- Detalhes
- Escrito por Mateus Goncalves
- Visualizações: 122
Universidade Nacional Timor Lorisa'e (UNTL) nia Magnífiku Reitór Profesór dr. João Soares Martins, MPH, Ph.D asina akordu ho Ministériu Saúde (MS), Hospital Nacional Guido Valadares (HNGV) no Prezidente Institutu Nacional Saúde Públika (INSP), iha sala-enkontru Palácio de Cinzas, Dili (26/03) hodi koopera iha Programa Família Médiku, programa ne'ebé apoiu husi Australian Goverment nia Departament of Foreing Affairs and Trade (AGPFAT).
"Programa Família médiku ne'e iha tinan 2014 UNTL hamutuk ho Ministériu Saude no Embaixada Australia inísia, maibé paradu tiha, ha'u hanoin to'o ona tempu para ita reforsa pesoal saúde sira iha área jestaun no klinika nian.
Formasaun ne'e ho durasaun tinan rua, no UNTL nia responsabilidade mak atu haree katak, sira tenke termina formasaun ho mínimu 60 ICTS hodi kualifika hanesan pós graduado", dehan Reitór liuhusi entrevista.
Iha fatin hanesan, Vise-Ministru Fortalecimento Instituisional Saúde (VMFIS) nian, S.E. José dos Reis Magno hatete, akordu ne’e importante tebes hodi koopera iha programa família médiku, tanba iha postu saúde no klinika seidauk iha médiku senior, tanba ne'e importante tebes atu apoiu pesoal saúde sira sira liuhusi formasaun iha área jestaun no klínika nian.
"Ohin ita asina akordu ho parte tolu, hodi koopera iha programa família médiku, ha'u hanoin programa ne'e importante tebes hodi apoiu ita-nia pesoal saúde sira, iha área jestaun no klinika nian, tanba ita-nia postu saúde sira seidauk iha senior hodi koloka fasilidade sira, no programa ne'e ho formasaun durante tinan rua, ita sei oferese uluk ba ema na'in 25", dehan Vise-Ministru.
Iha serimónia asina akordu husi parte haat mak hanesan, Ministériu Saúde reprezenta husi Vise Ministru Fortalecimento Instituisional Saúde (VMFIS) nian, Sr. José dos Reis Magno, Prezidente INSP-TL, Dra. Merita Antonia Armindo Monteiro, Diretora Ezekutivu nu'udar mós prezidente Konsellu Diretiva HNGV, Sra. Cécilia Barros Mendonça.
Partisipa husi Visereitór ba Asuntu Pósgraduasaun no Peskiza nian, Profesór Afonso de Almeida, Proreitór ba Asuntu Kooperasaun, Profesór Tomé Xavier Jerónimo, Dekana Faculdade de Medicina Ciência da Saude, Profesora Lídia Gomes no konvidadu sira.
Média UNTL 
: Leonia de A. da Costa
: Leonia de A. da CostaFoto 
: Eugenia de Jesus
: Eugenia de Jesus- Detalhes
- Escrito por Mateus Goncalves
- Visualizações: 166
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, ho S.E. Vice-Primeiro Ministro, Ministro Coordenador dos Asuntos Sociais e Ministro do Desenvolvimento Rural e Habitação Comunitaria, Eng. Mariano Asanami Sabino, halo abertura ba enkontru trimestrál ho tema “Papél Auditoria no Inspesaun Hodi Garante Servisu Administrasaun Públiku ne'ebé Kualidade Transparente no Imparsial”.
"Agradese ba Vice-Primeiru Ministru nia disponibilidade hodi partisipa iha eventu ne'e, no papél auditoria inspetór ne'e importante atu garante ita-nia instituisaun rasik nomós xefia sira ne'ebé hola parte iha administrasaun públiku estadu nian. Nune’e, bele servisu ho di'ak no responsabiliza hodi bele kria oportunidade hanesan ba sidadaun Timor-Leste", dehan Reitór iha, Auditóriu FECT Hera, Dili (26/03).
Reitór dezeja katak, liuhusi diskusaun ne'e instituisaun hotu atu bele partilla esperiénsia nune'e bele hariku liután dezempeñu hodi garante servisu administrasaun di'ak ba povu tomak.
Iha fatin hanesan S.E. Vice-Primeiro Ministro, Ministro Coordenador dos Asuntos Sociais e Ministro do Desenvolvimento Rural e Habitação Comunitaria, Eng. Mariano Asanami Sabino, hateten enkontru ne'e importante atu bele avalia servisu ne'ebé presiza halo di'ak liután ba iha inspetór auditoria hodi asegura implementasaun ho kualidade.
"Auditoria no inspesaun ne'e la'ós de'it haree tuir ezekutador sira depois mak halo avalia iha loron ikus, maibé tenki akompaña husi inísiu planeamentu ne'e loos ka lae atu imi bele kontribui no fó ideia tuir duni vizaun jeral estadu nian ne'ebé hatur iha Planu Estratéjiku Dezenvolvimentu Nasionál (PEDN)", tenik VPM.
Eventu ne'e organiza husi, Gabinete Pro-Reitor para Assunto de Inspeção Auditoria e Controlo Qualidade (PPAIACQ) no partisipa husi PPAIACQ nia Proreitór Profesór Rosalino Gomes, reprezentante husi Liña Ministerial sira, Funsionáriu PPAIACQ nian no konvidadu sira.
Média UNTL : Denilson Amandio Barros
: Denilson Amandio BarrosFoto : Domingos Amaral
: Domingos Amaral
- Detalhes
- Escrito por Mateus Goncalves
- Visualizações: 158
Universidade Nacional Timor Lorosa'e (UNTL), nia Magnífiku Reitór Profesór dr. João Soares Martins, MPH, Ph.D, hamutuk ho estrutura, enkontru ho S.E. Prezidente Repúblika, Dr. José Ramos Horta, hodi diskuti kona-ba progresu universidade nian.
Enkontru ne'e, hala'o iha Gabinete Prezidente nian, Palácio Presidencial, Aitarak Laran, Díli (25/03), ho objetivu atu haree ba progresu universidade nian, liuliu investimentu ba infraestrutura.
Aleinde ne'e mós, informa ba Prezidente Repúblika, atu partisipa iha aniversáriu UNTL nian, ba dala ruanulu resin lima (25) ne'ebé sei hala'o iha fulan novembru tinan 2024.
Partisipa iha enkontru ne'e, Visereitór sira, Eis-Reitór UNTL nian, Dr. Armindo Maia no Diretór Jerál Servisu Apoiu Reitoria Sr. Jacinto H.S. Belo.
Média UNTL: Denilson Amandio Barros
Denilson Amandio BarrosFoto: Denilson A. Barros, Domingos Amaral
Denilson A. Barros, Domingos Amaral- Detalhes
- Escrito por Mateus Goncalves
- Visualizações: 175
Universidade Nacional Timor Lorosa’e (UNTL) liuhusi Gabinete Visereitoria para Assuntos Estudantís nia Gabinete dos Asuntos Relasionados Quetoes Política de Gênero (GARQPG) servisu hamutuk ho UN Women realiza enkontru trimestral hamutuk ho Grupu Traballu Tékniku Inisiativa Kampus Seguru, iha Auditóriu FEG nian, Díli (26/03), hodi diskute planu atividade 2024 nian.
Objetivu husi enkontru ne’e atu deskute planu ba atividade inisiativa kampus seguru nian ba Tinan 2024 nian hanesan (1) haforsa seguransa kampus seguru no Prátika inkluziva no la-diskrimina ba kampus ne’e atu livre husi violénsia, (2) UNTL dezenvolve kapasidade individuál no institutionál hodi hasa’e investimentu ho sensivel bazeia ba Jéneru, (3) Suporta Servisu Akonsellamentu.
Partisipa husi Visereitora ba Asuntu Estudantís Profesora Lígia Tomás Correia, Ekipa husi UNwomen no Grupu Traballu Tékniku Inisiativa Kampus Seguru.
Média UNTL : Laurindo da Cruz Gomes
: Laurindo da Cruz GomesFoto : Laurindo da Cruz Gomes
: Laurindo da Cruz Gomes- Detalhes
- Escrito por Mateus Goncalves
- Visualizações: 172
Universidade Nacional Timor Lorosa'e (UNTL), nia Magnífiku Reitór Prof. dr. João Soares Martins MPH, Ph.D partisipa iha lansamentu Akreditasaun Institusionál no Programátiku tinan 2024 nian ne’ebé realiza husi Agência Nacional para Avaliação e Acreditação Académica ( ANAAA), iha salaun enkontru Pusat Budaya Indonesia, Mascarenhas, Díli (22/03).
Iha lansamentu ne'e, ANAAA apresenta kursu hamutuk tolunulu resin rua (32) husi intituisaun ensinu superior públiku no privadu, inklui UNTL nia kursu hamutuk 14 ne’ebé mak sei hetan avaliasaun iha tinan 2024 ne'e.
Lansamentu ne'e akompaña husi Visereitór ba Asuntu Akadémiku no Garantia Kualidade Profesór Dr. Samuel Venâncio de Sousa Freitas, Proreitór ba Asuntu Kooperasaun Mestre Tomé Xavier, Diretora Jeral Ensinu Superior Maria Filomena Lay, Diretór Ezekutivu ANAAA ho nia ekipa, Reitór husi Instituisaun Ensinu Superior Públiku no privadu sira.
Média UNTL: Laurindo da Cruz Gomes
Laurindo da Cruz GomesFoto: Mario Jónio Mendonça
Mario Jónio Mendonça