NOTÍCIAS E EVENTOS

Detalhes: Escrito por Mateus Goncalves; Publicado em 30 janeiro 2024; Atualizado em 30 janeiro 2024; Visualizações: 396

WhatsApp Image 2024 01 29 at 14.37.15

Universidade Nacional Timor Lorosa’e (UNTL) nia Proreitora ba Asuntu Provedoria no Akonsellamentu (PRAPA) Profesora Teresa de Jesus Vaz Cabral, iha Kampus Sentral UNTL nian, Díli (26/01), hatete Uma Akonsellamentu ne’ebé mak existe iha universidade rejista ona kliente hamutuk nain sanulu resin neen (16).

“Dadaun ne’e ita nia uma akonsellamentu rejistu ona ema hamutuk nain 16, mak mai husu atu akonsella no sira mai ho ida-idak nia problema. Iha ne’e Ita iha Amu Kapelaun Pe. Nivio Lebre Correia,Fdcc mak disponivel tebes hodi atende ba kualker asuntu no ha’u mós sempre akonsella karik problema mak sira hasoru la presiza ba iha Amu”, dehan Profesora Teresa.

Profesora Teresa hatutan, problema ne’ebé rejistu mak kona-ba asuntu estudu nian no balu ne’ebé mai ho problema seluk, PRAPA sempre prontu nafatin atu atende ba Sivitas Akadémika tomak.

“Agora dadauk ami tau ona iha ami-nia planu, sei halo sosializasaun ba estudante foun sira ne’ebé agora atu tama kona-ba funsionamentu Uma Akonsellamentu no ami mós prepara ona hodi tun direta ba iha kada fakuldade no departamentu hodi esplika atu estudante no funsionariu sira bele komprende di’ak, tanba dalabarak husu deit reprezentante mak mai maibé bainhira sira remata sira la fahe informasaun ba kolega sira seluk”, dehan.

Uma Akonselamentu ne’ebé lokaliza iha Kampus Sentral UNTL nian, disponivel durante oras servisu nian hahú husi segunda to’o sesta hodi fó atendimentu iha parte akonsellamentu nian ba sivitas akadémika universidade (estudante, funsionáriu no dosente).

#TimorLeste #UNTL #PRAPA 29 Janeiru 2024
Média UNTL 📝: Laurindo da Cruz Gomes
Foto 📷: Eugenia de Jesus Guterres

Comment

Detalhes: Escrito por Mateus Goncalves; Publicado em 29 janeiro 2024; Atualizado em 29 janeiro 2024; Visualizações: 317

WhatsApp Image 2024 01 29 at 11.58.58

Universidade Nacional Timor Lorosa’e (UNTL) nia Magnífiku Reitór profesór dr. João Soares Martins, MPH, Ph.D. asina memorandu ho Sr. Oda Koki, Prezidente Kompaña Tsuneishi (Timor) Shipbuilding, Unipesoal, LDA husi Japaun, iha Sala-Videoconferénsia UNTL nian, Díli (29/01).

Objetivu husi asina memorandu ne’e atu loke kompaña kona-ba konstrusaun ró iha Timor-Leste no fó mós bolsu estudu ba estudante sira iha Faculdade de Engenharia Ciência e Tecnologia, nune’e bele melloria rekursu umanu.

Tuir planu projetu refere sei implementa iha Munisípiu Manatuto no envolve mós estudante sira ne’ebé remata ona sira-nia estudu iha área Enjeñaria.

WhatsApp Image 2024 01 29 at 11.58.55

Partisipa husi Visereitora ba Asuntu Estudantís, Profesora Lígia Tomás Correia, Proreitór ba Asuntu Kooperasaun, Profesór Tomé Xavier Jerónimo, ekipa husi kompaña Tsuneishi no asistente tékniku sira.

#TimorLeste #UNTL #PRAK #KompañaTsuneishi 29 Janeiru 2024

Média UNTL 📝: Domingos Amaral, Denilson A. Barros
Foto 📷: Domingos Amaral

Comment

Detalhes: Escrito por Mateus Goncalves; Publicado em 29 janeiro 2024; Atualizado em 29 janeiro 2024; Visualizações: 385

Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, partisipa iha Talk Show ne'ebé organiza husi Sentru Uma Amerika hamutuk ho Embaixada Amerika, ho tema" AN OVERVIEW OF ECONOMIC DEVELOPMENT OF TIMOR-LESTE IN THE CONTEXT OF FISCAL CLIFF ".

Talk show ne'e, hala'o iha Salaun Hotel Timor Díli , (26/01), ho objetivu atu fahe koñesimentu kona-bá dezenvolvimentu ekonomia iha Timor-Leste ligadu ho context of fiscal cliff nune'e bele motiva no atu fó koñesimentu krítiku ba estudante sira ba iha dezenvolvimentu Timor-Leste nian.

#TimorLeste #UNTL #UmaAmerika #EmbaxadaAmerika 26 Janeiru 2024

Média UNTL

: Denilson Amandio Barros

Foto

: Denilson Amandio Barros

Comment

Detalhes: Escrito por Mateus Goncalves; Publicado em 29 janeiro 2024; Atualizado em 29 janeiro 2024; Visualizações: 347

Universidade Nacional Timor Lorosa’e (UNTL), nia Poliklínika Universitáriu (PU) realiza formasaun ba pesoál tékniku Laboratóriu uza mákina DRI-CHEM NX600, ne’ebé uza halo teste kímiku hodi deteta tipu moras sira, iha Kampus Sentral Díli (23/01).

Pesoál téknika laboratáriu Liliana Maria da Costa Freitas, agradese ba Instituto Laboratório Nacional ne’ebé oferese formasaun uza mákina DRI-CHEM NX600 hodi halo teste ba moras sira hanesan aten, kolestrol, diabetes, no asam urat.

“Liuhusi formasaun ida-ne’e bele fasilita utiliza mákina ne’ebé foun bele ajuda ona ha’u oinsá atu uza mákina DRI-CHEM NX600 hodi halo teste kímiku, hodi deteta moras sira hanesan aten, kolestrol, diabetes, no asam urat”, dehan Liliana.

Tuir Tékniku Instituto Laboratóriu Nacional (LABNAS) José Gonçalves Moniz hateten, formasaun ne’e hodi halo operasaun, instalasaun, no manutensaun ba mákina DRI-CHEM NX600 hodi deteta moras sira.

“Formasaun ida ne’e atu mellora pesoál tékniku sira-nia koñesimentu ba funsionamentu ba mákina ida-ne’e no halo prátika direita ba mákina DRI-CHEM NX600 hodi halo teste kímiku hodi deteta moras sira hanesan diabetes, kolestrol, aten no asam urat”, dehan José.

#TimorLeste #UNTL #PU #LABNAS 26 Janeiru 2024

Média UNTL

: Eugenia de Jesus

Foto

: Laurindo da Cruz

Comment

Detalhes: Escrito por Mateus Goncalves; Publicado em 26 janeiro 2024; Atualizado em 26 janeiro 2024; Visualizações: 354

Universidade Nacional Timor Lorosa'e (UNTL), nia Magnífiku Reitór Prof. dr. João Soares Martins, MPH,Ph.D, halo lansamentu ofisiál ba semináriu kursu Mestradu iha área Edukasaun nian, iha Auditóriu Arkivu Museu Rezisténsia Timorense Díli (25/01).

Iha abertura, Reitór hatete, lansamentu ne'e ba kursu Mestradu iha UNTL, atu hasa'e mós kualidade edukasaun iha Timor-Leste liuhusi estudante Mestradu sira ne'e. Totál estudante hamutuk tolu nulu resin tolu (33) ba kursu nee, espera katak husi totál estudante ne'e sei termina hotu sira-nia estudu.

"Parabéns ba estudante Mestradu iha área edukasaun nian iha UNTL, ne'ebé hahú tiha ona aula iha semestre dahuluk iha tinan 2022, loloos ita halo lansamentu antes aula hahú, maibé la konsege tanba tempu. Ohin ita foin halo lansamentu no kursu ne'e ho objetivu atu hasa'e kualidade edukasaun iha Timor Leste, kursu refere estudante hamutuk 33, espera katak husi totál ne'e laiha ida mak falla iha dalan klaran" tenik Reitór.

Atividade ne'e organiza husi, Programa Pós Graduasaun no Peskiza-UNTL (PPGP), Sentru Estudu Arte no Kultura (CECA), Faculdade de Educação Artes e Humanidades (FEAH-UNTL) no suporta husi Parseiru Nasional no Internasional CAPES (A Coordenação de Aperfeiçoamento de Pessoal de Nível Superior).