- Detalhes
- Escrito por Mateus Goncalves
- Visualizações: 215
Universidade Nacional Timor Lorosa’e (UNTL) nia Diretór Centro Formação Avansada (CFA) Profesór Apolinário Magno, iha nia kna’ar fatin Kampus Sentral, Díli (18/03), hatete, planu prioridade CFA nian ba 2024 mak (1) formasaun iha area lingua nian (Portugues, Tetun no Lingua Inglesa) ba funsionáriu sira (2) formasaun iha area digitalizasaun (IT), (3) Komunikasaun no utilizasaun ferramenta sira peskiza nian.
“Ami-nia planu ne’ebé iha mak kontinua nafatin formasaun iha área língua nian ba funsionáriu sira hodi kapasita sira iha Língua-Portugueza, Tetun no Ingleza. Alende ne’e ami sei fó formasaun iha área digitalizasaun IT, Komunikasaun no utilizasaun ferramenta iha peskiza nian, atu ita labele hatene de’it iha ita-nia área, maibé ita mós bele aprende tan iha área sira seluk”, dehan Diretór CFA.
Professor Apolinário hatutan CFA mos servisu hamutuk ho English Language Center (ELC) mak oferese formasaun Língua Inglesa ba funsionáriu sira.
‘’Ami mós servisu hamutuk ho ELC hodi fornese kursu língua-Ingleza ba funsionáriu sira, no ami mós halo treinamentu ba profesór sira iha peskiza nian, tanba iha CFA la’ós de’it atu fó formasaun, maibé promove mós profesór sira iha parte peskiza nian”, hatutan.
Diretór mós hatutan, tinan 2024 ne’e CFA servisu hamutuk ho INAP sei fó formasaun ba funsionáriu sira kona-ba jestaun ba traballu ba funsionáriu sira atu jere sira nia tempu ba servisu iha atividade sira.
Média UNTL:
Laurindo da Cruz Gomes
Laurindo da Cruz GomesFoto:
Laurindo da Cruz Gomes
Laurindo da Cruz Gomes- Detalhes
- Escrito por Mateus Goncalves
- Visualizações: 203
Universidade Nacional Timor Lorosa’e (UNTL) liuhusi Direҫão Nacional Avaliaҫão Académica e de Garantia da Qualidade Interna (DNAAG-QI) servisu hamutuk ho Agência Nacional para Avaliaҫão e Acreditaҫão Academica (ANAAA) hodi disemina informasaun ba fakuldade sira ne’ebé atu halo re-avalia husi ANAAA, durante loron (18 to’o 22 Marsu 2024).
Diretór DNAAG-QI, Sr. Agostinho Quelo, iha salaun FCE, Balide Díli (18/3) hateten, formasaun refere atu disemina informasaun ba fakuldade sira ne’ebé sei halo re-avalia husi ANAAA iha tinan akadémika 2024 ne’e.
“Formasaun ida-ne’e atu haree fila fali rekomendasaun anterior ne’ebé avaliadór sira rekomenda mai UNTL karik iha mudansa balu ita presiza tau iha relatóriu. Nune’e ita bolu formador sira husi ANAAA hodi fahe informasaun no koñesimentu ne’ebé iha hodi prienxe relatóriu template ne’ebé iha’’, dehan Diretór.
Iha fatin hanesan formadora Ofisial Qualidade ANAAA, Sra. Dircia Belo hateten objetivu husi formasaun ne’e atu fahe informasaun ba fakuldade liuliu ba departamentu hitu atu hakat ba akreditasaun no avaliasaun.
“Iha tinan lima liu ba sira halo ona avaliasaun no iha tinan ida-ne’e sira sei iha re-avaliasaun ba II siklu ba kursu hitu ne’e, tanba ne’e mak ita prepara no akompaña hodi haree fila fali rekomendasaun sira hodi hadia diak liu tan no husi formasaun loron lima ne’e oinsa sira prienxe relatoriu auto-avaliasaun tuir estandarte sanulu ne’ebé ANAAA iha’’, dehan.
Formasaun ne’e partisipa husi FEAH nia departamentu haat hanesan Biologia, Kímika, Fisika no Língua Inglesa, FTAICC nia Departamento de Comércio e Turismo, FECT nia Departamento de Engenharia Mecánica e Engenaria Electrónika no FFCH nia Departamento de Filosofia.
Média UNTL: Eugenia de Jesus
Eugenia de JesusFoto: Laurindo da Cruz
Laurindo da Cruz- Detalhes
- Escrito por Mateus Goncalves
- Visualizações: 144
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, enkontru ho S.E Vice-Primeiro Ministro, Ministro Coordenador dos Asuntos Sociais e Ministro do Desenvolvimento Rural e Habitação Comunitaria, Eng. Mariano Asanami Sabino, iha Gabinete-VPM nian, Palácio do Governo, Díli (18/03).
Enkontru ne'e ho objetivu atu haree prosesu tranzisaun Kursu Medisina Jerál ne’ebé dadaun ne’e responsabiliza husi Cuba mai iha UNTL, maibé sei halo uluk transferensia área rekursu umanu, kurríkulu no infraestrutura. Liuhusi tranferénsia ne'e Timoroan sira mak sei responsabiliza no jere kursu ne'e ba oin.
Partisipa husi, Visereitór ba Asuntu Akadémika no Garantia Kualidade, Profesór Samuel Venâncio de Sousa Freitas, Dekana FMCS, Profesora, Lídia Gomes, S.E. Ministra Saúde, dra. Elia dos Reis Amaral, S.E. Ministru Ensinu Superior Siénsia no Kultura, S.E. José Honorio da Costa Pereira Jerónimo, tékniku no dosente Cubanu sira.
Média UNTL: Denilson Amandio Barros
Denilson Amandio BarrosFoto: Domingos Amaral
Domingos Amaral- Detalhes
- Escrito por Mateus Goncalves
- Visualizações: 169
Universidade Nacional Timor Lorosa’e (UNTL) nia Magnifiku Reitór Profesór dr. João Soares Martins, MPH, Ph.D hala’o enkontru ho Diretór JICA (Japan Internacional Cooperation Agency) nian iha Timor-Leste, Sr. Ito Mimpei, hodi deskuti kona-ba kursu mestradu iha área Enjeñaria nian.
Enkontru ne’e lokaliza iha Sala-Videokonferénsia UNTL nian, Díli (18/03) ho objetivu atu deskuti kona-ba loke kursu mestradu iha área enjeñaria nian, ne’ebé sei apoiu orsamentu husi JICA inklui prepara fasilidade sira ne’ebé sei utiliza.
Partisipa iha enkontru ne’e Visereitór ba Asuntu Pós-Graduasaun no Peskiza nian, Profesór Afonso de Almeida, Visedekanu ba Asuntu Akadémiku, Faculdade Engeñaria Ciênçia no Tecnologia nian, Tomas Soares Xavier, no ekipa husi JICA nian.
Média UNTL: Leonia de A. da Costa
Leonia de A. da CostaFoto: Leonia de A. da Costa
Leonia de A. da Costa- Detalhes
- Escrito por Mateus Goncalves
- Visualizações: 166
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins MPH, Ph.D, simu vizita Visereitora ba Asuntu Akadémika husi Universitas Nusa Cendana (UNDANA) Kupang, Annytha Ina Rohi Detha, iha Gabinete Reitór nian, Díli (15/03).
Objetivu husi vizita ne'e, atu konvida UNTL hodi halo konferénsia hamutuk ho UNDANA ne'ebé sei hala'o iha fulan Outubru iha RAEOA no parte rua mós deskuti kona-ba estudu komunitária ba estudante sira ne'ebé sei halo iha fronteira. Aleinde ne’e koalia mos kona-ba atu halo interkámbiu entre dosente UNTL no dosente UNDANA nian.
Partisipa iha vizita ne'e Visereitora ba Asuntu Estudantís Profesora Lígia Tomás Correia, Visereitór ba Asuntu Pós-Graduasaun no Peskiza Profesór Afonso de Almeida, Proreitór ba Asuntu Kooperasaun Profesór Tomé Xavier Jerónimo no ekipa husi UNDANA.
Média UNTL: Denilson Amandio Barros
Denilson Amandio BarrosFoto: Denilson Amandio Barros, Domingos Amaral
Denilson Amandio Barros, Domingos Amaral