- Detalhes
- Escrito por Mateus Goncalves
- Visualizações: 185
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph,D asina protokolu ho Diretór Jerál, Plural Editores Timor-Leste Dr. Paulo Calhau, iha Sala-Videokonferénsia, Díli (28/02).
Relasiona ho nota kooperasaun ne’e, liuhusi entrevista Proreitór ba Asuntu Kooperasaun Profesór Tomé Xavier Jerónimo, hateten asina akordu protokolu ne'e atu haree ba iha publikasaun no hakerek livru no disionáriu ba profesór sira-nia bazeia ba área ida-idak nian.
"Asina protokolu ne'e atu servisu hamutuk hodi envolve profesór sira liuliu ba iha publikasaun, nune'e ba oin ita hakarak halo publikasaun bele iha rekoñesimentu mundiál iha área siénsia nian", dehan Proreitór PRAC.
Iha sorin seluk, Diretór Jerál Plural Editores Timor-Leste Dr. Paulo Calhau hatete, objetivu husi asina protokolu ne'e atu koopera di'ak liután ho UNTL hodi halo revisaun ba manuál sira ne'ebé iha.
"Asina protokolu ne'e ha’u fiar katak ho asesu espesialista UNTL sira iha koñesimentu natoon hodi halo koresaun ba livru sira no daudaun ne'e ami prepara ona kondisaun hamutuk ho Ministériu Edukasaun atu kria livru foun espera bele akredita iha 2024", tenik Diretór.
Média UNTL 
: Denilson Amandio Barros
: Denilson Amandio BarrosFoto 
: Denilson A. Barros & Agostinho da Cruz
: Denilson A. Barros & Agostinho da Cruz- Detalhes
- Escrito por Mateus Goncalves
- Visualizações: 197
Universidade Nacional Timor Lorosa’e (UNTL) nia Proreitor para os Asuntos Coperação Profesór Tomé Xavier Jerónimo hamutuk ho Diretór Ezekutivu Fundo Desenvolvimento Capital Humano (DE-FDCH) Profesór Julio Aparício disemina informasaun ba estudante bolseiru kbiit laek UNTL nian, iha Auditoriu Faculdade de Ciência Exatas nian, Díli (28/02).
Iha abertura Profesór Tomé Xavier Jerónimo hatete, objetivu husi hasoru malu ne’e atu fó hatene kona-ba bolseiru sira-nia prosesu estudu liga ba progresu estudante sira-nian.
‘’Ita-nia hasoru malu ohin loron atu buka hatene kona-ba estudante bolseiru kbiit laek sira-nia prosesu no progresu estudu ne’e la’o oinsa no atu fahe ba sira formuláriu husi FDCH ba sira atu priexe. Nune’e bele hatene estudante ne’e aproveita duni ba bolsa ne’e ka lae no uza duni tuir nesesidade ba estudu ka lae?’’, dehan Profesór Tomé.
Iha fatin hanesan Diretór Ezekutivu Profesór Julio Aparicio hatete, enkontru ida ne’e atu haree estudante sira nia aproveitamentu ba bolsu ne’ebé atribui no sira-nia progresu iha estudu atu nune’e hodi buka solusaun.
"Enkontru ida ohin hanesan maneira ida ami atu buka tuir benefisiáriu tuir termu ne’ebé iha mak “Buka tuir Benefisiariu” (BTB) hodi hatene loloos estudante sira-nia aproveitamentu akadémiku ne’e to’o iha ne’ebé. Tanba iha kontratu hakarek estudante bolseiru tenki iha aproveitamentu akadémiku 75% karik kada semestre mak lato’o, governu bele hapara sira-nia kontratu’’, dehan Diretór FDCH.
Profesór Julio mós husu ba estudante sira atu estuda makaas hodi bele aproveita didi’ak ba opurtunidade ida ne’ebe governu oferese, tanba ema barak mak seidauk hetan opurtunidade ida ne’e no governu nafatin buka dalan atu bele fó benefisia ba estudante sira tuir kapasidade ne’ebé iha no nia mós husu atu hakas aan hodi bele atinje valór ne’ebé di’ak.
Partisipa iha diseminasaun ne’e ekipa tékniku FDCH nian, Xefe Departamentu no Assiténte tekniku PRAC inklui estudante bolseiru sira.
Média UNTL : Laurindo da Cruz Gomes
: Laurindo da Cruz GomesFoto : Mario Jonio Mendonça
: Mario Jonio Mendonça- Detalhes
- Escrito por Mateus Goncalves
- Visualizações: 227
Universidade Nacional Timor Lorosa’e (UNTL) nia, Magnifíku Reitór Profesór dr. João Soares Martins, MPH, Ph.D, partisipa iha reuniaun ho Profesora Margarida Isabel Mano Lopes, Presidente Associação Fórum da Gestão do Ensino Superior nos Países e Regiões de Língua Portuguesa (FORGES) husi Universidade Católica Portuguesa, iha Salaun MESSK nian Díli (27/02).
Objetivu husi reniaun ne’e ko’alia kona-ba preparasaun ba konferénsia Internasionál FORGES nian, ne’ebé sei realiza iha 2025 no Universidade tolu (Universidade Nacional Timor Lorosa’e, Universidade Dili no Universidade Católica Timorense) mak sei sai uma na’in ba konferénsia iha Timor-Leste.
Reuniaun ne’e prezidi husi S.E Ministru Ensinu Superior Siénsia no Kultura (MESSK), José Honório da C. P. Jerónimo, no partisipa husi Diretora Jeral Ensinu Superiór no Siénsia, Maria Filomena Lay Guterres, Reitór UNDIL José Agostinho da C. Belo, Reitór UCT Joel Casimiro da Costa Pinto no ekipa MESSK nian.
Média UNTL : Domingos Amaral
: Domingos AmaralFoto : Denilson A. Barros
: Denilson A. Barros- Detalhes
- Escrito por Mateus Goncalves
- Visualizações: 217
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, partisipa iha programa talk-show Governu Rona, iha GMNTV Studiu Bebora, Díli (28/02) ho tema" Mekanizmu Simu Estudante Foun no Prosesu Aprendisajen iha UNTL".
Talk show ne'e organiza husi GMN-TV no apoiu husi Sekretáriu Estadu Komunikasaun Sosial (SEKOMS), no fontes ba programa ne'e, Reitór UNTL, Profesór dr. João Soares Martins, reprezentante Sosiedade Sivíl, Feliciano Soares no modera husi André Paulo.
Média UNTL : Denilson Amandio Barros
: Denilson Amandio BarrosFoto : Denilson A. Barros & Leonia de Araújo
: Denilson A. Barros & Leonia de Araújo- Detalhes
- Escrito por Mateus Goncalves
- Visualizações: 200
Universidade Nacional Timor Lorosa'e (UNTL), liuhusi Inisiativa Kampus Seguru parseria ho UN Women liuhusi projeitu ‘Hamutuk ba Igualdade’ fundu husi @KOICA Timor-Leste organiza Kompetisaun Video Tiktok hodi promove seguransa iha kampus UNTL, ba selebrasaun Loron Internasionál Feto.
Tanba ne'e informa ba estudante UNTL husi Fakuldade hotu hotu ne'ebé bain-bain halimar Tiktok no hakarak atu halo advokasia ba Inisiativa Kampus Seguru?
informasaun detallu bele haree iha link https://drive.google.com/.../1qL-0MDJjMpjxKw... no buka imi nia kolega ida tan hodi forma ekipa ida kompostu husi ema nain rua (feto 1 no mane 1) hodi registu liu husi link iha okos ne’e:
@UNWomenTimor-Leste
@KoicaTimor-Letse
@Secretaria de Estadoda Igualdade -SEI