- Detalhes
- Escrito por Mateus Goncalves
- Visualizações: 290
Universidade Nacional Timor Lorosa’e (UNTL) nia Prezidente Asosiasaun Akadémika Estudantíl Faculdade de Direito nian Cristovão de Araújo Mau-to hanesan mós Senadu Jerál estudante nian, iha Kampus Sentral UNTL nian, Dili (21/02) hateten, planu prioridade senadu nian ba 2024 fahe ba parte rua (1) preparasaun orientasaun akadémika no (2) organiza eleisaun ba estrutura asosiasaun akadémika estudantil ba períodu 2024-2026.
“Atividade sira-ne’e ami prepara no koordena ho estrutura universidade atu haree no organiza orientasaun ba estudante foun sira atu la’o ho di’ak no susesu, tanba senadu nia papel iha universidade atu ajuda no haree problema estudante nian hodi hato’o ba iha fakuldade no universidade”, dehan Senadu Jerál Estudante nian.
Cristovão de Araújo mós hatutan, sei kria eventu balu iha fakuldade hodi selebra ezisténsia fakuldade nian no kria mos atividade estra hodi envolve estudante sira bele kontribui ba dezenvolvimentu talentu estudante nian.
“Ami kria atividade hanesan desportu, diskursu, debate, poezia hodi envolve estudante sira atu hasa’e sira-nia kapasidade no abilidade no ikus mai bele kontribui ba dezenvovimentu estudante nian”, dehan.
Tinan ida ne’e Assosiasaun Akadémika Estudantil iha kada fakuldade sei remata sira-nia mandatu iha fulan juñu 2024 no iha tempu badak sei hala’o eleisaun ba kandidatu estrutura foun ba períodu 2024-2026.
- Detalhes
- Escrito por Mateus Goncalves
- Visualizações: 229
Universidade Nacional Timor Lorosa'e (UNTL) nia Dekanu Faculdade de Agricultura (FAGRI), Profesór Dr. Vicente de Paulo hatete, tuir planu sei muda FAGRI nia atividade ensinu-aprendizajen husi Kampus Sentrál UNTL nian, ba Hera iha semestre pár 2024.
"Ami atu muda ba edifísiu foun iha Hera, ne’e depende ba fasilidade mesa no kadeira tenki konklui maibé ami nafatin koordena ho parte lojístika no ami prontu atu muda", dehan Dekanu FAGRI, iha knaar fatin Kampus Sentrál UNTL nian, Díli (20/02).
Dekanu mós apela ba estudante no dosente sira atu prepara an bainhira muda ba Hera ho hanoin ida katak iha semestre par bele hahú aula iha kampus Hera.
Iha sorin seluk estudante Agro-Socio Economia, Mateus Pinto Madeira, hatete transferénsia FAGRI ba iha Hera ne'e di'ak, tanba estudante sira bele minimiza movimentu prátika kampu ba iha munisípiu.
"Relasiona transferénsia FAGRI ba kampus Hera ita presiza edifísiu ne'ebé kualidade ba estudante sira hodi fasilita kampu prátika. Nune'e bele minimiza movimentu prátika iha munisípiu sira ne'ebé iha relasaun ho matéria ne'ebé ami aprende", dehan Mateus.
Mateus mós dehan, bainhira muda ba kampus Hera di’ak, tanba ne'e benefisiu di'ak atu nune'e bele halo prátika kampu tuir departamentu ida-idak.
Média UNTL 
: Denilson Amandio Barros
: Denilson Amandio BarrosFoto 
: Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 177
Universidade Nacional Timor-Lorosa’e (UNTL) nia, Magnífiku Reitór, Profesór dr. João Soares Martins MPH, Ph.D partisipa iha reuniaun ne’ebé realiza husi Grupu Traballu Reforma Setór Justisa ho reprezentante akadémiku Faculdade de Direito (FADIR) UNTL nomós UNPAZ nian, iha Salaun Hotel Timor, Díli (23/02).
Objetivu husi reniaun ne’e Grupu Traballu Reforma Setór Justisa atu rona opiniaun husi akademista universitáriu sira nia perspetiva akadémika ba reforma setór justisa liuhusi formasaun área direitu nian.
Akademista sira sujere ba Grupu Traballu Reforma Setór Justisa atu reforsa profesór kareira husi Portugal atu hanorin iha Universidade iha Fakuldade Direitu nune’e bele hadia kualidade.
Partisipa iha reuniaun ne’e, Vise-Dekanu Asuntu Administrasaun Finansas (FADIR), Profesór Estevão Fernandes, Reprezentante husi UNPAZ no Reprezenta Grupo Traballu Reforma Setór Justisa, Dr. Claudio Ximenes ho ekipa.
Média UNTL : Domingos Amaral
: Domingos AmaralFoto : Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 222
Universidade Nacional Timor Lorosa'e (UNTL), nia Faculdade de Direito (FADIR), simu vizita Profesór Dr. Pedro Bacelar de Vasconcelos husi Universidade do Minho Portugal, iha Sala Videokonferénsia UNTL nian, Díli (26/02).
Vizita ne'e ho objetivu atu partilla hanoin ba Faculdade de Direito, liuliu ba profesór no estudante sira atu dedika an ba formasaun jurista ne’ebé kualidade hodi kontribui ba setór justisa. Aleinde ne'e vizita ba biblioteka, saladeaula no administrasaun FADIR nian.
Partisipa iha vizita, Dekanu Interu FADIR, Pe. Julio Crispin Belo, dosente, funsionáriu no estudante sira.
- Detalhes
- Escrito por Mateus Goncalves
- Visualizações: 237
Universidade Nacional Timor Lorosa’e (UNTL) liuhusi Diresaun Nasionál Atendimentu Estudante (DNAE) informa hikas ba estudante foun anu letivu 2024 nian katak liuhusi reuniaun Konsellu Jestaun no Konsellu Xefia iha loron 21 fulan Fevereiru 2024 desidi sei prolonga tan inskrisaun ba estudante foun to’o loron 05 fulan marsu 2024.
Informasaun kompletu bele haree iha avizu aneksu.