- Detalhes
- Escrito por Mateus Goncalves
- Visualizações: 184
Universidade Nacional Timor Lorosa’e (UNTL) liuhusi Diresaun Nasionál Aprovisionamentu (DNA), hakarak informa rezultadu konkursu ba fornesimentu atributu graduasaun nian.
Avisu kompletu hare iha aneksu
- Detalhes
- Escrito por Mateus Goncalves
- Visualizações: 210
Universidade Nacional Timor Lorosa’e (UNTL) nia Magnífiku Reitór Profesór dr. João Soares Martins MPH, Ph,D asina Protokolu ho Public Finance Management Organization (PFMO) ne’ebé finansia husi Instituto Camões nia Diretor de Serviços da Língua Sr. Rui Vaz, hodi entrega materiál didátika ba UNTL, iha Salaun Hotel Timor, Díli (23/02).
Objetivu husi akordu ho PFMO ne’e, atu entrega materiál didátika ba UNTL, hodi fasilita profesór no estudante sira bele utiliza materiál hirak ne’e, ba kursu ne’ebé relevante no iha ligasaun ho finansiamentu públika, liuliu ba Faculdade de Economia e Gestão, nomós bele ajuda parte finansas UNTL nian, hodi aprende no haree kestaun téknika balun ne’ebé iha relevansia ho materias didátika ne’e.
Matéria didátika ne’e kompostu husi plataforma ba ensinu distánsia, manuál 12 espesializada ba Auditoria Finanseira, Auditoria Sosiál, Kriminalidade Ekonómiku-Finanseira, Prevensaun no Investigasaun Kriminál.
Partisipa husi Visereitór ba Asuntu Akadémika no Garantia Kualidade, Profesór, Samuel Venâncio de Sousa Freitas, Embaxadora Portugal nian iha Timor-Leste, Sr. Manuela Bairos, dosente no konvidadu sira.
Média UNTL 
: Mario J. Mendonça
: Mario J. MendonçaFoto 
: Denilson A. Barros & Agostinho da Cruz
: Denilson A. Barros & Agostinho da Cruz- Detalhes
- Escrito por Mateus Goncalves
- Visualizações: 176
Universidade Nacional Timor Lorosa'e (UNTL) liuhusi Proreitoria ba Asuntu Dezenvolvimentu Instituisionál (PRADI) nia Jestór Projetu Sr. Fernão Soares Reis, M.Eng, iha Kampus Sentrál, Díli (23/02) informa katak, edifísiu foun Faculdade de Agricultura (FAGRI) nian iha Hera, parte PRADI halo ona levantamentu iha terenu no koordena ona ho kompañia konstrutór hodi hadia.
Tuir esplikasaun Jestor Projetu ne’e, PRADI halo ona levantamentu iha terenu no identifika katak, fondasi no sinta la rahun, iha ne’ebá akontese maka plester ba iha sinta parte kantilever maka la metin, no sei la fó impaktu direta ba estrutura edifísiu ne’e rasik.
“Ha'u agradese ba kolega ida ne'ebé espalla informasaun iha Media Sosial kona-ba Edifísiu Fagri ne'e. Ami PRADI koordena ona kompañia konstrutór no kompaña rasik hadia ona. Aleinde ne’e atu justfika mós katak rai ne’ebé kle’an ka monu ne’e, kauza husi udan been tun bebeik hodi hamout raihenek ne'ebé ita ateru iha parte sinta kantilever nia okos, ne’e la’ós iha fondasi uma nian. Ne’e duni, sei la fó impaktu direta ba fondasi”, dehan Sr. Fernão.
Sr. Fernão mós konfirma katak, validade ba kontrusaun (tempo retensaun) ne'e to'o tinan ida, karik iha tinan ida nia laran mak edifísiu ne'e iha problema ruma, kompañia bele hadia fila fali bazeia ba akordu.
Progressu durante konstrusaun bele hare iha link tuir mai: https://web.facebook.com/untl.edu.tl/posts/4835539316467415
Média UNTL : Leonia de A. da Costa
: Leonia de A. da CostaFoto : Leonia de A. da Costa
: Leonia de A. da Costa- Detalhes
- Escrito por Mateus Goncalves
- Visualizações: 185
Universidade Nacional Timor Lorosa’e (UNTL) liuhusi Faculdade de Economia e Gestão (FEG) nia Komunidade Joven ba Asaun Solidariedade (KJAS) realiza Kongresu daruak ho tema “Renovasaun Estatutu no Rejimentu Internu, no Eleisaun ba Estrutura Períodu 2024-2026, iha Auditóriu Faculdade de Engenharia Ciência e Tecnologia nian Hera, Díli (23/02).
Reprezentante Visereitora ba Asuntu Estudantís no atuál Xefe Departamentu Alumni Empregabilidade Sr. Elvino Alves hatete, kongresu ida-ne’e sei preside husi presidente meza hodi haree kona-ba estatutu no rejimentu ba organizasaun nian no sei apresia husi kongresista sira.
“Ha’u rona katak total membru sira hamutuk 500, ha’u fiar katak organizasaun ida ne’e sei prepara Timoroan sira ba solidariedade ba maluk sira seluk. Universidade liuhusi Gabinete Estudantíl sei apoiu nafatin ba atividade estudante nian iha organizasaun KJAS ne’e. Ha’u espera katak liuhusi atividade sira bele tulun di'ak liu iha sosiadade’’, dehan Sr. Elvino.
Vise-Dekanu Asuntu Estudantil FEG Profesór Aleixo Ximenes hatete, kongresu daruak ne’e atu hadia administrasaun no renova estatutu, regulamentu, rejimentu ba organizasaun nian hodi hala’o atividade sira no atividade sira ne’ebé la’o iha hotu senadu nia mahon.
‘’Ha’u mós iha obrigasaun atu kria estatuta para regula organizasaun ne’e liuhusi senadu no atu hahú ita sei troka estrutura foun atu servisu iha organizasaun KJAS hodi fortaleza ajuda liuhusi dadus hodi fó benefísiu ba komunidade no ba UNTL”, dehan Profesór Aleixo.
Tuir Prezidente Ezekutivu KJAS Carlos Filipe Fernandes Lopes Tilman Belo hatete, atividade kongresu ne’e kontinuasaun husi atividade ne’ebé hala’o ona hodi halo aprovasaun ba estatutu no rejimentu internu no estabele estrutura foun ba KJAS ba períodu 2024-2026 nian.
‘’KJAS apresia tebes ba parseria sira mak durante servisu hamutuk hodi hala’o atividade sira tuir kondisaun no kbiit organizasaun nian. Atu garante existensia ne’e mak ita tenki kria kondisaun mak halo kongresu hodi bele kria regulamentu no rejimentu internu hodi regula atividade tuir ambiente fakuldade no universiade, atividade hotu ne’ebé hala’o iha komunidade reprezenta universidade no fakuldade nian’’, dehan Carlos.
Média UNTL : Laurindo da Cruz Gomes
: Laurindo da Cruz GomesFoto : Domingos Amaral
: Domingos Amaral- Detalhes
- Escrito por Mateus Goncalves
- Visualizações: 223
Universidade Nacional Timor Lorosa'e (UNTL) nia Magnífiku Reitór Profesór dr. João Soares Martins, MPH, Ph.D enkontru ho Diretór Ezekutivu Fundo de Dezenvolvimento Capital Humano (FDCH), Sr. Julio Aparicio ho Diretór Jerál Instituto Nacional Administação Publica (INAP) nian, Sr. Policarpo A. Boavida no Sekretária Ezekutiva Comição da Função Publica (CFP), Sra. Maria da C. Oliveira, iha Sala-Videokonferénsia UNTL nian, Díli (21/02).
Objetivu husi enkontru ne'e, Magnífiku Reitór rona ideia sira husi estrutura foun INAP, FDCH no CFP nian, relasiona ho programa bolsa estudu ba tinan 2024. Aleinde ne’e koalia mós kona-ba ezekusaun orsamentu no kritéria sira ne'ebé bolseiru sira tenke kumpri, liuliu dokumentu formal sira ne'ebé iha relasaun ho orsamentu.
Partisipa iha enkontru ne'e, ekipa husi INAP, FDCH, CFP no asisténte tékniku sira.
Média UNTL : Leonia de A. da Costa
: Leonia de A. da CostaFoto : Leonia de A. da Costa
: Leonia de A. da Costa