- Detalhes
- Escrito por Mateus Goncalves
- Visualizações: 563
Universidade Nacional Timor Lorosa'e (UNTL) nia Visereitór ba Asuntu Akadémika no Garantia Kualidade (VRAAGQ), Profesór Venâncio de Souza Freitas, iha Kampus Sentral UNTL nian, Díli (12/01) hatete, universidade sei desidi implementasaun Sistema Preskrisaun (Drop Out) iha finál Fevereiru 2024, .
Visereitór ne'e hatete, durante ne'e regulamentu akadémiku eziste maibé la implementa, tan ne'e parte Reitoria no Konsellu Jerál sei halo deklarasaun hodi fó sai ba públiku, nune’e fó espasu durante tinan ida fulan neen, maské prazu ba rejistu to'o Fevereiru 2024 maibé ninia implementasaun sei desidi iha finál Fevereiru tinan 2024 no sei la implementa direta.
"Ami husi parte Reitoria no Konsellu Jerál tetu ona, prazu ba rejistu sei remata iha fulan Fevereiru, no atu implementa sistema Drop Out (DO) mak sei desidi iha finál fevereiru wainhira ami marka fali reuniaun. Bainhira aplika en vigor ona maka estudante ne'ebé la rejistu signifika nia lakon ona númeru rejistu estudante (NRE), nune'e UNTL la konsidera ona, hein katak sira sei mai fali, tanba tinan kotuk dadus la ativu hamutuk rihun 27", dehan Visereitór.
Iha parte seluk Diretór Diresaun Nacional Atendimentu Estudante (DNAE), Sr. Rui Loco Pires hatete, rejistrasaun ba estudante regulár ne'e hahú husi dia 4 to’o 16 Fevereiru, maibé parte finansa nafatin estende to 29 Marsu 2024.
"Estudante readmisaun ne'ebé fó sai iha tinan 2022 hahú husi semestre par no impar mai to'o tinan 2023 nian totál estudante atus tolu neennulu (360), mak mai halo readmisaun ona", tenik Diretór.
Diretór ne'e salienta katak, agora daudaun hein hela karta husi fakuldade ba visereitór hatun despaxu ba diresaun liuliu ba parte tékniku nian, hodi halo atendimentu nafatin ba estudante hirak ne'ebé seidauk halo readmisaun.
Diretór ne'e apela ba estudante hirak ne'ebé seidauk readmisaun, atu hakbesik ba fakuldade halo karta deklarasaun hodi ativu fila fali estudu hanesan baibain.
#TimorLeste #UNTL #VRAAGQ #DNAE 16 Janeiru 2024
Média UNTL 📝: Mario Jonio M. Mendonça
Foto 📷: Agostinho da Cruz
- Detalhes
- Escrito por Mateus Goncalves
- Visualizações: 277
Universidade Nacional Timor Lorosa'e (UNTL) nia Visereitór Asuntu Akadémiku no Garantia Kualidade, Profesór Samuel Venâncio de Sousa Freitas, hala'o enkontru ho Dekanu Faculdade de Ciências Sociais (FCS), Prof. José António Lourenço da Costa ho estrutura hodi halo deskuti ba asuntu akadémiku sira fakuldade nian, iha Kampus Kaikoli FCS, Díli (16/01).
Objetivu husi reuniaun ne'e, Visereitór hamutuk ho estrutura FCS deskuti revizaun kuríkulu akadémiku liuliu prátika ba Kuríkulum Akadémiku, iha prosesu ensinu-aprendizajen no preparasaun ba Avaliasaun no Reakreditasaun husi ANAAA , Unidade Kurrikulár Transversais no dezempeñu servisu ba tinan 2024 nian.
Reuniaun ne'e partisipa husi Diretór Jerál Servisu Administrasaun Akadémika Sr. Armindo Leto Fátima, Diretór Diresaun Nasional Avaliasaun Sr. Agustinho Quelo, Diretór Nasional Atendimentu Estudante Sr. Rui Loco Pires, Diretora Disiplina Transversais Profesora Zelina Roteiro, Dekano FCS Profesór José António Lourenço da Costa, Konsellu Doutór, Diretór Departamentu, dosente no asistente tékniku sira.
#TimorLeste #UNTL #VAAGQ #FCS #DNAA 16 Janeiru 2024
Média UNTL 📝: Mario Jonio M. Mendonça
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 260
Universidade Nacional Timor Lorosa'e (UNTL), nia Proreitór ba Asuntu Dezenvolvimentu Institusional, Profesór Lelis Gonzaga Fraga, iha Kampus Sentral UNTL nian, Díli (15/01) hatete, Modernizasaun ba Auditóriu no Saladeaula Faculdade de Ciências Sociais (FCS) nian, iha Kaikoli atinji ona 40% ne’ebé responsabiliza husi kompañia NELTIFER, Unip Lda.
“Ita halo konstrusaun ne’ebé ita bolu modernizasaun sala de aulas, ne’ebé halo iha FCS primeiru projetu pilotu ne’ebé ita halo, iha modernizasaun sala de aulas ne’e ita halo mós hanesan auditóriu ba fakuldade bele utiliza.
Konstrusaun ne’e responsabiliza husi kompañia NELTIFER no atinji ona 40%”, tanba ita-nia kontratu la’o tarde oitoan nune’e prosesu ba kontrusaun ne’e, hahú fali iha fulan novembru tinan kotuk to’o janeiru 2024 ne’e”, dehan nia.
Iha sorin seluk, Jestór ba Kompañia NELTIFER, Sr. Nurdin iha kampus Kaikoli hatete, kompañia hala’o ona enkontru ho parte universidade nian kona-ba prosesu konstrusaun ne’ebé atinji ona 40%.
“Ami halo ona enkontru ho UNTL, ami-nia alvu mak fulan tolu liu tiha ona, maibé ami halo ona kontratu seluk tan hodi garante katak fulan tolu oin mai ami sei finaliza tuir kontratu ne’ebé mak iha”, dehan nia.
#TimorLeste #UNTL #FCS #NELTIFER 15 Janeiru 2024
Média UNTL 📝: Altur Ramos
Foto 📷: Eugenia De Jesus
- Detalhes
- Escrito por Mateus Goncalves
- Visualizações: 646
Universidade Nacional Timor Lorosa'e (UNTL)
nia Dekanu Faculdade de Agricultura (FAGRI), Profesór Vicente de Paulo Correia, Ph.D enkontru ho ekipa Asian Forest Cooperation Organizasaun (AFOCO) nian, hodi diskute apoiu ba departamentu foun iha área Floresta iha universidade.
"Ohin ita enkontru ho Organisaun AFOCO husi Korea-Sul, objetivu husi enkontru ne'e mak deskuti oinsá sira-nia apoiu ba departamentu foun Floresta ne'ebé tinan ne'e ita sei simu estudante ualunulu. Tanba ne'e sira hakarak apoiu iha área kapasitasaun no peskiza nian, espera katak sira sei apoiu másimu", dehan Dekanu FAGRI, iha Sala-Videokonferénsia UNTL nian, Díli (15/01).
Tuir Koordenadora ba AFOCO nian, Sra. Kikang Bae hatete, prezensa AFOCO nian iha UNTL, hodi dezenvolve projetu COICA nian, tanba ne'e espera katak, Timor-Leste sei kuidadu Floresta no servisu hamutuk hodi tulun Departamentu Floresta ne'ebé foin hahú loke iha UNTL.
"Ami-nia prezensa iha UNTL atu apoiu Departamentu Floresta ne'ebé foin loke iha FAGRI, projetu ne'e Coica nian, maibé ami servisu hamutuk hodi dezenvolve iha Timor-Leste, ami fiar katak ho programa foun ne’e bele ajuda Timoroan sira sei kuidadu floresta, liuliu estudante sira departamentu foun nian", dehan Kikang Bae.
Partisipa iha enkontru ne'e, Visedekanu FAGRI nian, Profesór Marçal Gusmão, Koordenadór Departamentu Floresta UNTL, nian, Profesór Domingos Gomes, Visediretór Nacional Korea Internacional Cooperation Agency (KOICA), Kwangsoo An no ekipa husi organizasaun AFOCO nian.
#TimorLeste #UNTL #FAGRI #AFOCO 15 Janeiru 2024
Média UNTL 📝: Leonia de A. da Costa
Foto 📷: Mario Jonio M. Mendonça
- Detalhes
- Escrito por Mateus Goncalves
- Visualizações: 346
Universidade Nacional Timor Lorosa'e (UNTL), nia Proreitór 
ba Asuntu Informatizasaun, Transformasaun Dijitál no Inovasaun (PRAITDI), Profesór Frederico Soares Cabral, reprezenta Magnífiku Reitór, partisipa iha graduasaun dahuluk João Saldanha Institute (JSI) ba kursu baxarelatu nian ba dala ida (1), iha Usuleu Kampus Hera, DÍli (15/01).
Iha graduasaun ne'e, S.E. Prezidente José Ramos Horta mak hala’o oratio no mudansa fita husi Prezidente JSI nian Prof. Dr. João Saldanha ba graduadu kursu baxarelatu iha área Ekonomia no Jestaun, hamutuk na'in neen (6), no Certification of Foundation Program ba estudante hamutuk na'in tolunulu resin tolu (33).
Graduasaun ne'e partisipa husi Prezidente Repúblika José Ramos Horta, Diretora Jerál MESSK, Maria Filomena Lay Guterres, Diretór Ezekutivu FDCH Julio Aparício, Reitór universidade sira, dosente, funsionáriu, inan-aman, konvidadu no estudante sira.
#TimorLeste #UNTL #PRAITDI #JSI 15 Janeiru 2024
Média UNTL 📝: Denilson Amandio Barros
Foto 📷: Denilson Amandio Barros