- Detalhes
- Escrito por Mateus Goncalves
- Visualizações: 4534
Universidade Nacional Timor Lorosa’e (UNTL ) nia proposta ba Ministériu Ensinu Superior, Siénsia no Kultura (MESSK) atu simu estudante foun ba tinan akadémiku 2024 hamutuk rihun haat atus hitu rua nulu (4.720) ne’ebé sei fahe ba fakuldade sanulu no kursu haatnulu resin tolu iha universidade.
“UNTL submete ba ministériu katak, sei simu estudante hamutuk rihun haat atus hitu ruanulu (4.720), ne’ebé fahe ba Fakuldade sanulu no kursu haatnulu resin tolu. Tan ne’e ami espera katak ho númeru ne’ebé ami propoin, bele koresponde duni no labele liu ida-ne’e”, dehan Reitór, bainhira partisipa iha abertura ba korresaun pontu ezame ba estudante foun nian, iha Salaun MESSK, Díli (8/01).
Relasiona ho asuntu ne’e, Ministru Ensinu Superior Siénsia no Kultura (MESSK) S.E. José Honório da Costa Pereira Jerónimo, hatete atu asegura kualidade ensinu superior UNTL ho IPB maka, parte tékniku sira tenke servisu ho rigór no transparánsia, nune’e komunidade la bele kestiona kona ba publikasaun rezultadu estudante ne’ebé asesu ba UNTL ho IPB.
“Ha'u husu ba tékniku sira kumpri ba regra ne’ebé iha atu nune’e bele halo selesaun ho rigór no transparánsia ba estudante sira ne’ebé maka ho valór di'ak no tenke priense duni kritériu ne’ebé iha. Nune’e ba futuru bele prodús rekursu ne’ebé kualidade hodi kontribui ba dezenvolvimentu Timor-Leste nian”, dehan Ministru.
Ministru dehan estudante hirak ne’ebé ho valór haatnulu resin neen to neennulu maka merese hodi asesu ba UNTL ho IPB, tan ne’e Ministériu bazeia de'it ba total dadus husi proposta ne'ebé simu husi UNTL.
Serimónia abertura ne’e partisipa husi Prezidente Komisaun ba Koresaun Valór, atual Diretora Jerál Ensinu Superior, Sra. Maria Filomena Lay Guterres, Prezidente Institutu Politékniku Betano, Acacio Cardoso Amaral, Diretór Jerál, Diretór Nasional, Xefe Departamentu no konvidadu sira.
#TimorLeste #UNTL #MESSK 8 Janeiru 2024
Média UNTL 📝: Mario Jonio Mendonça
Foto 📷: Leonia de A. da Costa
- Detalhes
- Escrito por Mateus Goncalves
- Visualizações: 559
Universidade Nacional Timor Lorosa’e (UNTL) nia Magnífiku Reitór Interinu no atuál Visereitór Asuntu Akadémiku no Garantia Kualidade, Profesór Dr. Samuel Venâncio de Sousa Freitas, reuniaun ho Dekanu Faculdade de Educação, Artes e Humanidades (FEAH) ho estrutura iha Salaun reuniaun FEAH nian, (12/01).
Reuniaun refere ho objetivu atu deskuti no partilla kona-ba oinsa asgura Kualidade Akadémika, prosesu akadémika relasiona (Regulamentu Akadémiku), ensinu no aprendizajen (períodu letivu), Kurríkulu Padraun Nasional no Unidade Kurrikulár Transversais nian iha 2024 nian.
Reuniaun ne'e partisipa husi Diretór Jeral Servisu Administrasaun Akadémika Sr. Armindo Leto Fátima, Diretór Diresaun Nasional Avaliasaun Sr. Agostinho Quelo, Diretora Disiplina Transversais Profesora Zelina Roteiro, Diretór Nasional Atendimentu Estudante Sr. Rui Loco Pires, Dekanu FEAH Profesór Dr. Teodoro Soares, diretór departamentu no dosente asistente tékniku sira.
#TimorLeste #UNTL #VRAAGQ #FMCS #DNAA 12 Janeiru 2024
Média UNTL 📝: Altur Ramos
Foto 📷: Mario Jonio M. Mendonça
- Detalhes
- Escrito por Mateus Goncalves
- Visualizações: 452
Universidade Nacional Timor Lorosa’e (UNTL) nia Magnífiku Reitór Interinu no atuál Visereitór Asuntu Akadémiku no Garantia Kualidade, Profesór Dr. Samuel Venâncio de Sousa Freitas, reuniaun ho Dekana Faculdade de Medicina e Ciência da Saúde (FMCS) ho estrutura iha Sala-Aula FMCS nian Kaikoli, Díli (11/01).
Reuniaun ne’e hala’o ho objetivu atu deskuti kona-ba asuntu akadémiku nian relasiona ho kurríkulu fakuldade, nune’e estrutura bele komprende boa prátika iha regulamentu akadémiku nian no hare ba akreditasaun programátika iha desempeñu servisu no dezafiu 2023 hodi sai baze atu garantia kualidade iha 2024 nian.
Partisipa husi Diretór Jeral Servisu Administrasaun Akadémika Sr. Armindo Leto Fátima, Diretór Diresaun Nasional Avaliasaun Sr. Agostinho Quelo, Diretora Disiplina Transversais Profesora Zelina Roteiro, Diretór Nasional Atendimentu Estudante Sr. Rui Loco Pires, Dekana FMCS Profesora Lídia Gomes, diretór departamentu no dosente asistente tékniku sira.
#TimorLeste #UNTL #VRAAGQ #FMCS #DNAA 11 Janeiru 2024
Média UNTL 📝: Laurindo da Cruz Gomes
Foto 📷: Mario Jonio M. Mendonça
- Detalhes
- Escrito por Mateus Goncalves
- Visualizações: 359
Universidade Nacional Timor Lorosa’e (UNTL) nia Diretór Direção Nacional Avaliação Académica e de Garantia da Qualidade Interna (DNAAG-QI) Sr. Agostinho Quelo iha nia knaar fatin Kampus Sentral UNTL nian, Díli (11/01), hatete iha tinan 2024 ne’e bazeia ba planu, Departamentu sanulu resin haat (14) sei hetan avaliasaun programátika husi ANAAA iha 2024.
“Bazeia ba ami-nia planu, ami sei halo reuniaun ho Magnífiku Reitór Interinu nune’e, bele haree fakuldade sira ne’ebé mak preparadu ona atu halo avaliasaun hodi prienxe rekezitu bazeia ba template no indikadór sira ANAAA (Agência Nacional para Avaliação e Acreditação Académica) nian.
Ita bele halo avaliasaun iha tinan ne’e no kursu ne’ebé seidauk prienxe rekezitu husi ANAAA nian ita sei planu fali ba tinan oin. Ami mós sei halo formasaun no disemina informasaun ba fakuldade sira atu bele prepara ba avaliasaun ho di’ak liután”, dehan Diretór Quelo.
Diretór ne’e hateten, iha tinan 2024 tuir planu sei halo avaliasaun ba departamentu sanulu resin haat (14) ne’e husi Faculdade de Educação, Arte e Humanidade (FEAH), Faculdade de Agricultura (FAGRI), Faculdade de Engenharia Ciência e Tecnologia (FECT), Faculdade de Turismo, Arte Indústria e Culturas Creativas (FTAICC), Faculdade de Direito (FADIR).
#TimorLeste #UNTL #DNAAG-QI 12 Janeiru 2024
Média UNTL 📝: Laurindo da Cruz Gomes
Foto 📷: Eugenia de Jesus Guterres
- Detalhes
- Escrito por Mateus Goncalves
- Visualizações: 317
Universidade Nacional Timor Lorosa’e (UNTL), nia Diretora Poliklínika Universitária (PU), Profesora dra. Teresa António Madeira Soares, iha Kampus Sentrál UNTL nian, Díli (10/01), informa katak poliklínika dadaun ne’e bele fó ona atendimentu ba sivitas akadémika hamutuk atus rua hitu 207 ne’ebé halo tratamentu saúde.
Iha entrevista Diretora Poliklínika Universitária hateten, dezde lansamentu no dadaun ne’e poliklínika fó ona atendimentu ba pasiente hahú iha tinan 2023 hamutuk (207) no inísiu tinan 2024 ne’e, hamutuk (10) konsulta refere gratuita ba sivitas akadémika (Dosente, Funsionáriu no Estudante) inkliu família.
“Dadaun ne’e ita-nia poliklínika fó atendimentu ba sivitas akadémika no familia sira, ne’ebé ita hetan ona lisensa husi Ministériu Saúde hodi halo tratamentu ho nivel primariu tuir fasilidade ne’ebé ita iha hanesan farmasia, laboratóriun, konsultóriu, armajen tau aimoruk, eskritóriu no fatin administarasaun”, dehan Profesora Teresa.
Poliklínika Universitária ne'e lokaliza iha Kampus Sentrál UNTL nian, Díli no atendimentu ba sivitas akadémika gratuita tuir área ne’ebé hetan ona lisensa, durante oras servisu nian.
#TimorLeste #UNTL #PoliklínikaUniversitaria 10 Janeiru 2024
Média UNTL 📝: Eugenia de Jesus Guterres
Foto 📷: Agostinho da Cruz