- Detalhes
- Escrito por Mateus Goncalves
- Visualizações: 284
Universidade Nacional Timor Lorosa’e (UNTL) nia Dekanu Faculdade de Economia e Gestão (FEG) Profesór Filipe X. Mendes halo abertura ba semináriu ho tema “Prontidaun Governu ba Implementasaun Padraun Kontabilidade Iha Timor-Leste” organiza husi Associação Estudantíl Departamento de Contabilidade nian, iha salaun Apuramentu CNE, Díli (28/2).
Profesór Mendes hateten, semináriu ida ne’e atu fornese informasaun no koñesimentu ba estudante sira oinsá atu uza estandar padraun kontabilidade iha Timor Leste.
“Ita hatene katak prespetiva padraun kontabilidade empreza ho governu nian la hanesan ho nune’e husu Governu atu estabelese padraun ida, hodi nune’e hafasil sosiedade sira hodi hatene klean konaba estandar padraun kontabilidade tamba padraun kontabilidade atu uniforma relatoriu ho fasil hodi kompriende”, hateten Dekanu FEG nian.
Esmeralda da Costa Martins, nu’udar estudante no partisipante hateten, semináriu ne’e bele hafanu estudante sira hodi hatene papel kontabilidade nian iha Timor-Leste liuhúsi setór privadu no setór publiku sira.
“Ha’u orgullu ho palestra ne’ebé aprezenta husi oradór sira, hodi fahe ona sira-nia koñesimentu kona-ba kontabilidade nian. Tanba liuhusi informasaun ida-ne’e bele hafanun ami estudante hodi kapasita no koñese papél kontabilidade nian, nune’e bele kontribui ba dezenvolvimentu nasaun nian”, tenik Esmeralda.
Partisipa husi estudante Faculdade de Economia e Gestão kompostu husi departamentu tolu mak Departamentu Jestaun, Kontabilidade no Siénsia Ekonomia.
Média UNTL 
: Eugenia de Jesus
: Eugenia de JesusFoto 
: Domingos Amaral
: Domingos Amaral- Detalhes
- Escrito por Mateus Goncalves
- Visualizações: 198
Universidade Nacional Timor Lorosa'e (UNTL) liuhusi Inisiativa Kampus Seguru servisu hamutuk ho UN Women fó treinamentu ba kompetitór na’in 25 ne'ebé rejistu ona atu tuir kompetisaun kona-ba kria video publisidade ida hodi halo advokasia ba hapara asédio seksuál no violénsia bazeia ba jéneru iha Kampus FCE, Dili, (01/03).
Objetivu husi treinamentu ne'e atu kapasita kompetitór sira aprende kona-ba Inisiativa Kampus Seguru, violénsia bazeia ba jéneru no asédio seksual nomós produsaun video antes ba iha faze dezenvolve video sira. Tanba kompetisaun Tiktok ne'e promove Inisiativa Kampus Seguru ba hapara violénsia bazeia ba jéneru no asédio seksual iha kampus liuhusi plataforma Tiktok hodi selebra loron Internasionál Feto iha loron 8 fulan Marsu.
Liuhusi Inisiativa Kampus Seguru, UNTL no UN Women parseria ona liuhusi projetu 'Hamutuk ba Igualdade fundu husi KOICA Timor-Leste hodi hatan ba problema asédio seksual no violénsia bazeia ba jéneru iha ambiente kampus nian.
Kompetitór sira ne’ebé partisipa hamutuk 25, kompostu husi Feto 14 no mane 11 husi Grupu 21.
Média UNTL : Leonia de Araújo da Costa
: Leonia de Araújo da CostaFoto : Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 239
"Timorese Academic Journal of Science and Technology (TAJST) is a National Scientific Journal that launched in September 2018 by the Faculty of Engineering Science and Technology of UNTL. The sixth (6) volumes previous were published which can be accessed here:
(http://fect.untl.edu.tl/tajst-tp.html) and it will be continuously published annually. The Seventh volume of the TAJST in the field multidisciplinary sciences in engineering is now calling for paper.
All the manuscripts should be submitted online at: Este endereço de email está protegido contra piratas. Necessita ativar o JavaScript para o visualizar.. All submissions manuscripts that pass pre-check are peer-reviewed. Accepted papers will be published continuously in the journal (as soon as accepted) and will be listed together online in FECT-UNTL website at (http://fect.untl.edu.tl//detinfo-7-tp.html). The details information related to this journal kindly see attached pamphlet and please do not hesitated to contact us via mobile phone:
(+670) 77724436 and (+670) 77514918".
Média UNTL /FECT/ TAJST
/FECT/ TAJSTSemua tanggapan:
Menino Goche, Mirma Monteiro dan 30 lainnya- Detalhes
- Escrito por Mateus Goncalves
- Visualizações: 265
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D, fó pose ba Dekanu foun na'in rua husi, Faculdade de Ciências Sociais (FCS), Profesór Dr, Alarico da Costa Ximenes no Dekanu Faculdade de Turismo Arte e Indústriais Criativas Culturais, (FTAICC) Profesór Feliciano Quintas do Céu, iha salaun FCE, INFORDEPE nian, Díli (29/02).
Iha diskursu Reitór deseza ba dekanu FCS no FTAICC, ne’ebé simu ona posse atu lidera fakuldade ho responsabilidade, dedikasaun no transparansia nune’e bele garante nafatin kualidade ensinu, peskiza no dedikasaun komunitária.
“Ha’u senti kontenti tanba ita bele hetan ona dekanu foun, husi FCS no FTAICC hodi lidera fakuldade, no agradese mós ba dekanu interinu Profesór José António no Dekana FTAICC, Profesora Glenda ba dezenpeñu servisu durante ne’e”, dehan Reitór.
Iha diskursu Ministru Ensinu Superior Siénsia no Kultura, S.E. José Honório da Costa Pereira Jerónimo, kongratula dekanu foun na’in rua asumi knar ho responsabilidade atu bele servisu ho di’ak hodi eleva kualidade iha departamentu sira.
“Parabéns ba dekanu nain rua, ha’u fiar ho grau akadémiku ne’ebé iha bele lidera fakuldade ho di’ak, presiza iha komunikasaun di’ak ba malu nune’e bele eleva kualidade servisu iha departamentu sira-nian hodi responde ba rekomendasaun ANAAA (Agência Nacional para Avaliação Académica) nian” dehan Ministru.
Iha sorin seluk Empozadu Dekanu FTAICC, Profesór Feliciano Quintas do Céu, agradese ba Magnífiku Reitór liuhusi konfiansa ba nia nu’udar dekanu definitivu ba FTAICC, no liuhusi oportunidade ne’e prontu atu aproveita no asumi knaar ho responsabilisa to’o mandatu remata.
"Agradese ba Reitór nia konfiansa, no ha’u kompromete atu hadia prosesu ensinu ba estudante sira to’o tinan haat ou lima bele finaliza estudu, nomós ami prontu ho responsabilidade hodi eleva fakuldade nia dezempeñu. Nune’e bele promove no hatur kualidade servisu atu melloria difikuldade ne’ebé durante iha prosesu ensinu", dehan Dekanu.
Mandatu ba dekanu nian hanesan define ona iha Estatutu Fakuldade nian ho durasaun tinan ha’at (2024-2028).
Partisipa iha pose ne'e, Ministru Ensinu Superior Siénsia no Kultura, S.E. José Honório da Costa Pereira Jerónimo,Visereitór, Proreitór, Reprezentante Prezidente Komisaun Funsaun Públika, Agapito da Conceição, Diretór Ezekutivu FDCH, Julio Aparicio, Dekanu, Vise-Dekanu, Diretór Departamentu, Diretór Jerál, Diretór Nasional, dosente, funsionáriu no konvidadu sira.
Média UNTL : Mario Jonio Mendonça
: Mario Jonio MendonçaFoto : Denilson A. Barros
: Denilson A. Barros- Detalhes
- Escrito por Mateus Goncalves
- Visualizações: 280
Universidade Nacional Timor Lorosa'e (UNTL) nia Faculdade de Educação Artes e Humanidades (FEAH), distribui serfikadu ba estudante na'in ualunulu (80), hafoin partisipa iha formasaun kona-ba hakerek sientífiku durante semestre ida, iha Auditóriu Museum Rezistensia Timorense nian, Díli (28/02).
Iha distribuisaun serfikadu ne'e, Magnífiku Reitór Profesór dr. João Soares Martins, MPH, Ph.D, hato'o parabéns ba formandu sira, tanba hetan ona esperiénsia husi formasaun ne'e no enkoraja atu fahe tutan ba kolega sira.
"Agradese ba profesora Renata Asunção ho ekipa ne'ebé fasilita ona formasaun ne'e ba estudante husi FEAH, parabéns mós ba formandu sira, tanba bele partisipa ona. Husu ba imi hotu atu partilla ba kolega seluk liuliu uza didi'ak oportunidade hodi mellora kapasidade", dehan Reitór.
Reitór mós solisita ba estrutura FEAH nian atu lori mós formasaun ne'e fakuldade seluk iha UNTL, tanba formasaun ne'e importante tebes hodi dezenvolve estudante sira-nia kapasidade iha hakerek proposta no monografia.
Iha fatin hanesan, Embaxadór Brazil nian iha Timor-Leste, Sr. Mauricio de Asis hatete, formasaun ne'e importante hodi kapasita estudante sira oinsa hakerek traballu sientífiku liuliu hanorin kona-ba maneira hakerek proposta no monografia.
"Formasaun ne'e importante atu tulun kapasita estudante sira iha prosesu elabora proposta no monografia, tanba nasaun presiza joven atu dezenvolve liuhusi UNTL", tenik Embaxadór.
Koordenadora ba Formasaun ne'e, Profesora Érica Marciano hatete, formasaun ne'e fahe ba tolu, Escrita Científica, Resenha e Revista ba estudante hamutuk 80 fahe ba aula tolu ho materia modulu 1 no 2.
“Durante formasaun ne’e foku ba Escrita Científica, Resenha e Revista ba estudante hamutuk 80 fahe ba aula tolu ho materia modulu 1 no 2 ”, dehan.
Partisipa iha serimónia distribuisaun sertifikadu ne'e, Estrutura FEAH, Dosente, no formandu sira.
Média UNTL : Leonia de A. da Costa
: Leonia de A. da CostaFoto : Mario Jonio Mendonça
: Mario Jonio Mendonça