biblioteka (DNJB) nian, atu hatene no koñese liután kona-ba área bibliotekonomia nian, nune'e bele halo prátika no servisu exelénsia iha saladeaula nomós universidade.
Formasaun ne'e, hala'o durante semana tolu hahú husi, 13 Fevereiru to'o 7 Marsu 2024, no partisipa husi formandu DNJB nian na’in tolunulu (30).
Iha eventu distribuisaun sertifikadu ba formandu sira ne’e, partisipa husi Dekanu (FEAH), Profesór Dr. Teodoro Soares, Formadora Agência Brasileira de Cooperação, Dra. Camila Monteiro de Barros, Diretór Nasionál Jestaun Biblioteka, José Francisco Mendes, Profesór sira husi (ABC-Brazil) no Funsionáriu DNJB nian.
Média UNTL 
: Denilson Amandio Barros
: Denilson Amandio BarrosFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 171
Universidade Nacional Timor Lorosa’e (UNTL) nia estudante foun na’in hitunulu resin tolu (73) husi Faculdade de Filosofia Ciência Humana (FFCH) partisipa iha orientasaun akadémika ho tema “Formar Universitário Responsáveis, Produtivos, Inovativos, Conscientes na Era de Digitalização, iha kampus Sentral, Díli (07/3).
Liuhusi sesuan abertura Dekanu Interinu FFCH nian, Profesor Luis Maia hatete, estudante sira tenki aproveita didi’ak tempu ne’e hodi hetan informasaun husi oradór sira hodi bele hetan koñesimentu atu bele muda mentalidade ambienta universidade nian.
“Ha’u husu estudante sira atu aproveita tempu ida-ne’e hodi rona informasaun husi oradór sira hodi haklean liután koñesimentu no muda imi-nia mentalidade, hanoin no karakter iha nível universitáriu nian’’, dehan Profesor Luis.
Dekanu Interinu ne'e mós hato’o bemvindu ba estudante foun sira no husu estudante atu uza oportunidade durante loron tolu hodi integra a’an iha atividade orientasaun ne’e ho másimu atu bele aprende buat foun.
“Ne’e hanesan inísiu jornada akadémika ba imi-nia estudu, nune’e liuhusi atividade ne’e bele hatene di'ak liu perfil, vizaun no misaun universidade nian no koñese mós estrutura fakuldade nian’’.
Atividade refere partisipa husi dosente, funsionáriu, Asosiasaun Akadémika Estudantíl nian no estudante foun sira.
#TimorLeste # UNTL #FFCH 07 Marsu 2024
Média UNTL: Eugenia de Jesus
Eugenia de JesusFoto: Antoneta Ximenes/Serginho da Costa
Antoneta Ximenes/Serginho da Costa- Detalhes
- Escrito por Mateus Goncalves
- Visualizações: 177
Universidade Nacional Timor Lorosa'e (UNTL), nia Faculdade de Engenharia Ciências e Tecnologia (FECT), kovida oradora Eng. Ermenegilda Laurentina da Costa, husi Instituto de Gestão de Equipamentos e Apoio ao Desenvolvimento Infraestuturas (IGEADI), sai oradora iha orientasaun akadémika ho tema "Importánsia Partisipasaun Feto iha Mundu Enjeñaria ba Dezenvolvimentu Nasional", iha Auditoriu (FECT) Hera, Díli (07/03).
Oradora kongratula estudante foun sira tinan 2024 nian, liuliu ba estudante feto sira ne'ebé desidi hodi kontinua estudu iha FECT hodi prepara Enjeñaria iha Timor-Leste.
"Ha’u mós uluk eskola iha fatin ne'e foti área Enjeñaria Mekánika, nune'e alin sira lalika tauk atu estuda iha área ne'e, importante mak aproveita didi’ak no foti dezafiu sira sai hanesan oportunidade no hakas-an estuda makas, tanba atu dezevolve rai ne'e ba oin presiza mós kontribuisaun husi ita boot sira", dehan Eng. Ermenegilda.
Oradora ne'e mós salienta liután katak, feto prontu atu lidera, tan ne'e presiza kontribuisaun feto nian ba dezenvolvimentu nasionál, liuliu iha área enjeñaria nian no tenki marka diferensa ho fakuldade sira seluk.
“Iha okaziaun ne’e husu ba alin estudante sira aproveita oportunidade no estuda makas hodi alkansa meta hanesan enjeñeru ka enjeñeira iha futuru”, solisita.
Atividade ne'e partisipa husi dosente, Asosiasaun Akadémika Estudantíl FECT nian, Komisaun organizadora no estudante foun sira.
- Detalhes
- Escrito por Mateus Goncalves
- Visualizações: 160
Universidade Nacional Timor Lorosa’e (UNTL) nia Proreitoria ba Asuntu Provedoria no Akonsellamentu (PRAPA), halo sosializasaun kona-ba servisu akonsellamentu nian ba estudante Faculdade de Medicina e Ciência da Saúde, iha ámbitu orientasaun akadémika tinan letivu 2024, iha Auditóriu FMCS nian Lahane-Díli, (7/03).
Objetivu husi sosializasaun ne’e atu tulun estudante foun sira bele koñese servisu akonsellamentu nian iha universidade, hodi atende ba (estudante no funsionáriu) no sívitas akadémika UNTL nian, bainhira sira hasoru problema iha estudu, moral, no seluk tan bele ba iha PRAPA no liuliu mós kona-ba asediu seksuál no violénsia bazeia ba jéneru nian.
Partisipa iha atividade ne’e visedekanu, korpu dosente, senadu fakuldade no komisaun organizadora ba orientasaun akadémika nian inklui estudante foun sira.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 191
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, hamutuk ho estrutura halo abertura ba orientasaun akadémika tinan 2024, nian ho tema “Formar Universitário Responsáveis, Produtivos, Inovativos, Conscientes e de Bom Carácter na Era de Dizitalização.
Abertura ne’e, hala'o iha Auditóriu FECT, Hera Díli (07/03), Reitór hato'o boas-vindas ba estudante foun sira ne'ebé integra ba estudante UNTL nian.
"Imi ne'ebé admitidu atu kontinua estudu iha UNTL ne'e, la fasil liuhusi prosesu selesaun ne'ebé rigor entre konkorente rihun sanulu resin rua (12.000), tan ne'e parabéns ba imi hotu ne'ebé sai hanesan mellór estudante eskollidu hodi kontinua estudu iha UNTL", dehan Reitór.
Reitór mós salienta tan katak orientasaun akadémika ne'e hanesan atividade rutina ne'ebé universidade realiza ho objetivu prinsipal atu akolla no aprenzenta regra, norma, karakteristika, rekursu no ambiente foun universidade nian.
Orientasaun ne'e, sei hala'o durante loron tolu (3), hahú iha 7 to'o 9 Marsu 2024.
Abertura orientasaun ne'e partisipa husi, Visereitór, Proreitór, Diretora Jerál, Diretóra Nasional, Dekanu, Vise-Dekanu, Dosente, Funsionári, Asosiasaun Estudante husi Fakuldade, no reprezentante estudante husi kada fakuldade ne'ebé ezizte iha UNTL .
Média UNTL : Denilson A. Barros, Mario Jonio Mendonça
: Denilson A. Barros, Mario Jonio MendonçaFoto : Agostinho da Cruz, Mario Mendonça
: Agostinho da Cruz, Mario Mendonça