- Detalhes
- Escrito por Mateus Goncalves
- Visualizações: 180
Universidade Nacional Timor Lorosa’e (UNTL) liuhusi Diresaun Nasionál Aprovisionamentu (DNA), fo sai konvite ba kompañia sira ne’ebé iha interese, atu bele mai foti dokumentus Fornesimentu Material ba Servisu Enkadernasaun Gráfika UNTL.
Atu hatene informasaun klaru bele hare iha aneksu.
- Detalhes
- Escrito por Mateus Goncalves
- Visualizações: 188
Universidade Nacional Timor Lorosa'e (UNTL) nia Proreitór ba Asuntu Kooperasaun (PRAK) Profesór Tomé Xavier Jerónimo, hamutuk ho Diretór Diresaun Nacional Rekursu Umanu (DNRH) Dr. Câncio Monteiro partisipa iha apresentasaun Orsamentu ba Formasaun Espesializada, Jenériku, Bolsa Estudu no Asistensia Estudu 2024 nian, ne'ebé aprezenta husi Institutu Nacional ba Administrasaun Públika (INAP), Fundu Dezenvolvimentu Kapitál Umanu (FDCH) no Komisaun Funsaun Públika (CFP).
Eventu ne’e lokaliza iha Auditóriu INAP, Díli (13/02) ho objetivu atu partilla kona-ba alokasaun orsamentu ba formasaun Espesializada, Jenériku, Bolsa Estudu no Asiesténsia Estudu ba liña ministeriál hotu, nune'e bele komprende didi’ak oinsá uza orsamentu sira ne'e hodi tuir formasaun ka hala'o estudu, liuliu halo komunikasaun di'ak ho INAP, FDCH no CFP hodi luta ba defende formasaun ne'e ba rekursu Timoroan sira.
Totál instituisaun ne'ebé konsege entrega planu ba Komisaun Funsaun Públika hodi sai benefisiáriu ba Bolsa no Formasaun refere hamutuk, haatnulu resin-tolu (43).
Formasaun ne'e lidera husi Xefe Departamentu Formasaun Sekretariadu Komisaun Funsaun Públika (SKFP) nian, Sra. Isabel M. Neves. Hetan Partisipasaun husi Diretór Jerál INAP, Sr. Policarpo A. Boavida, Diretór Ezekutivu Fundo de Dezenvolvimento Capital Humano (FDCH) nian, Sr. Julio Aparicio, liñas ministeriais sira mak hanesan, Diretór Jerál, Diretór Nacional, Xefe Departamentu no funisionáriu fokal point sira.
Média UNTL 
: Leonia de A. da Costa
: Leonia de A. da CostaFoto 
: Mario Joni Memdonça
: Mario Joni Memdonça- Detalhes
- Escrito por Mateus Goncalves
- Visualizações: 261
Universidade Nacional Timor Lorosa’e (UNTL) nia Diretora Instituto Nacional de Linguística (INL) Profesora Rosa da Costa Tilman, iha Kampus Liceu, Díli (8/02), hatete Planu Prioridade INL nian ba 2024 mak (1) formasaun, (2) semináriu no (3) imprimi livru disionáriu ofisial Tetun .
“Iha tinan ida-ne’e INL sei foku ba formasaun iha Munisípiu Viqueque kona-ba lian Tetun tuir Padraun Nasional no halo mós semaináriu ba profesór/a no funsionáriu administrativu oinsá hakerek karta ho Tetun tuir padraun nasional no sei imprimi mós livru ne’ebé ami prepara hodi sai hanesan Matadalan Disionáriu Ofisial Tetun”, dehan.
Profesora Rosa hatutan tan katak, Instituto Nacional de Linguística sei halo mós eventu ho tema semana Língua Tetun hodi selebra loron ezisténsia INL nian.
“Ami sei loke eventu ho tema semana Língua Tetun no iha mós feira livru ba diresaun no fakuldade sira hodi selebra aniversáriu loron ezisténsia INL nian. Sei halo mos semináriu ba profesór/a no funsionáriu administrativu hodi dezenvolve Tetun nu’udar língua ho Padraun Nasionál Timor-Leste nian” hatutan.
- Detalhes
- Escrito por Mateus Goncalves
- Visualizações: 229
Universidade Nacional Timor Lorosa’e (UNTL), nia Faculdade de Ciências Sociais (FCS) nia, Profesór Alarico da Costa Ximenes eleitu ba dekanu FCS ba períodu tinan 2024-2028 ho votu (34) liuhusi aprezentasaun programa no eleisaun, iha Kampus Kaikoli FCS nian, Díli (13/02).
Iha diskursu Magnifíku Reitór apela ba dekanu foun no estrutura Faculdade de Ciências Sociais atu halo preparasaun di’ak kada kursu sira ne’ebé atu halo avaliasaun husi ANAAA, nune’e bele hetan kualifikasaun ne’ebé di’ak iha prosesu avaliasaun.
“Pontu importante mak fakuldade tenki iha preparasaun di’ak ba kursu sira tuir kritéria ANAAA (Agência Nacional para Avaliação e Acreditação Académica ) nian. Tanba fakuldade iha profesór doutoradu barak ho poténsia boot no husu ba dekanu eleitu ho estrutura atu prepara di’ak ba iha avaliasaun nune’e bele hatudu kualifikasaun ne’ebé di’ak”, tenik Reitór.
Dekanu eleitu Profesór, Alarico da Costa Ximenes hatete, durante nia mandatu iha servisu barak sei halo no sei fahe ba iha tempu kurtu prazu, médiu no longu prazu liu-liu kona-ba preparasaun ba re-akreditasaun husi ANAAA ba departamentu tolu iha FCS.
“Ita iha servisu barak mak sei halo no servisu hirak ne’e ita fahe ba iha kurtu prazu, mediu no longu prazu, fakuldade nia dapartamentu sira sei hetan reakreditasaun husi ANAAA ,tanba ne’e ita tenki halo preparasaun no ajusta mós kurríkulu hodi hadia ambiente iha kampus laran nune’e estudante sira bele tuir aula ho di’ak.
Fakuldade ne’e tenke sai sentre exelénsia liga ba pilár ensinu, peskiza no dedikasaun komunitária, maibé ne’e servisu ida presiza ita-nia servisu ekipa tantu dosente, funsionáriu no estudante rasik tanba estrutura fakuldade no departamentu nian jere de’it iha prosesu administrativu nian”, dehan Profesór Alarico.
Iha eleisaun ne’e kompete husi kanditatu na’in tolu, Profesór Dr. Alarico da C. Ximenes, ho votus (34), Profesór Dr. Martinho Pereira votus (7) no Profesór Dr. Zacarias F. Da Costa ho votus (11), total votante husi profesór permanente na’in lima nulu-resin rua (52).
#TimorLeste #UNTL # FCS # 14 Fevereiru 2024
Média UNTL : Domingos Amaral
: Domingos AmaralFoto : Denilson A. Barros, Agostinho da Cruz
: Denilson A. Barros, Agostinho da Cruz- Detalhes
- Escrito por Mateus Goncalves
- Visualizações: 160
Bazeia ba toleransia de pontu ( selebrasaun loron Cinzas ) ne’ebé monu iha loron 14 fulan Fevereiru 2024, mak parte Diresaun Jeral Servisu Administrasaun Akadémika (DJSAA) liuhusi Diresaun Nasionál Atendimentu Estudante (DNAE) hakarak informa hikas ba estudante-UNTL nian katak, iha mudansa oráriu ba rejistrasaun ba estudante foun anu letivu 2024 nian.
Mudansa orariu ne'e bele hare iha avizu aneksu.