Comment

Detalhes
Visualizações: 290
 
427655932_122145203030076902_6942269863216999350_n.jpg
 
Universidade Nacional Timor Lorosa'e (UNTL), nia Diretór Direção Nacional Recursos Humanos (DNRH), Profesór Dr. Câncio Monteiro, hateten DNRH iha planu prioridade tolu ba 2024, (1) halo jestaun ba rekursu-umanu tuir esperiénsia servisu, (2) formasaun no (3) rekrutamentu ba vaga dosente 24.
 
"Prioridade tinan ne'e maka atu jere rekursu umanu tuir idaidak nia esperiénsia servisu nune’e bele garante efisiénsia no efikásia, formasaun, no rekrutamentu ba vaga dosente 24. Bazeia ba prioridade ne'e, ita sei halo aprezentasaun relatóriu ba Konsellu Jestaun hodi hetan apresiasaun hodi implementa”, dehan Diretór DNRH iha Kampus Sentrál UNTL nian, Díli (19/01).
 
Diretór DNRH mós konsidera importánsia ba formasaun jerál iha língua tantu Tetun, Portugés no Inglés. Iha mós formasaun espesífiku hanesan Jestaun Rekursu Umanu, Administrasaun, Informátika no Jestaun Laboratóriu ba tékniku fakuldade sira.
 
“Aleinde formasaun, prioridade rekrutamentu ba dosente hodi kompleta númeru husi 51 vaga ne’ebé prevé no konsege rekruta ona dosente (27) iha 2023 liubá, sei falta (24) vaga maibé proposta haruka ona ba CFP atu hetan autorizasaun nune'e bele halo prosesu rekrutamentu.
 
Iha mós atividade adisional tuir fonte ne’e katak, sei implementa sistema HRIS (Human Resources Information System), atu mellora sistema ne'e tuir nesesidade DNRH nian, nune'e bele sai hanesan informasaun ne'ebé kredivel ba funsionáriu hotu, nune’e bele lori universidade besik ba “Sentru Exelénsia”.
 
#TimorLeste #UNTL #DNRH 12 Fevereiru 2024
 
Média UNTL 📝: Denilson Amandio Barros
Foto 📷: Eugenia de Jesus

Comment

Detalhes
Visualizações: 187
427517376_122145140372076902_1656561580661850778_n.jpg
Universidade Nacional Timor Lorosa’e (UNTL) liuhusi Diresaun Nasionál Aprovisionamentu (DNA), hakarak konvida kompañia sira ne’ebé iha interese bele mai foti dokumentus ba fornesimentu no prodús atributu graduasaun ba dala Tolu-Nulu (XXX).
Atu hatene informasaun klaru haree iha aneksu.
#TimorLeste #DNA 12 Fevereiru 2024

Comment

Detalhes
Visualizações: 170
427531078_122144585054076902_612762177499105461_n.jpg
 
Universidade Nacional Timor Lorosa’e (UNTL) liuhusi Diresaun Nasional Atendimentu Estudante (DNAE) hakarak informa ba estudante foun Anu Letivu 2024 ne’ebé atu mai halo rejistrasaun bele haree eskema iha aneksu.
#TimorLeste #UNTL #DNAE 09 Fevereiru 2024

Comment

Detalhes
Visualizações: 206
 
427993446_122145133292076902_1518595656892745790_n.jpg
Universidade Nacional Timor Lorosa’e (UNTL) nia Magnifiku Reitór Profesór dr. João Soares Martins MPH, Ph.D, ho nia estrutura hala’o inspesaun ikus ba edifilísiu foun Faculdade de Agricultura nian Building 2 no Building 3, iha Kampus Hera, Díli (09/02).
Reitór UNTL hateten, liuhusi inspesaun ikus ba projetu konstrusaun ba edifísiu foun Faculdade de Agricultura nian hatudu katak, iha ona kondisaun di’ak hotu no hein prepara ba halo termu entrega husi kompaña ba universidade.
 
“Iha inspesaun jerál ne’e, ita haree 99.9% hotu ona, hela de’it buat ki’ik balu mak seidauk hotu. Espera katak iha semana ne’e nia laran sira bele halo hotu ona, tanba ita planu inaugurasaun iha sesta semana oin, bainhira la iha buat ruma impede”, hatutan.
 
Bainhira halo ona inagurasaun Reitór garante katak universidade bele ona iha tan fasilidade liuliu ba Faculdade de Agricultura hodi bele ona uza ba prosesu aprendizajen.
Iha fatin hanesan, Visereitór ba Asuntu Administrasaun Finansas no Administrador Jeral, Profesór Hélio A. da Costa Xavier Mauquei hateten, kona-ba fasilidade karteira ba saladeaula ba edifísiu foun ne’e, halo hotu ona ho akizasaun kompletu.
 
“Em termos de fasilidade karteira ba saladeaula edifísiu foun ne’e iha 2023 ita halo hotu ona akizasaun kompletu total karteiras 1001, nune’e mós meza no kadeira ba funsionáriu sira ho montante la barak maibé ita asegura hotu ona iha fatin.”
427904526_122145132872076902_6255841197975716653_n.jpg
 
Iha inspesaun ne’e halo husi ekipa kompostu husi, Magnifiku Reitór, Visereitór Administração Finansan e Administradór Jerál, Proreitór ba Asuntu Dezenvolvimentu Institusionál Prof. Dr. Lelis Gonzaga Fraga, Dekanu FAGRI Prof. Dr. Vicente de Paulo Coreia ho nia estrutura nomós ekipa Auditória no Inspesaun UNTL nian.
 
#TimorLestes #UNTL #FAGRI 09 Fevereiru 2024
Média UNTL 📝: Domingos Amaral
Foto 📷: Agostinho da Cruz & Domingos Amaral

Comment

Detalhes
Visualizações: 609

WhatsApp Image 2024 02 08 at 17.40.53

Universidade Nacional Timor Lorosa'e (UNTL), nia Magnífiku Reitór Prof. dr. João Soares Martins, MPH,Ph.D, asina memorandu entendimentu ho Australian Catholic University (ACU), iha Sala-Videokonferénsia UNTL nian, Díli (8/2), hodi koopera iha área Medisina no Siénsia Saúde.

Iha serimónia asina akordu ne'e, Reitór agradese ba reprezentante husi ACU nian mai iha UNTL, liuliu atu apoiu Fakuldade Medisina no Siénsia Saúde, tanba ne'e UNTL husu atu apoiu bolsa ba Medisina sira no halo estudu komparativu iha Universidade Katólika Australia nian.

"Ami agradese tebes, tanba bele hasoru Vise-Konselleiru Australian Catholic University nian. Ohin ita formaliza kooperasaun liuhusi asina akordu ida-ne'e, ami hakarak husu apoiu bolsa ruma ba estudante medisina sira ka bele mós halo estudu komparativu hodi troka esperiénsia", dehan Reitór.

Iha fatin hanesan Vice Chancellor of Global and Education Pathways-ACU, Mr. Chris Riley agradese ba UNTL, tanba bele hola parte mós iha kooperasaun hodi koopera iha área saúde nian liuliu tulun joven timoroan sira atu bele hetan esperiénsia ne'ebé di'ak liu.

"Agrdese ba UNTL, tanba iha kooperasaun ne'e importante hodi koopera iha área Medisina nian liuliu tulun joven timoroan sira hodi bele iha kapasidade ne'ebé di'ak, liuhusi estudante sira bele ba estuda iha Australia", tenik Mr. Chris.

WhatsApp Image 2024 02 08 at 17.41.02

Partisipa iha asina MoU ne'e, Proreitór ba Asuntu Kooperasaun, Profesór Tomé Xavier Jerónimo, Dekana Faculdade de Medicina e Ciência da Saúde nian, Profesora Lídia Gomes ho nia estrutura.

#TimorLeste #UNTL #FMCS #AustralianCatholicUnivercity 8 Fevereiru 2024
Média UNTL 📝: Leonia de A. da Costa
Foto 📷: Leonia de A. da Costa & Denilson Barros

Comment

  1. SÍVITAS AKADÉMIKA PRESTA OMENAJEN IKUS BA PCG ENG. JOÃO BAPTISTA
  2. .
  3. DLI NIA ESTUDANTE SIRA PARTISIPA IHA FORMASAUN HAKEREK KURIKULU VITAE
  4. DUCT NIA PRIORIDADE 2024 MAK UNIFORMIZA SILABUS MATÉRIA TRANSVERSAIS