- Detalhes
- Escrito por Mateus Goncalves
- Visualizações: 282
Universidade Nacional Timor Lorosa'e (UNTL) nia Diresaun Nasional Atendimentu Estudante (DNAE) rejistu ona estudante hamutuk rihun-tolu atus lima tolunulu resin-rua 3532 reprezenta (74%) no sira ne'ebé admitidu maibé la rejistu hamutuk rihun ida, atus rua haatnulu-resin ida 1241 reprezenta (26%).
Iha Kampus Sentrál, UNTL, Díli (6/3), Diretór DNAE nian, Sr. Rui Loco Pires hatete, UNTL rejistu ona estudante admitidu tinan 2024 nian hamutuk 3532 no sira ne'ebé la konsege rejistu hamutuk 1241.
"Estudante admitidu ba tinan 2024 hamutuk 4773 no husi totál ne'e mai rejistu ona hamutuk 3532 reprezenta (74%) no sira ne'ebé la konsege mai rejistu hamutuk 1241 no reprezenta 26%", dehan Diretór.
Diretór hatutan, estudante sira ne'ebé la rejistu, UNTL konsidera rezigna-an no sei la inklina iha lista universidade nian tanba oráriu ba rejistrasaun taka ona.
#TimorLeste # UNTL #DNAE 6 Fevereiru 2024
Média UNTL 
: Leonia de A. da Costa
: Leonia de A. da CostaFoto 
: Mario Jonio Memdonça
: Mario Jonio Memdonça- Detalhes
- Escrito por Mateus Goncalves
- Visualizações: 181
Universidade Nacional Timor Lorosa’e (UNTL) liuhusi Komisaun organizadora ba orientasaun akadémika tinan 2024 nian hakarak informa ba estudante foun anu letivu 2024 nian atu bele asesu manual orientasaun nian bele asesu iha link tuir mai: https://drive.google.com/.../12tov6ixqK8G3lwnliHqygC6657R...
#TimorLeste #UNTL 06/03/2024
- Detalhes
- Escrito por Mateus Goncalves
- Visualizações: 161
Universidade Nacional Timor Lorosa’e (UNTL) liuhusi Komisaun Organizadora ba Orientasaun Akadémika, hakarak informa ba estudante foun ne’ebé asesu mai UNTL iha tinan akadémika 2024 katak, orientasaun akadémika tinan 2024 sei hala’o iha loron 7, 8 no 9 fulan-marsu 2024.
Informasaun kompletu bele hare iha aneksu.
Média UNTL/KO
- Detalhes
- Escrito por Mateus Goncalves
- Visualizações: 189
Universidade Nacional Timor Lorosa’e (UNTL) nia Magnífiku Reitór Profesor dr. João Soares Martins, MPH.Ph.D akompaña husi Profesór Dr. João Pinto Monteiro dosente Fakuldade Direitu Universidade Coimbra halo abertura ba kursu mestradu iha área direitu.
Iha Kampus Sentral UNTL nian, Díli (4/03), iha diskursu Magnífiku Reitór hatete, eventu ne’e importante tebes ba universidade hodi selebra ano simbólico asina edisaun foun ba kursu mestradu área direitu iha UNTL.
“Loron ida-ne’e signifikante tebes ba instituisaun hodi agradese ba imi hotu ne’ebé partisipa iha ne’e, agradese mós ba Profesór Dr. João Pinto Monteiro, dosente Faculdade de Direito, Universidade de Coimbra ne’ebé responsável ba kursu ne’e, UNTL aproveita didi’ak opurtunidade ne’e hodi aprende Siénsia Direitu nian”, dehan Reitór.
Iha fatin hanesan Profesor Dr. João Pinto Monteiro nu’udar dosente Faculdade de Direito, Universidade de Coimbra hatete, ne’e hanesan opurtunidade ida atu vizita Timor-Leste hodi servisu hamutuk dezenvolve edukasaun iha universidade iha kursu direitu.
“Ohin UNTL ho Universidade de Coimbra hala’o abertura iha ámbitu servisu hamutuk hodi oferese kursu mestradu iha área direitu ba sidadaun timoroan sira, atu bele aumenta koñesimentu hodi kontribui ba dezenvolvimentu nasaun nian no bele dezenvolve siénsia jurídika iha Timor-Leste’’, dehan.
Atividade ne’e realiza husi Gabinete Visereitór ba Asuntu Pós-Graduasaun no Peskiza, servisu hamutuk ho Gabinete Reitoria.
Partisipa husi Reprezentante Ministru Ensinu Superior Siénsia no Kultura, Diretora Jeral Maria Filomena Lay Guterres, Sekretáriu Estadu Terras no Propriedade - Dr. Jaime Xavier Lopes,
Provedor de Direitus Umanus e Justiça, Sr. Virgílio da Silva Guterres “Lamukan”, Membru Parlamentu Nasional, Diretor Ezekutivu FDCH Profesór Julio Aparicio, Visereitór, Proreitór, Diretór Jerák, Diretór Nacionál, Xefe Departamentu, konvidadu inklui estudante sira.
Média UNTL : Laurindo da Cruz Gomes
: Laurindo da Cruz GomesFoto : Eugenia de Jesus /Domingos Amaral
: Eugenia de Jesus /Domingos Amaral- Detalhes
- Escrito por Mateus Goncalves
- Visualizações: 207
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH,Ph.D, asina Memorandu Entendimentu ho Ministru Ensino Superiór Ciência e Cultura (MESSC), S.E. José Honório da Costa Pereira Jerónimo, hodi estabelese sistema base de dadus ba ensinu superior iha Timor-Leste.
Iha salaun MESSC nian, Díli (4/03), Reitór hateten, universidade orgullu tanba, bele sai parseiru ho MESSC hodi implementa sistema baze de dadus iha ensinu superior, no orgullu ho Fakuldade Enjeñaria konsege presta servisu iha MESSC.
“Ita espera katak liuhusi sistema baze de dadus ne’e utíl ba ita hotu no ba oin ita bele submete dokumentu mai iha MESSC liuhusi sistema de dadus hodi dijitaliza sistema informasaun sira no agradese ba ministériu ba konfiansa, atu bele sai fornesedor ba sistema baze de dadus. Ne’e hanesan kontribuisaun UNTL nian ba nasaun Timor-Leste”, dehan Reitór.
Iha sorin seluk Ministro Ensino Superior Ciência e Cultura, S.E. José Honório da Costa Pereira Jerónimo, hateten asina nota entendimentu ho UNTL ne’e atu estebalese sistema baze de dadus ba ensinu superiór iha Timor-Leste.
“Estabelese baze de dadus ne’e importante atu ita bele asesu informasaun liuhusi website ministériu nian, nune’e bele hatene dadus kada instituisaun ensinu superior nian iha Timor-Leste, hodi bele identifika pesoal ne’ebé halo plájiu ka kopia traballu siéntifiku sira, nune’e MESSC nafatin servisu hamutuk ho UNTL atu ajuda ba iha sistema refere”, tenik Ministru.
Sistema baze de dadus ensinu superior ne’e sei fornese apoiu tékniku husi Fakuldade Enjeñaria Siénsia no Teknolojia, liuhusi Departamentu Enjeñaria Informátika hamutuk ho MESSC.
Partisipa iha asina memorandu ne'e, Proreitór ba Asuntu Kooperasaun Profesór Tomé Xavier Jerónimo, Proreitór ba Asuntu Informatizasaun Transformasaun Dijital no Inovasaun Profesór Frederico Soares Cabral, Diretora Jerál Ensinu Superiór no Siénsia, Maria Filomena Lay Guterres, Dekanu FECT Prof. Adalfredo G. da Silva Ximenes, Dosente no Funsionáriu sira.
Média UNTL : Mario Jonio Mendonça, Denilson A. Barros
: Mario Jonio Mendonça, Denilson A. BarrosFoto : Domingo Amaral
: Domingo Amaral